நயன்-விக்கி திருமண சர்ச்சைகளுக்கு பதிலடி!
நயன்தாரா மற்றும் விக்னேஷ் சிவன் திருமணம் கடந்த ஜூன் 9ம் தேதி சென்னை மகாபலிபுரம் அருகில் இருக்கும் ஒரு நட்சத்திர ஹோட்டலில் மிக பிரம்மாண்டமாக நடைபெற்றது. அதில் ரஜினி, ஷாருக் கான், விஜய் சேதுபதி. அனிருத், சூர்யா உள்ளிட்ட பல சினிமா நட்சத்திரங்கள் கலந்துகொண்டனர்.
திருமண வீடியோ உரிமையை நெட்பிலிக்ஸ் நிறுவனம் வாங்கி இருப்பதாகவும், திருமணத்திற்கான செலவை அந்த நிறுவனம் தான் செய்தது என்றும் செய்தி வந்தது.
திருமணம் முடிந்து ஒரு மாதம் கழித்து விக்னேஷ் சிவன் போட்டோக்களை இன்ஸ்டாகிராமில் வெளியிட தொடங்கினார். அதனால் நெட்பிலிக்ஸ் நிறுவனம் ஒப்பந்தத்தில் இருந்து பின்வாங்குகிறது, விக்கி – நயனுக்கு நோட்டீஸ் அனுப்பி இருக்கிறார்கள் எனவும் நேற்று செய்தி பரவியது.
இந்த சர்ச்சைக்கு முற்றுபுள்ளி வைக்கும் விதமாக தற்போது நெட்பிலிக்ஸ் ட்விட்டரில் ஒரு பதிவை போட்டிருக்கிறது. விக்கி – நயன்தாரா புகைப்படங்களை பதிவிட்டு திருமண வீடியோ தங்களிடம் தான் வர போகிறது என தெரிவித்து இருக்கின்றனர்.