கவின் நடித்து வந்த ’ஸ்டார்’ மற்றும் ’கிஸ்’ ஆகிய இரண்டு படங்களின் படப்பிடிப்பு ஏற்கனவே முடிந்து தொழில்நுட்ப பணிகள் நடைபெற்று வரும் நிலையில் தற்போது இன்னொரு படத்தின் படப்பிடிப்பு முடிந்து விட்டதாக தகவல் வெளியாகியுள்ளது.

தமிழ் திரையுலகில் வளர்ந்து வரும் இளம் நடிகர்களில் ஒருவரான கவின் ’ஸ்டார்’ என்ற படத்தில் நடித்து வந்தார் என்பதும் அந்த படத்தின் படப்பிடிப்பு சமீபத்தில் முடிவடைந்தது என்பதையும் ஏற்கனவே பார்த்தோம். இதனை அடுத்து அவர் ‘கிஸ்’ என்ற படத்தில் நடித்து வந்த நிலையில் அந்த படத்தின் படப்பிடிப்பும் சமீபத்தில் முடிவடைந்தது.

இந்த நிலையில் அடுத்ததாக அவர் இயக்குனர் நெல்சனின் உதவியாளர் சிவபாலன் இயக்கத்தில் ஒரு திரைப்படத்தில் நடித்து வந்தார் என்ற நிலையில் இந்த படத்தின் படப்பிடிப்பு 46 நாட்களில் முடிவுக்கு வந்ததாக வெளிவந்திருக்கும் தகவல் ஆச்சரியத்தை ஏற்படுத்தியுள்ளது. இந்த படத்தின் படப்பிடிப்பு முடிவடைந்ததை குரூப் புகைப்படத்தின் மூலம் படக்குழுவினர் உறுதி செய்துள்ளனர்.

அனிருத் இசை அமைத்திருக்கும் இந்த படத்தை நெல்சன் தயாரித்து உள்ளார் என்பதும் இந்த படத்தில் கவின் ஜோடியாக பிரியங்கா மோகன் நடித்துள்ள நிலையில் ’ஜெயிலர்’ படத்தில் நடித்த தன்ராஜ் ,பிளாக் ஷீப் புகழ் அக்ஷயா உள்ளிட்ட பலர் நடித்துள்ளனர்.

இந்த நிலையில் ’ஸ்டார்’ ’கிஸ்’ மற்றும் ‘சிவபாலன்’ படம் என மூன்று படங்களில் நடித்து முடித்துவிட்ட கவின், அடுத்த படத்தின் படப்பிடிப்பிற்காக தயாராகி வருகிறார் என்பது குறிப்பிடத்தக்கது.