ஆண்கள் தலைமுடியை ஆரோக்கியமாக பராமரிக்க வேண்டும் என்று நினைத்து விட்டால் கண்டிப்பாக தங்களுக்கு என தனி ஷாம்புக்களை பயன்படுத்த வேண்டும். கிடைத்த எல்லாம் ஷாம்புகளையும் பயன்படுத்தினால் முடி உதிர்வு பிரச்சனை என்பது கண்டிப்பாக இருக்கும். சந்தைகளில் கிடைக்கக்கூடிய தரமான மற்றும் கெமிக்கல் அதிகம் கலக்காத ஷாம்புகளை பயன்படுத்தலாம். ஷாம்புவின் வாசனையை வைத்து ஷாம்புவை தேர்ந்தெடுக்காதீர்கள். ஏனெனில் அது உங்கள் முடியை பாதிப்படைய செய்யலாம். தரமான மற்றும் இரசாயனம் கலக்காத வாசனை இல்லாத ஷாம்புக்கள் முடி ஆரோக்கியத்தை மேம்படுத்த உதவும்.

நமது உச்சந்தலையில் ஈரப்பதம் இருக்கும் வரை முடி உதிர்வு போன்ற பிரச்சனைகள் ஏற்படாது. ஆனால் நமது உச்சந்தலை வறண்டு காணப்படும் போது பொடுகு போன்ற பாதிப்புகளால் அதிக முடி உதிர்வு ஏற்படுகிறது. உச்சந்தலையில் வறட்சி ஏற்படுவதற்கு முக்கிய காரணம் நீர் சத்து குறைபாடு. எத்தனை தான் முடி பராமரிப்பு முறைகளை நீங்கள் பின்பற்றினாலும் நீர்ச்சத்துக் குறைபாடு இருந்தால், அது எதுவும் பலன் அளிக்காது. எனவே தினசரி நமது உடலுக்கு தேவையான தண்ணீரை அருந்த வேண்டும் என்பதை உறுதிப்படுத்திக் கொள்ளுங்கள்.

• ஆண்கள் அழகான முடி வேண்டும் என்று விரும்பினால் மட்டும் பத்தாது. அதனை சரியாக பராமரிக்கவும் செய்ய வேண்டும்.
• ஆண்கள் தலையில் எண்ணெய் தேய்ப்பதே இல்லை. எண்ணெய் அவசியம்.
• பிரஷ் போன்ற சாதனங்களை தலைமுடியில் பயன்படுத்தக் கூடாது.
• சூடான நீரில் குளிக்க கூடாது.
• வாரத்திற்கு ஒரு முறையாவது எண்ணெய் தேய்த்து குளிக்க வேண்டும்.
• முடிக்கு ஊட்டச்சத்துக்களை வழங்கக்கூடிய உணவுகளை உட்கொள்ள வேண்டும்.
• குளிப்பதற்கு முன் சிறிது நேரம் தலையில் மசாஜ் செய்வது முடி ஆரோக்கியத்தை மேம்படுத்த உதவும்.
• முறையான பராமரிப்பு இருந்தால் முடி உதிர்வு, பொடுகு தொல்லை போன்ற பிரச்சினைகள் அறவே இருக்காது என்பது குறிப்பிடத்தக்கது.