மகளிர் உலகக்கோப்பை டி20 -பாகிஸ்தானை வீழ்த்தி இந்தியா வெற்றி …
மகளிர் உலகக்கோப்பை டி20 தொடரின் நேற்றைய ஆட்டத்தில் இந்திய அணி 7 விக்கெட் வித்தியாசத்தில் பாகிஸ்தானை வீழ்த்தியது.
கேப்டன் மரூஃப் அதிரடி
கேப்டவுனில் நடந்த போட்டியில் முதலில் ஆடிய பாகிஸ்தான் அணி, 4 விக்கெட் இழப்புக்கு 149 ஓட்டங்கள் எடுத்தது. அதிகபட்சமாக கேப்டன் மரூஃப் 55 பந்துகளில் 68 ஓட்டங்களும், ஆயிஷா நசீம் 25 பந்துகளில் 43 ஓட்டங்களும் எடுத்தனர்.
இந்திய அணியின் தரப்பில் ராதா யாதவ் 2 விக்கெட்டுகளையும், தீப்தி சர்மா மற்றும் பூஜா தலா 2 விக்கெட்டுகளையும் கைப்பற்றினர். அடுத்து களமிறங்கிய இந்திய அணி 19 ஓவரில் வெற்றி இலக்கை எட்டியது.
வெற்றியை உறுதி செய்த ஜெமிமா
ஜெமிமா ரோட்ரிகஸ் இறுதிவரை அட்டமிழக்காமல் 53 (38) ஓட்டங்கள் எடுத்தார். ஷஃபாலி வெர்மா 33 ஓட்டங்களும், ரிச்சா கோஷ் 31 ஓட்டங்களும் எடுத்தனர். பாகிஸ்தானின் நஷ்ரா சந்து 2 விக்கெட்டுகளை வீழ்த்தினார்.
இன்று மாலை நடக்கும் போட்டியில் அயர்லாந்து – இங்கிலாந்து அணிகளும், இரவு நடக்கும் போட்டியில் தென் ஆப்பிரிக்கா – நியூசிலாந்து அணிகளும் மோதுகின்றன.