தாய் கண்முன்னே பெற்ற மகளை பாலியல் பலாத்காரம் செய்த கொடூர தந்தை! அதிர்ச்சி சம்பவம் …
ராமநாதபுரம் மாவட்டம் சாயல்குடி பகுதியில் 8-ம் வகுப்பு படித்து வந்த 13 வயது சிறுமியை அவரது தந்தை கடந்த 2021-ம் வருடம் முதல் பாலியல் ரீதியாக தொந்தரவு செய்துள்ளார். மேலும் இதுதொடர்பாக, வெளியில் கூறினால் கொலை செய்துவிடுவேன் என்று மிரட்டியும் உள்ளார்.
இந்நிலையில், கடந்த 18.04.2021ம் தேதி சிறுமியை அவரது தந்தை பாலியல் ரீதியாக தொந்தரவு செய்தபோது, அவரது மனைவி பார்த்துள்ளார். இதுதொடர்பாக அன்றைய தினமே பாதிக்கப்பட்ட சிறுமியின் தாயார் கீழக்கரை அனைத்து மகளிர் காவல் நிலையத்தில் அளித்த புகாரின்பேரில் வழக்கு பதிவு செய்து, கைது செய்யப்பட்டு அடைக்கப்பட்டார்.
இவ்வழக்கு தொடர்பாக, நேற்று இராமநாதபுரம் மகளிர் விரைவு நீதிமன்றத்தில் இருதரப்பு வாதங்களும் முடிந்த நிலையில் குற்றவாளி என தந்தையை நீதிபதி சுபத்ரா அறிவித்து, பாதிக்கப்பட்ட சிறுமியின் தந்தைக்கு சாகும் வரை சிறை தண்டனையும், ரூ.1,00,000 அபராதம் மற்றும் அபராதத்தை கட்ட தவறினால் கூடுதலாக 5 வருடங்கள் சிறை தண்டனையும் விதித்து தீர்ப்பளித்தார்.
