அஜித் குமாரின் “துணிவு” இன்று இரவு 12 மணிக்கு Netflix-ல்!!ரசிகர்கள் கொண்டாட்டம்…
அஜித் நடிப்பில் பொங்கலுக்கு ரிலீசான துணிவு திரைப்படம் சக்கை போடு போட்டு வருகின்றது. அஜித் ரசிகர்கள் மட்டுமின்றி அனைத்து சினிமா ரசிகர்களின் ஆதரவையும் இப்படம் பெற்றுள்ளது. எச் வினோத்தின் இயக்கத்தில், போனி கபூர் தயாரிப்பில் வெளியான துணிவு படம் ஒரு ஆக்ஷன் படமாகும். இதில் அஜித் மாஸ் காட்டியுள்ளார். அஜித் ரசிகர்கள் பூரித்துப்போகும் அளவுக்கு படம் பிரம்மாண்டமாக அமைந்துள்ளது. மஞ்சு வாரியர், சமுத்திரகனி, ஜான் கொக்கேன், பிக்பாஸ் பிரபலங்கள் பாவனி, அமீர், சிபி சக்ரவத்தி உள்ளிட்ட பலர் இப்படத்தில் நடித்துள்ளனர். மேலும் ஜிப்ரான் இசையில் வெளியான 3 பாடல்களும் இப்படத்தில் ஹிட் அடித்தது.
துணிவு ஓடிடி ரிலீஸ்
தற்போது அஜித்தின் துணிவு திரைப்படம் வெளியாகி 25 நாட்களை கடந்த நிலையில் தற்போது இந்த படத்தின் ஓடிடி ரிலீஸ் தேதி குறித்த அறிவிப்பு வெளியாகி உள்ளது. அதன்படி நெட்பிளிக்ஸ் ஓடிடி தளத்தில் ‘துணிவு’ திரைப்படம் வரும் 8-ம் தேதி வெளியாக உள்ளதாக அறிவிக்கப்பட்டுள்ளது. திரையரங்கில் இந்த படம் மிகப்பெரிய வரவேற்பு பெற்றது போலவே ஓடிடியிலும் நல்ல வரவேற்பு பெரும் என்று படக்குழுவினரால் எதிர்பார்க்கப்படுகிறது. இதற்காக நெட்பிளிக்ஸ் வீடியோ ஒன்றை வெளியிட்டு இந்த அப்டேட்டை தெரிவித்துள்ளனர்.