யூரிக் அமிலம் குறைய சிறந்த டயட்மற்றும் அட்டகாசமான வீட்டு குறிப்புகள் ..!!
இந்த யூரிக் அமிலம் அளவு அதிகமாக இருப்பவர்கள் என்ன செய்யலாம், என்ன மாதிரியான உணவுகள் அதை குறைக்க செய்யும் என்பதை இந்த பதிவில் தெரிந்துகொள்வோம்.
யூரிக் அமிலம் என்பது இரத்தத்தில் காணப்படும் கழிவு பொருள். ப்யூரின்கள் எனப்படும் இராசயனங்களை உடைக்கும் போது இது உருவாகிறது. உடலில் யூரிக் அமிலம் அதிகரிக்கும் போது இரத்தத்தில் கரைந்து சிறுநீரகங்கள் வழியாக சென்று சிறுநீரில் உடலை விட்டு வெளியேறும். இவை அதிகமாக உடலில் இருந்தால் ஹைப்பர்யூரிசிமியா என்னும் நிலை உண்டாகலாம். இவை மூட்டுகளில் படிந்து கீல்வாதத்தை உண்டு செய்யலாம். சிறுநீரகத்தில் கற்களையும் உருவாக்கலாம்.
இந்த யூரிக் அமில அளவுகள் இறுதியில் நிரந்தர எலும்பு, மூட்டு மற்றும் திசு சேதங்களையும் சிறுநீரக நோய் மற்றும் இதய நோய்க்கும் வழிவகுக்கும். இந்த உயர் யூரிக் அமில அளவு மற்றும் டைப் 2 நீரிழிவு , உயர் இரத்த அழுத்தம் மற்றும் கொழுப்பு கல்லீரல் நோய் ஆகியவற்றிற்கு இடையே தொடர்பு இருப்பதாக ஆராய்ச்சி காட்டுகிறது.
யூரிக் அமிலம் என்றால் என்ன?
ப்யூரின்கள் அதிகம் உள்ள சில உணவுகள் மற்றும் பானங்கள் யூரிக் அமிலத்தின் அளவை இரத்தத்தில் அதிகரிக்க செய்யும். இந்த யூரிக் அமிலம் கற்களாக மாறி சிறுநீரகத்தில் உட்காரும். இதனால் சிறுநீரக கற்களும் அடிக்கடி வரலாம். அதே போன்று எலும்புகள், மூட்டுகளில் சென்று தேங்கி பெருவிரல் வீக்கம், மூட்டு வலி போன்றவை வரலாம்.
சிலருக்குயூரிக் அமிலமும் ஹார்மோன் சமநிலையின்மையும் சிலருக்கு சேர்ந்து இருக்கும். ஹார்மோன் சமநிலையின்மை இருந்தால் அவர்களும் இந்த யூரிக் அமில டயட் ஃபாலோ செய்யலாம். இதுதான் முக்கியம். அதனால் முதலில் ப்யூரின் அதிகம் உள்ள உணவுகள் என்ன, எதை தவிர்க்க வேண்டும் என்பதை முதலில் தெரிந்துகொள்வோம்.
யாருக்கு யூரிக் அமிலம் யாருக்கு அதிகமாக இருக்கும்?
மதுப்பழக்கம் உள்ளவர்களுக்கு உடலில் ப்யூரின் அளவு அதிகரிக்க செய்யலாம். இவர்கள் மதுப்பழக்கத்தை தவிர்க்க வேண்டும்.
மாட்டிறைச்சி பன்றி இறைச்சி அதிகம் சேர்ப்பவர்களுக்கு உடலில் யூரிக் அமிலம் அதிகமாக இருக்கும், இது ப்யூரின் அதிகம் சேர்க்கும். இவர்கள் இந்த இறைச்சி வகையை தவிர்க்க வேண்டும்.
ப்ராய்லர் கோழி, ப்ராய்லர் முட்டை அதிகம் எடுப்பவர்களுக்கும் உடலில் யூரிக் அமிலம் அதிகரிக்க செய்யும். இதையும் தவிர்க்க வேண்டும்.
இனிப்பு அதிகம் சாப்பிடுபவர்களுக்கும் உடலில் யூரிக் அமிலம் அதிகரிக்கும். இது ப்யூரின் அளவை அதிகரிக்கும். அதனால் இனிப்பு வகைகளை கட்டுப்படுத்த வேண்டும்.
இனிப்பு அதிகம் கொண்ட பழங்களை எடுக்கும் போது அதில் இருக்கும் ப்ரக்டோஸ் என்னும் பொருள் உடலில் யூரிக் அளவை அதிகரிக்க செய்யும். குறிப்பாக அன்னாசி, சப்போட்டா போன்றவை அதிக சத்து கொண்டவை என்றாலும் அதுவும் உடலில் யூரிக் அலவை அதிகரிக்க செய்துவிடும்.
பதப்படுத்தப்பட்ட உணவுகள். ரெடிமேட் உணவுகள் இட்லி, தோசை, ரெடிமேட் சப்பாத்தி, ரெடிமேட் பரோத்தா, ரெடிமேட் உணவுகள், ஃப்ரீ குக் உணவுகள் நூடுல்ஸ் இரண்டு நிமிடம் வேகவைத்து எடுத்துகொள்ளும் உணவுகள் போன்றவை எல்லாமே தவிர்க்க வேண்டும். இது உடலில் ப்யூரின் அளவை அதிகரிக்கிறது. இது இரத்தத்தில் யூரிக் அமில அளவை அதிகரிக்க செய்கிறது. இதனால் பலவிதமான நோய்களுக்கு ஆளாகிறோம்.
ப்யூரின் அளவை குறைக்க உதவும் உணவுகள்?
ப்யூரின் அளவை குறைக்க செய்யும் உணவுகள் குறிப்பாக ப்யூரின் அளவை வெளியேற்றும் உணவுகள் எடுப்பது பலனளிக்கும். நீர்ப்பழங்கள் ஆரஞ்சு, சாத்துக்குடி, தர்பூசணி போன்ற நீர்ச்சத்து நிறைந்த பழங்கள் எடுத்துகொள்ளலாம்.
காய்கறிகளில் பூசணிக்காய், புடலங்காய், பீர்க்கங்காய், செள செள, வெண்டைக்காய், சுரைக்காய் போன்றவற்றை எடுத்துகொள்ளலாம்.
புரதம் என்றால் அதிலும் வாதத்தை அதிகரிக்காத மற்றும் எளிதில் செரிமானம் ஆகக்கூடிய பொருள்கள் எடுத்துகொள்ளலாம். பட்டாணி, சோயா போன்றவை வாதத்தை அதிகரித்து கொள்ள செய்யும்.
எளிதில் செரிமானம் ஆகக்கூடிய பருப்பு வகைகள் எடுப்பது ப்யூரின் அளவை குறைக்கலாம்.
நட்ஸ் வகைகளில் பாதாம், வால்நட் இரண்டுமே யூரிக் அமில அளவை குறைக்க செய்யும். குறிப்பாக நட்ஸ் வகைகள் எல்லாமே உடலில் யூரிக் அமில அளவை அதிகரிக்க செய்யும். ஆனால் இந்த பாதாம் மற்றும் வால்நட் இரண்டுமே யூரிக் அமில அளவை குறைக்க செய்யும். ஆனால் அளவாக எடுக்க வேண்டும். இவை உடலுக்கு புரதமும் அளிக்கும். சத்தானதாகவும் இருக்கும்.
உடலில் நீர்ச்சத்து குறைந்தாலும் உடலில் யூரிக் அமிலம் அதிகரிக்க செய்யலாம். தண்ணீர் குறைவாக குடிக்கும் போது யூரிக் அமிலம் அதிகரிக்கலாம்.
சிறுதானியங்கள் எடுக்கும் போது ப்யூரின் அளவு குறையும்.
தாவர எண்ணெய்கள் நல்லெண்ணெய் போன்றவை ப்யூரின் அளவை குறைக்க செய்யும்.
யூரிக் அமிலம் குறைவதற்கான டயட் முறைகள் :
காலையில் சிறுதானிய கஞ்சி (கருப்பு கவுனி கஞ்சி, ராகி கஞ்சி, பார்லி கஞ்சி அதனுடன் 4 பாதாம் மற்றும் 4 வால்நட் இரவு ஊறவைத்து எடுக்க வேண்டும். இது உடலுக்கு வேண்டிய புரதம் கிடைக்கும்.
கஞ்சி வகைகள் சிறுநீர் அளவை அதிகரித்து அமிலத்தன்மையை வெளியேற்றும்.
மதிய உணவில் கீரைகள் கண்டிப்பாக இருக்கட்டும். கீரை உடல் உஷ்ணம் தவிர்ப்பதோடு சிறுநீர் வெளியேறும் அளவை அதிகரிக்க செய்யும். இதனுடன் கைக்குத்தல் அரிசி எடுத்துகொள்ளலாம். இது யூரிக் அமிலம் அதிகம் கொண்டுள்ள நோயாளிகளுக்கு உதவும்.
இரவு உணவில் 7 மணிக்குள் எடுத்துகொள்ளுங்கள்.
சிறுதானிய உணவுடன் கூடவே நீர்ச்சத்துள்ள காய்கறிகள் புடலங்காய், சுரைக்காய், செள செள போன்ற காய்கறி கூட்டுகள் இருக்கட்டும்.
இது போன்று மூன்று வேளையும் என்ன டையூரிடிக் எடுத்துகொள்கிறீர்கள். ப்யூரினை வெளியேற்ற என்ன உணவுகள் எடுக்கிறீர்கள் என்பதை பொறுத்து உங்கள் உடலில் யூரிக் அமிலம் நன்றாகவே குறைய ஆரம்பிக்கும்.
உடலில் யூரிக் அமிலம் குறைய திரிபலா சூரணம் உதவுமா?
அரை டீஸ்பூன் திரிபலா சூரணத்தை வெதுவெதுப்பான நீரில் கலந்து இரவு உணவுக்கு முன்பு எடுத்துகொள்ளலாம். இது யூரிக் அமிலம் குறைக்கும்.
திரிபலா சூரணத்தை யூரிக் அமிலம் குறைய எடுத்துகொள்ளலாம். எனினும் சுயமாக இல்லாமல் மருத்துவரின் அறிவுரையோடு எடுத்துகொள்ள வேண்டும்.
நண்பகல் வேளையில் வாழைத்தண்டு சாறாக்கி குடிக்கலாம். வாழைத்தண்டு ஒரு ஜாண் அளவு எடுத்து அதை நறுக்கி அரைத்து அதனுடன் சம அளவு மோர்கலந்து மிளகு, உப்பு சேர்த்து குடிக்கலாம்.
ஆனால் இதை தினமும் எடுக்க கூடாது. எல்லோரும் குடிக்க கூடாது. ஆனால் சிறுநீரக கல், யூரிக் அமிலம் குறைய இந்த பிரச்சனை இருப்பவர்கள் குடிக்கலாம். அதுவும் கட்டுக்குள் வரும் வரை.