28 லட்ச ரூபாய்க்கு உணவு ஆர்டர் செய்த நபர்
2022 முடிவடையும் போது, சொமாட்டோ (Zomato) மற்றும் ஸ்விக்கி (Swiggy) போன்ற உணவு விநியோக செயலிகள் 2022 இன் சிறந்த விற்பனை பற்றி தகவல் வெளியிட்டு வருகின்றன.
சொமாட்டோ ஆண்டு அறிக்கையின் படி, இந்த ஆண்டு 3000 உணவு ஆர்டர்கள் செய்து டெல்லியைச் சேர்ந்த ஒருவர் முதலிடம் பிடித்துள்ளார்.
இது ஒரு நாளைக்கு சுமார் 9 ஆர்டர்கள் என மதிப்பிடப்பட்டுள்ளது. ஆன்லைன் உணவு டெலிவரி செயலி மேலும் பல சுவாரஸ்யமான தகவல்களை வெளிப்படுத்தியுள்ளது, அதில் ஒன்று புனேயைச் சேர்ந்த ஒருவர் சொமாட்டோ செயலி மூலம் ரூ.28 லட்சம் மதிப்பிலான உணவை ஆர்டர் செய்ததாகக் கூறுகிறது.
ஆண்டு இறுதி அறிக்கையில், வாடிக்கையாளர்கள் இந்த ஆண்டு ஆடம்பரமாக செலவு செய்ததாகவும், அதில் ஒருவர் ஒரே ஆர்டரில் ரூ. 25,000 மதிப்புள்ள பீட்சாக்களை ஆர்டர் செய்ததாகவும் சொமாட்டோ தெரிவித்துள்ளது.