சிறுநீரகத்தை பாதிக்கும் கிரியேட்டினின் அளவு குறைய இதை தான் சாப்பிடணும்.. இப்படிதான் சாப்பிடணும்தெரிஞ்சிக்கோங்க …!!
கிரியேட்டினின் என்பது உடல் தசைகளில் இருந்து வெளிப்படும் கழிவுப் பொருளாகும். இதை கட்டுக்குள் வைக்கா விட்டால் நம் உடலில் உள்ள கிரியேட் டினின் அளவு அதிகரிக்க வாய்ப்பு உள்ளது. இயற்கையாகவே இதை கட்டுக்குள் வைக்க என்ன செய்யலாம் என்பதை பார்க்கலாம்.
கிரியேட்டினின் என்பது உடல் தசைகளில் ஏற்படும் சாதாரண தேய்மானத்தால் வரும் கழிவுப் பொருளாகும். இந்த கிரியேட்டினின் ஒவ்வொருவருக்கும் அவர்களின் இரத்த ஓட்டத்தில் காணப்படுகிறது. இந்த கிரியேட்டினின் அளவானது வயது, இனம், பாலினம் மற்றும் உடல் அளவு இவற்றால் பாதிப்படைகிறது. இந்த கிரியேட்டினின் அளவு சாதாரண அளவை விட அதிகமாக இருந்தால் நமக்கு பல பக்க விளைவுகள் ஏற்படலாம்.
அதிக கிரியேட்டினின் அளவால் சிறுநீரக பாதிப்பு, இதய நோய் அபாயம், சுவாசக் கோளாறுகள் போன்ற பிரச்சினைகள் ஏற்பட வாய்ப்புள்ளது. எனவே கிரியேட்டினின் அளவை எப்படி இயற்கையான முறையில் குறைக்கலாம் என அறிந்து கொள்வோம்.
கிரியேட்டின் அளவு குறைய ஆப்பிள் சிடார் வினிகர் :
சிறுநீரகக் கல் உருவாக்கம் மற்றும் சீரம் கிரியேட்டினின் அளவை அதிகரிக்கிறது. ஆப்பிள் சிடார் வினிகரில் அசிட்டிக் அமிலம் காணப்படுகிறது. இது சிறுநீரக கற்களை உருவாக்கும் அபாயத்தை குறைக்கிறது.இதன் ஆன்டி மைக்ரோபியல் பண்புகள் நோய்த் தொற்றுக்களை தடுக்க உதவுகிறது. இது இரத்தத்தில் கிரியேட்டினின் அளவு அதிகரிப்பதை தடுக்கிறது. 1 கிளாஸ் வெதுவெதுப்பான நீரில் ஆப்பிள் சிடார் வினிகரை கலந்து தேன் சேர்த்து குடித்து வரலாம்.
கிரியேட்டின் அளவு குறைய பாகற்காய் :
பாகற்காயில் பல்வேறு தாதுக்கள், வைட்டமின்கள், ஆன்டி ஆக்ஸிடன்கள் மற்றும் நார்ச்சத்துக்கள் காணப்படுகிறது. இது ஒரு இயற்கை டையூரிடிக் ஆக செயல்படுகிறது. இரத்த ஓட்டத்தை மேம்படுத்துகிறது. கிரியேட்டின் அளவை இயற்கையாக குறைக்க உதவுகிறது.
கிரியேட்டின் அளவு குறைய இலவங்கப்பட்டை :
இலவங்கப்பட்டை ஒரு இயற்கை டையூரிடிக் ஆக செயல்படுகிறது. இது சிறுநீரகங்களின் வடிகட்டுதல் திறனை மேம்படுத்துகிறது. இது கிரியேட்டினின் அளவை கட்டுப்படுத்துகிறது. 1/2 டேபிள் ஸ்பூன் இலவங்கப்பட்டையை வெதுவெதுப்பான நீரில் கலந்து ஒரு நாளைக்கு ஒரு முறை என குடித்து வரலாம்.
கிரியேட்டின் அளவு குறைய கெமோமில் டீ :
கெமோமில் டீ கிரியேட்டினின் அளவை குறைக்க உதவுகிறது. ஒரு கப் சூடான நீரில் கெமோமில் மூலிகையை சேர்த்து கலந்து குடித்து வரலாம். சுவைக்கு தேன் சேர்த்து கொள்ளுங்கள். ஒரு நாளைக்கு 3-4 முறை இந்த டீயை அருந்தலாம்.
கிரியேட்டின் அளவு குறைய க்ரீன் டீ :
க்ரீன் டீயில் நிறைய ஆன்டி ஆக்ஸிடன்கள், டையூரிடிக் பண்புகள் காணப்படுகிறது. இது சிறுநீரகத்தின் வடிகட்டுதல் திறனை மேம்படுத்துகிறது.சிறுநீர் வெளிப்பாட்டை அதிகரித்து கிரியேட்டினின் அளவை குறைக்கிறது. க்ரீன் டீ பேக்கை வெந்நீரில் போட்டு தேன் சேர்த்து ஆற வைத்து குடியுங்கள். 2-3 முறை குடித்து வரலாம்.
கிரியேட்டின் அளவு குறைய பூண்டு :
பூண்டு ஒரு இயற்கையான ஆன்டி ஆக்ஸிடன்களாக செயல்படுகிறது. இது உடலில் இருந்து நச்சுக்களை வெளியேற்றவும், இரத்த கிரியேட்டினின் அளவை குறைக்கவும் உதவுகிறது. 4 முதல் 5 பூண்டு பற்களை மென்று சாப்பிட்டு வரலாம். உணவுகளிலும் பூண்டை சேர்த்து வரலாம்.
கிரியேட்டின் அளவு குறைய இஞ்சி :
இஞ்சியில் பிளவனாய்டுகள், எத்தனால், ஆன்டி ஆக்ஸிடன்கள் மற்றும் அழற்சி எதிர்ப்பு பண்புகள் காணப்படுகிறது. இது சிறுநீரகங்களை சேதம் மற்றும் காயங்களில் இருந்து காக்கிறது. உடலில் உள்ள கிரியேட்டினின் அளவை குறைக்க உதவுகிறது. ஒரு கப் வெந்நீரில் ஒரு அங்குல இஞ்சியை சேர்த்து 10 நிமிடங்கள் ஊற வைத்து அந்த நீரை ஒரு நாளைக்கு 3 முறை குடித்து வர வேண்டும்.
கிரியேட்டின் அளவு குறைய க்ரான் பெர்ரி ஜூஸ் :
க்ரான் பெர்ரியில் குனிக் அமிலம் உள்ளது. இது சிறுநீரக கற்கள் உருவாக்கத்தில் இருந்து காக்கிறது. ஒரு நாளைக்கு 1 கப் என க்ரான் பெர்ரி ஜூஸ் சாப்பிட்டு வரலாம்.
கிரியேட்டின் அளவு குறைய இளநீர் :
இளநீர் கிரியேட்டினின் அளவை குறைத்து சிறுநீரகங்களை ஆரோக்கிய மாகவும் கற்கள் இல்லாமல் வைக்கவும் உதவுகிறது. ஒரு டம்ளர் இளநீரை ஒரு நாளைக்கு 1 முறை என குடித்து வர வேண்டும்.
கிரியேட்டின் அளவு குறைய ஆலிவ் எண்ணெய் :
ஆலிவ் எண்ணெய் சிறுநீரக கற்களை தடுக்க உதவுகிறது. இதில் யூரோலிதிக் எதிர்ப்பு செயல்பாடுகள் உள்ளன. இது இரத்தத்தில் உள்ள கிரியேட்டினின் அளவை குறைக்கிறது. சாலட்டில் ஆலிவ் எண்ணெய் கலந்து சாப்பிடலாம்.உடலில் கிரியேட்டினின் அளவு அதிகமாக இருந்தால் மருத்துவரை அணுகி சிகிச்சை பெறுவதே பாதுகாப்பானது. மேற்கண்ட குறிப்புகள் கிரியேட்டினின் அதிகரிக்காமல் இருக்க அன்றாடம் நாம் சேர்க்க வேண்டிய உணவுகள்.