இயக்குநர் விக்னேஷ் சிவன் இன்ஸ்டாகிராமில் எவ்வளவு ஆக்டிவாக இருக்கிறார் என்பது நாங்கள் சொல்லி உங்களுக்கு தெரிய வேண்டியது இல்லை. இந்நிலையில் அவர் இன்ஸ்டா ஸ்டோரீஸில் அஜித்தின் புகைப்படத்தை வெளியிட்டுள்ளார்.

லடாக் பகுதியில் பைக்கில் வலம் வரும் அஜித் கார்கில் நினைவிடத்திற்கு சென்று மரியாதை செலுத்தியிருக்கிறார். அஜித்தை பார்த்த ராணுவ வீரர்கள் அவருடன் சேர்ந்து புகைப்படம் எடுத்துள்ளனர்.

இந்நிலையில் கார்கில் நினைவிடத்தில் அஜித் நிற்கும் புகைப்படத்தை தான் இன்ஸ்டா ஸ்டோரீஸில் வெளியிட்டுள்ளார் விக்னேஷ் சிவன். அதை பார்த்த ரசிகர்களோ, விக்னேஷ் சிவனுக்கு தான் தல மீது எம்புட்டு பாசம். ஒரே லவ்வாகத் தான் இருக்கிறது என்கிறார்கள்.

முன்னதாக காதல் மனைவியான நயன்தாராவுடன் தேனிலவுக்கு சென்றபோது கூட அஜித்தின் பைக் ரைடிங் புகைப்படங்களை இன்ஸ்டா ஸ்டோரீஸில் தொடர்ந்து வெளியிட்டு வந்தார் விக்னேஷ் சிவன்.

தனக்கு அஜித்தை மிகவும் பிடிக்கும் என்று முன்பே தெரிவித்த விக்னேஷ் சிவன், தன் இன்ஸ்டா ஸ்டோரீஸில் தல புகைப்படங்களை தொடர்ந்து வெளியிட்டு வருகிறார்.

கெரியரை பொறுத்தவரை அஜித்தை வைத்து ஏ.கே. 62 படத்தை இயக்கவிருக்கிறார் விக்னேஷ் சிவன். அந்த படத்தில் அஜித் ஜோடியாக நயன்தாரா நடிக்கவிருக்கிறார். அஜித்தை வைத்து ஒரு படமாவது இயக்க வேண்டும் என்கிற தன் கனவு நிறைவேறிய சந்தோஷத்தில் இருக்கிறார் விக்னேஷ் சிவன்.