பாலிவுட் சினிமாவில் பிரபல நடிகையாக வலம் வருபவர் மலைக்கா அரோரா. தமிழில் ஷாருக்கான் நடிப்பில் வெளியான உயிரே படத்தில் தைய தைய தையா பாடலுக்கு நடனமாடி பெரும் பிரபலமானார். தொடர்ந்து பாலிவுட் படங்களில் பிஸியாக உள்ளார் மலைக்கா அரோரா.

திருமணம் விவாகரத்து

மலைக்கா அரோரா கடந்த 1998ஆம் ஆண்டு சல்மான் கானின் சகோதரர் அர்பாஸ் கானை திருமணம் செய்தார். இவர்களுக்கு அர்ஹான் கான் என்ற மகன் உள்ள நிலையில் திருமணம் ஆகி 19 ஆண்டுகள் கழித்து கடந்த 2017ஆம் ஆண்டு கணவரை விவாகரத்து செய்தார் மலைக்கா அரோரா.

வெளி நாடுகளில் டேட்டிங்

மலைக்கா அரோரா பிரபல பாலிவுட் தயாரிப்பாளரான போனி கபூரின் மகனும் நடிகருமான அர்ஜூன் கபூருடன் கடந்த 2016 ஆம் ஆண்டு முதல் ரிலேஷன்ஷிப்பில் இருந்து வருகிறார். இருவரும் அடிக்கடி டேட்டிங் செல்லும் போட்டாக்கள் இணையத்தில் வெளியாகி வந்தது. இருவரும் வெளி நாடுகளில் டேட்டிங் செய்யும் போட்டோக்களையும் வீடியோக்களையும் வெளியிட்டு வந்தனர்.

கடந்த சில ஆண்டுகளாகவே இருவரும் விரைவில் திருமணம் செய்து கொள்ள உள்ளதாக தகவல் வெளியாகி வந்தது. காபி வித் கரண் நிகழ்ச்சியில் பங்கேற்ற அர்ஜூன் கபூர், திருமணம் குறித்து குடும்பத்தினரிடம் பேசி வருவதாக தெரிவித்தார். இந்நிலையில் மலைக்கா அரோரா தனது இன்ஸ்டா பக்கத்தில் ஷேர் செய்துள்ள பதிவு ரசிகர்களை மகிழ்ச்சியில் ஆழ்த்தியுள்ளது.

தான் வெட்கப்படுவது போன்ற போட்டோவை தனது இன்ஸ்டா பக்கத்தில் ஷேர் செய்துள்ள நடிகை மலைக்கா அரோரா, நான் யெஸ் சொல்லிவிட்டேன் என கேப்ஷன் கொடுத்துள்ளார். தற்போது 49 வயதான மலைக்கா அரோரா, திருமணத்திற்கு ஓகே சொன்னதைதான் இப்படி குறிப்பிட்டுள்ளதாக கூறி வருகின்றனர் ரசிகர்கள்.

மலைக்காவின் இந்த பதிவை பார்த்த பாலிவுட் பிரபலங்களும் ரசிகர்களும் அவருக்கு வாழ்த்து தெரிவித்து வருகின்றனர். விரைவில் இருவரும் தங்களின் திருமணம் குறித்து அதிகாரப்பூர்வமாக அறிவிப்பை வெளியிடுவார்கள் என எதிர்பார்க்கப்படுகிறது. மலைக்கா அரோரா திருமணம் செய்துகொள்ள உள்ள அர்ஜூன் கபூர் அவரை விட 12 வயது சிறியவர் என்பது குறிப்பிடத்தக்கது.