ஒரே புகைப்படத்தில் இரண்டு லேடி சூப்பர் ஸ்டார் இருக்கும் புகைப்படம் தற்போது இணையத்தில் வைரல் ஆகி வருகிறது

தமிழ் திரையுலகில் லேடி சூப்பர் ஸ்டார் நயன்தாரா மற்றும் மலையாள திரையுலகில் லேடி சூப்பர் ஸ்டார் மஞ்சு வாரியர் இருவரும் இணைந்து எடுத்த புகைப்படம் தான் தற்போது இணையத்தில் வைரல் ஆகி வருகிறது.

நடிகை நயன்தாரா கடந்த 20 ஆண்டுகளாக தமிழ் திரையுலகில் முன்னணி நடிகையாக இருந்து வரும் நிலையில், அவருக்கு முன்னரே நடிகை மஞ்சு வாரியர் மலையாளத்தில் நடித்து வருகிறார். இருப்பினும் இடையில் சில ஆண்டுகள் இவர் திரையுலகில் இருந்து விலகி அதன் பின்னர் மீண்டும் கடந்த 10 ஆண்டுகளாக பல திரைப்படங்களில் நடித்து வருகிறார் என்பதும் குறிப்பாக தமிழில் ‘அசுரன்’ திரைப்படத்தில் நடித்த அவர் தற்போது ரஜினிகாந்த் நடித்து வரும் ’வேட்டையன்’ மற்றும் ‘விடுதலை 2’ படங்களில் நடித்து வருகிறார்.

இந்த நிலையில் சமீபத்தில் நயன்தாரா மற்றும் மஞ்சு வாரியர் இருவரும் இணைந்த புகைப்படத்தை மஞ்சு வாரியர் தனது இன்ஸ்டாகிராம் பக்கத்தில் வெளியிட்டுள்ளார். 20 வருடங்களுக்கு மேல் இருவரும் திரை உலகில் இருந்தாலும் இதுவரை இருவரும் இணைந்து நடித்ததில்லை என்பதும் ஒரு திரைப்பட விழாவில் கூட இருவரும் சேர்ந்து கலந்து கொண்டதில்லை என்பது குறிப்பிடத்தக்கது.

இந்த நிலையில் இருவரும் இணைந்த இந்த புகைப்படத்தை மஞ்சு வாரியர் பகிர்ந்து உள்ளதை அடுத்து இந்த புகைப்படத்திற்கு லட்சக்கணக்கில் லைக்ஸ் மற்றும் ஆயிரக்கணக்கில் கமெண்ட்ஸ் குவிந்து வருகிறது என்பது குறிப்பிடத்தக்கது.