சரியாக மலம் கழிக்க முடியாமல் அவதிப்படுவது பலருக்கும் உள்ளது. மலச்சிக்கல் மிகவும் சாதாரண பிரச்சினையாக இன்று மாறி விட்டது. மலச்சிக்கலுக்கு பல்வேறு காரணங்கள் உள்ளன. சரியான டயட்டை கடைப்பிடிக்காமல் இருப்பது, போதிய உடற்பயிற்சி செய்யாமல் இருப்பது, நீண்ட பயணங்கள், உரிய நேரத்தில் மலம் கழிக்காமல் இருப்பது என பல காரணங்கள் இதற்கு உள்ளன. மலச்சிக்கலே இல்லாமல் மலம் கழிப்பதிலும் அசெளகரியம் எதிர்நோக்குபவர்களுக்கு உதவக்கூடிய வீட்டு மருத்துவம் குறித்து விளக்குகிறார் ஆயுர்வேத மருத்துவ நிபுணர் G.K.தாராஜெயஸ்ரீ BAMS.

மலச்சிக்கலை போக்க வீட்டு மருந்துகள்

மலச்சிக்கலை சரி செய்யவும், ஜீரணத்தை முறைப்படுத்தவும், வீட்டிலேயே பல நல்ல வழிகள் உள்ளன. அதிக மன அழுத்தமும் கூட மலச்சிக்கலை ஏற்படுத்தும். உணவில் நார்ச்சத்து கொண்ட உணவுகளை அதிகம் சாப்பிட வேண்டும். 

அதிக அளவில் தண்ணீர் குடிக்க வேண்டும். முறையாக உடற்பயிற்சிசெய்ய வேண்டும். இயற்கையான சில வழிமுறைகளை கையாண்டாலே மலச்சிக்கலை வராமல் சரிசெய்ய முடியும். 

​மலச்சிக்கலுக்கு ஆளிவிதைகள்

மலச்சிக்கலைப் போக்குவதில் ஆளி விதைகள் நல்ல பலனைத் தருகின்றன. அதில் நார்ச்சத்து அதிகம் உள்ளது. கெட்ட் கொழுப்பு குறைவாக உள்ளது. ரத்தத்தில் சர்க்கரை அளவையும் இது சீராக்கும். 

தொடர்ந்து ஆளி விதைகளை எடுத்துக் கொண்டால் நல்ல பலனைக் காணலாம். ஆளிவிதையை பொடித்து பாலில் கலந்து குடிக்கலாம். ஆளி விதைகளை வெந்நீரில் ஊறவைத்து குடிக்கலாம். ஆளிவிதையை சாலட் மீது தூவி சாப்பிடலாம். 

​மலச்சிக்கலுக்கு திரிபலா பவுடர்

திரிபலா பவுடர் இன்னொரு நல்ல மருந்து. இது மலம் கழிப்பதை எளிதாக்கும். சிக்கலை போக்கும். அரை அல்லது ஒரு டீஸ்பூன் திரிபலா பவுடரை வெந்நீரில் கலந்து சிறிது நேரம் கழித்து அதை அருந்த வேண்டும். இதை இரவு தூங்கும் போது பாலில் கலந்தும் குடிக்கலாம். 

​மலச்சிக்கலுக்கு பெருஞ்சீரகம்

வயிறு குடலில் உள்ள திசுக்களை எளிதாக்கி மலம் எளிதாக கழிவதை சுலபமாக்க பெருஞ்சீரகம் உதவும். வயிற்றில் ஹைபர் அசிடிட்டி ஏற்படுவதையும் இது சரி செய்கிறது. அஜீரணத்தையும் இது போக்கும்.

வறுத்த பெருஞ்சீரகத்தை பொடியாக்கி அதை தண்ணீரில் கலந்து குடிக்க வேண்டும். மலச்சிக்கல் இருப்பவர்கள் தினசரி குடித்தால் பலன் கிடைக்கும்.

​மலச்சிக்கலுக்கு விளக்கெண்ணெய்

விளக்கெண்ணெய் மலச்சிக்கலை போக்க உதவும். குடல் வால்களை சுத்தம் செய்து மலம் எளிதாக கழிய இது உதவும். ஆனால் இதை அடிக்கடி எடுக்க கூடாது. குளிர்ச்சியான உடலை கொண்டவர்களும் கர்ப்பிணிகளும் ஒருவயதுக்குட்பட்ட குழந்தையும் எடுக்க கூடாது. மருத்துவரின் அறிவுரையோடு எடுக்க வேண்டும்.

விளக்கெண்ணெய் கால்டீஸ்பூன் அளவு எடுத்து கதகதப்பான வெந்நீரில் சேர்த்து குடிக்கலாம். காலையில் வெறும் வயிற்றில் குடித்தால் போதும். 

6​மலச்சிக்கலுக்கு விளக்கெண்ணெய்

விளக்கெண்ணெய் மலச்சிக்கலை போக்க உதவும். குடல் வால்களை சுத்தம் செய்து மலம் எளிதாக கழிய இது உதவும். ஆனால் இதை அடிக்கடி எடுக்க கூடாது. குளிர்ச்சியான உடலை கொண்டவர்களும் கர்ப்பிணிகளும் ஒருவயதுக்குட்பட்ட குழந்தையும் எடுக்க கூடாது. மருத்துவரின் அறிவுரையோடு எடுக்க வேண்டும்.

விளக்கெண்ணெய் கால்டீஸ்பூன் அளவு எடுத்து கதகதப்பான வெந்நீரில் சேர்த்து குடிக்கலாம். காலையில் வெறும் வயிற்றில் குடித்தால் போதும்.

மலச்சிக்கலுக்கு டயட்

மலச்சிக்கலைப் போக்க டயட்டை சரிவர கடைப்பிடிப்பது முக்கியம். மேலும் வாழ்க்கை முறையிலும் மாற்றம் செய்ய வேண்டியது முக்கியமாகும். மலச்சிக்கல் என்பது நோய் அல்ல. அது நமது உடலின் ஒழுங்கு சீர்குலைவதால் ஏற்படும் அறிகுறியாகும். எனவே இதை சரி செய்ய நமது வாழ்க்கை முறையிலும், டயட்டிலும் தேவையான மாற்றம் செய்ய வேண்டியது அவசியமாகும்.

நிறைய காய்கறிகள், பச்சைக் காய்கறிகள், கீரைகள், முழு தானியங்கள் சாப்பிட வேண்டும். காலிபிளவர், முட்டைகோஸ், பீன்ஸ், கொய்யா, பேரீச்சம் பழம், ஆரஞ்சு சாப்பிடுவது நல்லது.

நிறைய தண்ணீர் குடியுங்கள். கூடவே நார்ச்சத்து உள்ள பொருட்களையும் அதிகம் சாப்பிடுங்கள்.

நிறைய டீ, காபி குடிக்காதீர்கள். பாட்டில்களில் அடைத்து வைக்கப்படும் குளிர்பானங்களையும் குடிக்காதீர்கள்.

காரம் எண்ணெய் உணவுகள், பொறித்த உணவுகளை சாப்பிடாதீர்கள். பாஸ்ட் ஃபுட்டை தவிருங்கள்.

​மலச்சிக்கலுக்கு உடற்பயிற்சி

தினசரி உடற்பயிற்சி செய்யுங்கள். அரை மணி நேரமாவது செய்ய வேண்டும். யோகா செய்ய வேண்டும். உத்தன பாதாசானா, யோகா முத்ரா, பவன் முக்தாசனா ஆகியவை நல்லது.

இயற்கையாகவே நமது உடலின் பிரச்சினைகளை சரி செய்ய ஆயுர்வேதம் வழி காட்டியுள்ளது. அதை நாம் பின்பற்றினால் போதும். இயற்கையே நமக்கு வழிகளையும் வைத்துள்ளது. அதை அனைவரும் கடைப்பிடித்தாலே போதும்.

மலச்சிக்கலின் போதும் மலம் கழிப்பதில் சிரமத்தை எதிர்கொள்ளும் போது இந்த வீட்டு வைத்தியம் கைகொடுக்கும் என்றாலும் மலச்சிக்கல் தீவிரமாக இருந்தால் மருத்துவரின் அறிவுரையோடு வைத்தியம் செய்வது பாதுகாப்பான பலனை கொடுக்கும்.