பார்த்திபன் படத்தில் நடிக்க கழுதைக்கு ரூ. 8.5 லட்சம் சம்பளம்-இரவின் நிழல்…
எதையும் வித்தியாசமாக செய்யும் பார்த்திபன் இயக்கி, நடித்திருக்கும் படம் இரவின் நிழல். ஒரே ஷாட்டில் எடுக்கப்பட்டுள்ள படம். நான் லீனியர் சிங்கிள் ஷாட்டில் எடுக்கப்பட்டுள்ள உலகின் முதல் படம் இரவின் நிழல் ஆகும்.
ஏ.ஆர். ரஹ்மான் இசையமைத்திருக்கும் இரவிழ் நிழல் படம் கேன்ஸ் திரைப்பட விழாவில் திரையிடப்பட்டது.
இரவின் நிழல் படம் ஜூலை 15ம் தேதி தியேட்டர்களில் ரிலீஸாகவிருக்கிறது. இந்நிலையில் படம் குறித்து ஒரு முக்கிய தகவல் வெளியாகியுள்ளது.
இரவின் நிழல் படத்தில் முக்கிய கதாபாத்திரத்தில் ஒரு கழுதை நடித்திருக்கிறது. அந்த கழுதைக்கு ரூ. 8.5 லட்சம் சம்பளம் கொடுத்திருக்கிறார்கள்.
படங்களில் வர நாய்கள், பூனைகளுக்கு சம்பளம் கொடுப்பது புதிது அல்ல. இந்நிலையில் அதிகம் சம்பளம் வாங்கிய வாயில்லா ஜீவன்கள் பட்டியில் இந்த இரவின் நிழல் கழுதை சேர்ந்திருக்கிறது.
இது குறித்து அறிந்தவர்களோ, இனி யாரையும் வேலையில்லா கழுதைனு திட்டவே கூடாது. அது கூட படத்துக்கு ரூ. 8.5 லட்சம் வாங்குகிறது என்கிறார்கள்.
இதற்கிடையே இரவின் நிழல் படத்தை சூப்பர் ஸ்டார் ரஜினிகாந்துக்கு போட்டுக் காட்டினார்கள். படத்தை பார்த்த அவர் பாராட்டிய வீடியோ வெளியாகியிருக்கிறது.
இந்தப் படம் கண்டிப்பாக நன்றாகப் போகும் என்கிறார் ரஜினிகாந்த்.