முகத்தின் அழகை அதிகரிக்க பெண்கள் பல்வேறு வகையான ரசாயன பொருட்களை பயன்படுத்துகின்றனர். அதற்கு பதிலாக உங்கள் சமையலறையில் இருக்கும் சில பொருட்களை சரும பராமரிப்பில் பயன்படுத்தலாம். பல சமயங்களில் ரசாயன பொருட்களை பயன்படுத்துவதால் கடுமையான பக்க விளைவுகளும் ஏற்படும். அதோடு கூட தீர்வு என்பது தாற்காலிக தீர்வாகவே இருக்கும்.
இந்நிலையில், உங்கள் சமையலறையில் இருக்கும் சில பொருட்களை சரும பராமரிப்பில் பயன்படுத்தலாம். இந்தியாவின் சமையல் அறையில் பல வகையான மசாலாப் பொருட்கள் பயன்படுத்தப்படுகின்றன. அவை ஆரோக்கியத்திற்கும் சருமத்திற்கும் நன்மை பயக்கும். இலவங்கப்பட்டை மற்றும் நட்சத்திர சோம்பு உணவில் சுவையும் வாசனையையும் கூட்ட பயன்படுத்தப்படுகிறது. இவற்றால் உணவின் சுவை கூடுகிறது. இதனுடன், இலவங்கப்பட்டை மற்றும் நட்சத்திர சோம்பும் சருமத்திற்கும் மிகவும் நன்மை பயக்கும். இது பருக்கள், வறண்ட சருமம், சுருக்கங்கள் போன்ற பிரச்சனைகளில் இருந்து விடுவித்து அற்புதங்களை நிகழ்த்துகிறது. இலவங்கப்பட்டை கொண்டு ஆண்டி ஏஜிங் வாட்டரை எப்படி தயாரித்து பயன்படுத்த வேண்டும் என்பதை இன்று அறிந்து கொள்ளலாம்

தேவையான பொருட்கள் :

நட்சத்திர சோம்பு – 3
இலவங்கப்பட்டை – 1 அங்குலம்
தண்ணீர்- 500 மில்லி

முதுமையை விரட்டும் மேஜிக் தண்ணீரை தயாரிக்கும் முறை:

முதலில், மூன்று பொருட்களையும் பாத்திரத்தில் சேர்த்து கொதிக்க விடவும். அதனை குறைந்த தீயில் கொதிக்க விடவும். தண்ணீரின் நிறம் மாறியதும், அடுப்பை அணைக்கவும். இப்போது இந்த தண்ணீரை குளிர்விக்கவும். ஆறிய பிறகு பாட்டிலில் நிரப்பி ஃப்ரிட்ஜில் வைக்கவும். உங்கள் முதுமையை விரட்டும் இப்போது மேஜிக் நீர் தயாராக உள்ளது.

ஆண்டி ஏஜிங் தண்ணீரை பயன்படுத்தும் முறை :

ஆண்டி ஏஜிங் தண்ணீரை பயன்படுத்துவதற்கு முன் முகத்தை சுத்தம் செய்யவும். இப்போது இலவங்கப்பட்டை தண்ணீரை பருத்தியில் நனைத்து, முகம் மற்றும் கழுத்தில் தடவவும். இரவு முழுவதும் அப்படியே விடவும். காலையில் சாதாரண நீரினால் கழுவவும். இதனை தொடர்ந்து செய்து வந்தால், முகத்தின் சுருக்கங்கள், பருக்கள் அனைத்தும் நீங்கி, சருமம பொலிவு பெறும்.