தமிழில் கடந்த ஐந்து வருடங்களாக பிக் பாஸ் நிகழ்ச்சி வெற்றிகரமாக நடைபெற்று வருகின்றது. உலகநாயகன் கமல்ஹாசன் இந்த நிகழ்ச்சியை அருமையாக தொகுத்து வழங்கி வருகின்றார். 

இந்நிலையில் பிக் பாஸ் சீசன் 6 கடந்த அக்டோபர் மாதம் துவங்கிய நிலையில் தற்போது ஐம்பது நாட்களை கடந்துள்ளது.

எந்த சீசனிலும் இல்லாத வகையில் இந்த சீசனில் 21 போட்டியாளர்கள் கலந்துகொண்டார்கள். இதில் நிகழ்ச்சி ஆரம்பமான முதல் வாரமே ரசிகர்களின் பேராதரவை பெற்ற போட்டியாளராக வலம் வந்தார் ஜி.பி.முத்து.

ஆனால் தன் குடும்பத்தை பிரிந்து இருக்க முடியாது என்ற காரணத்தினால் தானாக வீட்டை விட்டு வெளியேறினார் ஜி.பி.முத்து. இதைதொடடர்ந்து ஷாந்தி, அசல், ஷெரினா, மஹேஸ்வரி, நிவாஸினி ஆகியோர் குறைவான வாக்குகளை பெற்று இதுவரை வெளியேறியுள்ளனர.

இந்நிலையில் சண்டைக்கும், சர்ச்சைகளுக்கும் பஞ்சமில்லாமல் செல்லும் இந்த சீசன் ரசிகர்களின் ஆர்வத்தை நாளுக்கு நாள் அதிகரித்து வருகின்றது.

விக்ரமன், ஷிவின் போன்ற போட்டியாளர்கள் தொடர்ந்து ரசிகர்களின் ஆதரவை பெற, அசீம் போன்ற போட்டியாளர்கள் ரசிகர்களின் வெறுப்பை அதிகளவு சம்பாதித்து வருகின்றனர்.

அந்த வரிசையில் தற்போது மைனாவும் இணைந்துள்ளார். நேற்று நடந்த எபிசோடில் ரசிகர்கள் போட்டியாளர்களிடம் கேள்வி கேட்டனர். அதில் ஒரு ரசிகை மைனாவிடம், உங்க பெய்டு ஹாலிடே எப்படி இருக்கு என கேட்டார்.

அதாவது மைனா போன்ற சில போட்டியாளர்கள் லட்ச கணக்கில் சம்பளம் வாங்கிக்கொண்டு பிக் பாஸ் வீட்டில் ஜாலியாக சுத்துவதை தான் அவர் மறைமுகமாக கேட்டுள்ளார்.

இந்த கேள்வியை கேட்ட உடனே மைனாவிற்கு கோபம் வந்துவிட்டது. அதற்கு பதிலளித்த அவர், உங்களுக்கு பிடிக்கவில்லை என்றால் என்னை வெளியே அனுப்பிவிடுங்கள் என்று திமிராக பதில் கூறினார். இதனால் தற்போது சமூகத்தளங்களில் ரசிகர்கள் மைனாவை வெளுத்து வாங்கி வருகின்றனர்.

மேலும் இந்த வாரம் மைனா நாமினேஷனுக்கு வரட்டும் நாங்கள் யார் என காட்டுகின்றோம் என சில ரசிகர்கள் கோபத்தின் உச்சியில் இருக்கின்றனர் என்பது குறிப்பிடத்தக்கது