மாசம் ரூ. 25 லட்சம் சம்பளம், என் மனைவியா வர்றியானு கேட்ட தொழில் அதிபர்: நடிகை திடுக் தகவல்…
2003ம் ஆண்டு வெளியான விஷ்ணு தெலுங்கு படம் மூலம் நடிகையானவர் பீகார் மாநிலத்தை சேர்ந்த நீத்து சந்திரா.
யாவரும் நலம் படம் மூலம் கோலிவுட் வந்தார். ஜெயம் ரவியின் ஆதி பகவன், வைகை எக்ஸ்பிரஸ், தீராத விளையாட்டு பிள்ளை உள்ளிட்ட படங்களில் நடித்திருக்கிறார். சிங்கம் 3, சேட்டை, திலகர் ஆகிய தமிழ் படங்களில் ஒரு பாடலுக்கு டான்ஸ் ஆடியிருக்கிறார்.
தமிழ், தெலுங்கு, இந்தி, கன்னடம் தவிர்த்து ஹாலிவுட் படத்திலும் நடித்திருக்கிறார் நீத்து சந்திரா.
இந்நிலையில் பேட்டி ஒன்றில் அவர் கூறியிருப்பதாவது,
ஒரு வெற்றிகரமான நடிகையின் தோல்விக் கதை தான் என் கதை. தேசிய விருது வாங்கிய 13 பேருடன் சேர்ந்து வேலை செய்திருக்கிறேன். பெரிய படங்களில் நடித்திருக்கிறேன். ஆனால் இன்று வேலை இல்லாமல் இருக்கிறேன்.
மாதம் ரூ. 25 லட்சம் தருகிறேன், என் மனைவியாக இருக்கிறீர்களா என பெரிய தொழில் அதிபர் ஒருவர் என்னிடம் கேட்டார். மனைவியாக இருக்க சம்பளம். தற்போது என்னிடம் பணமோ, பட வாய்ப்போ இல்லை.
இதை நினைத்து கவலையாக இருக்கிறது. நிறைய படங்களில் நடித்தும் நான் தேவையில்லாதவள் போன்று உணர்கிறேன்.
ஆடிஷன் நடந்த ஒரு மணிநேரத்திற்குள் பிரபலமான காஸ்டிங் டைரக்டர் ஒருவர் என்னை நிராகரித்தார். அவரின் பெயரை சொல்ல விரும்பவில்லை என்றார்.