உலக புகழ்பெற்ற நகைச்சுவை நடிகர் சார்லி சாப்ளின் மகளும் நடிகையுமான ஜோசபின் சாப்ளின் (Josephine Chaplin) காலமானார்.

சார்லி சாப்ளின் மகள் ஜோசபின் சாப்ளின் 

ஜோசபின் சாப்ளினுக்கு வயது 74. அவர் ஜூலை 13 அன்று பாரிஸில் இறந்தார். அவரது தந்தையைப் போலவே, ஜோசபின் ஒரு நடிகை.

மார்ச் 28, 1949-ல் பிறந்த ஜோசபின், நகைச்சுவை நடிகர் சார்லி சாப்ளின் (Charlie Chaplin) மற்றும் அவரது மனைவி ஊனா ஓ’நீலுக்கு (Oona O’Neill) பிறந்த எட்டு குழந்தைகளில் ஒருவர்.

3 வயதில் நடிப்புத் துறையில் நுழைந்தார்

1952-ல், தனது 3வது வயதில், தனது தந்தையின் லைம்லைட் படத்தின் மூலம் நடிப்புத் துறையில் நுழைந்தார்.

ஜோசபினுக்கு சார்லி, ஆர்தர் மற்றும் ஜூலியன் ரோனெட் ஆகிய மூன்று மகன்களும், மைக்கேல், ஜெரால்டின், ஜேன், விக்டோரியா, அனெட், யூஜின் மற்றும் கிறிஸ்டோபர் ஆகிய ஏழு உடன்பிறப்புகளும் உள்ளனர்.

ஜோசபின் பியர் பாலோ பசோலினியின் (Pier Paolo Pasolini) விருது பெற்ற தி கேன்டர்பரி டேல்ஸ் (The Canterbury Tales’) மற்றும் ரிச்சர்ட் பால்டுசியின் (Richard Balducci) எல்’ஓடர் டெஸ் ஃபாவ்ஸ் (L’odeur des fauves) உட்பட பல படங்களில் ஒரு பகுதியாக இருந்தார். அதே ஆண்டில், லாரன்ஸ் ஹார்வி நடித்த மெனாசெம் கோலனின் 1972-ஆம் ஆண்டு Escape to the Sun நாடகத்திலும் தோன்றினார்.

சார்லி சாப்ளின் எந்த அறிமுகமும் தேவையில்லாத ஒரு மனிதர். அவர் பல தசாப்தங்களாக பார்வையாளர்களை மகிழ்வித்தார். அவரது தனித்துவமான நகைச்சுவை பாணி புகழ்பெற்றவை. அவர் டிசம்பர் 25, 1977-ல் இறந்தார்.