வழக்கமான முட்டைக்கோசு விட சிவப்பு முட்டைக்கோசு மீது அதிக சிறப்பம்சங்கள் உள்ளன. வேறு வார்த்தைகளில் கூறுவதானால், சிவப்பு முட்டைக்கோசில் வைட்டமின் ஈ நிறைந்துள்ளது. இவை உடலின் நோய் எதிர்ப்பு சக்தியை அதிகரிக்கும் மற்றும் புற்றுநோயைத் தடுக்கும். குறிப்பாக சிவப்பு மற்றும் ஊதா முட்டைக்கோஸ் அல்சருக்கு மிகவும் நல்லது.

எனவே அல்சரால் பாதிக்கப்பட்டுள்ளோர், சிவப்பு நிற முட்டைக்கோஸை பொரியல் செய்து சாப்பிட்டு வந்தால், அல்சரைப் போக்கலாம். இங்கு அந்த சிவப்பு நிற முட்டைக்கோஸ் பொரியலின் செய்முறை கொடுக்கப்பட்டுள்ளது.

தேவையான பொருட்கள்:

ஊதா/சிவப்பு நிற முட்டைக்கோஸ் – 2 கப் (நறுக்கியது)
வெங்காயம் – 1/2 கப்
பச்சை மிளகாய் – 2
கடுகு – 1/2 டீஸ்பூன்
சீரகம் – 1/2 டீஸ்பூன்
உளுத்தம் பருப்பு – 1 டீஸ்பூன்
உப்பு – தேவையான அளவு
எண்ணெய் – தேவையான அளவு
துருவிய தேங்காய் – சிறிது (விருப்பமிருந்தால்)
கொத்தமல்லி – சிறிது

செய்முறை

முதலில் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு, சீரகம், உளுத்தம் பருப்பு சேர்த்து தாளிக்க வேண்டும்.

பின்னர் அதில் வெங்காயம் மற்றும் பச்சை மிளகாய் சேர்த்து 1 நிமிடம் நன்கு வதக்க வேண்டும்.

பின்பு நறுக்கி வைத்துள்ள முட்டைக்கோஸை சேர்த்து நன்கு 5 நிமிடம் கிளறி, பின் ஒரு கையளவு தண்ணீர் தெளித்து, மூடி வைத்து, 10 நிமிடம் வேக வைக்க வேண்டும்.

காரைக்குடி சிக்கன் வறுவல்காரைக்குடி சிக்கன் வறுவல்

பிறகு அதில் தேவையான அளவு உப்பு சேர்த்து கிளறி, துருவிய தேங்காயை சேர்த்து பிரட்டினால், பொரியலானது நீல நிறத்தில் மாறும். பின் அதில் கொத்தமல்லியை தூவி அலங்கரித்தால், ஊதா/சிவப்பு நிற முட்டைக்கோஸ் பொரியல் ரெடி!!!