ஆனந்த் அம்பானி திருமணத்தின் முந்தய கொண்டாட்டத்திற்காக முகேஷ் அம்பானி செலவு செய்த பண விவரங்கள் வெளிவந்துள்ளது. 

ஆனந்த் அம்பானி திருமணம்

Reliance Industries Ltd தலைவரும், நிர்வாக இயக்குனருமான முகேஷ் அம்பானியின் இளைய மகன் ஆனந்த் அம்பானிக்கும், தொழிலதிபர் வீரேன் மெர்ச்சன்ட்டின் மகள் ராதிகா மெர்ச்சன்ட்டுக்கும் திருமணம் நிச்சயிக்கப்பட்டுள்ளது.இவர்களுக்கு 2023 -ம் ஆண்டு ஜனவரியில் மும்பையில் உள்ள அன்டாலியா இல்லத்தில் நிச்சயதார்த்தம் நடைபெற்றது. இவர்களின் திருமணம் வருகின்ற ஜூலை 12 -ம் திகதி மும்பையில் நடைபெற உள்ளது.இந்நிலையில், கடந்த 1 -ம் திகதி குஜராத்தின் ஜாம் நகரில் திருமணத்தின் முந்தய கொண்டாட்டம் தொடங்கியது. இதனால், ஜாம்நகரில் உள்ள விமான நிலையம் 10 நாட்களுக்கு மட்டும் சர்வதேச விமான நிலையமாக அங்கீகாரம் பெற்றது.

இதனால், ஜாம் நகருக்கு Mark Zuckerberg, Bill Gates, Shah Rukh Khan, Salman Khan, Janhvi Kapoor, Manushi Chillar, Rani Mukerji, Manish Malhotra, Ranveer Singh, Deepika Padukone, Alia Bhatt, Ranbir Kapoor, Atlee, Rajinikanth உள்ளிட்ட 1,000 சிறப்புவிருந்தினர்கள் வருகை புரிந்தனர்

எவ்வளவு செலவானது?

முதல் நாளான மார்ச் 1 -ம் திகதியில் அமெரிக்க பாப் பாடகியான ரிஹானாவின் (Pop Star Rihanna) இசைக் கச்சேரி நடைபெற்றது. இதற்கு மட்டுமே ரூ.75 கோடியை அம்பானி செலவு செய்துள்ளார்.இரண்டாம் நாளில் ஜாம்நகரில் உள்ள 3,000 ஏக்கர் வனத்தை விருந்தினர்கள் சுற்றி பார்த்தனர். மேலும், பல்வேறு இசை நிகழ்ச்சிகளும் நடத்தப்பட்டது. அதேபோல மூன்றாம் நாளில் யானைகளை பார்க்க விருந்தினர்கள் அழைத்துச் செல்லப்பட்டனர்.விருந்தினர்களின் உணவுக்காக இந்தியா, தாய்லாந்து, மெக்சிகோ என பல்வேறு நாடுகளை சேர்ந்த 2,500-க்கும் மேற்பட்ட உணவு வகைகள் பரிமாறப்பட்டன. கிட்டத்தட்ட உணவுக்கு மட்டுமே ரூ.130 கோடி செலவிடப்பட்டது.அம்பானி திருமணத்தின் முந்தய கொண்டாட்டத்திற்காக கடந்த 3 நாட்கள் நடைபெற்ற நிகழ்ச்சிகளுக்காக ரூ.1,250 கோடி செலவிடப்பட்டுள்ளது.