90களில் தமிழ், தெலுங்கு திரையுலகின் முன்னணி ஹீரோயினாக இருந்தவர் ரோஜா. சூப்பர் ஸ்டார் ரஜினிகாந்த் முதல் அனைத்து முன்னணி ஹீரோக்களுடனும் ஜோடியாக நடித்தார்.

ரோஜாவுக்கு அன்ஷுமாலிகா என்கிற மகள் இருக்கிறார். அவர் அம்மா வழியில் நடிகையாகிறார் என்று கூறப்பட்டது.

இந்நிலையில் த்ருவ் விக்ரம் நடிக்கும் தெலுங்கு படத்தில் அவருக்கு ஜோடியாக அன்ஷுமாலிகா நடிப்பதாக தகவல் வெளியாகியிருக்கிறது. இது குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.

த்ருவ் படம் மூலம் அன்ஷுமாலிகா நடிகையாகவிருப்பதை பார்க்க பலரும் ஆவலாக இருக்கிறார்கள். அம்மாவை போன்றே அழகாகவும், அறிவாகவும் இருக்கும் அன்ஷுமாலிகா பெரிய ஆளாக வர ரசிகர்கள் வாழ்த்து தெரிவித்துள்ளனர்.

அர்ஜுன் ரெட்டி படத்தின் தமிழ் ரீமேக்கான ஆதித்ய வர்மா படம் மூலம் நடிகரானார் த்ருவ். இந்நிலையில் நேரடி தெலுங்கு படத்தில் நடிக்கவிருக்கிறார் என்பது குறிப்பிடத்தக்கது. 

நடிக்க வந்த வேகத்தில் தன் அப்பா விக்ரமுடன் சேர்ந்து மகான் படத்தில் நடித்துவிட்டார் த்ருவ். இதையடுத்து மாரி செல்வராஜ் இயக்கத்தில் ஸ்போர்ட்ஸ் டிராமா படத்தில் நடிக்க ஒப்பந்தமாகியிருக்கிறார்.

விக்ரம் நடிப்பில் அண்மையில் வெளியான கோப்ரா படத்தை பார்த்தவர்கள் அதில் வந்த இளம் வயது சீயானுக்கு, த்ருவை நடிக்க வைத்திருந்தால் நன்றாக இருந்திருக்குமே என்றார்கள்.