Breaking News

கிரைம்

December 27, 2024 at 9:30 am

மாதம் ரூ.13,000 சம்பளம்: காதலிக்கு 4 BHK வீடு பரிசு! அரசு அலுவலகத்தில் ரூ.21 கோடி மோசடி

Teadmin
Quick Share

மகாராஷ்டிரா அரசு விளையாட்டு வளாகத்தில் பணியாற்றிய கணினி இயக்குநர் ரூ.21 கோடி கையாடல் செய்து தப்பியோடிய சம்பவம் பெரும் பரபரப்பை ஏற்படுத்தியுள்ளது.

ரூ. 21 கோடி கையாடல் மோசடி

ரூ.13,000 மாத வருமானத்தில் மகாராஷ்டிராவின் அரசு விளையாட்டு வளாகத்தில் கணினி இயக்குனராக பணியாற்றி வந்த இளைஞர் ரூ.21 கோடி என்ற மிகப்பெரிய தொகையை கையாடல் செய்து, சொகுசு கார்கள் மற்றும் தனது காதலிக்கு 4 BHK வீட்டை வாங்கி கொடுத்துள்ள சம்பவம் அதிர்ச்சியை ஏற்படுத்தியுள்ளது.

சத்ரபதி சம்பாஜிநகரில்(Chhatrapati Sambhajinagar) உள்ள பிராந்திய விளையாட்டு வளாகத்தில் ஒப்பந்த ஊழியராக இருந்த ஹர்ஷல் குமார் க்ஷிர்சாகர்(Harshal Kumar Kshirsagar) இந்த மிகப்பெரிய மோசடியை செய்து இருப்பதோடு தற்போது தலைமறைவாக உள்ளார்.

ஹர்ஷலை ஆதரித்ததற்காக அவரது சக ஊழியர் யசோதா ஷெட்டி மற்றும் அவரது கணவர் பி.கே. ஜீவன் ஆகியோரை போலீசார் கைது செய்துள்ளனர்.

23 வயதான ஹர்ஷல் பணத்தை கையாடல் செய்ய பின்பற்றிய திட்டமிடல் விசாரணையில் தெரியவந்துள்ளது.

அதிர்ச்சிக்குள்ளாக்கும் கையாடல் திட்டமிடல்

அதாவது, ஹர்ஷல் முதலில் விளையாட்டு வளாகத்தின் கணக்கில் இணைக்கப்பட்ட மின்னஞ்சல் முகவரியை மாற்றும்படி வங்கிக்கு மின்னஞ்சல் அனுப்பியுள்ளார். 

 அத்துடன் விளையாட்டு வளாகத்தின் உண்மையான கணக்கின் முகவரியை ஒத்த, ஒரே ஒரு எழுத்து மட்டும் மாற்றப்பட்ட  புதிய மின்னஞ்சல் கணக்கையும் தொடங்கி அதை வங்கி கணக்குடன் இணைத்துள்ளார்.

இதையடுத்து ஹர்ஷல் OTP கள் மற்றும் பரிவர்த்தனைகளுக்குத் தேவையான பிற தகவல்களை பயன்படுத்தி மோசடியில் இறங்கியுள்ளார்.

மேலும் அடுத்த கட்டமாக, ஹர்ஷல் பிராந்திய விளையாட்டு வளாக குழுவின் வங்கிக் கணக்கில் இணைய வங்கியை செயல்படுத்தியுள்ளார்.

இதன்மூலம் இந்த ஆண்டு ஜூலை 1 முதல் டிசம்பர் 7 வரை, அவர் ரூ.21.6 கோடியை 13 வங்கிக் கணக்குகளுக்கு மாற்றியதாக கூறப்படுகிறது.

காதலிக்கு 4 BHK வீடு பரிசு

இந்த சம்பவம் தொடர்பாக பொலிஸார் வழங்கிய தகவலில், இந்த பணம் ரூ.1.2 கோடி மதிப்புள்ள BMW கார், ரூ.1.3 கோடி செலவான SUV மற்றும் ரூ.32 லட்சம் மதிப்புள்ள BMW பைக் வாங்க பயன்படுத்தப்பட்டு இருப்பதாக தெரியவந்துள்ளது.

மேலும் ஹர்ஷல் தனது காதலிக்கு சத்ரபதி சம்பாஜிநகர் விமான நிலையத்திற்கு அருகில் உள்ள ஒரு பளபளப்பான 4 BHK வீட்டை பரிசாக வழங்கியுள்ளார்.

அத்துடன்  அவர் தனது காதலிக்கு வைரம் நகையையும் ஆர்டர் செய்திருந்தார் என்று விசாரணை பொலிஸார் கண்டறிந்துள்ளனர்.

 பணத்தை கையாடல் செய்ய பயன்படுத்தப்பட்ட வங்கிக் கணக்குகளுடன் தொடர்புடைய ஆவணங்களை தற்போது சேகரித்து வருவதால், இந்த பெரிய மோசடியில் மேலும் பலர் ஈடுபட்டிருக்கலாம் என்று போலீசார் சந்தேகிக்கின்றனர்.

December 26, 2024 at 9:19 pm

அண்ணா பல்கலை. கொடூரம்: கைதான ஞானசேகரனுக்கு மாவுக்கட்டு!

Teadmin
Quick Share

சென்னை கிண்டியில் உள்ள அண்ணா பல்கலைக்கழகத்தில் பயிலும் மாணவி ஒருவர் அதே கல்லூரியில் பயிலும் தனது ஆண் நண்பருடன் பல்கலைக்கழக வளாகத்தில் ஒன்றாக அமர்ந்து பேசிக்கொண்டிருந்துள்ளார். அப்போது அங்கு வந்த அடையாளம் தெரியாத மர்ம நபர்கள் இருவர் ஆண் நண்பரைத் தாக்கிவிட்டு, மாணவியை பாலியல் வன்கொடுமை செய்ததாகக் கூறப்படுகிறது. இதுகுறித்து பாதிக்கப்பட்ட மாணவியின் தரப்பிலிருந்து கோட்டூர்புரம் காவல் நிலையத்தில் வன்கொடுமை புகார் கொடுக்கப்பட்டது. புகாரின் பேரில் வன்கொடுமை உள்ளிட்ட பல பிரிவுகளின் கீழ் வழக்குப் பதிவு செய்த போலீசார், விசாரணையைத் தீவிரப்படுத்தியுள்ளனர்.

இந்த சம்பவத்தில் ஈடுபட்ட இருவரில் ஒருவரை போலீசார் கைது செய்துள்ளனர். அதாவது போலீசாரால் நடத்தப்பட்ட விசாரணையின் போது, அறிவியல் பூர்வமான ஆதாரங்களின் அடிப்படையில் கோட்டூரைச் சேர்ந்த ஞானசேகரன் (வயது 37) என்பவர் இந்த குற்றத்திற்காகக் கைது செய்யப்பட்டிருக்கிறார். 

இவர் கோட்டூர்புரம் மண்டபம் பகுதியில் நடைபாதையில் பிரியாணி கடை வைத்து வியாபாரம் செய்து வருகிறார். கைது செய்யப்பட ஞானசேகரன் பற்றித் தொடர்ந்து போலீஸ் நடத்திய விசாரணையில் பகிர் தகவல்கள் வெளியாகி உள்ளன. பிரியாணி கடையில் விற்பனை முடிந்ததும் அண்ணா பல்கலைக்கழகத்தில் காட்டுப்பகுதிகளுக்குச் செல்வதை வழக்கமாகக் கொண்டுள்ளார்.

அப்போது பல்கலைக்கழக வளாகத்தில் தனிமையில் இருக்கும் காதலர்களை மொபைலில் படம் பிடித்து மிரட்டி வந்துள்ளதாகவும் கூறப்படுகிறது. பல்கலைக்கழக வளாகத்தில் தனிமையில் இருக்கும் காதலர்களை மிரட்டி மாணவிகளிடம் தொடர்ந்து பாலியல் துன்புறுத்தலில் ஈடுபட்டு வந்ததாகவும் கூறப்படுகிறது. அதோடு காதலர்களை வீடியோ பதிவு செய்து மிரட்டி பல்வேறு மாணவிகளிடம் பாலியல் சீண்டலிலும் ஈடுபட்ட பகிர் தகவலும் வெளியாகி உள்ளது. 

ஞானசேகரன் மீது கடந்த 2011ஆம் ஆண்டு இதேபோன்று அண்ணா பல்கலைக்கழக மாணவியிடம் பாலியல் அத்துமீறலில் ஈடுபட்டது தெரியவந்துள்ளது. ஞானசேகரன் மீது சென்னையில் உள்ள பல்வேறு காவல்நிலையங்களில் திருட்டு வழிபறி உள்ளிட்ட 15க்கும் மேற்பட்ட வழக்குகள் நிலுவையில் உள்ளது அம்பலமாகியுள்ளது.

இந்நிலையில் கைதான ஞானசேகரனுக்குக் காலில் மாவுக்கட்டு போடப்பட்டுள்ளதாகத் தகவல் வெளியாகியுள்ளது. ஞானசேகரனைப் பிடிக்க முயன்றபோது தப்பி ஓடிய ஞானசேகரன் கீழே விழுந்ததில் இடது கை மற்றும் இடது கால் பகுதிகளில் எலும்பு முறிவு ஏற்பட்டது. இதனையடுத்து ராயப்பேட்டை அரசு மருத்துவமனையில் சிகிச்சைக்காக அனுமதிக்கப்பட்டுள்ளார். அங்கு அவருக்கு மருத்துவர்கள் மாவுக்கட்டு போட்டுள்ளனர் என காவல்துறை தரப்பில் தெரிவிக்கப்பட்டுள்ளது.

December 21, 2024 at 12:40 pm

6 வயது குழந்தையை கழுத்து நெரித்து கொன்ற சித்தி – கேரளாவில் நடந்தது என்ன?

Teadmin
Quick Share

கேரளாவின் எர்ணாகுளம் மாவட்டத்தில் சூனியம் செய்ததாக சந்தேகிக்கப்படும் வழக்கில் ஆறு வயது சிறுமியை அவரது சித்தி கழுத்தை நெரித்து கொன்றதாக தகவல் வெளியாகியுள்ளது.

கொத்தமங்கலம் அருகே உள்ள நெல்லிக்குழியில் வசித்து வந்த உத்தரபிரதேச மாநிலத்தைச் சேர்ந்த அஜாஸ் கான் என்பவரின் மகள் முஸ்கான் என்ற சிறுமி. 

விசாரணையின் போது சித்தி அனீஷா குற்றத்தை ஒப்புக்கொண்டதையடுத்து போலீசார் அவரை கைது செய்தனர். அஜாஸ் கானின் இரண்டாவது மனைவி தான் அனீஷா.

படுக்கையில் அசையாமல் படுத்திருந்ததை பார்த்த அவரது தந்தை, சந்தேகித்துள்ளார். அதன்பின்னரே குறித்த சிறுமி உயிரிழந்துள்ளமை தெரியவந்துள்ளது.  

மேலும் மேற்கொள்ளப்பட்ட பிரேத பரிசோதனையில் சிறுமி முஸ்கான் மூச்சுத்திணறலால் உயிரிழந்துள்ளதாக அறிவிக்கப்பட்டுள்ளது.

விசாரணையின் போது, புதன்கிழமை இரவு கணவர் இல்லாதபோது குழந்தையை கழுத்தை நெரித்து கொன்றதை அனீஷா ஒப்புக்கொண்டார். அனீஷாவின் மூட நம்பிக்கையால் இந்த கொலை நடந்திருக்கலாம் என போலீஸ் கருதுகின்றனர். 

உள்ளூர் சூனியக்காரரான நௌஷாத், அனீஷாவை கொலை செய்ய தூண்டியதாக போலீசார் சந்தேகிக்கின்றனர். எனவே நௌஷாத்திடம் போலீஸ் விசாரணை நடைபெற்று வருகிறது. 

December 17, 2024 at 3:12 pm

2 பேருடன் கள்ளகாதலில் இருந்த இளம்பெண்..வலுக் கட்டாயமாக பாலியல் உறவு – கடைசியில் ந...

Teadmin
Quick Share

வலுக் கட்டாயமாக பாலியல் உறவில் ஈடுபட்டதன் மூலம் இளம் பெண் ஒருவர் மீது உயிரிழந்த சம்பவம் அதிர்ச்சியை ஏற்படுத்தியுள்ளது. 

திருப்பத்தூர் 

திருப்பத்தூர் மாவட்டத்தைச் சேர்ந்த சிவா-சந்தியா தம்பதியினர். இவர்களுக்குதிருமணமாகி10ஆண்டுகள்ஆகிறது.கூலித்தொழிலாளியான சிவா பெங்களூருக்கு வேலைக்குச் சென்றதால், சந்தியா மட்டும் வீட்டில் தனியாக வசித்து வந்துள்ளார்.இந்த நிலையில் , கடந்த 16ஆம், தேதி சந்தியா வீட்டில் சடலமாகக் கிடந்துள்ளார்.இதனைக் கண்ட அதிர்ச்சியடைந்த அக்கம் பக்கத்தினர் காவல் துறைக்குப் புகார் அளித்தனர். தகவலின் பேரில் , சம்பவ இடத்திற்கு விரைந்து வந்த காவல் துறையினர் சந்தியாவின் உடலைக் கைப்பற்றி பிரேதப் பரிசோதனைக்காக அனுப்பி வைத்தனர்.இதனையடுத்து வழக்குப் பதிவு செய்த காவல் துறையினர் விசாரணை மேற்கொண்டனர்.

முதற்கட்ட விசாரணையில், சந்தியாவுக்கும் குமரேசனுக்கும் என்பவருக்கும் பழக்கம் ஏற்பட்டு 7 வருடங்களாக கள்ளக்காதலில் இருந்து வந்துள்ளனர்.மேலும் வேலைக்காக குமரேசன் சிங்கப்பூருக்குச் சென்றுள்ளார். அப்போது விக்னேஷ் என்வருடம் மீண்டும் பழக்கம் ஏற்பட்டுள்ளது. அவ்வப்போது இருவரும் தனிமையிலிருந்துள்ளனர்.

  பாலியல் உறவு 

இதனால் இருவருக்கும் இடையே தகராறு ஏற்பட்டு வந்துள்ளது. இந்த சுழலில், குமரேசன் சொந்த ஊர் திரும்பியுள்ளார். கடந்த 10 ஆம் தேதி, இரவு சந்தியாவுடன் குமரேசன் தனிமையில் இருக்க வற்புறுத்தியுள்ளார். இதற்கு அவர் மறுத்ததால், கடுமையாகத் தாக்கியுள்ளார்.

மேலும் வலுக் கட்டாயமாக உடலுறவில் ஈடுபட்டவே சந்தியா மயக்க நிலைக்குச் சென்றுள்ளார். அதன்பிறகு, வீட்டிற்கு வந்த விக்னேஷும் அவனுடன் மட்டும் உடலுறவில் ஈடுபடுவாயா? என்னுடன் இருக்க மாட்டாயா? என்று கூறி அடித்துத் துன்புறுத்தி உடலுறவில் ஈடுபட்டதால் பரிதாபமாக உயிரிழந்தது தெரியவந்தது. 

இதனையடுத்து குற்றம்சாட்டப்பட்டவர்கள் விக்னேஷ் மற்றும் குமரேசனைக் கைது செய்த காவல் துறையினர் சிறையில் அடைத்தனர். 

November 29, 2024 at 11:16 am

மாணவிகளுக்கு பாலியல் தொல்லை: தொழிற்கல்வி ஆசிரியர் கைது!

Teadmin
Quick Share

பள்ளி மாணவிகளுக்கு பாலியல் தொல்லை அளித்த தொழிற்கல்வி ஆசிரியரை போலீசார் போக்சோ சட்டத்தின் கீழ் கைது செய்துள்ளனர். பெரம்பலூர் மாவட்டம் அம்மாபாளையம் பகுதியில் அரசுப் பள்ளியில் தொழிற்கல்வி ஆசிரியராக ராஜேந்திரன் பணியாற்றி வருகிறார். இந்த நிலையில் சில மாணவிகளுக்கு அவர் பாலியல் தொல்லை கொடுத்ததாக மாணவிகளின் பெற்றோர் பெரம்பலூர் அனைத்து மகளிர் காவல் நிலையத்தில் புகார் அளித்திருந்தனர்.

இது தொடர்பாக போலீசார் விசாரணை மேற்கொண்டு வந்த நிலையில் ராஜேந்திரன் மீதான பாலியல் குற்றச்சாட்டு உறுதி செய்யப்பட்டது இதனையடுத்து தொழிற்கல்வி ஆசிரியர் ராஜேந்தனை போலீசார் போக்சோ சட்டத்தின் கீழ் கைது செய்து சிறையில் அடைத்துள்ளனர்.

November 29, 2024 at 9:38 am

பெண்களை கட்டிப்போட்டு குழந்தைகளை கொன்று விடுவதாக மிரட்டி கொள்ளை!

Teadmin
Quick Share

புதுக்கோட்டை மாவட்டம் கறம்பக்குடி புதுக்கோட்டை செல்லும் சாலையில் உள்ள பச்சநாயகம் குளம் குடியிருப்பைச் சேர்ந்தவர் ஐயப்பன் (35). இவர் சிங்கப்பூரில் ஒரு தனியார் நிறுவனத்தில் வேலை செய்து வருகிறார். இவரது மனைவி தங்கலெட்சுமி (27) இவர்களுக்கு இரு குழந்தைகள் உள்ளனர். இவர்களுடன் ஐயப்பனின் தாயார் பாக்ய செல்வி (56) வசித்து வருகிறார்.

கடந்த 9 ந் தேதி அதிகாலையில் முகமூடி அணிந்த மர்ம நபர்கள் ஐயப்பன் வீட்டு கேட்டை உடைத்துக் கொண்டு உள்ளே நுழைந்து உள்பக்கம் தாழிடப்பட்டிருந்த கதவை கம்பியால் உடைத்துக் கொண்டு உள்ளே சென்று கத்தியைக் காட்டி மிரட்டி மிரட்டியுள்ளனர். தங்கச்செல்வி மற்றும் பாக்கிய செல்வி ஆகிய இருவரின் கைகளைக் கட்டி, வாயில் துணியை சத்தம் போடாமல் கட்டிவிட்டு குழந்தைகளை கொன்று விடுவதாக மிரட்டி அவர்கள் அணிந்திருந்த நகைகள் மற்றும் பீரோவில் இருந்த நகைகள் என 45 சவரனை பறித்துக் கொண்டு ரூ.30 ஆயிரம் பணத்தையும் எடுத்துக் கொண்டு தப்பிச் சென்றனர். இந்த சம்பவம் பெரும் பரபரப்பை ஏற்படுத்தியது.

சம்பவம் குறித்து வழக்குப்பதிவு செய்த கறம்பக்குடி போலீசார் தடயவியல் சோதனைகள் செய்தனர். மேலும் முகமூடி திருடர்களை பிடிக்க மாவட்ட எஸ்.பி வந்திதா பாண்டே 2 தனிப்படைகளை அமைத்தார். இதனையடுத்து புதுக்கோட்டையில் இருந்து கறம்பக்குடி வரை உள்ள சிசிடிவி கேமராக்கள் ஆய்வு செய்யப்பட்டதில் முகமூடி திருடர்கள் பைக்கில் வந்தது தெரிந்தது. மேலும் இவர்கள் திருச்சியில் இருந்து வந்து அதே வழியாகச் சென்றதும் தெரிய வந்தது. 

இதனை வைத்து போலீசார் நடத்திய விசாரணையில் முகமூடிக் கொள்ளையர்கள் திண்டுக்கல் பகவதியம்மன் கோவில் தெரு குமார் மகன் ராஜசேகர்(31) மற்றும் மதுரை சம்மட்டிபுரம் மேட்டுத் தெரு ஜெயமணி மகன் மகேந்திரன் என்பது தெரிய வந்தது. இவர்களை தேடிச் சென்று கைது செய்த தனிப்படை போலீசார் கறம்பக்குடி காவல் நிலையம் அழைத்து வந்து விசாரணை செய்து தங்க நகைகளை விற்ற கேராளா, கோவை என பல இடங்களுக்கும் அழைத்துச் சென்று நகைகளை மீட்டு வந்தனர்.

இந்நிலையில் இன்று வியாழக்கிழமை மாலை கறம்பக்குடி அழைத்து வந்த போது தப்பி ஓட நினைத்து அக்னி ஆற்றுப் பாலத்தில் இருந்து ராஜசேகர் குதித்தபோது இடது கால் மற்றும் வலது கை உடைந்த நிலையில் மீட்ட போலீசார் புதுக்கோட்டை மருத்துவக் கல்லூரி மருத்துவமனையில் சேர்த்துள்ளனர். மேலும் ராஜசேகர் மீது பல்வேறு மாவட்டங்களிலும் பல திருட்டு வழக்குகள் உள்ளது. பெண்கள் தனியாக இருக்கும் வீடுகளை மட்டுமே குறிவைத்து திருடுவது இவர்களது வழக்கமாக உள்ளதாக கூறுகின்றனர்.

November 27, 2024 at 9:46 am

மாணவர்களை குறிவைத்து கடத்தல்: கையும் கஞ்சாவுமாக சிக்கிய கும்பல்!

Teadmin
Quick Share

கடலூர் மாவட்டம் சிதம்பரம் அருகேயுள்ள அண்ணாமலை நகரில் உள்ள பல்கலைக்கழக மாணவர்களுக்கு விற்பனை செய்ய ஆந்திராவிலிருந்து காரில் எடுத்து வந்த 20 கிலோ கஞ்சாவை பறிமுதல் செய்த போலீசார் 4 பேரை கைது செய்துள்ளனர். சிதம்பரம் அருகே உள்ள அண்ணாமலைநகர் காவல் நிலையத்துக்கு அண்ணாமலைநகர் பகுதியில் பல்கலைக்கழக மாணவர்களுக்கும் அந்த பகுதியில் உள்ள இளைஞர்களுக்கு கஞ்சா விற்பனை செய்வதற்கு ஆந்திராவிலிருந்து காரில் கஞ்சா விற்பனைக்காக கொண்டுவரப்பட்டுள்ளது என்ற ரகசியத் தகவல் அண்ணாமலைநகர் காவல்துறையினருக்கு கிடைத்தது.

இதையடுத்து அண்ணாமலை நகர் ஆய்வாளர் அம்பேத்கர் தலைமையில் உதவி ஆய்வாளர் அன்பழகன் மற்றும் காவலர்கள் மணிகண்டன், பிரகாஷ், மோகன்ராஜ், ஸ்ரீதர்,ரமணி, கலைக்குமார் ஆகியோர் கொண்ட குழுவினர் செவ்வாய்க்கிழமை மாலை மாரியப்பா நகர்ப் பகுதியில் கண்காணித்த போது அங்கு சந்தேகப்படும்படியாக நின்றிருந்த ஆந்திரா பதிவெண் கொண்ட சொகுசு காரை சோதனை செய்ய முயன்றனர்.

அப்போது காரில் இருந்து சிதம்பரம் அருகேயுள்ள தில்லைநாயகபுரத்தை சேர்ந்த சிவா மகன் சிக்கோ என்கிற தமிழரசன்(22), ஆந்திர மாநிலம், நெல்லூரைச் சேர்ந்த உதயபாஸ்கர் (60), சிதம்பரம் கோவிந்தசாமி தெருவைச் சேர்ந்த முருகன் மகன் முத்து என்கிற முத்துகிருஷ்ணன்(24), அதே தெருவைச் சேர்ந்த ஐயப்பன் மகன் டோலக் என்கிற வினோத்(21) ஆகிய 4 பேரையும் பிடித்து விசாரணை செய்தனர்.

விசாரணையில் ஆந்திர மாநிலம் நெல்லூரில் இருந்து 20 கிலோ, 300 கிராம் கஞ்சாவை காரில் எடுத்து வந்து, பல்கலைக்கழக மாணவர்கள் மற்றும் அண்ணாமலை நகர், சிதம்பரம் பகுதியில் உள்ள இளைஞர்கள் மத்தியில் விற்பனை செய்வதற்காக கொண்டு வந்ததாக தெரிவித்துள்ளனர்.

இதையடுத்து காவல்துறையினர் 4 பேர் மீதும் வழக்குப்பதிவு செய்து கைது சிறைக்கு அனுப்பினர். மேலும் 20 கிலோ 300 கிராம் கஞ்சா மற்றும் காரை பறிமுதல் செய்தனர். பறிமுதல் செய்யப்பட்ட கஞ்சாவின் மதிப்பு ரூ 5 லட்சம் ஆகும். இதுகுறித்து காவல்துறையினர் தீவிர விசாரணை நடத்தி வருகின்றனர். மேலும் தலைமறைவாக உள்ள சிதம்பரம், அண்ணாமலை நகர்ப் பகுதி கஞ்சா விற்பனையாளர்களை பிடிக்க நடவடிக்கை மேற்கொண்டுள்ளனர்.

November 21, 2024 at 2:42 pm

சாக்கு பையில் கிடந்த இளம்பெண்ணின் உடல்.., பாஜகவுக்கு ஆதரவு தெரிவித்ததால் கொலையா?

Teadmin
Quick Share

உத்தர பிரதேச மாநிலத்தில் இடைத்தேர்தல் நடைபெற்று முடிந்த நிலையில் இளம்பெண்ணின் உடலானது சாக்கு பையில் கிடந்துள்ளது. 

இளம்பெண்ணின் உடல்

இந்திய மாநிலமான உத்தர பிரதேசத்தில் கதேஹரி, கர்ஹல், மிராபூர், காஜியாபாத் உட்பட 9 சட்டப்பேரவை தொகுதிகளில் நேற்று இடைத்தேர்தல் நடைபெற்றது. 

இதில் கர்ஹல் தொகுதியில் கஞ்சாரா நதி பாலம் அருகே இளம்பெண்ணின் உடலானது சாக்கு பையில் கிடந்துள்ளது.

இந்த உடலானது அந்த தொகுதியைச் சேர்ந்த 23 வயதுடைய பட்டியலின பெண்ணின் உடல் என்று அடையாளம் காணப்பட்டுள்ளது.

இந்த சம்பவம் குறித்து பொலிஸார் கூறுகையில், “பெண்ணின் தந்தை கொடுத்த புகாரின் அடிப்படையில் பிரசாந்த் யாதவ் மற்றும் மோகன் கதேரியா ஆகிய இரண்டு பேர் கைது செய்யப்பட்டுள்ளனர். 

இந்த குற்றத்தின் பின்னணியில் அரசியல் நோக்கங்கள் இருப்பதாக பெண்ணின் பெற்றோர் குற்றம் சாட்டியுள்ளனர். 

இதில், பிரசாந்த் யாதவ் என்பவர் கடந்த 3 நாட்களுக்கு முன்பாக இளம்பெண்ணின் வீட்டிற்கு சென்று நீங்கள் யாருக்கு வாக்களிக்கவுள்ளீர்கள் என்று கேட்டுள்ளனர். அதற்கு அந்த பெண், பிரதமரின் வீட்டு வசதி திட்டத்தின் கீழ் வீடு கிடைத்ததால், தாமரைக்கு வாக்களிப்பேன் என்று கூறியுள்ளார்.

ஆனால் பிரசாந்த் யாதவ், சமாஜ்வாதியின் சைக்கிள் சின்னத்துக்கு வாக்களிக்க வேண்டும் என்று மிரட்டியுள்ளார். பின்னர் தான் அந்த பெண் கொலை செய்யப்பட்டுள்ளார்” என்றனர். 

இது தொடர்பாக அம்மாநில பாஜக தலைவர் புபேந்திர சிங் சவுத்திரி எக்ஸ் தளத்தில், “சமாஜ்வாதி கட்சியின் பிரசாந்த் யாதவும் அவரது ஆதரவாளர்களும் பட்டியலின பெண்ணை கொலை செய்துள்ளனர்” என்று கூறியுள்ளார்.   

November 19, 2024 at 7:49 pm

7 மாத கர்ப்பிணி மருமகளை 25 துண்டுகளாக வெட்டிய கொடூர மாமியார்!

Teadmin
Quick Share

குடும்ப சண்டையில் 7 மாத கர்ப்பிணி மருமகளை, 25 துண்டுகளாக வெட்டிய சம்பவம் பெரும் அதிர்ச்சியை ஏற்படுத்தியுள்ளது.

இது குறித்து போலீசார் தீவிர விசாரணை நடத்தி வருகின்றனர்.பஞ்சாப் மாநிலம் தாஸ்கா நகரில் ஜெஹ்ரா என்ற 26 வயது இளம்பெண் தனது மாமியாருடன் வசித்து வருகிறார். இவரது கணவர் காதர் வெளிநாட்டில் வேலை பார்த்து வருகிறார். ஜெஹ்ரா தற்போது 7 மாத கர்ப்பமாக இருக்கின்றார். இந்நிலையில் ஜெஹ்ராவுக்கும், அவரது மாமியாருக்கும் கருத்து வேறுபாடு காரணமாக அடிக்கடி சண்டை ஏற்பட்டுள்ளது.சம்பவத்தன்று மாமியார், மருமகள் இடையே கருத்து வேறுபாடு காரணமாக வாக்குவாதம் ஏற்பட்டது. ஒரு கட்டத்தில், ஆத்திரமடைந்த மாமியார், 7 மாத கர்ப்பிணி மருமகளை, 25 துண்டுகளாக கத்தியால் வெட்டியுள்ளார். இந்த சம்பவம் குறித்து போலீசார் வழக்குப்பதிவு செய்து கொலைக்கான காரணம் குறித்து தீவிரமாக விசாரித்து வருகின்றனர்.

November 15, 2024 at 10:55 am

சிறுவனின் இடது கண்ணுக்கு பதிலாக வலது கண்ணில் அறுவை சிகிச்சை: மருத்துவர் மீது புகார்!

Teadmin
Quick Share

சிறுவனின் இடது கண்ணுக்கு பதிலாக வலது கண்ணில் அறுவை சிகிச்சை செய்ததால் பெற்றோர் போராட்டம் நடத்தினர். இந்திய மாநிலமான உத்தர பிரதேசத்தைச் சேர்ந்த 7 வயது சிறுவன் யுதிஷ்டிர். இவருக்கு இடது கண்ணில் தொடர்ந்து நீர் வந்து கொண்டிருந்ததால் பெற்றோர் அவரை கிரேட்டர் நொய்டா பகுதியில் உள்ள தனியார் மருத்துவமனைக்கு அழைத்துச் சென்றனர்.

அங்கு சிறுவனை பரிசோதனை செய்த மருத்துவர்கள், கண்ணுக்குள் மெல்லிய பிளாஸ்டிக் போன்ற பொருள் இருப்பதாகவும், சிறிய அறுவை சிகிச்சை மூலம் அதனை அகற்றிவிடலாம் என்று கூறியுள்ளனர்.

இதையடுத்து, பெற்றோர் அறுவை சிகிச்சைக்கு ஒப்புக் கொண்டனர். பின்னர், கடந்த 12 -ம் திகதி சிறுவனின் கண்ணுக்கு அறுவை சிகிச்சை மேற்கொள்ளப்பட்டது.

அப்போது, சிறுவனின் இடது கண்ணுக்கு பதிலாக தவறுதலாக வலது கண்ணில் அறுவை சிகிச்சை செய்யப்பட்டது. இதனை பார்த்த சிறுவனின் பெற்றோர் மற்றும் உறவினர்கள் மருத்துவமனையை முற்றுகையிட்டு போராட்டம் நடத்தினர்.

பின்னர், சம்மந்தப்பட்ட மருத்துவரின் லைசென்ஸை ரத்து செய்ய வேண்டும் என்று காவல் துறைக்கு பெற்றோர் புகார் கொடுத்தனர். இது தொடர்பாக தற்போது பொலிஸார் விசாரணை மேற்கொண்டு வருகின்றனர்.

November 10, 2024 at 10:18 am

சொந்த சித்தி மகனால் கர்ப்பமாகி குழந்தை பெற்ற அரசு பள்ளி மாணவி!!

Teadmin
Quick Share

நாமக்கல் மாவட்டம் பள்ளிபாளையம் அரசு பள்ளியில் கல்வி பயிலும் 11-ம் வகுப்பு படிக்கும் பள்ளி மாணவிக்கு திடீர் வயிறு வலி ஏற்பட்டுள்ளது. வயிறு வலியின் காரணமாக ஆசிரியர்கள் மாணவியை அருகில் உள்ள அரசு மருத்துவமனைக்கு அழைத்துச் சென்ற போது குழந்தை பெற்றெடுத்த சம்பவம் பெரும் பரபரப்பு ஏற்படுத்தி உள்ளது.

நாமக்கல் மாவட்டம் பள்ளிபாளையம் அடுத்த ஆவரங்காடு அரசு பெண்கள் மேல்நிலைப்பள்ளி செயல்பட்டு வருகிறது. இங்கு இப்பகுதியை சார்ந்த இரண்டாயிரத்துக்கும் மேற்பட்ட மாணவிகள் கல்வி பயின்று வருகின்றனர்.

இந்நிலையில் ராசிபுரம் ஆர்.புதுப்பட்டி பகுதியை சேர்ந்த கூலித் தொழிலாளி சண்முகம் ( பெயர் மாற்றப்பட்டுள்ளது) என்பவர் கடந்த நான்கு மாதங்களுக்கு முன்பாக குடும்பத்துடன், பள்ளிபாளையம் ஒட்டமெத்தை பகுதிக்கு குடி பெயர்ந்தார். இந்நிலையில் தனது 16 வயது மகளை பள்ளிபாளையம் அரசு பள்ளியில் 11ஆம் வகுப்பு கல்வி பயில்வதற்காக கடந்த மூன்று மாதங்களுக்கு முன்பாக பள்ளியில் சேர்த்தார். இதனையடுத்து சக மாணவிகளுடன் அவர் பள்ளிக்கு சென்று வருவது வழக்கம். இந்நிலையில் கடந்த சில நாட்களாகவே மாணவிக்கு லேசாக வயிறு வீங்கியது போல் காணப்பட்டுள்ளது. மாணவிக்கு வயிற்றில் ஏதாவது கட்டி இருக்கும் என பெற்றோர் நினைத்துள்ளனர்.

இந்நிலையில் வழக்கப் போல் பள்ளிக்குச் சென்று, பள்ளியில் கல்வி பயின்று கொண்டிருந்த மாணவிக்கு நேற்று மாலை திடீரென வயிற்று வலி ஏற்பட்டுள்ளது. இதனையடுத்து பள்ளி ஆசிரியர்கள் மாணவியை கைத்தாங்கலாக அருகில் உள்ள அரசு மருத்துவமனைக்கு அழைத்துச் சென்றனர். மருத்துவமனையில் மாணவியை பரிசோதித்த மருத்துவர்கள் அவர் கர்ப்பிணியாக இருப்பதும் பிரசவ வலி எடுத்திருப்பதை கண்டு அதிர்ச்சி அடைந்தனர்.

இதனையடுத்து சில நிமிடங்களில் அவருக்கு அழகிய பெண் குழந்தை 2 கிலோ 800 கிராம் எடையில் பிறந்தது. தொடர்ந்து இதுகுறித்து மாணவியின் பெற்றோருக்கு தகவல் அளித்தனர். இதனையடுத்து அவர்கள் பதறி அடித்துக் கொண்டு பள்ளி வந்தனர். மேலும் மருத்துவர்கள் இதுகுறித்து பள்ளிக் கல்வித்துறை, சமூக நலத்துறையினருக்கும் தகவல் அளித்தனர். தொடர்ந்து இது குறித்து தகவல் அறிந்த குழந்தை நல மருத்துவ அதிகாரிகள், அரசு மருத்துவமனைக்கு விரைந்து சென்று மாணவியின் பெற்றோர் ஆசிரியர் ஆகியோருடன் விசாரணை மேற்கொண்டனர். மேலும் 11-ஆம் வகுப்பு கல்வி பயிலும் 16-வயதே நிரம்பிய மாணவி குழந்தை பெற்ற சம்பவம் பள்ளிப்பாளையம் வட்டாரத்தில் பெரும் பரபரப்பை ஏற்படுத்தியுள்ளது. கல்வித்துறை சார்ந்த அதிகாரிகளும் இது குறித்து விசாரணை மேற்கொண்டு வருகின்றனர். மேலும் பள்ளிபாளையம் அரசு மருத்துவமனையில் இருந்து தாய் சேய் இருவரும் மேல் சிகிச்சைக்காக ஈரோடு அரசு மருத்துவமனைக்கு அழைத்துச் செல்லப்பட்டனர்.

இந்த நிலையில் மாணவியை ஆசை வார்த்தை கூறியோ அல்லது மிரட்டியோ யாரேனும் பாலியல் வன்கொடுமை செய்திருக்கலாம் எனவும், இதன் காரணமாக மாணவி கர்ப்பம் அடைந்து இருக்கலாம் என கூறப்படுகிறது. அதே நேரத்தில் இதுகுறித்து மாணவி தனது பெற்றோரிடமும் தெரிவிக்காமல் இருந்திருக்கிறார்.தான் கர்ப்பமாக இருப்பது தெரிந்தும் வீட்டில் தெரிந்தால் பிரச்சனையாகிவிடும் என்பதற்காக மாணவி இதுகுறித்து தெரிவிக்காமல் இருந்திருக்கலாம் என கூறப்படுகிறது. தொடர்ந்து மாணவிக்கு குழந்தை பிறந்திருக்கும் நிலையில் அதன் தந்தை யார் என்பது குறித்து மாணவியிடம் விசாரணை நடத்தப்பட்டு இருக்கிறது. தற்போது அவரது உடல்நிலை மோசமாக இருக்கும் நிலையில் சிறிது கால சிகிச்சைக்கு பிறகு அவரிடம் வாக்குமூலம் பெறப்பட இருக்கிறது. மேலும் இது தொடர்பாக பள்ளிபாளையம் அனைத்து மகளிர் காவல் நிலைய போலீசார் வழக்கு பதிவு செய்து விசாரணை மேற்கொண்டு வருகின்றனர்.

அதே நேரத்தில் மாணவி ராசிபுரத்தில் குடும்பத்துடன் வசித்த போது அவரது சித்தி மகனான ரங்கராஜ் என்பவர் மாணவியை தன்னை பாலியல் தொல்லை செய்ததாகவும், அதனால் மாணவி கருவுற்றிருக்கலாம் என மாணவி தெரிவித்துள்ளார் எனவும், அவரை கைது செய்ய திட்டமிட்டுள்ளதாக போலீசார் கூறியுள்ளதாக தகவல் வெளியாகியுள்ளது.

November 5, 2024 at 1:00 pm

பெண் குழந்தை விற்பனை: 5 பேர் கைது!

Teadmin
Quick Share

ஈரோடு கனிராவுத்தர் குளம் என்ற பகுதியைச் சேர்ந்தவர் நித்யா (வயது 28). இவரது சொந்த ஊர் தஞ்சாவூர் மாவட்டம் ஆகும். இவருக்கு எடிசன் என்பவருடன் திருமணமாகி ஒரு பெண் குழந்தை உள்ளது. கருத்து வேறுபாட்டால் கணவரைப் பிரிந்து நித்யா ஈரோடு மாணிக்கம் பாளையம் முனியப்பன் கோவில் வீதியைச் சேர்ந்த சந்தோஷ் குமார் (வயது 28) என்பவர் உடன் கடந்த இரண்டு ஆண்டுகளாக வசித்து வருகிறார். இதன்மூலம் கர்ப்பமடைந்த வித்யாவுக்குக் கடந்த 50 நாட்களுக்கு முன்பு ஈரோடு அரசு தலைமை மருத்துவமனையில் பெண் குழந்தை பிறந்தது. குழந்தை வேண்டாம் என முடிவு செய்த நித்யா மற்றும் சந்தோஷ்குமார் குழந்தையை விற்க முடிவு செய்துள்ளனர்.

இதனையடுத்து பவானி, லட்சுமி நகரைச் சேர்ந்த சித்திகா பானு, ஈரோடு பெரிய சேமூர் பகுதி சேர்ந்த செல்வி அவருடன் இருந்த இரண்டு ஆண்களிடம் குழந்தை கொடுத்துள்ளார். அப்போது ரூ.4.50 லட்சம் ரூபாய் கைமாறியது. இந்த கொடுக்கல் வாங்கல் விவகாரம் கன்னியாகுமரி மாவட்டம் நாகர்கோவிலில் கடந்த மாதம் 30ஆம் தேதி நடந்தது. இதில் ரூ. 1.30 லட்சத்தை எடுத்துக் கொண்ட செல்வி மீதி பணத்தை சந்தோஷ் குமாரிடம் கொடுத்துள்ளார். 

இந்நிலையில் ஈரோட்டுக்கு வந்த நித்யாவை அவரது சொந்த ஊருக்குச் செல்லுமாறு சந்தோஷ் குமார் கூற இருவருக்கும் இடையே தகராறு ஏற்பட்டுள்ளது. இதைத் தொடர்ந்து தனக்குப் பணம் வேண்டாம். குழந்தை தான் வேண்டும் என்று நித்யா கூறியதால் அவர்களுக்குள் மீண்டும் தகராறு ஏற்பட்டுள்ளது. இதனையடுத்து, நடந்த சம்பவம் குறித்து ஈரோடு மாவட்ட குழந்தைகள் நல அலுவலரிடம் நித்யா தெரிவித்தார்.

அதன் பின்னர் இது குறித்து வீரப்பன்சத்திரம் போலீசில் புகார் அளித்தார். இந்த புகாரின் அடிப்படையில் விசாரித்த வீரப்பன் சத்திரம் போலீசார் பெண் குழந்தையை விற்க இடைத்தரகராகச் செயல்பட்ட செல்வி, சித்திக்கா பானு, ஈரோடு பெரிய சேமூர் எல்லப்பாளையம் சக்தி நகரைச் சேர்ந்த ராதா, ராசாங்காடு பகுதியைச் சேர்ந்த ரேவதி, சந்தோஷ் குமார் என 5 பேரைக் கைது செய்தனர். குழந்தையை விற்ற வழக்கில் நித்யாவும் குற்றவாளியாகச் சேர்க்கப்பட்டுள்ளார். 

இந்நிலையில் குழந்தையை விலைக்கு வாங்கிய நாகர்கோவில் தம்பதி மற்றும் அதற்கு உதவியாக இருந்த இரண்டு இடைத்தரகர்களைப் பிடித்து விசாரிக்க ஈரோடு போலீசார் முடிவு செய்துள்ளனர். அவர்களிடம் விசாரணை நடத்தினால் தான் முழுமையான தகவல் தெரிய வரும். இந்த வழக்கில் வேறு யாருக்கும் தொடர்பு உள்ளதா எனத் தெரியவரும் என்று போலீசார் தெரிவித்தனர். கைது செய்யப்பட்டுள்ள 4 பெண் இடைத்தரகர்கள் இதேபோன்று வேறு ஏதும் குழந்தைகளைப் பெற்று விற்பனை செய்துள்ளார்களா என்பது குறித்தும் போலீசார் தீவிர விசாரணை நடத்தி வருகின்றனர்.




You cannot copy content of this Website