41 வயதில் குட் நியூஸ்..கர்ப்ப வயிற்றை காட்டி கலக்கல் போஸ் கொடுத்த நமீதா !!
நடிகை நமீதா அம்மாவாக போகும் தகவலை தனது கர்ப்ப வயிற்றை காட்டியப்படி கூறியுள்ளார்.
நடிகை நமீதா தான் அம்மாவாக போகும் தகவலை தனது பேபி பம்ப்பை காட்டியப்படி கலக்கலாக கூறியுள்ளார்.
எங்கள் அண்ணா
நடிகை நமீதா தமிழ், தெலுங்கு, மலையாளம் மற்றும் கன்னட சினிமாவில் பிரபல நடிகையாக வலம் வருகிறார். 2002ஆம் ஆண்டு தெலுங்கில் வெளியான சொந்தம் என்ற படத்தின் மூலம் தெலுங்கு சினிமாவில் அறிமுகமானார். தொடர்ந்து தமிழ் சினிமாவில் விஜயகாந்த் நடிப்பில் வெளியான எங்கள் அண்ணா படத்தின் மூலம் என்ட்ரியானார்.
பிக்பாஸ் முதல் சீசன்
தென்னிந்திய சினிமா மட்டுமின்றி இந்தி மற்றும் இங்கிலிஷ் படங்களிலும் நடித்து வருகிறார் நடிகை நமீதா. நடிகை நமீதா சினிமா மட்டுமின்றி தொலைக்காட்சி நிகழ்ச்சிகளிலும் பங்கேற்று வருகிறார். விஜய் டிவியில் ஒளிபரப்பான பிக்பாஸ் முதல் சீசன் நிகழ்ச்சியில் பங்கேற்றார் நமீதா. தொடர்ந்து பல்வேறு தொலைக்காட்சி நிகழ்ச்சிகளில் நடுவராக பங்கேற்றுள்ளார் நமீதா.
41 வயதில் குட் நியூஸ்
நடிகை நமீதா தமிழக பாஜகவிலும் முக்கிய பொறுப்பிலும் உள்ளார். நமீதா கடந்த 2017 ஆம் ஆண்டு வீரேந்திர சவுத்ரி என்பவரை காதலித்து திருமணம் செய்து கொண்டார். திருமணம் முடிந்து 5 ஆண்டுகள் ஆன நிலையில் தற்போது 41 வயதில் நடிகை நமீதா குட் நியூஸ் ஒன்றை கூறியுள்ளார். அதாவது நடிகை நமீதா தற்போது கர்ப்பமாக உள்ளாராம். இதனை நடிகை நமீதாவே தனது இன்ஸ்டாகிராம் பக்கத்தில் தெரிவித்துள்ளார்.
பேபி பம்ப்
கறுப்பு நிற உடையில் தனது பேபி பம்ப்பை காட்டி தான் தாயாக போகும் செய்தியை பூரிப்புடன் தெரிவித்துள்ளார். இதுதொடர்பான அவரது இன்ஸ்டா பதிவில் தெரிவித்திருப்பதாவது, “தாய்மை… இந்த புதிய அத்தியாயம் தொடங்கியதும், நான் மாறினேன், என்னுள் ஏதோ மாறியது, மிகவும் மென்மையாக. பிரகாசமான மஞ்சள் சூரியன் என் மீது பிரகாசிக்கும்போது, புதிய வாழ்க்கை, புதிய தொடக்கம் என்னை அழைக்கின்றன..
உன் மென்மையான உதைகள்
நான் விரும்பியதெல்லாம் நீதான், உனக்காக இவ்வளவு நேரம் பிரார்த்தனை செய்தேன்… உன் மென்மையான உதைகள் மற்றும் உன் படபடப்புகள், அவை அனைத்தையும் என்னால் உணர முடிகிறது, நான் இதுவரை இல்லாத ஒன்றை நீ என்னை உருவாக்குகிறாய்… ஆனால் நான் எப்போதும் இருப்பதை விட அதிகமாக! நமீதா” இவ்வாறு நடிகை நமீதா தனது இன்ஸ்டா பக்கத்ததில் குறிப்பிட்டுள்ளார்.