சமந்தா நடித்திருக்கும் யசோதா படம் நவம்பர் 11ம் தேதி தியேட்டர்களில் ரிலீஸாகவிருக்கிறது. இந்நிலையில் யசோதா படத்தின் விளம்பர நிகழ்ச்சிகளில் கலந்து கொண்டு வருகிறார் சமந்தா. மயோசிடிஸ் எனும் அரிய வகை நோயுடன் போராடும் சமந்தாவை விளம்பர நிகழ்ச்சியில் பார்த்த ரசிகர்கள் அதிர்ச்சி அடைந்தார்கள். இந்நிலையில் சமந்தா பற்றி பேசியிருக்கிறார் யசோதா பட நடிகரான உன்னி முகுந்தன்.

உன்னி முகுந்தன்

யசோதா படத்தில் சமந்தாவுடன் சேர்ந்து நடித்திருக்கும் உன்னி முகுந்தன் கூறியதாவது, படத்தில் நடித்தபோது சமந்தாவுக்கு மயோசிடிஸ் இருப்பது எனக்கு தெரியாது. நோயுடன் போராடுவதை சமந்தா சொல்லவே இல்லை. சமந்தாவின் இன்ஸ்டா போஸ்ட்டை பார்த்து வருத்தமாக இருந்தது. அவர் நிச்சயம் இதில் இருந்து மீண்டு வருவார் என்றார்.

ரசிகர்கள்

ஹரி மற்றும் ஹரிஷ் இயக்கியிருக்கும் யசோதா படத்தை சமந்தா விளம்பரம் செய்து வருகிறார். அவர் எலும்பும் தோலுமாக இருப்பது ரசிகர்களை அதிர்ச்சி அடைய வைத்திருக்கிறது. சமந்தா விரைவில் குணமடைய பிரார்த்தனை செய்வதாக ரசிகர்கள் தெரிவித்துள்ளனர்.

நாக சைதன்யா

சமந்தாவின் முன்னாள் கணவரான நாக சைதன்யா அவருக்கு போன் செய்து நலம் விசாரித்ததாக தகவல் வெளியானது. சமந்தாவை நேரில் சந்திக்க அவரின் முன்னாள் மாமனார் நாகர்ஜுனா திட்டமிட்டிருப்பதாக கூறப்படுகிறது. எங்கள் வீட்டை விட்டுச் சென்றாலும் சமந்தா என்றுமே என் மகள் என்று நாகர்ஜுனா முன்பு தெரிவித்தார் என்பது குறிப்பிடத்தக்கது.