உலக நாயகன் கமல்ஹாசன் நடிப்பில் லோகேஷ் கனகராஜ் இயக்கத்தில் உருவான ’விக்ரம்’ படம் மிகப்பெரிய வெற்றி பெற்று உலகம் முழுவதும் ரூ.300 கோடிக்கும் அதிகமாக வசூல் செய்தது என்பது தெரிந்தது. இந்த நிலையில் கமல்ஹாசன் தயாரிப்பில் உருவாகும் மியூசிக் ஆல்பம் ஒன்றில் லோகேஷ் கனகராஜ் மற்றும் ஸ்ருதிஹாசன் பணிபுரிய இருப்பதாக ஏற்கனவே செய்தி வெளியானது என்பதை ஏற்கனவே பார்த்தோம். இந்நிலையில் இந்த ஆல்பத்தின் போஸ்டர் வெளியாகியுள்ளது.

சற்றுமுன் வெளியாகியுள்ள மியூசிக் ஆல்பத்தின் போஸ்டரில் ராஜ்கமல் பிலிம்ஸ் இண்டர்நேஷனல் நிறுவனத்தின் தயாரிப்பில் உருவாகும் மியூசிக் ஆல்பத்தை ஸ்ருதிஹாசன் உருவாக்குவதாகவும், லோகேஷ் இந்த ஆல்பத்தில் முக்கீய பணி செய்வார் என்றும் அறிவிக்கப்பட்டுள்ளது.

’இனிமேல்’ என்ற டைட்டில் வைக்கப்பட்டுள்ள இந்த மியூசிக் ஆல்பத்தின் பாடலை கமல்ஹாசன் எழுத, ஸ்ருதிஹாசன் கம்போஸ் செய்து உருவாக்கும் நிலையில் துவார்கேஷ் என்பவர் இயக்கி இருப்பதாகவும் அறிவிக்கப்பட்டுள்ளது. மேலும் புவன் கவுடா ஒளிப்பதிவில் பிலோமின் ராஜ் படத்தொகுப்பில் இந்த ஆல்பம் உருவாகி வருகிறது. பல்லவி சிங் காஸ்ட்யூமில் செளந்தர் நல்லசாமியின் கலை இயக்கத்தில் ஸ்ரீராம் ஐயங்காரின் புரடொக்சன்ஸ் டிசைனில் இந்த பாடல் உருவாகி வருகிறது.