உலகம்

மகா மட்டமான செயல்.., டிரம்ப் செய்த காரியத்தால் கடுப்பான ஜோ பைடன்

Quick Share

உலகமே அன்னாந்து பார்க்கும் அமெரிக்க அதிபர் டிரம்ப் ஒரு மகா மட்டமான அரசியல் செய்வதை பலர் அறிந்துள்ளனர். தனக்குப் பின் அமெரிக்க அதிபராக பதவியேற்க இருக்கும் ஜோ பைடனை வெளிப்படையாக
அவமதித்துள்ளார் ட்ரம்ப். இன்று பதவியேற்புக்காக ஜோ பைடன் வாஷிங்டன் டி.சிக்கு வரவேண்டும். ஆனால்,
அவருக்கு அரசாங்க விமானத்தை ஒதுக்கவில்லை ட்ரம்ப். ஆகவே, வேறு வழியில்லாமல், வாடகைக்கு தனியாக ஒரு விமானத்தை அமர்த்திக்கொண்டு பயணம் செய்துள்ளார் ஜோ பைடன்.

ஜோ வாஷிங்டனில் கால் பதித்த நேரம், வெள்ளை மாளிகை ட்ரம்பின் பிரிவு உபச்சார வீடியோவை வெளியிட்டுள்ளது. அதில், மரியாதைக்குக்கூட ஜோ பைடனின் பெயரை உச்சரிக்கவோ, அடுத்து அதிபராக பதவியேற்பதற்காக அவருக்கு வாழ்த்துச் சொல்லவோ கூட இல்லை ட்ரம்ப். ஜோ பைடனுக்கு வாழ்த்துச் சொல்லாமலே வாஷிங்டனை விட்டு வெளியேறவும் முடிவு செய்துள்ளது ட்ரம்ப் குடும்பம். டிரம்ப் செயலால் பல உலக தலைவர்கள் அதிருப்தியில் உள்ளனர்.

ஜோ பைடன் நிர்வாகத்தில் இடம்பெற்ற 20 இந்திய-அமெரிக்கர்கள்: வரலாற்றில் இதுவே முதல்முறை!

Quick Share

அமெரிக்காவின் 46-வது ஜனாதிபதியாக ஜோ பைடன் வரும் ஜனவரி 20-ஆம் திகதி பதவியேற்கவுள்ளார். மேலும், இந்திய-அமெரிக்கரான கமலா ஹாரிஸ் துணை ஜனாதிபதியாக பதவியேற்கிறார். அமெரிக்க வரலாற்றிலேயே கமலா ஹாரிஸ் தான் துணை ஜனாதிபதியாகப் பொறுப்பேற்கும் முதல் பெண்மணி ஆவார். அதேபோல், கமலா ஹாரிஸ் (56) தான் அமெரிக்காவின் துணைத் தலைவராக பதவியேற்கும் முதல் இந்திய வம்சாவளி மற்றும் ஆப்பிரிக்க அமெரிக்கர் ஆவார்.

அதுமட்டுமின்றி, ஜோ பைடன் தனது நிர்வாகத்தில் முக்கிய பதவிகளுக்கு 13 பெண்கள் உட்பட, 20 இந்திய-அமெரிக்கர்களை நியமித்துள்ளார்.

அவர்களில் 17 பேர் வெள்ளை மாளிகையில் முக்கிய பதவிகளில் நியமிக்கப்படவுள்ளனர். பல இந்திய-அமெரிக்கர்கள் ஜனாதிபதி நிர்வாகத்திற்குள் நுழைவது இதுவே முதல் முறையாகும்.

ஜோ பைடன் நிர்வாகத்தில் இடம்பெற்றுள்ள இந்திய-அமெரிக்கர்களின் பட்டியல்:

நீரா டாண்டன்

வெள்ளை மாளிகை மேலாண்மை மற்றும் பட்ஜெட் அலுவலக இயக்குநராக பரிந்துரைக்கப்பட்டார்.

டாக்டர் விவேக் மூர்த்தி

அமெரிக்க சர்ஜன் ஜெனரலாக பரிந்துரைக்கப்பட்டுள்ளார்.

வனிதா குப்தா

அசோசியேட் அட்டர்னி ஜெனரல் நீதித்துறையாக பரிந்துரைக்கப்பட்டார்.

உஸ்ரா ஜியா

சிவில் பாதுகாப்பு, ஜனநாயகம் மற்றும் மனித உரிமைகளுக்கான மாநில செயலாளரின் கீழ் அவர் பரிந்துரைக்கப்பட்டார்.

மாலா அடிகா

வருங்கால முதல் பெண்மணி டாக்டர் ஜில் பிடனுக்கு கொள்கை இயக்குநராக நியமிக்கப்பட்டுள்ளார்.

கரிமா வர்மா

முதல் பெண்மணியின் அலுவலகத்தின் டிஜிட்டல் இயக்குநராக பரிந்துரைக்கப்பட்டார் .

சப்ரினா சிங்

முதல் பெண்மணியின் துணை பத்திரிகை செயலாளராக நியமிக்கப்பட்டுள்ளார்.

ஆயிஷா ஷா

டிஜிட்டல் வியூகத்தின் வெள்ளை மாளிகை அலுவலகத்தில் கூட்டாளர் மேலாளராக அவர் பெயர் பெற்றார்.

சமீரா பாசிலி

வெள்ளை மாளிகையில் உள்ள அமெரிக்க தேசிய பொருளாதார கவுன்சிலில் ( என்.இ.சி) துணை இயக்குநராக முக்கிய பதவியை வகிப்பார்.

பரத் ராமமூர்த்தி

அவர் வெள்ளை மாளிகையின் தேசிய பொருளாதார கவுன்சிலின் துணை இயக்குநராக பரிந்துரைக்கப்பட்டார் .

கவுதம் ராகவன்

ஜனாதிபதி பணியாளர் அலுவலகத்தில் துணை இயக்குநராக நியமிக்கப்பட்டுள்ளார்.

வினய் ரெட்டி

அவர் பேச்சு எழுதும் இயக்குநராக நியமிக்கப்பட்டுள்ளார்.

வேதாந்த் படேல்

ஜனாதிபதியின் உதவி பத்திரிகை செயலாளராக அவர் பரிந்துரைக்கப்பட்டுள்ளார்.

சோனியா அகர்வால்

வெள்ளை மாளிகையில் உள்நாட்டு காலநிலைக் கொள்கை அலுவலகத்தில் காலநிலை கொள்கை மற்றும் புதுமைக்கான மூத்த ஆலோசகராக அவர் தேர்வு செய்யப்பட்டுள்ளார்.

விதூர் சர்மா

வெள்ளை மாளிகை கோவிட் -19 மறுமொழி குழுவிற்கான சோதனைக்கான கொள்கை ஆலோசகராக அவர் நியமிக்கப்பட்டுள்ளார்.

மூன்று இந்திய-அமெரிக்கர்கள் வெள்ளை மாளிகையின் முக்கியமான தேசிய பாதுகாப்பு கவுன்சிலுக்குச் சென்றுள்ளனர்.

அவர்கள் தருண் சாப்ரா – தொழில்நுட்ப மற்றும் தேசிய பாதுகாப்புக்கான மூத்த இயக்குனர் , சுமோனா குஹா – தெற்காசியாவின் மூத்த இயக்குநர், சாந்தி கலதில் – ஜனநாயகம் மற்றும் மனித உரிமைகளுக்கான ஒருங்கிணைப்பாளர்.

வெள்ளை மாளிகையின் ஆலோசகர் அலுவலகத்திற்கு 2 இந்திய அமெரிக்க பெண்கள் நியமிக்கப்பட்டுள்ளனர். இணை ஆலோசகராக நேஹா குப்தா மற்றும் துணை இணை ஆலோசகராக ரீமா ஷா ஆகியோர் நியமிக்கப்பட்டுள்ளனர்.

கோவிட்-19: உலகளவில் பாதிப்பு எண்ணிக்கை 9.54 கோடியாக உயர்வு!

Quick Share

உலகம் முழுவதும் தற்போது 2-வது கட்ட கொரோனா அலை அமெரிக்காவிலும், ஐரோப்பிய நாடுகளிலும் தனது கோர முகத்தை காட்டி வருகிறது. இந்த சூழலில் இங்கிலாந்தில் கண்டறியப்பட்ட புதிய வகை கொரோனா வைரஸ் 8 ஐரோப்பிய நாடுகளில் பரவியுள்ளதாக உலக சுகாதார அமைப்பு தெரிவித்துள்ளது.

இதனைத்தொடர்ந்து சவுதி அரேபியா, துருக்கி, ஜெர்மனி, பிரான்ஸ், ரஷ்யா, ஹாங்காங் உட்பட 40-க்கும் மேற்பட்ட நாடுகள் இங்கிலாந்து உடனான சர்வதேச விமானப் போக்குவரத்துக்குத் தடை விதித்துள்ளன. இந்த நிலையில் உலக நாடுகள் கொரோனா மருத்துவப் பரிசோதனைகளைத் தீவிரப்படுத்தி உள்ளன. சமூக விலகலை மக்கள் பின்பற்ற வேண்டும் என்று தொடர்ந்து வலியுறுத்தப்பட்டு வருகிறது.

இந்நிலையில் உலகம் முழுவதும் தற்போதைய நிலவரப்படி, 9,54,55,601 பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனா பாதிப்பில் இருந்து இதுவரை 6,81,49,491 பேர் குணமடைந்துள்ளனர். மேலும் வைரஸ் தாக்குதலுக்கு இதுவரை 20 லட்சத்து 38 ஆயிரத்து 936 பேர் உயிரிழந்துள்ளனர்.

கொரோனா தொற்றுக்கு தற்போது 2,52,67,174 பேர் சிகிச்சை பெற்று வருகின்றனர். சிகிச்சை பெறுபவர்களில் 1,13,216 பேரின் நிலைமை கவலைக்கிடமாக உள்ளது

தொடர்ந்து அதிகபட்ச பாதிப்புள்ள நாடுகளின் விபரம்:-

பிரான்ஸ் – 29,10,989

துருக்கி – 23,87,101

இத்தாலி – 23,81,277

ஸ்பெயின் -22,52,164

ஜெர்மனி – 20,50,099

கொலம்பியா – 19,08,413

அர்ஜென்டினா – 17,99,243

மெக்சிகோ -16,30,258

போலந்து – 14,35,582

தென்ஆப்பிரிக்கா – 13,37,926

covid -19 வவ்வால்களிடம் இருந்து தான் பரவியது-ஒப்புக்கொண்ட சீன விஞ்ஞானிகள்: அதிர்ச்சியில...

Quick Share

சீனாவின் வுஹான் ஆய்வகத்தில் பணிபுரியும் விஞ்ஞானிகள் 2017-ல் ஒரு குகையில் மாதிரிகளை சேகரிக்கும் போது COVID-19 பாதிக்கப்பட்ட வெளவால்களிடம் கடிவாங்கியதாக ஒப்புக்கொண்டுள்ளது பெரும் அதிர்ச்சியை ஏற்படுத்தியுள்ளது. உலகளவில் தற்போது பெரும் பாதிப்பையும் உயிர் சேதத்தையும் ஏற்படுத்திவரும் கொரோனா வைரஸின் முதல் பாதிப்பு சீனாவின் வுஹான் நகரில் பதிவானது. பின்னர் ஆயிரக்கணக்காண மக்களுக்கு பரவிதைத்த தொடர்ந்து, உலகம் முழுவதும் அனைத்து நாடுகளுக்கும் சர்வதேச பயணிகள் மூலமாக பரவியது.

கொரோனாவின் பிறப்பிடம் சீனா என உலகம் முழுவதும் கூறப்பட்டுவரும் நிலையில், WHO அதிகாரிகள் கொண்ட ஆய்வுக் குழு சீனாவில் ஆய்வு நடத்த கடந்த வாரம் வுஹான் நகருக்கு சென்றுள்ளது.

இந்த ஆய்வு நடைபெற்றுவரும் நிலையில், 2017-ல் சீன விஞ்ஞானிகள் ஒரு குகையில் மாதிரிகளை சேகரிக்கும் போது COVID-19 பாதிக்கப்பட்ட வெளவால்களை ஆய்வு செய்த வீடியோ இணையத்தில் வைரலாகிவருகிறது.

குகையில் ஆய்வு நடத்தியபோது வௌவால்களிடம் கடிவாங்கியதாக வுஹான் விஞ்ஞானிகள் ஒப்புக்கொண்டுள்ளது தற்போது உலகம் முழுவது பெரும் அதிர்ச்சியை ஏற்படுத்தியுள்ளது.

இரண்டு ஆண்டுகளுக்கு முன்பு வெளிவந்த ஒரு வீடியோவில், வுஹான் இன்ஸ்டிடியூட் ஆப் வைராலஜி (WIV) விஞ்ஞானிகள் கையுறைகள் மற்றும் முகமூடிகள் இல்லாமல் நேரடியாக வைரஸ்களுடன் பணியாற்றுவதைக் காட்டுகிறது. இது PPE மீதான உலக சுகாதார அமைப்பின் பாதுகாப்பு விதிகளை மீறுவதாக இருந்தது.

ஒரு விஞ்ஞானி தனது வெறும் கைகளால் ஒரு வௌவாலைப் பிடிப்பதை வீடியோவில் காண முடிகிறது.

ஒரு ஆராய்ச்சியாளர் ஒரு வௌவாலின் கூர்மையான பற்கள் (Fangs) அவரது ரப்பர் கையுறைகள் வழியாக ‘ஊசி போல’ குத்தியதாக கூறினார்.

இந்த வெளிப்பாடுகள், மற்றவர்களைவிட விஞ்ஞானிகள் தான் முதல்முதலில் கொரோனா வைரஸால் பாதிக்கப்பட்டிருப்பதற்கான வாய்ப்பு இருப்பாதைக் காட்டுகிறது.

இந்நிலையில், கோவிட் -19 இன் தோற்றம் குறித்து விசாரிக்கும் WHO குழுவுக்கு இது மேலும் கேள்விகளை எழுப்புகிறது.

உலகளவில் கடந்த ஒரு வருடத்தில் 95 மில்லியன் மக்களுக்கு தொற்று ஏற்பட்டு, அதில் 2 மில்லியனுக்கும் அதிகமான மக்கள் உயிரிழந்தனர். மேலும் ஒவ்வொரு நாளும் பாதிப்புகளும், இறப்புகளும் அதிகரித்துக்கொண்டே போகின்றது.

இதனால் பல நாடுகளில் இயங்கிவரும் அனைத்து பொது மருத்துவமனைகளும் நோயாளிகளால் நிரம்பி வழிகின்றன. இதற்கிடையில், வெவ்வேறு நாடுகளில் தடுப்பூசிகள் கண்டுபிடிக்கப்பட்டு அவசரகால தடுப்புமருந்தாக அங்கிகரிக்கப்பட்டு பல நாடுகள் தங்கள் மக்களுக்கு தடுப்பூசிகளை வழங்கிவருகிறது.

பொருளாதாரத்தில் அசுர வேகம்: உலக நாடுகளை ஆச்சர்யத்தில் ஆழ்த்திய நாடு!

Quick Share

கொரோனா பரவல் காரணமாக உலக நாடுகள் பல ஸ்தம்பித்து பொருளாதாரத்தில் நிலைகுலைந்துள்ள நிலையில், சீனா மட்டும் கடந்த ஆண்டில் அசுர வளர்ச்சியை எட்டியுள்ளது. கடந்த 2020 ஆம் ஆண்டு கொரோனா வைரஸ் தொற்றுநோயின் தாக்கத்துடன் உலக நாடுகள் போராடியதால் உலகப் பொருளாதாரம் 4.3 சதவீதம் சரிவை கண்டுள்ளது.

ஆனால் திங்கட்கிழமை வெளியான முக்கிய தரவுகளின் அடிப்படையில், சீனா மட்டும் கடந்த ஓராண்டில் 2.3 சதவீத வளர்ச்சியை சாதித்துள்ளதாக தெரிய வந்துள்ளது.

முதல் காலாண்டில் சீன பொருளாதாரம் வரலாறு காணாத வகையில் 6.8 சதவீதம் சரிவை சந்தித்த நிலையில்,

இரண்டு, மூன்று மற்றும் நான்காம் காலாண்டுகளில் புத்துயிர் பெற்ற சீன பொருளாதாரம் முறையே 3.2, 4.9 மற்றும் 6.5 சதவீத வளர்ச்சியை பதிவு செய்தது.

இருப்பினும் 1976-கு பின்னர் சீனாவின் மிக மோசமான பொருளாதார வளர்ச்சி இதுவென கூறப்படுகிறது.

2.3 சதவீத வளர்ச்சி என்பது, நாங்கள் எதிர்பார்த்ததை விட சிறப்பானது என சீன நிர்வாகிகள் தரப்பு தெரிவித்துள்ளனர்.

ஆனால், இதே காலகட்டத்தில் அமெரிக்காவின் பொருளாதார வளர்ச்சி 3.6 சதவ்வித சரிவை எதிர்கொண்டுள்ளது.

ஐரோப்பிய நாடுகள் ஒட்டுமொத்தமாக 7.4 சதவீத சரிவையும், ஜப்பான் 5.3 சதவீத பொருளாதார வீழ்ச்சியையும் பதிவு செய்துள்ளது.

ஆனால், சீனாவின் வர்த்தக உபரி என்பது கடந்த ஆண்டு 535 பில்லியன் டொலர்களை எட்டியது. இது 2019 ம் ஆண்டை விடவும் 27 சதவீதம் அதிகமாகும்.

சீனாவில் இருந்தே கொரோனா பெருந்தொற்று பரவியதாக கூறப்படுவரும் நிலையிலும்,

மருத்துவம் தொடர்பான பாதுகாப்பு கருவிகள் மற்றும் வீட்டு உபயோக மின் பொருட்களுக்கு உலக நாடுகள் பல சீனாவையே நம்பியுள்ளன.

10 பகுதிகளில் கொரோனா பரவல் உச்சம்..,

Quick Share

பிரிட்டன் நாட்டில் கடந்த இரு வாரங்களாக அமுலில் இருக்கும் தேசிய ஊரடங்கால், கொரோனா பரவல் படிப்படியாக குறைந்து வந்தாலும், 10 பகுதிகளில் மிக மோசமாக உச்சம் கண்டுள்ளதாக தகவல் வெளியாகியுள்ளது.
தேசிய ஊரடங்கு அமலில் இருக்கும் நிலையில், 36 பகுதிகளில் கொரோனா பரவல் விகிதம் தொடர்ந்து அதிகரித்து வருவதாக தெரிய வந்துள்ளது.

இந்த 36 பகுதிகளில் மிகவும் மோசமாக பாதிக்கப்பட்டுள்ள 10 பகுதிகள் தொடர்பில் அதிகாரிகள் எச்சரிக்கை விடுத்துள்ளனர்.இதில், மெர்செசைடில் உள்ள நோவ்ஸ்லி பகுதியானது நாட்டின் மிக மோசமாக
பாதிக்கப்பட்டுள்ள இடமாக அறிவிக்கப்பட்டுள்ளது. இங்கு, 100,000 மக்களில் 1,228 பேர்களுக்கு கொரோனா பாதிப்பு உறுதி செய்யப்பட்டுள்ளது. Barking and Dagenham, Newham மறும் Slough ஆகிய பகுதிகளும் மிக
மோசமாக பாதிக்கப்பட்டுள்ளது. இங்கெல்லாம், 1000,000 மக்களில் சுமார் 1,000 பேர்களுக்கும் அதிகமானோர் கொரோனா பாதிப்புக்கு இலக்காகியுள்ளனர்.

பிரித்தானியாவில் அடையாளம் காணப்பட்ட 315 பகுதிகளில், அதிக கொரோனா பரவல் இருப்பது உறுதி செய்யப்பட்டவை வெறும் 36 என தெரிய வந்துள்ளது.இரண்டு வார கால தேசிய ஊரடங்கால் எஞ்சிய 279 பகுதிகளில் கொரோனா பரவல் நம்பிக்கை அளிக்கும் வகையில் சரிவை கண்டுள்ளது.

10ம் வகுப்பு மாணவிக்கு கிடைத்த அசத்தல் ஐடியா !! ஆச்சிர்ய படவைத்த செயல்

Quick Share

இந்திய மாணவி ரிவா துல்புலே துபாயில் வசித்து 10ம் வகுப்பு படித்து வருகிறார். சில ஆண்டுகளுக்கு முன்பு புதிய
வீட்டிற்கு மாறும்போது அதிகமான பயன்படுத்தப்படாத மின்னணு பொருள்கள் இருப்பதைக் கவனித்துள்ளார். இந்த சம்பவம்தான் `WeCareDXB’ என்ற மின்னணு மறுசுழற்சி தொடர்பான பிரசாரத்தை அவர் முன்னெடுக்கக் காரணமாக அமைந்துள்ளது.

2016 ஆம் ஆண்டு ரிவா தன்னுடைய பிரசாரத்தைத் தொடங்கியுள்ளார். சுமார் 4 ஆண்டுகளில் சுமார் 25 டன் மின் கழிவுகளை அவர் சேகரித்ததாகத் தெரிவித்துள்ளார். இதுதொடர்பாக பேசிய ரிவா, ”எனது அம்மாவிடம் தேவையில்லாத மின்னணு பொருள்களை ஏன் வெளியேற்ற முடியாது என்று கேட்டேன். அதற்கு அவர், `இந்த பொருள்களைக் கையாள தனிக்கவனம் செலுத்த வேண்டும்’ என்று பதில் கூறினார். அதனைச் சரியாக எப்படிச் செய்வது என எங்களுக்குத் தெரியவில்லை.

இது எனக்கு ஆர்வத்தை ஏற்படுத்தியது. உடனே அது தொடர்பாகச் செய்த ஆராய்ச்சி தான் மறுசுழற்சி தொடர்பான பிரசாரத்தை மேற்கொள்ள வழிகாட்டியது. மின்னணு சாதனங்களை மறுசுழற்சி செய்வது குறித்து பலருக்கும் தெரியாததால் அதனைப் பொதுவெளியில் கொட்டுகிறார்கள்” என்றார். ‘WeCareDXB’ என்ற தலைப்பின் கீழ் சமூக ஊடகங்கள் உள்ளிட்ட தளங்களின் வழியாகப் பிரசாரத்தை மேற்கொண்டார்.

இதனிடையே கடந்த டிசம்பர் மாதம் இறுதி வரையில் சுமார் 2000 உடைந்த லேப்டாப்கள், மொபைல் போன்கள், பிரிண்டர்கள், கீ போர்டுகள் உள்ளிட்ட பல பொருள்களைச் சேகரித்துள்ளார். சேகரித்த பொருள்களை மறுசுழற்சி செய்யத் துபாயைச் சேர்ந்த மறுசுழற்சி நிறுவனம் ஒன்றையும் அவர் தொடர்பு கொண்டுள்ளார். இந்த மிகப்பெரிய முன்னெடுப்பைச் செய்த ரிவாவுக்கு சமூக வலைத்தளங்களில் பாராட்டுகள் குவிந்த வருகிறது.

“அவசரப்பட்டுடியே அம்மாவாச” குப்பைத்தொட்டியில் 2100 கோடியை வீசிய நபர்

Quick Share

2009ம் ஆண்டு காலகட்டத்தில் பிட்காயின் என்ற டிஜிட்டல் நாணயம் நடைமுறையில் பயனற்றதாக இருந்தது. ஜேம்ஸ் ஹௌல்ஸ் என்ற இளைஞர் தனது கணினியில் சுமார் 7500 பிட் காயின் தரவுகளைச் சேமித்து வைத்திருந்திருக்கிறார். நாட்கள் செல்ல செல்ல அதுகுறித்து ஜேம்ஸ் மறந்து போனார்.

கடந்த 2013ம் ஆண்டு வேல்ஸ் பகுதியில் உள்ள குப்பைத் தொட்டியில் தேவையில்லாத பொருட்களைக் கொட்டியுள்ளார். அதோடு வைத்திருந்த பிட்காயின் தொடர்பான தரவுகளைச் சேமித்து வைத்திருந்த கணினியின் Hard Driveயும் குப்பையோடு குப்பையாகத் தூக்கி வீசியுள்ளார். இந்த சூழ்நிலையில் காலப்போக்கில் பிட்காயின் மதிப்பு அசுர வேகத்தில் உயர ஆரம்பித்தது.

தற்போது 7500 பிட் காயினின் மதிப்பு 220 மில்லியன் பவுண்டுகள் இந்திய மதிப்பில் சுமார் 2100 கோடி எனக் கூறப்படுகிறது. ஐயோ இப்படி அவசரப் பட்டுவிட்டோமே எனக் கதறிய ஜேம்ஸ், குப்பை கொட்டும் தளத்தின் நிர்வாகிகளுக்குக் கோரிக்கை ஒன்றை அனுப்பினார். ஆனால் ஜேம்ஸ் ஹௌல்ஸ்யின் கோரிக்கையை நிராகரித்த அந்த நிர்வாகிகள், எங்களால் உங்களுக்கு உதவ வாய்ப்பில்லை என கையை விரித்து விட்டார்கள்.

இதையடுத்து யாருடைய கையிலாவது அந்த தரவுகள் கிடைத்தால் அதை தன்னிடம் ஒப்படைக்குமாறு கூறியுள்ள ஜேம்ஸ், அதற்காக 55 மில்லியன் பவுண்டுகள் சன்மானம் அளிக்க முன்வந்துள்ளார். இந்த தவறு எப்படி நடந்தது என்பது குறித்து விவரித்த ஜேம்ஸ் ஹௌல்ஸ், ‘தன்னிடம் இதேபோன்று இருவேறு தரவுகளைச் சேமிக்க ‘Hard Drive’
இருந்ததாகக் குறிப்பிட்டுள்ள அவர், ஆனால் தான் தவறான ‘Hard Drive’யை தூக்கி எறிந்து விட்டதாகத் தனது மனக்குமுறலை வெளிப்படுத்தியுள்ளார்.

தனது மறதியால் பெரிய தொகையை மறந்து போனதில் பெரிய தொகையை கைவிட்டுருக்கிறார்.

பலே முடிவு !! அமெரிக்க அதிபரின் அறிவிப்புக்கு குவியும் பாராட்டுகள்..,

Quick Share

கொரோனா வைரஸின் பல புதிய வகைகள் கண்டுபிடிக்கப்பட்டு வருகின்றன. மறுபுறம் கொரோனா தடுப்பு மருந்து அவசர அனுமதி வழங்கப்பட்டு பொது மக்கள் பயன்பாட்டிற்கு வந்துள்ளது.

கொரோனாவால் மிகக் கடுமையாக பாதிக்கப்பட்டுள்ள அமெரிக்கா அதிலிருந்து மீள்வதற்கு போராடி வருகிறது. புதிய அமெரிக்க அதிபராகப் பதவியேற்க உள்ள ஜோ பைடன் கொரோனாவை எதிர்கொள்ள பல அதிரடி திட்டங்களை அறிவிக்க உள்ளார்.

பொதுஇடங்களில் மாஸ்க் அணிவதை கட்டாயமாக்குவது, பரிசோதனைகளை அதிகரிப்பது போன்றவை உள்ளன.
அதில் ஒரு பகுதியாக அமெரிக்காவில் உள்ள அனைவருக்கும் கொரோனா தடுப்பூசி இலவசமாக வழங்கப்படும் என ஜோ பைடன் அறிவித்துள்ளார். இந்த அறிவிப்பு பலத்த வரவேற்பையும் பாராட்டுகளையும் பெற்று வருகிறது.

ஓடும் காரில் தூங்கும் ட்ரைவர்.., டெஸ்லா கார் பாதுகாப்பானதா ? வைரல் வீடியோ

Quick Share

அமெரிக்காவை தலைமையிடமாக கொண்டது டெஸ்லா நிறுவனம் உலகம் முழுவதும் பல்வேறு நாடுகளுக்கு எலக்ட்ரிக் கார்களை விற்பனை செய்துவருகிறது. ஐரோப்பிய, சீன சந்தைகளில் விற்பனை அமோகமாக சென்றுகொண்டிருக்கிறது.

விரைவில் இந்தியாவுக்கும் வரவுள்ளதக தகவல் உறுதியாகியுள்ளது. இந்நிலையில் அமெரிக்காவில் ஆட்டோ- பைலட் மோட் என்னும் ஆளில்லாமல் செல்ல கூடிய வசதி உள்ளது. இதனை பல நாடுகள் ஆபத்தானதாக கருதி பல சர்ச்சைகளை எழுப்பியது. பல ஆராய்ச்சிக்கு பிறகு அமெரிக்காவில் பாதுகாப்பானது என அதனை பயன்படுத்தி வருகின்றனர்.

சமீபத்தில் டெஸ்லா காரில் ஆட்டோ பைலட் மோட் பயன்படுத்தி ஓடிக்கொண்டிருக்கும் காரில் ட்ரைவர் பயணியர் இருவரும் தூங்கி உள்ளனர். இதனை சாலையில் சென்ற ஒருவர் வீடியோ எடுத்து வைரலாகியுள்ளார். பயங்கர வேகத்தில் செல்லும் இந்த கார் பெரும் சர்ச்சையை கிளப்பியுள்ளது.

இந்த வயசுக்கு மேல போடாதீங்க !! 23 பேர் அடுத்தடுத்து உயிரிழப்பு..

Quick Share

கொரோனா வைரஸை கட்டுப்படுத்த பல்வேறு நாடுகள் தடுப்பூசி கண்டுபிடிக்கும் பணியில் தீவிரமாக உள்ளது. பெரும்பாலான நாடுகளில் சோதனை முயற்சியாக தடுப்பூசி போடும் பணிகள் தீவிரமாக நடந்துவருகிறது. இந்தியாவிலும் முன்கள பணியாளர்களுக்கு கொரோனா தடுப்பூசி போடும் பணி
தொடங்கியுள்ளது.

இந்நிலையில், நார்வே நாட்டில் கொரோனா தடுப்பூசி போட்டுக்கொண்ட 23 முதியவர்கள் தடுப்பூசி போட்டுக்கொண்ட சிறிது நேரத்தில் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. அதில், அமெரிக்க நிறுவனம் கண்டுபிடித்த ஃபைசர் பயோன்டெக் என்ற கொரோனா தடுப்பூசியை போட்டுக்கொண்ட சிறிது நேரத்தில் இவர்கள் 23 பேரும் உயிரிழந்துள்ளனர். நிபுணர்கள் கூறிய தகவலில், உயிரிழந்த அனைவரும் 80 வயதுக்கு
அதிகமானவர்கள் எனவும், தடுப்பூசி போடுவதற்கு முன் அந்த நபர்கள் மிகவும் மோசமான
உடல்நிலையை கொண்டிருந்ததாகக் குறிப்பிட்டுள்ளனர்.

அதேபோல் இந்த 23 பேரின் உயிரிழப்புக்கும், தடுப்பூசிக்கும் வேறு ஏதாவது நேரடி தொடர்பு உள்ளதா என்பது இன்னும் சரியாக நிரூபிக்கப்படவில்லை. தடுப்பூசி போட்டுக்கொண்ட இவர்களில் பலருக்கு தடுப்பூசி போட்ட பிறகு
வயிற்றுப்போக்கு, வாந்தி மற்றும் காய்ச்சல் போன்ற அறிகுறிகள் இருந்ததாகவும் கூறப்படுகிறது.

இதனால், 80 வயதுக்கு மேற்பட்டவர்களுக்கு இந்த தடுப்பூசியை போடவேண்டாம் என நார்வே பொது சுகாதார நிறுவனம் அறிவுறுத்தியுள்ளது.

தடுப்பூசி எடுத்துக்கொண்ட 10 பேர் உயிரிழப்பு!

Quick Share

ஜெர்மனியில் பைசர் தடுப்பூசி போட்டு நான்கு நாட்களுக்குள் 10 பேர் உயிரிழந்த சம்பவம் பரபரப்பை ஏற்படுத்தியுள்ளது. உலகில் ஆங்காங்கு பைசர் தடுப்பூசியால் பாதிப்புகள் ஏற்பட்டுவருவதாக செய்திகள் வந்துகொண்டிருக்கும் நிலையில், பைசர் தடுப்பூசியை இணைந்து தயாரித்த ஜேர்மனியிலேயே 10 பேர் தடுப்பூசி போட்டுக்கொண்டபின் பலியாகியுள்ளனர்.

தடுப்பூசி போட்டுக்கொண்டு பல மணி நேரம் முதல் நான்கு நாட்கள் வரையிலான காலகட்டத்திற்குள், 79 முதல் 93 வயது வரையுள்ள 10 பேர் பலியாகியுள்ளார்கள்.

ஆகவே, ஜேர்மனியின் Paul Ehrlich நிறுவனத்தைச் சேர்ந்த நிபுணர்கள் இந்த உயிரிழப்புகள் தொடர்பாக விசாரணையில் இறங்கியுள்ளார்கள்.




You cannot copy content of this Website