தமிழ் திரையுலகின் முன்னணி தயாரிப்பாளர்களில் ஒருவர் பைவ் ஸ்டார் கதிரேசன் தயாரிப்பில் நடிகர் சசிக்குமார் ஒரு திரைப்படத்தில் நடிக்க இருக்கிறார் என்ற செய்தி கடந்த சில வாரங்களுக்கு முன்னர் வெளியானது. இந்த நிலையில் இந்த படத்தின் டைட்டில் உடன் கூடிய மாஸ் பர்ஸ்ட் போஸ்டர் சற்றுமுன் வெளியாகி இணையத்தில் வைரல் ஆகி வருகிறது.

5 ஸ்டார் கதிரேசன் தயாரிப்பில், சசிகுமார் நடிப்பில் உருவாகும் திரைப்படத்திற்கு ’எவிடன்ஸ்’ என்ற டைட்டில் வைக்கப்பட்டுள்ளது. இந்த படத்தில் சசிகுமாருடன் பிரபல தெலுங்கு நடிகர் நவீன் சந்திரா முக்கிய கேரக்டரில் நடிக்க உள்ளார். மேலும் இந்த படத்தில் யோகி பாபு, இயக்குனர் கஸ்தூரிராஜா உட்பட பலர் நடிக்க உள்ளனர்.

ரான் எதான் யோஹான் இசையமைக்க இருக்கும் இந்த படத்திற்கு விஷ்ணு ஸ்ரீ ஒளிப்பதிவு செய்ய இருப்பதாகவும் தீபக் படத்தொகுப்பு பணியை கவனிக்க இருப்பதாகவும் அறிவிக்கப்பட்டுள்ளது. இந்த படத்தை ஆர்டிஎம் என்பவர் இயக்க உள்ளார். இவர் ஏற்கனவே காவல்துறை உங்கள் நண்பன் என்ற படத்தை இயக்கி இருந்தார் என்பது குறிப்பிடத்தக்கது.