தல தோனியின் ஸ்டைலிஷான ஹேர் ஸ்டைல் கொண்ட புகைப்படம் கடந்த இரண்டு நாட்களாக இணையதளங்களில் வைரல் ஆகி வரும் நிலையில் அவர் நடிக்க வருவது கிட்டத்தட்ட உறுதி செய்யப்பட்டுள்ளது.

இந்தியாவின் பிரபலமான ஹேர் ஸ்டைலிஸ்ட் ஆலிம் ஹக்கீம் என்பவர் தனது சமூக வலைத்தளத்தில் தோனிக்கு தான் ஹேர் ஸ்டைலிஷ் செய்ததாக பதிவு செய்துள்ளார். தோனி ஒரு விளம்பர படத்தில் நடிக்க இருப்பதாகவும் அதற்காகத்தான் இந்த ஹேர் ஸ்டைல் செய்ததாகவும் அவர் பதிவு செய்துள்ளார். மேலும் தோனி ஸ்டைலிஸாக இருக்கும் புகைப்படங்களையும் அவர் பதிவு செய்துள்ள நிலையில் அந்த புகைப்படம் வைரலாக வருகிறது.

இதே ஆலிம் ஹக்கீம் தான் சூப்பர் ஸ்டார் ரஜினிகாந்த் நடிக்க இருக்கும் ’தலைவர் 170’ படத்தில் ஹேர் ஸ்டைல் ஆக பணிபுரிந்து வருகிறார் என்பதும் ரஜினியின் ஹேர் ஸ்டைலிஸ்ட் பணிகளை இவர்தான் கவனித்து வருகிறார் என்பதும் குறிப்பிடத்தக்கது. இன்று வெளியாகியுள்ள ‘தலைவர் 170’ படத்தின் ரஜினியின் கெட்டப்பில் ஹேர் ஸ்டைல் செய்தது இவர் தான் என்பது குறிப்பிடத்தக்கது.