முடி பராமரிப்பு மிகவும் அவசியம். ஒரு நாளில் 50 முடி உதிர்வது சகஜம் ஆனால் இதை விட அதிகமாக இருந்தால் அதை முடி உதிர்வு பிரச்சனை என்று சொல்லலாம். முடி உதிர்வை கட்டுப்படுத்த மக்கள் பெரும்பலான முயற்சிகளை மேற்கொள்கிறார்கள். ஆனால், அவை எல்லாம் பயன் தருவதில்லை.

நீங்கள் தினமும் எடுத்துக்கொள்ளும் உணவும் மிக அவசியம். முடி உதிர்வைத் தடுக்க போதுமான அளவு புரதம், இரும்புச்சத்து மற்றும் வைட்டமின்கள் தேவை என்று பல ஆய்வுகள் நிரூபித்துள்ளன.

உங்கள் முடி உதிர்தல் பிரச்சனையை கட்டுப்படுத்த உதவும் உணவுகளை பற்றி காணலாம். 

ஊட்டச்சத்து உணவுகள்

உங்கள் தலைமுடி வளர ஊட்டச்சத்துகள் அவசியம். ஊட்டச்சத்து நிறைந்த உணவுகளை நாம் எடுத்துக்கொள்ள வேண்டும்.

சோயாபீன்ஸ் – சோயாபீன்ஸ் இரும்பு, துத்தநாகம் மற்றும் வைட்டமின் ஈ ஆகியவற்றின் சிறந்த மூலமாகும். சோயாபீன் இரத்தத்தில் உள்ள ஹீமோகுளோபின் உள்ளடக்கத்தை மேம்படுத்துகிறது.

இது உடல் திசுக்களுக்கு போதுமான ஆக்ஸிஜனை மேலும் உறுதி செய்கிறது. வைட்டமின் ஈ பற்றாக்குறையால் உச்சந்தலையில் இரத்த ஓட்டம் மற்றும் ஆக்ஸிஜன் பற்றாக்குறை ஏற்படுவது முடி உதிர்தலுக்கு முக்கிய காரணங்களில் ஒன்றாகும்.

ஜூஸ் மற்றும் ஆர்கானிக் உணவு – சிட்ரஸ் பழச்சாறு மற்றும் ஆர்கானிக் காய்கறிகளின் உணவு முடி வளர்ச்சியை அதிகரிக்கும் மற்றும் முடியின் தரத்தையும் அதிகரிக்கிறது.

ஆரஞ்சு சாறு முடி வளர்ச்சிக்கு சிறந்த ஆதாரமாக எடுத்துக் கொள்ளப்படுகிறது. இதில் வைட்டமின் சி உள்ளது, இது இரும்பு உறிஞ்சுதலை மேம்படுத்துகிறது.

பாதாம் – நினைவாற்றலை அதிகரிப்பதில் பாதாம் பிரபலமானது. ஆனால் இது உங்கள் தலைமுடிக்கு சிறந்த உணவு என்று வெகு சிலருக்குத் தெரியும்.

இதில் ஏராளமான புரதம், இரும்புச்சத்து மற்றும் வைட்டமின் ஈ உள்ளது. இது உங்கள் தலைமுடி ஆரோக்கியமாக இருக்க தேவையான சரியான உணவாகும். தினமும் குறைந்தது 5-8 பாதாம் பருப்புகளை சாப்பிட வேண்டும்.

ஓட்ஸ் – ஓட்ஸ் பொட்டாசியம், பாஸ்பரஸ் மற்றும் மெக்னீசியம் ஆகியவற்றின் நல்ல மூலமாகும். ஓட்ஸ் இரத்தத்தில் இரும்புச் சத்தை உறிஞ்சுவதையும் அதிகரிக்கிறது.

பீன்ஸ் – பீன்ஸில் வைட்டமின் பி6 மற்றும் துத்தநாகம் நிறைந்துள்ளது. இது முடி உதிர்வை சரிசெய்வது மட்டுமல்லாமல் ஆரோக்கியமான முடி மற்றும் பொடுகு வராமல் தடுப்பதை உறுதி செய்கிறது.

உங்கள் உணவில் இந்த ஐந்து உணவுப் பொருட்களையும் சேர்த்துக்கொள்வது, உங்கள் உச்சந்தலையை சுத்தமாக வைத்திருப்பது, எண்ணெய் மசாஜ், ஹேர் பேக்குகள் போன்ற சில நடவடிக்கைகள் முடி உதிர்வைக் குறைக்கும்.