தயவுசெஞ்சு நிறுத்துங்க ப்ளீஸ்..நெல்சனுக்கு ஆதவராக இறங்கிய பிரபலம்..!
கோலமாவு கோகிலா மற்றும் டாக்டர் என தொடர்ச்சியாக இரு வெற்றி படங்களை கொடுத்தவர் இயக்குனர் நெல்சன். அதன் பின் அவருக்கு தளபதி விஜய்யை இயக்கும் வாய்ப்பு கிடைத்தது. கமர்ஷியல் சினிமாவிற்கு அப்பாற்பட்டு படங்களை இயக்கிய நெல்சன், கமர்ஷியல் படங்களுக்கு பெயர்போன விஜய்யை இயக்கப்போகின்றார் என்ற செய்தி வந்தவுடன் அனைவரின் எதிர்பார்ப்பும் அதிகரித்தது.
அதே போல இப்படத்தின் பாடல் வெளியீட்டிற்கான ப்ரோமோவும் ரசிகர்களின் அமோக வரவேற்பை பெறவே நாளுக்கு நாள் பீஸ்ட் படத்தின் எதிர்பார்ப்பு அதிகரித்த வண்ணம் இருந்தது. இந்நிலையில் கடந்த ஏப்ரல் மாதம் பீஸ்ட் திரைப்படம் வெளியானது.
மிகுந்த எதிர்பார்ப்பில் வெளியான இப்படம் கலவையான விமர்சனங்களை பெற்று ரசிகர்களின் எதிர்பார்ப்பை பூர்த்தி செய்ய தவறியது. இதன் காரணமாக அதுவரை நெல்சனை புகழ்ந்து தள்ளிய அனைவரும் கடுமையாக விமர்சிக்க ஆரம்பித்தனர்.
ட்ரோல்ஸ், மீம்ஸ் என நாளுக்கு நாள் இயக்குனர் நெல்சனை ரசிகர்கள் சீண்டி வந்தனர். மேலும் சமீபத்தில் நடந்த ஒரு விழாவில் கூட நெல்சன் தன்னை ட்ரோல் செய்வதைப்பற்றி மறைமுகமாக பேசினார். இருப்பினும் ஒரு சில ரசிகர்களும், சினிமா பிரபலங்களும் நெல்சனுக்கு ஆதரவாக பேசிவருவதையும் நம்மால் பார்க்கமுடிகிறது
சமீபத்தில் இயக்குனர் லோகேஷ் கனகராஜ் கூட நெல்சனுக்கு ஆதவராக பேசினார். இந்நிலையில் தற்போது நடிகரும், இயக்குனருமான ஆர்.ஜெ.பாலாஜி இயக்குனர் நெல்சனுக்கு ஆதவராக ஒரு பதிவை போட்டார்.
ரசிகர் ஒருவர் நெல்சனை கேலி செய்து மீம் போட்டிருந்ததை அடுத்து அதற்கு ஆர்.ஜெ.பாலாஜி பதிலளித்திருந்தார்.
அவர் கூறியதாவது, நான் நெல்சனுடன் அதிகளவில் ஷோக்களில் பணியாற்றியுள்ளேன். நெல்சன் மிகவும் திறமையானவர், அவரின் படங்களுக்கு நான் மிகப்பெரிய ரசிகன். மேலும் அவரின் சினிமா பயணமும் நமக்கு நம்பிக்கை அளிக்கக்கூடிய வகையில் இருக்கும்.
எனவே விரைவில் அவர் தன் படைப்பின் மூலம் ரசிகர்களை மகிழ்விப்பார். தயவுசெய்து இதுபோன்ற விமர்சனங்களை நிறுத்துங்கள் என்றார் ஆர்.ஜெ.பாலாஜி என்பது குறிப்பிடத்தக்கது.