உலகம்

சதை உண்ணும் பக்டீரியா தொற்றால் அச்சத்தில் ஜப்பான் மக்கள்!

Quick Share

ஜப்பானில் சதை உண்ணும் பக்டீரியா தொற்றால் 1,000 பேர் பாதிக்கப்பட்டுள்ளதாக அதிர்ச்சித் தகவல் வெளியாகியுள்ளது. இது குறித்து ஜப்பானிய சுகாதார அதிகாரிகள் கூறுகையில், 1,000 க்கும் மேற்பட்ட மக்கள் பக்டீரியாவால் பாதிக்கப்பட்டுள்ளனர், இது தசைகளை கரைக்கும், ஸ்ட்ரெப்டோகாக்கல் நச்சு அதிர்ச்சி நோய்க்குறியால் (STSS) ஏற்படுகிறது.

ஸ்ட்ரெப்டோகாக்கல் டாக்ஸிக் ஷாக் சிண்ட்ரோம் எனப்படும் இந்த நிலையை ஏற்படுத்தும் பக்டீரியாவை தசையை கரைக்கும் அல்லது சாப்பிடுவது மிகவும் அரிதானது, ஆனால் கடந்த ஆண்டு ஜப்பானியர்களிடையே இது வேகமாக பரவ ஆரம்பித்ததாக கூறப்படுகிறது.

ஜப்பானிய மருத்துவர்களின் கூற்றுப்படி, காய்ச்சல், குளிர், தசை வலி, தலைச்சுற்றல் மற்றும் வாந்தி ஆகியவை இந்த பக்டீரியத்தால் பாதிக்கப்பட்ட பிறகு முக்கிய அறிகுறிகளாகும்.

அதன் பிறகு, தொண்டை வலி, உறுப்பு செயலிழப்பு, உடல் வீக்கம், குறைந்த இரத்த அழுத்தம் போன்ற அறிகுறிகள் ஏற்படும். ஸ்ட்ரெப்டோகாக்கால் நச்சு அதிர்ச்சி நோய்க்குறியை ஏற்படுத்தும் இந்த பக்டீரியா ஸ்ட்ரெப்டோகாக்கி குழுவிற்கு சொந்தமானது.

பக்டீரியாவின் இந்த குழு ஆபத்தானது. இந்த பக்டீரியா உடலில் நுழைந்து தசைகளுக்கு இடையில் பரவுகிறது. பின்னர் அது இரத்த ஓட்டத்தில் நுழைகிறது.

பக்டீரியாவின் விஷத்தை உடலில் வெளியிடுவதன் மூலம். வைரஸ் பரவுவதைப் போன்று பக்டீரியாக்கள் வேகமாகப் பரவுவதில்லை என்றும், இந்த பக்டீரியா வேகமாகப் பரவுவது குறித்தும் அவர்கள் மிகுந்த கவலையுடன் இருப்பதாக உலக சுகாதார நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளது.

தூய்மையைப் பேணுதல், அடிக்கடி கைகளைக் கழுவுதல், இருமல் அல்லது தும்மும்போது மூக்கு மற்றும் வாயை மூடுதல் போன்ற நல்ல பழக்கவழக்கங்கள் இந்த பக்டீரியாவின் தொற்றுநோயைத் தடுக்க உதவும் என கூறப்படுகின்றது.

அதேசமயம் இந்த பக்டீரியத்தால் பாதிக்கப்பட்ட 48 மணி நேரத்திற்குள் நோயாளி மிகவும் மோசமாகிவிடுவதாகவும் கூறப்படுவதுடன் இறப்பு விகிதம் 30 சதவீதம் என்றும் குறிப்பிடப்பட்டுள்ளது.

மாட்டிறைச்சி செல்கள் கலந்த புதிய அரிசி வகை அறிமுகம்.

Quick Share

தென் கொரியாவின் தலைநகர் சியோலில் விஞ்ஞானிகள் குழு ஒன்று , மாட்டிறைச்சி செல்கள் கலந்த புதிய அரிசி வகையை உருவாக்கியுள்ளது. இந்நிலையில் எதிர்காலத்தில் பல இறைச்சி பிரியர்களுக்கு அவர்களின் புதிய வகை அரிசி ஓர் அற்புதமான உணவாக இருக்கும் என விஞ்ஞானிகள் கூறுகின்றனர்.

மாட்டிறைச்சியின் ஊட்டச்சத்து மதிப்பை இந்த அரிசியில் சேர்ப்பதில் விஞ்ஞானிகள் வெற்றி பெற்றுள்ளனர்.

இந்த ‘இறைச்சி அரிசி’யை எதிர்கால விண்வெளி நடவடிக்கைகளிலும், கிரக ஆய்வுகளிலும் எளிதில் தயாரிக்கக்கூடிய ஒரு வகையான சத்தான அரிசியாக அறிமுகப்படுத்துவார்கள் என்றும் விஞ்ஞானிகள் நம்புகின்றனர்.

இந்த புதிய வகை அரிசி இளஞ்சிவப்பு நிறத்தில் உள்ளதுடன் இது வெண்ணெய் போன்ற வாசனை கொண்டுள்ளது.

துஸ்பிரயோகம், போதை மருந்து: அம்பலமாகும் எலோன் மஸ்க்கின் உண்மை முகம்!

Quick Share

டெஸ்லா நிறுவனத்தின் தலைமை நிர்வாக அதிகாரியும் உலக பெரும் கோடீஸ்வரர்களில் ஒருவருமான எலோன் மஸ்க் மீது அதிர்ச்சியூட்டும் குற்றச்சாட்டுகள் முன்வைக்கப்பட்டுள்ளது. பெரும் கோடீஸ்வரர்களில் ஒருவரான எலோன் மஸ்க் தொடர்பில் புயலைக்கிளப்பும் 5 குற்றச்சாட்டுகள் முன்வைக்கப்படுகிறது. அதில், தமது நிறுவனத்தில் பணியாற்றும் பெண் ஊழியர்கள் பலருடன் நெருக்கமான உறவில் இருந்துள்ளார் என அறிக்கை ஒன்றில் அம்பலமாகியுள்ளது.

பெண் ஒருவரை தமது குடியிருப்புக்கு அழைத்ததாகவும், அவருடன் நள்ளிரவு கடந்தும் குறுந்தகவல் அனுப்பியதாகவும், இதனால் தமது வேலைக்கு சிக்கல் ஏற்பட்டது என்றும் தொடர்புடைய பெண் குறிப்பிட்டுள்ளார்.

எலோன் மஸ்க்கின் SpaceX நிறுவன பெண் ஊழியர் ஒருவருக்கு பாலியல் உறவுக்கு ஈடாக பரிசுகளை வழங்க முன்வந்ததாகவும் கூறப்படுகிறது. ஆனால் அது உண்மைக்கு புறம்பானது என மஸ்க் மறுத்துள்ளார்.

இன்னொரு SpaceX பெண் ஊழியரிடம் பல முறை தமது பிள்ளைக்கு தாயாக வேண்டும் என்ற கோரிக்கையுடன் தொல்லை கொடுத்ததாக கூறப்படுகிறது. ஒவ்வொரு முறையும் குறித்த பெண் ஊழியர் மஸ்க்கின் கோரிக்கையை நிராகரித்துள்ளார்.

அதே வேளை மஸ்க்கின் Neuralink நிறுவனத்தின் பெண் ஊழியர் மூலமாக அவருக்கு இரட்டைக் குழந்தைகள் உள்ளனர். மேலும், எலோன் மஸ்க் அதிகமாக போதை மருந்து பயன்படுத்துபவர் என்றே அவரது நிறுவனத்தின் முன்னாள் ஊழியர்கள் மற்றும் அதிகாரிகள் தரப்பு வெளிப்படுத்தியுள்ளனர்.

ஆனால் அவரது சட்டத்தரணிகள் இந்த குற்றச்சாட்டுக்கு விளக்கமளித்துள்ளதுடன், வாடிக்கையாக சோதனை மேற்கொள்பவர் என்றும் ஒரு சோதனையில் கூட மஸ்க் தவறிழைத்ததில்லை என்றும் குறிப்பிட்டுள்ளனர்.

மேலும், மஸ்க் நிறுவனங்களில் புகார் எழுப்பப்பட்டாலும், அது தொடர்பில் நடவடிக்கைகள் எதுவும் முன்னெடுக்கப்படுவதில்லை என்றும், ஆனால் விசாரணைக்கு உட்படுத்தப்படும் என மட்டும் உறுதி அளிக்கப்படுவதாக குற்றஞ்சாட்டியுள்ளனர்.

எலோன் மஸ்க் மீதான இந்த குற்றச்சாட்டுகளுக்கு அவர் இதுவரை நேரிடையாக பதிலளிக்கவில்லை என்றே தகவல் வெளியாகியுள்ளது.

பலூனில் வந்திறங்கிய மனிதக்கழிவுகள்: பிரித்தானிய மருத்துவர் விடுத்துள்ள எச்சரிக்கை

Quick Share

வடகொரியா, பலூன்கள் மூலம் தென்கொரியாவுக்குள் மனிதக்கழிவுகளைக் கொண்டு இறக்கிய விடயம் பரபரப்பை ஏற்படுத்தியுள்ள நிலையில், காற்றில் பரவும் மனிதக்கழிவுகளால் என்னென்ன பிரச்சினைகள் ஏற்படக்கூடும் என்பதைக் குறித்து எச்சரித்துள்ளார் பிரித்தானிய மருத்துவர் ஒருவர்.

தென்கொரியாவில் வந்திறங்கிய 260 ராட்சத பலூன்கள்

வடகொரியாவிலிருந்து அனுப்பப்பட்ட பலூன்களுடன், மலம் மற்றும் குப்பை அடங்கிய 260 மூட்டைகள் தென்கொரியாவில் வந்திறங்கியுள்ளதைத் தொடர்ந்து, இரு நாடுகளுக்குமிடையிலான மோதல் மேலும் வலுவடைந்துள்ளது.

உலகளவில் அதிக முறை கைதாகி பிரபலமடைந்த நபர்!

Quick Share

அமெரிக்கா – கென்டகி மாகாணத்தில் வசித்து வந்த 74 வயதான ஹென்றி இயர்ல் உலகில் அதிக முறை கைது செய்யப்பட்ட நபர் என அந்நாட்டில் பிரபலமடைந்துள்ளார். அவருடைய வாழ்நாளில் 1,300 முறைக்கும் கூடுதலாக பொலிஸாரால் கைது செய்யப்பட்டுள்ளார். ஹென்றிக்கு 18 வயது இருக்கும்போது, அவரை தத்தெடுத்து வளர்த்த தாய் மரணம் அடைந்துள்ளார்.

இந்த துக்கத்தில் ஹென்றி மதுபானம் குடிக்க தொடங்கினார். அவர் முறையாக எந்த அலுவலகத்திலும் பணியாற்றியதில்லை. ஒரேயொரு முறை மோட்டல் ஒன்றில் வேலை செய்துள்ளார்.

அதுவும், அவர் குடிகாரர் என தெரிந்ததும் வேலையில் இருந்து நீக்கப்பட்டார். 1970-ம் ஆண்டு ஜூலையில், பயேட் கவுன்டி பகுதியில் முதன்முறையாக அவர் கைது செய்யப்பட்டார்.

20 வயது இருக்கும்போது ஆயுதம் ஒன்றை மறைத்து எடுத்து சென்றதற்காக கைது செய்யப்பட்ட அவர், சிறையில் மொத்தம் 6 ஆயிரம் நாட்களை கழித்துள்ளார்.

1000-ஆவது முறையாக 2008-ம் ஆண்டு அவர் கைது செய்யப்பட்டார். யாரோ ஒருவரின் வீட்டுக்கு பின்னால் மதுபோதையில் சிறுநீர் கழித்த காரணத்திற்காக இந்த கைது நடவடிக்கை எடுக்கப்பட்டது.

புனரமைப்பு இல்லத்தில் சேர்க்கப்பட்டு தெளிவடைந்த அவர் 4 மாதங்களுக்கு பின் மீண்டும் கைது செய்யப்பட்டுள்ளார். எனினும், 5 தசாப்தங்களில், 1,500 முறை அவர் கைது செய்யப்பட்டு உள்ளார் என ஸ்மோகிங் கன் என்ற ஊடக செய்தி தெரிவிக்கின்றது.

கடைசியாக, 2017-ம் ஆண்டு ஏப்ரலில் அவர் கைது செய்யப்பட்டார். அவருக்கென்று குடும்பம் என எதுவும் இல்லை. இந்த நிலையில், சில நாட்களுக்கு முன் அவர் மரணம் அடைந்து விட்டார். ஆனால், உலகில் அதிக முறை சிறையில் வாழ்நாளை கழித்த நபர் என்ற பெருமைக்கு சொந்தக்காரர் ஆகியுள்ளார்.

அவரை பற்றி உள்ளூர்வாசிகள் கூறும்போது, வசீகரிக்க கூடிய ஒரு நபர் என்றும் சமூக விதிகளை பற்றி எல்லாம் கவலை கொள்ளாமல் சுதந்திர மனப்பான்மையுடன் தான் விரும்பியவற்றை மகிழ்ச்சியுடன் செய்ய கூடியவர் என்றும் கூறுகின்றனர்.

பிரிட்டனின் மிகப்பிரபலமான சமையல் போட்டியில் சாதனை படைத்த தமிழன்!

Quick Share

பிரிட்டனின் மிகப்பிரபலமான சமையல் போட்டியான மாஸ்டர் செவ் 2024 போட்டியில் தமிழ் கால்நடை மருத்துவர் பிரின் பிரதாபன் வெற்றிபெற்றுள்ளார். தனது தமிழ் பின்னணியிலிருந்து தைரியமான ஆக்கபூர்வமான சுவைகளின் சேர்க்கைகளை உருவாக்கப்பெற்ற உத்வேகத்தின் காரணமாகவே மாஸ்டர் செவ்வில் வெற்றிபெற முடிந்ததாக பிரின் பிரதாபன் கூறியுள்ளார்.

மாஸ்டர் செவ் 2024 போட்டி- சாதனை படைத்த தமிழன் அதோடு தனது பெற்றோர்களே தனக்கு உணவு மற்றும் சுவையின் மீதான ஆர்வத்தை தூண்டினார்கள் என அவர் தெரிவித்துள்ளார்

பிரின் பிரதாபனின் தந்தை கோபால் ஒரு பொறியியலாளர் என்பதுடன் தாயார் டார்க்கே வங்கியில் பணிபுரிகின்றார். தனது வெற்றிகுறித்து கூறிய பிரின் பிரதாபன் , எனது சமையலில் தமிழ் கலாச்சாரம் முக்கிய பங்கு வகித்தது இந்த விடயத்தில் நான் அதிஸ்டசாலி என அவர் தெரிவித்துள்ளார்.

எனது பெற்றோர் மிகச்சிறந்த சமையல்திறன் மிக்கவர்கள் எனது வாழ்நாள் முழுவதும் அற்புதமான தமிழ் சுவையால் வழிநடத்தப்படும் சந்தர்ப்பம் எனக்கு கிடைத்ததாகவும் அவர் மகிழ்ச்சியுடன் தெரிவித்தார்.

தமிழ் பின்னணியை பொறுத்தவரை ஒவ்வொரு சுவைக்கும் ஒவ்வொரு காரணம் உள்ளதெனவும், சிலர் பொருட்களை சேர்க்க முடியாது சில பொருட்களை சேர்க்க முடியும் சுவைகள் சிலவேளை ஒன்றுடன் ஒன்று இணைந்துகொள்ளும் என்றும் அவர் தெரிவித்துள்ளார்.

நான் எனது தமிழ் கலாச்சாரத்திலிருந்து பாடங்களை கற்று நான் தயாரிக்கும் பல உணவு வகைகளில் அவற்றை சேர்த்துள்ளதாக குறிப்பிட்ட பிரின் பிரதாபன் , ஐரோப்பிய உணவு வகைகளிலும் அவற்றினை சேர்ந்துள்ளதாகவும் கூறியுள்ளார்.

மாஸ்டர் செவ் 2024 போட்டியில் தமிழ் கால்நடை மருத்துவர் பிரின் பிரதாபன் வெற்ரிபெற்றமைக்கு அபலரும் வாழ்த்துக்களை தெரிவித்து வருகின்றனர்.

நிலச்சரிவில் சிக்கிய கிராமம்: 670 பேர் மண்ணில் புதைந்த பேரதிர்ச்சி!

Quick Share

பப்புவா நியூகினியாவில் ஏற்பட்ட பயங்கர நிலச்சரிவில் 670 பேர் மண்ணில் புதைந்த சம்பவம் பெரும் பரபரப்பை ஏற்படுத்தி இருக்கிறது. இது தொடர்பான தகவலை அதிகாரப்பூர்வமாக ஐ நா அமைப்பு வெளியிட்டுள்ளது.

பப்புவா நியூகினியாவில் நாட்டில் ஏற்பட்ட மிகப் பெரும் நிலச்சரிவில் தற்பொழுது வரை 670 பேர் மண்ணில் புதைந்திருப்பதாக தகவல்கள் வெளியாகி உள்ளது. இந்த நிலச்சரிவில் சிக்கி ஏற்கனவே 100 பேர் பலியான அறிவிப்பு வெளியாகிய நிலையில் இந்த தகவல் உலக அளவில் பெரும் பரபரப்பை ஏற்படுத்தி இருக்கிறது.

மேலும் நிலச்சரிவில் 150-க்கும் மேற்பட்ட வீடுகள் மண்ணில் புதைந்திருப்பதும் தெரிய வந்துள்ளது. அந்த பகுதியில் மீட்புப் பணிகள் தொடர்ச்சியாக நடைபெற்று வருகிறது. மீட்கப்பட்டவர்களுக்கு முதலுதவி சிகிச்சை அளிப்பதை கூட செய்யமுடியாத அளவிற்கு அங்கு மோசமான நிலை நீடிப்பதாக தகவல்கள் வெளியாகி உள்ளன.

“ஒன் சிப் சேலஞ்ச்” மாரடைப்பில் உயிரை விட்ட 14 வயது சிறுவன்: பின்னணி என்ன?

Quick Share

அமெரிக்காவில் 14 வயதான சிறுவன் கடந்த ஆண்டு சமூக வலைதள சவாலில் ஈடுபட்ட பின்னர் மாரடைப்பால் உயிரிழந்ததாக பிரேத பரிசோதனை வியாழக்கிழமை தெரிவித்துள்ளது.

விபரீதத்தில் முடிந்த சேலஞ்ச்

அமெரிக்காவின் மாசசூசெட்ஸைச் சேர்ந்த ஹாரிஸ் வோலோபா (Harris Wolobah) என்ற 14 வயது டீனேஜர், “ஒன் சிப் சேலஞ்ச்”(One Chip Challenge) எனப்படும் சவாலில் ஈடுபட்ட பின்னர் செப்டம்பர் மாதம் உயிரிழந்தார். 

  Paqui நிறுவனம் தயாரித்த இந்த சிப்ஸ், Carolina Reapers மற்றும் Naga Vipers என்ற உலகின் காரமான மிளகுத்துள்களால் தூவப்பட்டிருந்தது. 

இந்த காரமான சிப்ஸ் பண்டத்தை சாப்பிட்டத்தன் விளைவாக ஹாரிஸ் வோலோபாவின் உயிர் பிரிந்து இருப்பது வியாழக்கிழமை வெளியான பிரேத பரிசோதனை முடிவில் உறுதி செய்யப்பட்டுள்ளது.

உள்ளூர் தலைமை மருத்துவ பரிசோதகர், ஹாரிஸ் மிளகாய்க்கு காரத்தை அளிக்கும் கலவையான கப்சைசின்(capsaicin) அதிக அளவு உள்ள உணவை உட்கொண்ட பிறகு மாரடைப்பு காரணமாக இறந்ததாக தீர்ப்பளித்தார், என்று AFP செய்தி நிறுவனத்தால் பார்க்கப்பட்ட பிரேத பரிசோதனை அறிக்கை தெரிவித்துள்ளது.

தயாரிப்பை நிறுத்திய நிறுவனம்

ஹாரிஸின் இறப்பிற்கு பிறகு, Paqui நிறுவனம் சவப்பெட்டி வடிவ பெட்டியில் சிவப்பு மண்டை ஓடுடன் “அதீத காரம்” என்று குறிக்கப்பட்டிருந்த இந்த தயாரிப்புகளை கடை அலமாரிகளில் இருந்து நீக்கியது.

‘ஒன் சிப் சேலஞ்ச்’ என்றால் என்ன?

‘ஒன் சிப் சேலஞ்ச்’ என்பது சிப்ஸ் நிறுவனமான Paqui நிறுவனத்தால் ஒரு சந்தைப்படுத்தல் பிரச்சாரமாக 2016 இல் தொடங்கப்பட்ட ஒரு வைரல் சமூக ஊடக போக்கு.

மக்கள் காரமான மிளகு துள்களால் சுவை சேர்க்கப்பட்ட சிப்பை வாங்கி சாப்பிட்டு, பின் அந்த காரத்தை எவ்வளவு நேரம் தண்ணீர் அல்லது பால் ஆகியவை குடிக்காமல் தாக்குபிடிக்க முடியும் என்பதை ஆவணப்படுத்திக் கொள்ளும் முறையாகும். 

அரிதினும் அரிது! 4 கைகள் மற்றும் 3 கால்களுடன் ஒட்டிப்பிறந்த இரட்டையர்கள்…

Quick Share

அரிதினும் அரிதாக 4 கைகள் மற்றும் 3 கால்களுடன் ஒட்டிப்பிறந்த இரட்டையர்களின் வினோத நிகழ்வை பார்க்கலாம். 

இரட்டையர்கள்

இந்தோனேசியாவில் 4 கைகள், 3 கால்கள், ஒரே ஒரு ஆண்குறியுடன் இரட்டையர்கள் ஒட்டிப்பிறந்த வினோத சம்பவம் நிகழ்ந்துள்ளது. 

2 மில்லயனில் 1 முறையே இந்த மாதிரியான குழந்தைகள் பிறப்பதற்கு வாய்ப்பு இருப்பதாக மருத்துவர்கள் கூறுகின்றனர். 

இந்த வகையான இரட்டையர்களுக்கு மருத்துவ பெயரில் இசோபேகஸ் த்ரிபஸ் (Ischiopagus Tripus) என்று அழைக்கப்படுகிறது. மேலும், இவர்களை சிலந்தி இரட்டையர்கள் (Spider Twins) என்றும் அழைக்கின்றனர்.இந்த வகை இரட்டை குழந்தைகள் கடந்த 2018 -ம் ஆண்டு இந்தோனேசியாவில் பிறந்துள்ளனர். தற்போது, அமெரிக்க மருத்துவ இதழ் வெளியிட்ட அறிக்கைக்கு பிறகே இந்த நிகழ்வு உலகிற்கு தெரியவந்துள்ளது.

அவர்கள் அந்த அறிக்கையில், “உடலின் மேல்புறத்தில் மட்டுமல்லாமல் கீழ்ப்புறத்திலும் ஒட்டிப் பிறந்துள்ள இரட்டையர்களை அறுவை சிகிச்சை மூலம் பிரிப்பது அரிதான விடயம். 

இதில் உள்ள இரட்டை குழந்தைகளில் ஒரு குழந்தை 60 சதவீதம் உயிரிழப்பதற்கு வாய்ப்புகள் உள்ளது. ஆனால், அதிர்ஷ்டவசமாக இந்த இரட்டை குழந்தைகள் இன்னும் உயிருடன் இருக்கின்றனர். 

இவர்களின் உடல் அமைப்பின் காரணமாக முதல் 3 வருடத்திற்கு அவர்களால் உட்கார முடியாத நிலைமை இருந்தது. படுத்தவாறு மட்டுமே இருக்க முடிந்தது. 

பின்னர், மருத்துவர்கள் மேற்கொண்ட சிறிய அறுவை சிகிச்சையின் பிறகு தற்போது அவர்களால் அமர முடிகிறது” என்று குறிப்பிட்டுள்ளனர்.   

‘மிகவும் ஆரோக்கியமான தாய்’!! 69 குழந்தைகளை பெற்றெடுத்த நம்ப முடியாத உலக சாத...

Quick Share

ஒரு குழந்தையை கருத்தரித்து பெற்றெடுத்து வளர்ப்பது என்பது சாதாரண செயலல்ல, அதற்கு நிறைய அன்பு, அர்ப்பணிப்பு மற்றும் பொறுப்புத் தேவை. உடல்ரீதியான மாற்றங்கள் முதல் ஹார்மோன் ஏற்ற இறக்கங்கள் வரை, கர்ப்பத்திற்கு உடல்ரீதியாக அதிக அர்ப்பணிப்பு தேவைப்படலாம். ஒரு குழந்தையை ஒன்பது மாதங்கள் சுமப்பது என்பது ஒரு பெண்ணின் உடலில் பல்வேறு மாற்றங்களை உண்டாக்குகிறது.

பெற்றோராக மாறும்போது நீங்கள் பல்வேறு உணர்வுகளுக்கு ஆளாகலாம் மற்றும் குழந்தையின் தேவைகளை பூர்த்தி செய்வது நிதிரீதியான சவால்களை ஏற்படுத்தலாம். அதனால்தான் பல பெண்கள் தற்போது ஒரு குழந்தையுடன் நிறுத்திக் கொள்ள விரும்புகிறார்கள்.

இப்படிப்பட்ட சூழலில் ஒரு பெண் 69 குழந்தைகளுக்கு தாயாகியுள்ளார் என்றால் உங்களால் நம்ப முடியுமா? ரஷ்யாவில் வசித்த வாலண்டினா வாசிலியேவ் என்ற பெண் 1725 மற்றும் 1765 க்கு இடையில் 69 குழந்தைகளைப் பெற்றெடுத்ததாக கூறப்படுகிறது. மாஸ்கோவில் உள்ள அரசாங்கத்திற்கு ஒரு உள்ளூர் தேவாலய அறிக்கையின்படி, ரஷ்ய விவசாயி ஃபியோடர் வாசிலியேவின் மனைவி திருமதி. வாசிலியேவ், 16 ஜோடி இரட்டைக் குழந்தைகளையும், ஏழு மூன்று குழந்தைகளையும், நான்கு நான்கு குழந்தைகளையும் பெற்றெடுத்தார். இவை அனைத்தும் 27 தனித்தனி பிரசவங்கள் மூலம் 1725 மற்றும் 1765. அதாவது மொத்தம் 69 குழந்தைகள் பிறந்ததாக பிபிசி தெரிவித்துள்ளது. திருமதி. வாசிலியேவ் தனது பெயரை கின்னஸ் புத்தகத்தில் ‘மிகவும் ஆரோக்கியமான தாய்’ என்று பதிவு செய்துள்ளார். அதோடு, ஒரு ஆச்சரியமான விஷயம் என்னவெனில், ஃபியோடர் வாசிலியேவ் பின்னர் மற்றொரு பெண்ணை மணந்தார், அவர் எட்டு முறை கர்ப்பமாகி 18 குழந்தைகளைப் பெற்றெடுத்தார். வாசிலியேவின் இரண்டு மனைவிகளுக்குப் பிறந்த 87 குழந்தைகளில் 84 பேர் மட்டுமே உயிர் பிழைத்தனர்; மீதமுள்ள 3 குழந்தைகளும் பிறந்த சில நாட்களில் இறந்தனர்.

ஆண் என தெரியாமல் 27 ஆண்டுகளாக பெண்ணாக வாழ்ந்தவருக்கு.., திருமணத்திற்கு முன்பு அதிர்ச்சி

Quick Share

27 ஆண்டுகளாக பெண்ணாக வாழ்ந்தவருக்கு திருமணத்திற்கு முன்பு தான் ஆண் என்று அறிந்தததால் அதிர்ச்சியடைந்துள்ளார்.

சீன பெண்

மத்திய சீனாவில் வசித்து வரும் பெண் லி யுவான். இவர், சீரற்ற மாதவிடாய் பிரச்சனை மற்றும் தாமதமான மார்பக வளர்ச்சி ஆகியவற்றை எதிர்கொண்டு வந்துள்ளார். 

இதற்காக தன்னுடைய 18 வயதில் இருந்தே மருத்துவமனைக்கு சென்று பரிசோதனை செய்து கொண்டு வந்துள்ளார். அப்போது, ஹார்மோன் அளவுகள் அசாதாரணமாக இருப்பதும், கருப்பை பிரச்சனை இருப்பதும் கண்டறியப்பட்டது.

அதற்காக முதலில் குரோமோசோம் பரிசோதனையை மருத்துவர்கள் பரிந்துரை செய்தனர். ஆனால், லி யுவானும், அவரது குடும்பத்தினரும் இதனை பெரிதாக எடுத்துக் கொள்ளாமல் இருந்தனர். 

பின்பு, சில ஆண்டுகளுக்கு பிறகு லி யுவானை திருமணத்திற்கு முன்பு முழுமையான பரிசோதனை மேற்கொள்ளுமாறு மூத்த மகப்பேறு மருத்துவ நிபுணரான டுவான் ஜீ அறிவுறுத்தினார்.

அப்போது தான் அவருக்கு congenital adrenal hyperplasia (CAH) என்ற பிரச்சனை இருப்பது தெரியவந்தது. அதாவது ஆணுக்குரிய குரோமோசோம்கள் இருப்பது தெரியவந்துள்ளது.

அவருக்கு, ஆணுக்குரிய பிறப்புறுப்பு அடிவயிற்றின் உள்ளே இருந்தது. ஆனால், அவர் பெண்ணாக வாழ்ந்து வந்துள்ளார்.

இந்த குறைப்பாடு, 50,000 பேரில் ஒருவருக்கு மட்டுமே இருக்கும் என்று மருத்துவர்கள் தெரிவித்தனர். இதனை ஏற்பதற்கு லி யுவானுக்கு சவாலாக இருந்தது. 

ஆப்கானில் கொட்டித்தீர்த்த கனமழை! வெள்ளத்திற்கு 50 பேர் பலி

Quick Share

ஆப்கானிஸ்தானில் பெய்த கனமழையால் ஏற்பட்ட வெள்ளத்திற்கு 50 பேர் உயிரிழந்தனர்.

ஆப்கானின் தலைநகர் காபூல் உட்பட பல பகுதிகளில் கடந்த சில நாட்களாக கனமழை பெய்து வருகிறது.

இதன் காரணமாக அங்குள்ள பல்வேறு ஆறுகளில் வெள்ளப்பெருக்கு உண்டானது. இதனால் பொதுமக்கள் கடும் சிரமத்திற்கு ஆளாகினர்.

வெள்ளத்தில் சிக்கி இதுவரை 50 பேர் பலியாகியுள்ளனர். மேலும் பலர் படுகாயமடைந்துள்ளதாகவும், மீட்பு நடவடிக்கை தொடர்ந்து நடந்து வருவதாகவும் அந்நாட்டு தேசிய பேரிடர் மீட்புக் குழுவினர் தெரிவித்துள்ளனர்.

இதற்கிடையில் நாட்டின் பல நகரங்கள் வெள்ளத்தினால் சூழப்பட்டுள்ளது. இதனால் சாலை போக்குவரத்து பாதிக்கப்பட்டுள்ளதுடன், பலர் வீடுகளையும் இழந்துள்ளதாகவும் தெரிவிக்கப்பட்டுள்ளது.      




You cannot copy content of this Website