தைராய்டு என்பது மனிதர்களின் கழுத்தில் இருக்கும் பட்டாம்பூச்சி வடிவ சுரப்பி. ஹாரோன் சுரப்பை வெளியிடும் பணியை இவை செய்துவருகிறது. கழுத்தில் பட்டாம்பூச்சி வடிவில் இருக்கும் இது ஹார்மோன் சுரப்பை கூடுதலாகவோ குறைத்தோ செய்தால் தைராய்டு பிரச்சனை என்று சொல்கிறோம்.

தைராய்டு அறிகுறிகள் :

தைராய்டு பற்றி பரவலாகவே விழிப்புணர்வு வந்துள்ளது. எனினும் தைராய்டு உண்டா.. ஏதேனும் அறிகுறிகள் தென்படுமா அதற்கு என்ன வைத்தியம் உதவும் என்பதை தொடர்ந்து பார்க்கலாம்.
தைராய்டு அறிகுறிகளில் இதுவும் முக்கியமானது. அறை வெப்பநிலையில் சாதாரணமாக ஃபேனின் கீழ் இருக்கும் போதே குளிரை அனுபவிக்கலாம். உள்ளங்கைகள் எப்போதும் குளிர்ச்சியாக இருக்கும். முடி உதிர்தல் அதிகரிக்கும். கொத்து கொத்தாக உதிரும், இவர்களுக்கு இயல்பாகவே கால்சியம், வைட்டமின் டி குறைவாக இருக்கும்.

கழுத்து புறணி பகுதியில் வலி இருப்பது, தோள் பட்டைகளில் வலி இருக்கும். அடுத்து குதிகால் வலி, பாதங்களில் வெடிப்பு இருக்கும். ஜிங்க் மற்றும் சிலினியம் குறைவதால் இது உண்டாகும். வாயு பிரிதல் இருக்கும். செரிமானம் பிரச்சனை இருக்கும். தைராய்டு இருந்தால் இடுப்பை சுற்றி டயர் போன்று கொழுப்பை பார்க்கலாம். இவையெல்லாம் தைராய்டு இருப்பவர்களுக்கான அறிகுறிகள் என்றாலும் எல்லாமே எல்லோருக்கும் இருக்காது. குறிப்பாக ஹைப்போதைராய்டு இருப்பவர்களுக்கு இவை இருக்கும்.
சிலருக்கு சருமம் வறட்சி, இலேசான மஞ்சள் தன்மை போன்றவையும் இருக்கும். இவற்றில் எல்லோருக்கும் இந்த அறிகுறி இருக்காது. ஒவ்வொருவருக்கும் இதில் குறைந்தது 6 அல்லது 7 இருக்கலாம்.

தைராய்டு ஆரம்ப நிலை :

உங்களுக்கு தைராய்டு அளவு thyroid tsh level 4 அளவில் தான் உண்டு என்பதால் மருந்துகள் தேவையில்லை என்று மருத்துவர்கள் பரிந்துரைப்பார்கள். அப்போது நீங்கள் இதை சமன்படுத்த நீங்கள் அதிகம் புரோபயாட்டிக் உணவை எடுத்துகொள்ள வேண்டும்.

அதில் முக்கியமானது வடித்த சாதத்தை ஒரு கை எடுத்து அதில் 2 டம்ளர் தண்ணீர் விட்டு மூடி விடுங்கள் மண் பானையாக இருக்கட்டும். மறுநாள் காலை அந்த நீரை வடித்து இரண்டு கல் உப்பு போட்டு குடிக்க வேண்டும். இதை ஒரு மண்டலம் 48 நாள் குடித்து வர வேண்டும். இதனால் குடல் பிரச்சனைகள் முழுமையாக சரியாகும். உணவுகளில் ஊட்டச்சத்துக்கள் முழுமையாக உறிஞ்சப்படும். தைராய்டு சமநிலைக்கு வருவதற்கு உதவும். தைராய்டு இருப்பவர்கள் கூட இதை குடிக்கலாம். நீரிழிவு இருப்பவர்கள் இதை குடிக்க கூடாது.

தைராய்டுக்கு செலினியம் :

இது இரத்தத்தில் இருக்கும் பொருள் ஆகும். உடலில் நோய் எதிர்ப்பு சக்தி குறைவதால் உருவாகும் அசிமோட்டோஸ் தைராய்டிஸ் உருவாகும். இந்நிலையில் தைராய்டு சுரப்பி வீங்க கூடும். அதை சரி செய்ய செலினியம் சேர்க்க வேண்டும். செலினியம் நிறைந்த எண்ணெய் வித்துக்கள் ஆளி விதை, பாதாம், சூரிய காந்தி எண்ணெய், மற்றும் விதைகளில் அதிகம் உண்டு.

தைராய்டுக்கு இனிப்பு தவிருங்கள் :

தைராய்டு இருப்பவர்கள் சர்க்கரை தவிர்க்க வேண்டும். thyroid tsh level 3-4 அளவில் மாறுவதற்கு சர்க்கரை அளவு அதிகமாக இருந்தால் இது மாறாது. அதனால் ஹைப்போ அல்லது ஹைப்பர் தைராய்டு இருந்தால் சர்க்கரையை குறைப்பதுதான் நல்லது.

தைராய்டு கட்டுப்படுத்த தனியா விதைகள் :

எளிமையாக கிடைக்க கூடிய பொருள். வீட்டில் சமையலறையில் இருக்க கூடிய இந்த தனியாவை 2 டீஸ்பூன் அளவு எடுத்து அதை 2 டம்ளர் நீரில் ஊறவிடவும். இரவு முழுவதும் ஊறவைத்து மறுநாள் காலையில் அந்த நீரை குடிக்கவும். இதை தினமும் செய்து வரலாம். தைராய்டு இருப்பவர்கள் காலையில் மாத்திரை சாப்பிட்டு ஒன்றரை மணி நேரம் கழித்து இந்த தனியா ஊறல் குடிநீரை குடித்து பிறகு 30 நிமிடங்கள் கழித்து சாப்பிடலாம். இப்படி செய்து வந்தால் தைராய்டு சுரப்பி சீராக வேலை செய்யும். தைராய்டு இருப்பவர்களும் இதை குடித்து வரலாம். தைராய்டு சுரப்பி நன்றாக வேலை செய்ய வேண்டும் என்பவர்களும் குடித்து வரலாம்.