விஷால் படத்திற்கு உதவி செய்யும் தளபதி விஜய்.. இன்று செம விருந்து..!
விஷால் நடிக்கும் படத்தை புரமோஷன் செய்ய விஜய் ஒப்புக் கொண்டுள்ளதாக வெளிவந்திருக்கும் தகவல் பரபரப்பை ஏற்படுத்தி உள்ளது.
விஷால் நடிப்பில் உருவாகி வரும் திரைப்படம் ‘மார்க் ஆண்டனி’. இந்த படத்தின் படப்பிடிப்பு முடிவடைந்து, விறுவிறுப்பாக போஸ்ட் புரொடக்ஷன் பணிகள் நடைபெற்று வருகிறது.
இந்த நிலையில் இந்த ’மார்க் ஆண்டனி’ படத்தின் டீசர் இன்று வெளியாக இருக்கும் நிலையில் இந்த டீசரை விஜய் தனது சமூக வலைதள பக்கத்தில் வெளியிட ஒப்புக் கொண்டுள்ளதாக சில நாட்களாக செய்தி வெளியானது. இந்த நிலையில் இந்த தகவலை விஷால் தனது சமூக வலைத்தளத்தில் உறுதி செய்துள்ளதை அடுத்து விஷால் படத்தை விஜய் புரமோஷன் செய்ய இருப்பது உறுதி செய்யப்பட்டுள்ளது. இந்த தகவல் விஷால் மற்றும் விஜய் ரசிகர்களுக்கு மகிழ்ச்சியை ஏற்படுத்தி உள்ளது என்பது குறிப்பிடத்தக்கது
ஆதிக் ரவிச்சந்திரன் இயக்கத்தில் உருவாகி வரும் ’மார்க் ஆண்டனி’ படத்தில் விஷால், எஸ்ஜே சூர்யா, சுனில், டிஎஸ்ஜி, ரிதுவர்மா, உள்பட பலர் நடித்துள்ளனர். ஜிவி பிரகாஷ் இசையில் உருவாகி வரும் இந்த படம் விரைவில் ரிலீஸ் ஆகவுள்ளது.