மணக்க மணக்க வாழைப்பூ குருமா செய்வது எப்படி ?
தேவையான பொருள்கள்.
சிறிய வாழைப்பூ / banana flower – 1
வெங்காயம் / onion – 3
தக்காளி / tomoto -3
பட்டை, கிராம்பு, அன்னாசிப் பூ, இலை – cinnamon pattai / spices – தாளிக்க
மஞ்சள் பொடி / turmeric powder – கால் ஸ்பூன்
எண்ணைய் / oil – தேவையான அளவு
உப்பு / salt – தேவையான அளவு
மல்லித் தழை / coriander leaves – சிறிதளவு
அரைக்க:
காய்ந்த மிளகாய் / Dry Red Chill – 8
தேங்காய் / coconut – 3 spoon
சோம்பு / fennel seeds – அரை ஸ்பூன்
சீரகம் / cumin seeds – அரை ஸ்பூன்
கசகசா – அரை ஸ்பூன்
பூண்டு / garlic – ஐந்து பல்
இஞ்சி / ginger -சிறு துண்டு
செய்முறை
வாழைப்பூவை பிரித்து இதழ்களின் நடுவில் உள்ள நரம்பை நீக்கி, இரண்டிரண்டாக நறுக்கி, மோர் கலந்த நீரில் போட்டு வைக்கவும்.
அரைக்க வைத்துள்ளவற்றில் வர மிளகாய், சோம்பு, சீரகம், கசகசா ஆகியவற்றை பத்து நிமிடம் கால் டம்ளர் தண்ணீரில் ஊற வைத்து தேங்காய், இஞ்சி, பூண்டு சேர்த்து விழுதாக அரைக்கவும்.
வெங்காயம், தக்காளியை பொடியாக நறுக்கவும்
அடுப்பில் கடாயை வைத்து எண்ணையை ஊற்றி தாளிக்க வைத்துள்ளவற்றை போட்டு தாளிக்கவும்.
பிறகு வெங்காயம் போட்டு சிவக்க வறுக்கவும்.
இப்போது தக்காளி, உப்பு, மஞ்சள் பொடி சேர்த்து வதக்கவும்.
எண்ணைய் பிரிந்ததும் வாழைப்பூவை போட்டு ஐந்து நிமிடம் வதக்கி அரைத்த மசாலாவை இரண்டு டம்ளர் தண்ணீரில் கலக்கி ஊற்றி பத்து நிமிடம் கொதிக்க விட்டு இறக்கி மல்லித் தழை தூவவும்.