உலக நாயகன் கமல்ஹாசனின் இரண்டாவது மகள் அக்ஷரா ஹாசன். முதல் மகள் ஸ்ருதிஹாசன் பல ஆண்டுகளுக்கு முன்பாகவே திரைத்துரையி்ல் அறிமுகமாகி, ஹீரோயினாக நடித்து வந்த நிலையில் சில ஆண்டுகளுக்கு முன்பு அக்ஷரா ஹாசனும் நடிக்கத் தொடங்கியிருந்தார். 

இந்நிலையில் சில வருடங்களுக்கு முன்பு பாலிவுட் நடிகர் தனுஜ் விர்வானியை காதலிப்பதாகவும் இருவரும் டேட்டிங்கில் இருப்பதாகவும் செய்திகள் வெளியாகின. அப்படி என்னதான் இந்த காதல் கதை என பார்ப்போம்.

இரண்டு ஆண்டுகளுக்கு முன்பாக நடிகை ஸ்ருதிஹாசன் தனுஷ் உள்பட சில நடிகர்களுடன் காதல் கிசுகிசுக்கள் வெளியாகின. அதில் சிலவற்றுக்கு அவர் மறுப்பும் தெரிவித்தார். சில விமர்சனங்களைக் கண்டு கொள்ளவும் இல்லை. அதேபோல நடிகை அக்ஷராஹாசனுக்கும் பாலிவுட் நடிகர் தனுஜ் விர்வானியுடன் காதல் என பரபரப்பாக பேசப்பட்டது.

ஓரிரு ஆண்டுகளுக்கு முன்பாக அக்ஷரா ஹாசனும் தனுஜ் விர்வானியும் நெருக்கமாக இருக்கும் சில புகைப்படங்கள் இணைய தளங்களில் வெளியாகி பரபரப்பை ஏற்படுத்தியது.

அதைப் பற்றி ஊடகங்கள் பேச ஆரம்பித்த பிறகு தான் அவர்கள் இருவரும் பரஸ்பரம் பிரிந்து விட்டதாகவும் இவை அதற்கு முன்பு அவர்கள் காதலில் இருந்த போது எடுத்துக் கொண்ட புகைப்படங்கள் என்பதும் தெரிய வந்தது.

​புகைப்படங்கள் பற்றிய பரபரப்பு

இருவரும் நெருக்கமாக இருக்கும் புகைப்படங்கள் வெளியான சில மாதங்கள் வரையிலும் தொடர்ச்சியாக இந்த கேள்விகள் தனுஜ் விர்வானியை நோக்கி ஊடகங்களில் இருந்து வந்து கொண்டே இருந்தன.

அதை தான் வெளியிடவில்லை என்ற சொன்னதோடு ஒருவேளை அக்ஷரா வெளியிட்டிருக்கலாம் என்ற சந்தேகம் தனுஜ்க்கு வரவே அவர் உடனே அக்ஷராவிடம் போன் செய்து கேட்க, அக்ஷராவோ இதை நான் வெளியிடவில்லை என்றும் தெரிவித்தார்.

​கடைசி உரையாடல்

அந்த புகைப்படங்கள் குறித்து இருவரும் விசாரித்துக் கொண்ட போன் கால் தான் அவர்களுக்குள் நடந்த கடைசி உரையாடல்.

அந்த சமயத்தில் அக்ஷரா தன்னுடைய தந்தை அரசியல் கட்சி தொடங்கப் போகிறார். நாங்கள் அதில் கவனம் செலுத்திக் கொண்டிருக்கிறோம். இந்த புகைப்பட விவகாரம் இப்போது புதிய தலைவலியாக வந்திருக்கிறது. எனக்கு இதற்கெல்லமாம் நேரமில்லை என்று சொல்லி போனை கட் செய்திருக்கிறார். அதன்பிறகு இருவரும் பேசிக்கொள்ளவே இல்லையாம்.

​ஒத்துப் போகவில்லை…

இருவருக்கும் ஆரம்பத்தில் சரியான புரிதல்கள் இருந்தன. ஆனால் ஒருகட்டத்தில் இருவருக்கும் நிறைய கருத்து முரண்பாடுகள் உண்டாகின.

அதனால் இருவரும் சேர்ந்து தான் பிரிவதாக முடிவெடுத்து பிரிந்தோம். இனிமேல் எப்போதும் நாங்கள் இருவரும் பேசிக்கொள்ளப் போவதே இல்லை என்று தனுஜ் சமூக வலைத்தளங்களில் பதிவுகளைப் போட்டிருந்தார்.

​பெற்றோர்கள் கண்டிப்பு

இருவரும் தங்களுடைய கெரியரில் முதலில் கவனம் செலுத்துங்கள் என்று இருவருடைய பெற்றோரும் கண்டித்திருக்கிறார்கள்.

ஏனெனில் தனுஜ் சினிமாவில் அறிமுகமான முதல் படமான லவ் யூ சோனியோவும் எதிர்பார்த்த அளவு வெற்றி பெறவில்லை. அதேபோல அக்ஷராவின் முதல் பாலிவுட் படமும் வெற்றி பெறவில்லை. ஆனால் தனுஜின் அம்மா ரதி அக்னிகோத்திரியும் அக்ஷராவின் அப்பா கமல்ஹாசனும் சேர்ந்து நடித்த ஏக் துஜே கே லியே படம் சூப்பர் ஹிட். அதனாலேயே இருவரும் அவரவர் கெரியரில் கவனம் செலுத்துங்கள் என இரு தரப்பிலிருந்தும் அறிவுரை வழங்கப்பட்டு இருக்கிறது. அதனால் இருவரும் பரஸ்பரம் பிரிந்துவிட்டதாக கூறப்படுகிறது