கொண்டாட்டம்

மணிரத்னம் இயக்கத்தில் இன்று உலகம் முழுவதும் வெளியாகியுள்ள திரைப்படம் பொன்னியின் செல்வன். இன்று காலை 4 மணிக்கு சிறப்பு காட்சியுடன் படம் ரிலீஸ் ஆன நிலையில் படத்தை பார்த்த ரசிகர்கள் கொண்டாடி வருகின்றனர்.

யாரும் சோடை போகவில்லை

படம் எதிர்பார்த்ததை விட சூப்பராக இருப்பதாகவும், விஷுவல் விருந்து என்றும் புகழ்ந்து வருகின்றனர். பெரும் நட்சத்திர பட்டாளம் நடித்துள்ள இப்படத்தில் யாருமே சோடை போகவில்லை எல்லோரும் அவரவர் கதாப்பாத்திரங்களை சிறப்பாக செய்துள்ளனர் என பாராட்டி வருகின்றனர்.

தமிழ் நாட்டில் கிடைத்துள்ள வரவேற்பை போன்றே மற்ற மாநிலங்களிலும் பொன்னியின் செல்வன் படத்திற்கு நல்ல வரவேற்பு கிடைத்துள்ளது. சமூக வலைதளங்களில் பொன்னியின் செல்வன், பொன்னியின் செல்வன் கதாப்பாத்திரங்கள், மணிரத்னம் என பல ஹேஷ்டேக்குகளை ட்ரெண்ட் செய்து வருகின்றனர்.

இந்திய அளவில்

#PonniyinSelvan #PonniyinSelvan1 #AdithaKarikalan #ArunmozhiVarman #TrishaKrishnan #PonniNadhi #பொன்னியின்_செல்வன் செல்வன் ஆகிய ஹேஷ்டேக்குகள் இந்திய அளவில் ட்ரெண்டாகி வருகின்றனர். ஏற்கனவே பொன்னியின் செல்வன் படத்தின் 2 வாரங்களுக்கான டிக்கெட் முன்பதிவு நிறைவடைந்த நிலையில் பாஸிட்டிவ் விமர்சனங்கள் படக்குழுவை மகிழ்ச்சியில் ஆழ்த்தியுள்ளது.