கடந்த 20 ஆண்டுகளுக்கும் மேலாக தமிழ் திரையுலகில் நாயகியாக நடித்து வரும் நடிகை த்ரிஷா தற்போதும் அதிக படங்களை கைவசம் வைத்திருக்கும் பிசியான நடிகையாக உள்ளார் என்பதும் அஜித் உடன் ’விடாமுயற்சி’ கமல்ஹாசன் உடன் ‘தக்லைஃப்’, மோகன்லால் உடன் ’ராம்’ நிவின் பாலுடன் ‘ஐடெண்டிட்டி’ மற்றும் சிரஞ்சீவி உடன் ’விஸ்வாம்பரா’ உள்ளிட்ட படங்களில் நடித்து வருகிறார் என்பதும் தெரிந்தது.

இந்த நிலையில் மெகா ஸ்டார் சிரஞ்சீவியுடன் த்ரிஷா நடித்து வரும் ’விஸ்வாம்பரா’ என்ற திரைப்படத்தில் அவர் இரட்டை வேடத்தில் நடித்து வருவதாக தகவல் வெளியாகியுள்ளது. மேலும் அவர் நடிக்கும் இரண்டு கேரக்டர்களும் படத்திற்கு முக்கியத்துவம் வாய்ந்த கேரக்டர் என்றும் இந்த படம் தெலுங்கு திரை உலகில் அவருக்கு ஒரு மிகப்பெரிய திருப்புமுனையை ஏற்படுத்தும் என்று கூறப்படுகிறது.

இந்த படத்தில் நடிகை த்ரிஷா இரட்டை வேடத்தில் நடிப்பது உறுதி செய்யப்படவில்லை என்றாலும் படக்குழுவினர்களிடம் இருந்து கசிந்த தகவலின் படி த்ரிஷா இரட்டை வேடத்தில் நடித்து வருகிறார் என்றும் அவரது கேரக்டர்கள் கதைக்கு மிகுந்த முக்கியத்துவம் கொடுத்துள்ளதாகவும் கூறப்படுகிறது

மேலும் இதற்கு முன் நடிகை த்ரிஷா, கடந்த 2018ஆம் ஆண்டு வெளியான ‘மோகினி’ என்ற படத்தில் இரட்டை வேடத்தில் நடித்த நிலையில் மீண்டும் அவர் இரட்டை வேடங்களில் நடித்து வருகிறார் என்பது குறிப்பிடத்தக்கது.