தமிழ் சினிமாவின் முன்னணி நடிகையாக வலம்வருபவர் நடிகை கீர்த்தி சுரேஷ்.

மலையாள படங்களில் குழந்தை நட்சத்திரமாக நடித்து வந்த கீர்த்தி சுரேஷ் “இது என்ன மாயம்” என்ற தமிழ் படத்தில் நடிகையாக அறிமுகமானார்.  

இதன் பின்னர் பைரவா, ரஜினி முருகன், மகாநதி, சர்கார், அண்ணாத்த உள்ளிட்ட தமிழ் படங்களில் நடித்துள்ளார்.

தொடர்ந்து தமிழ், தெலுங்கு, மலையாளம் படங்களில் நடித்து வரும் கீர்த்தி சுரேஷ் தெறி மற்றும் பேபி ஜான் படத்தின் மூலமாக இந்தி சினிமாவிலும் அறிமுகமாகிறார்.

இந்த நிலையில் டிசம்பர் 11 மற்றும் 12ஆம் திகதி கோவாவில் கீர்த்தி சுரேஷின் திருமணம் நடைபெறும் என்று தற்போது இணையத்தில் தகவல்கள் பரவி வருகிறது.

திருமணம் நடைபெற போவதாக தகவல்கள் பரவி வரும் நிலையில், மாப்பிள்ளை யார் என்பது குறித்த தகவல்கள் வெளிவந்துள்ளன.

மாப்பிள்ளையின் பெயர் ஆண்டனி தட்டில். கேரளாவைச் சேர்ந்த இவர் துபாயில் வசித்து வருகிறார் என்று சொல்லப்படுகிறது. 

15 ஆண்டுகளாக நண்பர்களாக இருந்த இவர்கள் இந்த மாதம் திருமண பந்தத்தில் இணையவுள்ளனர் என்று சொல்லப்படுகிறது.

திருமணத்தில் குடும்பத்தினர், நெருங்கிய நண்பர்கள் மற்றும் உறவினர்கள் மட்டுமே அழைக்கப்பட்டுள்ளனர் என்றும் கூறப்படுகிறது.

இருப்பினும் கீர்த்தி சுரேஷ் தரப்பில் இதுவரை எந்த தகவலும் உறுதிப்படுத்தப்படவில்லை.