சிவகார்த்திகேயனின் ப்ரின்ஸ் படம் -அதிகரிக்கும் நெகடிவ் கமெண்ட்…
அனுதீப் இயக்கத்தில் சிவகார்த்திகேயன், சத்யராஜ், மரியா உள்ளிட்டோர் நடித்த பிரின்ஸ் படம் இன்று தியேட்டர்களில் ரிலீஸாகியிருக்கிறது. தீபாவளிக்கு சரவெடியாக வருகிறது பிரின்ஸ் என்று எதிர்பார்த்தால் இப்படி புஸ்ஸாகிவிட்டதே என சமூக வலைதளங்களில் விமர்சிக்கிறார்கள்.
பாசிட்டிவை விட நெகட்டிவ் விமர்சனம் அதிகமாக இருக்கிறது. இந்நிலையில் படம் ரிலீஸான சில மணிநேரத்தில் அதை அதுவும் நல்ல பிரிண்ட்டில் ஆன்லைனில் கசியவிட்டுள்ளது தமிழ் ராக்கர்ஸ்.
ஏற்கனவே படத்திற்கு விமர்சனம் சரியில்லை. இதில் ஆன்லைனில் வேறு கசிந்துவிட்டது. வார இறுதி நாட்களில் தியேட்டருக்கு சென்று படம் பார்க்கலாம் என்று நினைத்தவர்கள் கூட மோசமான விமர்சனங்களை பார்த்துவிட்டு தமிழ் ராக்கர்ஸில் படம் பார்த்துவிடுவார்களே என்று பேச்சு கிளம்பியிருக்கிறது.
இதற்கிடையே சிவகார்த்திகேயன் கதை தேர்வு செய்யும் விதம் சரியில்லை. இது என்ன கதை என்று நடிக்க ஒப்புக் கொண்டார் என்றே தெரியவில்லை என்கிறார்கள் சினிமா ரசிகர்கள்.
அதே சமயம் பிரின்ஸ் படத்தை சிவகார்த்திகேயன் ரசிகர்கள் கொண்டாடுகிறார்கள். சென்னையில் இருக்கும் ரோஹினி தியேட்டரில் ரசிகர்களுடன் சேர்ந்து படம் பார்த்தார் சிவகார்த்திகேயன்.
திரையில் வந்த பாடல் காட்சியை பார்த்த ரசிகர்கள் டான்ஸ் ஆடினார்கள். அதை பார்த்த சிவகார்த்திகேயனும் டான்ஸ் ஆட தியேட்டரே அதிர்ந்துவிட்டது.