சினிமா

#Breaking “கண்ணா லட்டு தின்ன ஆசையா” நடிகரும், டாக்டருமான சேதுராமன் உயிரிழந...

Quick Share

கன்னா லட்டு தின்ன ஆசையா திரைப்படத்தில் முக்கிய கதாபாத்தில் இவர் நடித்திருப்பது குறிப்பிடத்தக்கது. இவர் நடிகர் சந்தானத்தின் நெருங்கிய நண்பர். இந்த படத்தின் வெற்றிக்கு பிறகு இவர் வாலிப ராஜ என்ற படத்தில் கமிட் ஆனார். இப்படத்தில் விசாகா சிங், விடிவி கணேஷ், தேவதர்ஷினி, மற்றும் பட்டிமன்றம் ராஜா உள்ளியிட்ட லீடிங் நடிகர்களுடன் நடித்துள்ளார்.

சந்தானம் மற்றும் விடிவி கணேஷுடன் மூன்றாவது படமான சக்க போடு போடு ராஜாவில் இவரின் கேரக்டர் மிக முக்கியமானது. அதன் பிறகு இவர் 50/50 என்ற படத்தில் சுருதி ராமக்ரிஷ்னன் மற்றும் பாலசரவனுடன் நடித்தார். இந்நிலையில் இவர் மாரடைப்பால் இறந்துள்ளது சினிமா துறையினரிடம் மிகுந்த சோகத்தை ஏற்படுத்தியுள்ளது.

வாழ்க்கையிலே முதல் ட்வீட் போட்ட நம்ம அண்ணன் வடிவேலு…

Quick Share

தமிழ் சினிமாவில் நீங்க இடம் பிடித்திருக்கும் ‘வைகைப் புயல்’ வடிவேலு மக்களிடையே காலத்தாலும் தனித்துவமான இடத்தை கொண்டுள்ளார். ஒவ்வொரு நாளும் ஆயிரக்கணக்கானோரால் அவரது படங்கள் பயன்படுத்தப்பட்டு, சாத்தியமான ஒவ்வொரு சூழ்நிலைக்கும் மீம்ஸை உருவாக்கப்படுகின்றன.

பல ஆண்டுகளுக்கு முன்பு ‘தெனாலி ராமன்’ படத் தயாரிப்பின் போது வடிவேலு ஒரு ட்விட்டர் கணக்கைத் தொடங்கினார், ஆனால் அதனை அவர் உபயோகப்படுத்தவில்லை. ஆனால் சில நாட்களுக்கு முன்பு ட்விட்டரில் மறுபிரவேசம் செய்தார். ஆனால், அதையடுத்து எந்த பதிவையும் அவர் போடவில்லை.

இந்நிலையில், அவர் தனது ரசிகர்களுக்கு முக்கியமான செய்தியை தமிழில் வெளியிட்டுள்ளார். ட்விட்டர் கணக்கைத் தொடங்கிய பிறகு பதிவிட்டுள்ள இந்த முதல் ட்வீட்டீல் “கொரோணா வைரஸ் பரவாமல் இருக்க அரசு சொல்லின்படி நான் வீட்டில் இருக்கின்றேன். நீங்கள் எல்லோரும் அது போல வீட்டுலயே இருக்குமாறு  தாழ்மையுடன் கேட்டுக்கொள்கிறேன். அவசியமின்றி யாரும் வீட்டை விட்டு வெளியே வர வேண்டாம் நன்றி வணக்கம்” எனப் பதிவிட்டுள்ளார்.

கொரோணா வைரஸ் பரவாமல் இருக்க அரசு சொல்லின்படி நான் வீட்டில் இருக்கின்றேன். நீங்கள் எல்லோரும் அது போல வீட்டுலயே இருக்குமாறு தாழ்மையுடன் கேட்டுக்கொள்கிறேன். அவசியமின்றி யாரும் வீட்டை விட்டு வெளியே வர வேண்டாம் நன்றி வணக்கம்.

கொரோனா வைரஸின் பரவலைத் தடுக்கும் முயற்சியில் 21 நாட்களுக்கு இந்தியா முழுவதுமாக ஊரடங்கில் இருக்கிறது. இந்த நேரத்தில் அவருடைய பதிவு இன்னும் சிலரிடம் விழிப்புணர்வை ஏற்படுத்தும் என நம்பப்படுகிறது.

முட்டாள் சகோதர்களே,,, ஏன் வெளியே சுத்திட்டு இருக்கீங்க – நடிகர் மாதவன் காட்டம் !!

Quick Share

கொரோனா வைரஸின் பரவலைத் தடுக்கும் முயற்சியில் 21 நாட்களுக்கு இந்தியா முழுவது ஊரடங்கு உத்தரவு பிறப்பிக்கப்பட்டுள்ளது. இருப்பினும் பலரும் நிலைமை புரியாமல் பொறுபாற்று வெளியே வாகனங்களில் சென்றுவருகின்றனர். அவ்வாறு செல்லும் வாகன ஓட்டிகளிடம் கைக்கூப்பி கெஞ்சிய ஒரு போக்குவரத்து போலீஸ்காரரின் முயற்சியை நடிகர் மாதவன் பாராட்டியுள்ளார்.

இது குறித்து மாதவன் தனது ட்விட்டர் பக்கத்தில், “தமிழக காவல்துறையினர் எல்லாவற்றையும் பணயம் வைத்து, நம்முடைய சில முட்டாள் சகோதரர்களை வீட்டிலேயே இருக்கும்படி கேட்டுக்கொள்கிறார்கள். இந்த போலீஸ்காரர்களுக்கு நான் மிகவும் அன்பு, மரியாதை மற்றும் நன்றியை தெரிவிக்கிறேன். தமிழ்நாடு காவல்துறைக்கு வணக்கங்கள். நாங்கள் உங்களுக்கு கடமைப்பட்டிருக்கிறோம்.” என்று பதிவிட்டுள்ளார்.

பாதிக்கப்பட்ட மக்களுக்காக 2 கோடி ரூபாய் வழங்கிய பவர் ஸ்டார்

Quick Share

தெலுங்கு திரைப்பட உலகின் பவர் ஸ்டார் என்று அழைக்கப்படும் பவன் கல்யாண் பிரதமர் நிதிக்கு ஒரு கோடி ரூபாய் வழங்கி உள்ளார் மேலும் ஆந்திரா தெலுங்கானா ஆகிய இரண்டு அரசுகளுக்கும் தலா 50 லட்சம் ரூபாய் வழங்கி உள்ளார்.

இந்தியாவில் பெரும்பாலான அணைத்து மாநிலங்களும் 144 தடை உத்தரவால் முடங்கியுள்ளது இதனால் பல்வேறு தரப்பு மக்கள் பாதிக்கப்பட்டுள்ளனர். மக்கள் நடமாட்டத்தை குறைக்க அரசு இதுபோன்ற நடவடிக்கைகளை எடுத்து வருகிறது. திரைத்துறை பிரபலங்களும் அரசியல் பிரபலங்களும் நெருக்கடியில் கஷ்டப்படும் மக்களுக்கு நிதியுதவி வழங்கி வருகிறார்கள்.

தெலுகு திரையுலகின் பவர் ஸ்டார் பவன் கல்யாண் மக்களின் நலனுக்காக இரண்டு கோடி ரூபாய் வழங்கி உள்ளார். பிரதமரின் நிதியில் ஒரு கோடி ரூபாயும், ஆந்திரா தெலுங்கானா ஆகிய இரு மாநிலங்களுக்கு தலா 50 லட்சம் வழங்கியுள்ளார்.

இந்திய பாட்மிண்டன் வீராங்கனை பிவி சிந்து ஆந்திரா தெலுங்கானா ஆகிய இரு மாநிலங்களுக்கு 10 லட்ச ரூபாய் நிதி வழங்கினார் என்பது குறிப்பிடத்தக்கது,

கொரோனா வைரஸ் எ திரொலி.. உதவி செய்து வரும் பிரபலங்கள்.. கு வியும் பாராட்டுக்கள்!

Quick Share

நடிகர் சிவக்குமார் தன்னுடைய குடும்பத்தினர் சார்பாக பத்து லட்சம் ரூபாயை ஃபெப்ஸி தொழிலாளர்களுக்காக வழங்கியிருக்கிறார். அதைத் தொடர்ந்து நடிகர் சிவக்கார்த்திகேயன் பத்து லட்சம் ரூபாயை அளித்திருக்கிறார்.

மேலும், நடிகர் ரஜினிகாந்த் 50 லட்சம் ரூபாய் அளித்திருக்கிறார். நடிகர் விஜய் சேதுபதி ஃபெப்ஸி தொழிலாளர்களுக்காக பத்து லட்சம் ரூபாய் கொடுத்திருக்கிறார்.

நடிகர் பிரகாஷ்ராஜ் 25kgs எடையுள்ள அரிசி மூட்டைகள் 150 வழங்கியிருக்கிறார். தயாரிப்பாளர் லலித்குமார் பத்துலட்சம் ரூபாய் கொடுத்திருக்கிறார். நடிகர் ஹரீஷ் கல்யாண் ஒருலட்ச ரூபாயை ஃபெப்ஸி ஊழியர்களுக்காக வழங்கியிருக்கிறார்.

தனிமைப்படுத்திக் கொண்ட ஸ்ருதிஹாசன், அமெரிக்கா சென்று வந்த பிறகு தானே எடுத்த முடிவு

Quick Share

இந்தியாவில் கொரோனா பரவுதலை தடுக்க மத்திய அரசு 21 நாட்கள் ஊரடங்கு உத்தரவைப் பிறப்பித்தது. இதனால் பெரும்பாலான நகரங்கள், மாநிலங்கள் வெறிச்சோடி காணப்பட்டது. அரசியல் மற்றும் திரை துறை பிரபலங்கள் பலர் தங்கள் வீட்டில் தனிமைப்படுத்தி கொண்டுள்ளனர். வெளிநாட்டிலிருந்து வந்தவர்கள் தங்களை தனிமைப்படுத்திக் கொள்ள வேண்டும் என மத்திய அரசு உத்தரவிட்டுள்ளது.

இந்நிலையில் நடிகர் கமல்ஹாசனின் மூத்த மகள் ஸ்ருதிஹாசன் கடந்த பத்து நாளைக்கு முன்பு அமெரிக்கா சென்று வந்தார். அரசாங்கத்தின் உத்தரவுக்கு முன்பே தானாகவே முன்வந்து தன்னை தனிமைப்படுத்தி கொண்டுள்ளார் ஸ்ருதிஹாசன். மேலும் தனது குடும்பத்தினர் அனைவரும் தனித்தனியே தனிமைப்படுத்திக் கொண்டுள்ளதாக ஸ்ருதிஹாசன் தெரிவித்தார். அதோடு கமல்ஹாசன் சென்னையில் தனது இல்லத்தில் தனிமைப் படுத்திக் கொண்டுள்ளார் என்ற செய்தியையும் சுருதிஹாசன் தெரிவித்தார்.

இயக்குனர் வெற்றிமாறனின் அடுத்த படத்தில் சூர்யாவுக்கு ஜோடி ஆண்ட்ரியா வா ??

Quick Share
தேசிய விருது பெற்ற இயக்குநர் வெற்றிமாறன் ‘உதயம் என்.எச் 4′, ‘பொரியாளன்’, ‘காக்கா முட்டை’, ‘கொடி’, அண்ணனுக்கு ஜே’ போன்ற பிரபலமான திரைப்படங்களை தயாரித்துள்ளார். இவர் கடைசியாக தயாரிப்பாளர் சுரேஷ் காமாட்சியுடன் இணைந்து ‘மிக மிக அவசரம்’ திரைப்படத்தை தயாரித்தார்.இப்போது, வெற்றி மாறன் தயாரிக்கும் அடுத்த படத்தில் ஆண்ட்ரியா கதாநாயகியாக நடிக்கவுள்ளதாக தகவல் வெளியாகியுள்ளது.இந்நிலையில், வெற்றிமாறன் தனது ‘கிராஸ் ரூட் புரொடக்ஷன்’ பேனரின் கீழ் புதிய திரைப்படத்தை தயாரிக்கவுள்ளார் என்றும், இப்படத்தில் ஆண்ட்ரியா முன்னணி கதாபாத்திரத்தில் நடிப்பார் என்றும், நடிகை விஜி சந்திரசேகர் ஒரு முக்கிய வேடத்தில் நடிப்பார் என்றும் கூறப்படுகிறது. பெண்களை மய்யமாக கொண்டு எடுக்கபடவுள்ளதாகக் கூறப்படும் இப்படத்தின் படப்பிடிப்பு 2020 மே மாதம் முதல் தொடங்கும் என்று எதிர்பார்க்கப்பட்டது. இருப்பினும், தற்போதைய சூழ்நிலையில், அந்தத் திட்டங்கள் செயல்படுமா என்பதைப் பொருத்துருந்தே பார்க்க வேண்டும்.

சிவகார்த்திகேயன் செய்த மிகப்பெரிய உதவி..

Quick Share

இளம் நடிகர் சிவகார்த்திகேயன் நடிப்பில் தற்போது டாக்டர் மற்றும் அயலான் என்ற இரண்டு படங்கள் தயாராகி வருகிறது. இந்த இரண்டு படங்களுக்கும் ரசிகர்கள் மத்தியில் மிகப்பெரும் எதிர்பார்ப்பில் உள்ளது. 
இந்நிலையில், கொரோனா வைரஸ் பரவுதல் காரணமாக படப்பிடிப்பு மற்றும் அதனை சார்ந்த தொழில் செய்யும் தொழிலாளர்களின் வாழ்வாதாரம் கேள்விக்குறியாகி உள்ளது.
இதனை மனதில் வைத்து பல முன்னணி நடிகர்களும் தங்களால் ஆன உதவியை செய்ய முன் வந்துள்ளனர். சமீபத்தில், நடிகர் ரஜினிகாந்த் 50 லட்சம் ரூபாய் கொடுத்து உதவினார்.
இந்நிலையில், சிவகார்த்திகேயன் தன் சினிமா குடும்பத்தில் இருப்பவருக்கு மிகப்பெரும் உதவி செய்துள்ளார். கொரோனா காரணமாக வேலையிழந்துள்ள பெப்சி தொழிலாளர்களுக்காக சிவகார்த்திகேயன் ரூ 10 லட்சம் நிதியுதவி கொடுத்துள்ளார். இது அவர்களுக்கு கண்டிப்பாக இந்த நேரத்தில் பெரும் உதவி தான்.

தனியா இருக்கும்போது இப்படி தான் இருப்பேன்-படுக்கையில் கவர்ச்சி போஸ் கொடுத்து நடிகை

Quick Share

நம்ம வீட்டு பிள்ளை படம் மூலம் தமிழ் ரசிகர்களின் இதயத்தில் இடம் பிடித்த அனு இமானுவேல் அசர வைக்கும் புது போட்டோசூட்டை பதிவிட்டுள்ளார். சமூக வலைத்தளங்களில் எப்போதும் ஆக்டிவ்வாக இருக்கும் நாயகிகளில் ஒருவர் தான் அனு இமானுவேல்.
இவர் தனது இணைய ரசிகர்களுக்காக சீரான இடைவெளியில் கவர்ச்சி மிகுந்த அழகான போட்டோக்களை பதிவிடுவது வழக்கமான விசயம் .மலையாளம் மற்றும் தெலுங்கில் சில படங்களில் நடித்தவர் நடிகை அனு இம்மானுவேல். இவர் தமிழில் அறிமுகமான படம் ‘துப்பறிவாளன்’. 
இதில் ஹீரோவாக விஷால் நடித்திருந்தார்.சமீப காலமாக நடிகை அனு இம்மானுவேல் சமூக வலைத்தளமான இன்ஸ்டாகிராமில் தொடர்ந்து தனது கவர்ச்சியான புகைப்படங்களை வெளியிட்டு வருகிறார். 
அந்த வகையில், தற்போது சோஃபா மீது ஹாயாக படுத்துக்கொண்டிருப்பது போல ஹாட் போஸ் கொடுத்து “தனியாக இருக்கும் போது தூங்குவது, Netflix-ல் படம் பார்ப்பது தவிர மற்றவர்கள் நலமாகவும், மகிழ்ச்சியாக இருக்க பிராத்தனையும் செய்யலாம் என கூறியுள்ளார்.

இது தான் நான் டைம் பாஸ் பண்ண ஒரே வழி-அரைகுறை ஆடையில் நீச்சல் குளத்தில் கும்மாளம்.

Quick Share

பல மாமாங்கமாக நடிகை நமிதாவுக்கு பட வாய்ப்பு எதுவும் இல்லை. கன்னடத்தில் போலீஸ் அதிகா‌ரியாக நடித்த படம் “பார்வதி புரா”. ஆனால், அந்த படம் இன்னும் வெளியாகவில்லை. இப்போதைக்கு வெளியாகும் அறிகுறியும் இல்லை. 
தமிழில் மங்கை அ‌ரிராஜன் இயக்கத்தில் உருவான “இளமை ஊஞ்சலாடுகிறது” என்ற ஒரு படத்தில் நடித்தார். இந்த படத்தில் ஐந்து நாயகிகள். அனவைரும் கவர்ச்சி நடிகைகள். நமிதா நடிப்பதை நிறுத்துவதற்கு பல வருடங்கள் முன்பு தொடங்கிய படம். நமிதா ஐந்து நாயகிகளில் ஒருவராக நடித்தார்.
இந்த படம் வெளியாவது குறித்து எந்த தகவலும் இல்லை.இதன் பிறகு பிக்பாஸ் நிகழ்ச்சியில் போட்டியாளராக கலந்து கொண்டவர்,அதனை தொடர்ந்து திருமணம் செய்து கொண்டார். மீண்டும் சினிமாவில் ஒரு ரவுன்ட் வந்து விட துடியாய் துடித்துக்கொண்டிருக்கிறார் அம்மணி.
அதன் முதல் முயற்சியாக உடல் எடையை குறைத்து அவ்வப்போது கவர்ச்சி போட்டோ ஷூட் நடத்துவதுடன் தொலைக்காட்சி நிகழ்சிகளிலும் கவர்ச்சி உடைகளிலேயே கலந்து கொள்கிறார்.
இந்நிலையில், நாடு முழுதும் ஊரடங்கு உத்தரவு அமலில் இருக்கும் இந்த நேரத்தில் இது தான் நான் டைம் பாஸ் பண்ண ஒரே வழி என அரைகுறை ஆடையில் நீச்சல் குளத்தில் கும்மாளம் போடும் வீடியோவை வெளியிட்டுள்ளார்.

“இத்தன நாளா நீங்க தமிழ்ன்னு நெனச்சிட்டு இருந்தோம்..?”

Quick Share

தமிழ் திரையுலகில் சமீப காலமாக தனி கவனத்தை ஈர்த்து வரும் நடிகை ஐஸ்வர்யா ராஜேஷ். இவர் காக்கா முட்டை, தர்ம துரை, வடசென்னை உள்ளிட்ட திரைப்படங்கள் மூலம் பிரபலமடைந்தார். 
தொடர்ந்து அழுத்தமான கதாப்பாத்திரமாக தேர்வு செய்து நடித்து வரும் இவரின் நடிப்பில் கடைசியாக வெளிவந்த வானம் கொட்டடும், வேல்ட் ஃபேமஸ் லவ்வர் ஆகிய திரைப்படங்கள் நல்ல வரவேற்பை பெற்றன.
குடும்பப்பாங்கான கதாபாத்திரங்கள் மட்டும் அல்லாமல் கவர்ச்சியான கதாபாத்திரங்களிலும் இறங்கி கலக்குகிறார் அம்மணி. இதனால், இவருக்கு பட வாய்ப்புகள் வந்து கொண்டே இருக்கின்றன.
இன்று உகாதி பண்டிகை. ஆனால், இந்தியா முழுதும் ஊரடங்கு உத்தரவு பிறப்பிக்கப்பட்டுள்ள காரணத்தினால் இந்த பண்டிகை கொண்டாட்டங்கள் கலை இழந்து உள்ளது.
உகாதி பண்டிகை என்றால் ஆறு சுவை கொண்டு ஆறு வகையான உணவு பதார்த்தங்களை செய்து கொண்டாடுவது மரபு. சந்தோஷம், சோகம், கோபம், பயம், வெறுப்பு, ஆச்சரியம் என ஆறு குணங்களுக்கு ஆறு வகையான உணவுகளை செய்து மக்கள் கொண்டாடுவார்கள்.
இது கர்நாடக மற்றும் ஆந்திர மாநில மக்களால் அதிகம் கொண்டாடப்படுகின்றது. அதில், ஆச்சரியத்தை குறிக்கும் உணவான மாங்காயை வைத்து செய்யும் உகாதி பச்சடி-யை நடிகை ஐஸ்வர்யா ராஜேஷ் செய்து அந்த புகைப்ப்டத்தை வெளியிட்டு உகாதி வாழ்த்து கூறியுள்ளார்.
இதனை பார்த்த பலரும், நீங்க தமிழ் என்று நினைத்திருந்தோம். நீங்கள் தெலுங்கா..? என்று கேட்டு வருகிறார்கள்.

ராஜமௌலியின் 400 கோடி பட்ஜெட் RRR படத்தின் ஃபர்ஸ்ட் லுக் வெளியானது ..

Quick Share

இயக்குனர் ராஜமௌலி இயக்கத்தில் தெலுங்கில் முன்னணி நடிகர்களான வலம் வரும் ராம் சரண் மற்றும் ஜூனியர் என்.டி.ராமாராவ் நடிக்கும் திரைப்படம் கடந்த இரண்டு ஆண்டுகளாக உருவாகி வருகின்றது. 
இந்த படத்திற்கு தற்காலிகமாக ‘ஆர்.ஆர்.ஆர்’ (RRR) என்ற தலைப்பு வைக்கப்பட்டது. Rajamouli, Raam charan, Rama rao கூட்டணி என்பதால் RRR என்ற தலைப்பு வைக்கப்பட்டது.
ஆனால், தற்போது அதுவே படத்தின் நிரந்தர தலைப்பு ஆகியுள்ளது. ஆர்.ஆர்.ஆர் என்ற பெயருக்கு ஏற்றார் போல், ‘இரத்தம் ரணம் ரெளத்திரம்’ என்று தலைப்பிட்டுள்ளது படக்குழு. 
இதனுடன் இந்தப் படத்தின் மோஷன் போஸ்டரும் வெளியிடப்பட்டுள்ளது. பெரும் எதிர்பார்ப்புக்குரிய படமாக இருப்பதால், பலரும் இந்தப் படத்தின் தலைப்பு மற்றும் மோஷன் போஸ்டருக்கு வரவேற்பு தெரிவித்துள்ளனர். 
இந்தப் படத்தில் ராம்சரண், ஜூனியர் என்.டி.ஆர், அஜய் தேவ்கன், ஆலியா பட், ஒலிவா மோரிஸ், சமுத்திரக்கனி உள்ளிட்ட பலர் முக்கியக் கதாபாத்திரங்களில் நடித்துள்ளனர். 
டிவிவி நிறுவனம் பெரும் பொருட்செலவில் இந்தப் படத்தைத் தயாரித்து வருகிறது. இந்த ஆண்டு வெளியாவதாக இருந்த இந்தப் படம், படப்பிடிப்பு தாமதம் மற்றும் கிராபிக்ஸ் பணிகள் ஆகியவற்றைக் கணக்கில் கொண்டு 2021-ம் ஆண்டு ஜனவரி 8-ம் தேதி வெளியாகும் எனப் படக்குழு அறிவித்துள்ளது. 
சுமார் 400 கோடி ரூபாய் பொருட்செலவில் உருவாகும் இந்தப் படம் தமிழ், தெலுங்கு, இந்தி, மலையாளம், கன்னடம் உள்ளிட்ட மொழிகளில் வெளியாகவுள்ளது குறிப்பிடத்தக்கது.




You cannot copy content of this Website