இரவின் நிழல் பார்த்திபன் படத்தை பாராட்டிய ரஜினி! மேக்கிங்கை பார்த்து மெய் சிலிர்த்துவிட்டேன்..
ஒத்த செருப்பு திரைப்படத்திற்கு பிறகு பார்த்திபன் இயக்கி நடித்திருக்கும் திரைப்படம் இரவின் நிழல். இப்படத்தை சாதனை முயற்சியாக ஒரே ஷாட்டில் படமாக்கி இருக்கிறார் பார்த்திபன்.
94 நிமிடம் 36 நொடிகள் உள்ள இப்படம் ஒரே ஷாட்டில் காட்சியாக்கப்பட்டுள்ளது. இரவின் நிழல் படம் நாளை ரிலீஸ் ஆகிறது. அதற்குள் ப்ரிவியூ ஷோவை பார்த்த மீடியாக்கள் படம் குறித்த விமர்சனத்தை பதிவு செய்து வருகிறது.
இந்நிலையில் நடிகர் ரஜினிகாந்த் இரவின் நிழல் படத்தை பாராட்டி பேசியுள்ள வீடியோ வைரலாகி வருகிறது. அந்த வீடியோவில் பேசியுள்ள ரஜினிகாந்த், ஒவ்வொரு முறையும் ஒரு தனித்துவமான படத்தை உருவாக்கும் பார்த்திபனின் முயற்சியை புகழ்ந்துள்ளார்.
படத்தின் 29 நிமிட மேக்கிங் வீடியோவைப் பார்த்து தான் மெய் சிலிர்த்து விட்டதாகவும் நடிகர் ரஜினிகாந்த் தெரிவித்துள்ளார். உலகிலேயே முதன்முறையாக ஒரே ஒரு ஷாட்டை நான்-லீனியராக மாற்றிய பார்த்திபனின் முயற்சியைப் பாராட்டியுள்ள ரஜினிகாந்த் மொத்த டீமும் வெற்றிபெற வாழ்த்தியுள்ளார்.