கமல் ஹாசனின் விக்ரம் படம் ஜூன் மாதம் 3ம் தேதி ரிலீஸாகவிருக்கிறது. படத்தை தன் ரெட் ஜெயன்ட் மூவீஸ் நிறுவனம் மூலம் வெளியிடுகிறார் உதயநிதி ஸ்டாலின்.

இந்நிலையில் விக்ரம் படம் ரிலீஸாவதற்கு முன்பே ரூ. 200 கோடி வசூல் செய்துள்ளது. படத்தின் சாட்டிலைட் உரிமம் மற்றும் ஓடிடி உரிமம் ஆகியவை பெரிய தொகைக்கு சென்றிருக்கிறது.

கமலின் படம் ரிலீஸுக்கு முன்பே ரூ. 200 கோடி வசூல் செய்திருப்பது இதுவே முதல் முறையாகும். இதற்கிடையே விக்ரம் படத்தின் ஒன்லைனர் இது தான் என்று கூறி ஒரு தகவல் சமூக வலைதளங்களில் வலம் வந்து கொண்டிருக்கிறது.

ஐஎம்டிபி இணையதளத்தில் அதிகம் எதிர்பார்க்கப்படும் படங்கள் பட்டியலில் விக்ரம் முதலிடத்தில் இருக்கிறது. நான்கு ஆண்டுகள் கழித்து கமல் நடிப்பில் ஒரு படம் ரிலீஸாவதால் விக்ரம் படத்தை அனைத்து தரப்பு ரசிகர்களும் எதிர்பார்க்கிறார்கள். 

மேலும் கிளைமாக்ஸ் காட்சியில் சூர்யா வருவதால் அவரின் ரசிகர்களும் விக்ரம் படத்தை பார்க்க காத்துக் கொண்டிருக்கிறார்கள். சூர்யா வருவதை யாருக்கும் தெரிவிக்காமல் படம் பார்த்து ரசிகர்கள் அடடா என்று ஆச்சரியப்பட வேண்டும் என்று நினைத்திருக்கிறார் லோகேஷ் கனகராஜ். ஆனால் அதற்குள் அந்த தகவல் கசிந்துவிட்டது.

சூர்யா நடிக்க ஒப்புக்கொள்வாரா மாட்டாரா என்கிற சந்தேகத்தில் தான் கதை சொல்லியிருக்கிறார் லோகேஷ். ஆனால் கதையை கேட்டதுமே நான் நடிக்கிறேன் என்று கூறியிருக்கிறார் சூர்யா.