பிக்பாஸ் வீட்டுக்குள் ரச்சிதாவின் கணவர் பிக்பாஸ் வீட்டில் என்ட்ரி கொடுக்கவுள்ளதாக தகவல் வெளியாகியுள்ளது.

விஜய் டிவியில் ஒளிபரப்பாகி வரும் பிக்பாஸ் சீசன் 6 நிகழ்ச்சி பரபரப்புக்கு பஞ்சம் இல்லாமல் செல்கிறது. இதில் பங்கேற்றுள்ள சின்னத்திரை நடிகையான ரச்சிதா மகாலெட்சுமிக்கு முதல் வாரத்தில் இருந்தே காதல் வலை வீசி வருகிறார் ராபர்ட் மாஸ்டர். ரச்சிதா மகாலட்சுமியை முதல் முறை சீரியலில் பார்த்தபோதே அவரை பிடித்துவிட்டது, அவர்தான் தன்னுடைய க்ரஷ் என்றார்.

முத்தம் கேட்ட மாஸ்டர்

தொடர்ந்து ரச்சிதாவிடம் முத்தம் கேட்பது, காதலிப்பது போன்று நடி என்று கூறுவது, கட்டிப்பிடிப்பது போல் செல்வது என இருந்து வருகிறார். கமல்ஹாசன் முன்னிலையிலேயே ரச்சிதாவிடம் ப்ரபோஸ் பண்ண முயற்சி செய்தார் ராபர்ட் மாஸ்டர். ஆனால் கமல்ஹாசன் அதற்கு இடம் கொடுக்கவில்லை.

கணவர் கோபம்

சக போட்டியாளர்கள் ரச்சிதாவிடம் பேசினால் கூட கோபப்படுகிறார் ராபர்ட் மாஸ்டர். ராபர்ட் மாஸ்டரின் நடவடிக்கைகளை புரிந்து கொண்ட ரச்சிதா கிளிப்பிள்ளைக்கு கூறுவது போல் அறிவுரை கூறினார். ஆனாலும் திருந்தவில்லை ராபர்ட் மாஸ்டர். ராபர்ட் மாஸ்டர், ரச்சிதாவிடம் நடந்து கொள்ளும் முறையை பார்த்து அவரது கணவர், மாமியார் மற்றும் குடும்பத்தினர் கொந்தளித்து போயுள்ளதாக தகவல் வெளியானது.

ரெட் கார்டு கொடுக்கணும்

இந்நிலையில் நடிகை ரச்சிதாவின் கணவரான சீரியல் நடிகர் தினேஷ், பிக்பாஸ் வீட்டிற்குள் என்ட்ரி கொடுக்கவுள்ளதாக தகவல் வெளியாகியுள்ளது. ஏற்கனவே ராபர்ட் மாஸ்டர் தனது மனைவியிடம் நடந்துகொள்ளும் விதத்தை பார்த்து கடுப்பில் உள்ள தினேஷ், அவருக்கு ரெட் கார்டு கொடுக்க நடவடிக்கை எடுக்கப்போவதாக தகவல் வெளியானது.

பிக்பாஸ் வீட்டுக்குள்

இந்நிலையில் தினேஷ் பிக்பாஸ் வீட்டிற்குள் செல்லவுள்ளதாக கூறப்படுகிறது. அவர் வைல்டு கார்ட் என்ட்ரியாக செல்லவுள்ளாரா அல்லது உறவினர்கள் பிக்பாஸ் வீட்டுக்குள் செல்லும் டாஸ்க்கில் செல்வாரா என்பது குறித்த தகவல் இல்லை. ரச்சிதாவும் தினேஷும் கடந்த சில மாதங்களாக கருத்து வேறுபாடு காரணமாக பிரிந்துள்ளனர் என்பது குறிப்பிடத்தக்கது