72 நாடுகள் பங்கேற்றுள்ள 22-வது காமன்வெல்த் விளையாட்டு போட்டி இங்கிலாந்தின் பர்மிங்காம் நகரில் கோலாகலமாக நடைபெற்று வருகிறது. ல் 18தங்கம், 15 வெள்ளி, 22 வெண்கல பதக்கங்களுடன், பட்டியலில் 5 வது இடம் வகித்து வந்தது. இந்நிலையில், கடைசி நாளான இன்று 5 தங்கப் பதக்கங்களுக்கான போட்டியில் இந்தியா பங்கேற்கும் நிலை இருந்தது.

காமன்வெல்த் தொடரில் மகிளர் ஒற்றையர் பேட்மிண்டன் தொடரின் அரையிறுதி ஆட்டத்தில் பி.வி.சிந்து சிங்கப்பூரின் யோ ஜியாவை 21-19, 21-17 என்ற கணக்கில் போராடி வென்று, இறுதிப் போட்டிக்கு முன்னேறினார்.

முதல் செட்:

இன்று துவங்கிய இறுதிப் போட்டியில், உலக தரவரிசையில் 14ஆவது இடத்தில் இருக்கும் கனடாவின் மைக்கேல் லீயை நம்பர் 1 வீராங்கனை பி.வி.சிந்து எதிர்கொண்ட நிலையில், துவக்கத்தில் இருவரும் மாறி மாறி புள்ளிகளை குவிக்க ஆரம்பித்தனர். முதலில் 5-4 என புள்ளிப் பட்டியல் இருந்த நிலையில் அடுத்து சிந்து 11-8 என முன்னிலை பெற ஆரம்பித்தார்.

அவ்வளவுதான், இதனைத் தொடர்ந்து முதல் செட்டில் சிந்து மட்டுமே புள்ளிகளை எடுக்க ஆரம்பித்தார். இதனால், சிந்து இறுதியில் 21-15 என்ற கணக்கில் முதல் செட்டை கைப்பற்றினார்.

2ஆவது செட்:

அடுத்து இரண்டாவது செட்டிலும் சிந்துவின் ஆதிக்கம்தான் இருந்தது. 10-5, அடுத்து 12-7 என சிந்து முன்னிலை பெற்று வந்ததால், தங்கப் பதக்கம் உறுதியாகும் என எதிர்பார்க்கப்பட்டது. இறுதியில், எதிர்பார்க்கப்பட்டதுபோல் 21-13 என்ற கணக்கில் சிந்து வெற்றிபெற்று, தங்கத்தை உறுதி செய்தார்.

இதனால், இந்தியா தற்போது 19 தங்கம், 15 வெள்ளி, 22 வெண்கலத்துடன் 4ஆவது இடத்தில் உள்ளது. நியூசிலாந்தும் 19 தங்கம் வென்றிருந்தாலும் 12 வெள்ளிகளை மட்டுமே வென்றிருப்பதால் 4ஆவது இடத்தில் நீடித்து வருகிறது. 66 தங்கத்துடன் ஆஸ்திரேலியா முதல் இடத்திலும், இங்கிலாந்து (55) இரண்டாவது இடத்திலும் உள்ளது என்பது குறிப்பிடத்தக்கது.

3 தங்கப் பதக்க போட்டிகள் பாக்கி:

ஆண்களுக்கான ஒற்றையர் பேட்மிண்டன் இறுதிப் போட்டியில் லக்சயா சென் 2:10 மணியளவில் பங்கேற்க உள்ளார். அடுத்து ஆண்கள் இரட்டையர் பிரிவு பேட்மிண்டன் இறுதிப் போட்டியில் இந்தியா பங்கேற்க உள்ளது. அதேபோல் ஹாக்கி இறுதிப் போட்டியில் இந்தியா, ஆஸ்திரேலியா அணிகள் மாலை 5:00 மணிக்கு மோதவுள்ளன.