Uncategorized

7 வயது சிறுவனை பாலியல் வன்கொடுமை செய்து தரையில் அடித்து கொடூரமாக கொன்ற இளைஞன்!

Quick Share

7 வயது சிறுவனை துஷ்பிரயோகம் செய்து, பலமுறை தரையில் தூக்கிப்போட்டு அடித்தே கொன்ற 25 வயது இளைஞருக்கு ஆயுள் தண்டனை வழங்கப்பட்டுள்ளது. குற்றவாளியின் பெயர் ஒமர் பின் ஹாசன் (25). ஹாசன் கடந்த செவ்வாய்க்கிழமை தனது குற்றங்களை ஒப்புக்கொண்டதை அடுத்து அவருக்கு ஆயுள் தண்டனையும், ரூ. 7,000 அபராதமும் விதிக்கப்பட்டுள்ளது.

மே 8-ஆம் திகதி 2019-ஆம் ஆண்டு நடந்த இந்த சம்பவம் தெலுங்கானாவில் பெரும் அதிர்வலைகளை ஏற்படுத்தியது.

சம்பவம் நடந்த அன்று, ஹாசன் ஒரு 7 வயது சிறுவனை சாக்லேட் கொடுத்து கவர்ந்து, பின்னர் பாலியல் வன்கொடுமை செய்தார். சிறுவன் கத்தி உதவிகேட்க முயன்றபோது, ​​ஹாசன் அச்சிறுவனை பல முறை தரையில் தூக்கி அடித்துள்ளார். இதனால் பலத்த காயங்கள் ஏற்பட்டு சிறுவன் அங்கேயே உயிரிழந்தான்.

இதற்கிடையில், உள்ளூர்வாசிகள் சம்பவ இடத்திற்கு விரைந்து வந்து ரத்தக் குளத்தில் கிடந்த குழந்தையைப் பார்த்தனர். அவர்கள் ஹாசனை பிடிக்க முயன்றனர், ஆனால் அவர் தப்பி ஓடிவிட்டார்.

பின்னர், கடத்தல், இயற்கைக்கு மாறான பாலியல் மற்றும் கொலை குற்றச்சாட்டில் ஹாசனை பொலிஸார் கைது செய்தனர். இந்நினையில், இந்த வழக்கில் ஹாசனை குற்றவாளி என கண்டறிந்த நீதிமன்றம் ஆயுள் தண்டனை விதித்தது.

இறந்துபோன குழந்தையின் குடும்பத்திற்கு விரைவாக நீதியை உறுதி செய்த அதிகாரிகளை ராச்சகொண்டா பொலிஸ் கமிஷனர் மகேஷ் பகவத் பாராட்டினார்.

சர்க்கரையை எடுத்து கொள்ளும் போது அது பல உறுப்புகளை பாதிப்பதாக ஆய்வுகளில் அதிர்ச்சி தகவல் .

Quick Share

உண்மையில் சராசரியாக ஆரோக்கியமான ஒருவருக்கு ஒருநாளைக்கு 25 கிராம் அல்லது ஒரு நாளைக்கு சுமார் ஆறு டீஸ்பூன் சர்க்கரை மட்டுமே சேர்த்துக் கொள்ள வேண்டும்.

இதனை விட அதிகமாக சர்க்கரையை ஒருவர் எடுத்து கொள்ளும் போது அது பல உறுப்புகளை பாதிப்பதாக ஆய்வுகளில் கண்டறியப்பட்டுள்ளது.

அந்தவகையில் தற்போது சர்க்கரை அதிகம் சாப்பிடுவதால் ஏற்படும் ஆபத்துகள் என்னென்ன என்று பார்க்கலாம்.

  • பற்களை வரிசைப்படுத்தும் பாக்டீரியாக்கள் எளிய சர்க்கரைகளுக்கு உணவளிக்கும் போது பற்களின் சிதைவு ஏற்படுகிறது, இது பற்சிப்பினை அழிக்கும் அமிலத்தை உருவாக்குகிறது.
  • லெப்டின் என்பது ஒரு ஹார்மோன் ஆகும், இது நீங்கள் சாப்பிட போதுமானதாக இருக்கும்போது உங்கள் உடலுக்கு அதை தெரியப்படுத்துகிறது. சர்க்கரை அதிகம் சாப்பிடும்போது அது லெப்டின் தடையை உண்டாக்கும். இது எடை கட்டுப்பாட்டுக்கு ஒரு பெரிய தடையாக இருக்கிறது.
  • சர்க்கரை உணவுகள் கலோரிகளால் நிரம்பியுள்ளன, ஆனால் அவை உங்கள் பசியைத் தணிக்க சிறிதும் உதவாது. தற்போதைய அளவிலான உட்கொள்ளலில் இருந்து உணவு சர்க்கரைகளை அதிகரிப்பது அல்லது குறைப்பது என்பது பெரியவர்களில் உடல் எடையில் ஏற்படும் மாற்றங்களுடன் தொடர்புடையது.
  • சர்க்கரை இனிப்பான பானங்களை அதிகம் உட்கொள்ளுவதனால் நீரிழிவு நோய் அதிகரிக்கும் அபாயம் ஏற்படும்.
  • அதிகப்படியான சர்க்கரை எடுத்து கொள்வதனால் உடல் பருமன் அதிகரிக்கும்.
  • அதிகப்படியான பிரக்டோஸ் என்பது ஆல்கஹால் அல்லாத கொழுப்பு கல்லீரல் நோயின் வளர்ச்சிக்கு காரணமாக மாறும். இதனால் கல்லீரலில் கொழுப்பு குவியும்.
  • அதிக சர்க்கரை உணவுகள் கொடிய புற்றுநோய்களில் ஒன்றான கணைய புற்றுநோய்க்கான சற்றே உயர்ந்த ஆபத்துடன் தொடர்புடையவை. அதிக சர்க்கரை உணவுகள் உடல் பருமன் மற்றும் நீரிழிவு நோயுடன் தொடர்புடையதால் கணைய புற்றுநோயை உருவாக்கும் வாய்ப்பை அதிகரிக்கும்.
  • நிறைய சர்க்கரை சாப்பிடுவதும் உயர் இரத்த அழுத்தத்துடன் அதிகரிக்கும்

தாயை பழிவாங்குவதற்காக பெண் அவருடைய 3 மாத குழந்தையை உயிருடன் புதைத்து கொடூர செயல்!

Quick Share

இந்தியாவின் பஞ்சாப் மாநிலத்தில் தாயை பழிவாங்குவதற்காக பெண் ஒருவர் அவருடைய 3 மாத குழந்தையை உயிருடன் புதைத்து கொன்ற சம்பவம் பரபரப்பை ஏற்படுத்தியுள்ளது. பாசில்காவில் உள்ள அமீர் காஸ் காவல் நிலையத்தின் அதிகார வரம்பு பகுதிக்குள் இந்த கொடூர சம்பவம் நடந்துள்ளது. சம்பவம் குறித்து பொலிசார் அளித்த தகவலின் படி, சம்பவத்தன்று Amandeep Kaur தனது 3 மாத குழந்தையை பக்கத்து வீட்டில் விட்டு வங்கிக்கு சென்றுள்ளார்.

வீடு திரும்பியது போது குழந்தையை காணவில்லை என்பதால் குடும்பத்தினர் அனைவரும் தேடியுள்ளனர். மறுநாள் காலை Amandeep Kaur கணவருடைய சகோதரரின் மனைவி Sukhpreet Kaur,குழந்தையின் கால்களை கழிவுநீர் சேகரிக்கும் தொட்டியில் பார்த்ததாக கூறியுள்ளார்.

இதனைத்தொடர்ந்து, குழந்தை சடலமாக கழிவுநீர் சேகரிப்பு தொட்டியிலிருந்து எடுக்கப்பட்டுள்ளது. தாங்கள் கழிவுநீர் தொட்டியில் தேடும் போது தென்படாத குழந்தை, எப்படி தற்போது இருந்தது என குடும்பத்தினருக்கு Sukhpreet Kaur மீது சந்தேகம் எழுந்துள்ளது.

இதனையடுத்து, Sukhpreet மீது Amandeep பொலிசில் புகார் அளித்துள்ளார். Sukhpreet-ஐ பிடித்து பொலிசார் விசாரித்த போது, குடும்ப பிரச்சினை காரணமாக Amandeep பழிவாங்க நான் தான் குழந்தையை உயிருடன் புதைத்தேன் என குற்றத்தை ஒப்புக்கொண்டுள்ளார்.

இந்திய தண்டனைச் சட்டத்தின் 302 வது பிரிவின் கீழ் Sukhpreet மீது கொலை வழக்கு பதிவு செய்யப்பட்டுள்ளதாக காவல்துறை அதிகாரி ஒருவர் தெரிவித்தார்.

மிகக்கொடிய நோய்.! ”மனஅழுத்தம்” கட்டாயம் செய்ய வேண்டிய ”உடற்பயிற்சிகள்...

Quick Share

நிறைய பேர் தங்கள் மன அழுத்தத்தை எப்படி நிர்வகிப்பது என்பது தெரியாமல் முழிப்பார்கள். ஆனால் அதை நிர்வகிக்க ஓர் எளிய வழி உடற்பயிற்சிகள். உடம்பை நீட்டித்து விடும் போது உங்க மனமும் ரிலாக்ஸ் அடைகிறது. இதை எப்படி செய்யலாம் என்பதை நாம் அறிந்து கொள்வோம். ரிலாக்ஸ் செய்ய :உங்க மனதை ரிலாக்ஸ் செய்யவும் அமைதிபடுத்தவும் உடற்பயிற்சி என்பது அவசியம் நீட்டிப்பு உடற்பயிற்சி உடலில் இருந்து பதற்றத்தை வெளியேற்ற நீட்டிப்பு உடற்பயிற்சி என்பது அவசியம். உட்கார்ந்த இடத்திலேயே வேலை செய்பவர்களுக்கும், நிறைய வாகனம் ஓட்டுபவர்களுக்கும் இது மிகவும் நல்லது. இது உங்க மூட்டுகள் மற்றும் தசைகளில் வீக்கத்தை குறைக்க உதவுகிறது. மனதை அமைதிபடுத்தவும் நிதானப்படுத்தவும் உதவுகிறது. எனவே நீங்கள் தினமும் காலையில் படுக்கையில் இருந்து எழுந்திருக்கும் போதே உடலை நீட்டி தெளித்து விடலாம். இந்த காலை நேர நீட்டிப்புகள் உங்களை உற்சாகப்படுத்தவும், படுக்கை நேர நீட்டிப்புகள் இரவில் நீங்கள் நன்றாக தூங்கவும் உதவுகிறது.
ஓடுதல் : இது உங்க மன அழுத்தத்தை போக்கும் ஒரு ஸ்ட்ரஸ் பஸ்டர் என்றே கூறலாம். நீங்கள் மன அழுத்தத்தில் இருக்கும் போதெல்லாம் ஜாக்கிங் செய்யுங்கள். இதன் மூலம் நீங்கள் புத்துணர்ச்சி உடனும் ஆற்றலுடனும் இருப்பீர்கள். இது எண்டோர்பின்களின் உற்பத்தியைத் தூண்டுகிறது மற்றும் உங்களை தளர்த்தவும் உதவுகிறது.
டாய் சீ : இது ஒரு பண்டைய சீன தற்காப்புக் கலையிலிருந்து பெறப்பட்டது. உடல் இயக்கத்துடன் மூச்சுப்பயிற்சி மற்றும் தியானத்தை உள்ளடக்கியது. டாய் சி நெகிழ்வுத்தன்மையை அதிகரிக்கிறது மற்றும் உடலையும் மனதையும் புதுப்பிக்கிறது. இதன் மூலம் நல்ல ஆரோக்கிய உணர்வை பெறுவீர்கள். இரவில் நன்றாக தூங்கவும் உங்க மன அழுத்தத்தை நிர்வகிக்கவும் மற்றும் இதய ஆரோக்கியத்தை அதிகரிக்கவும் உதவுகிறது.
நடைப்பயிற்சி :நடைபயிற்சி செய்வது மிகவும் எளிதான ஒன்று. இது முக்கிய தசைக் குழுக்களிடமிருந்து பதற்றத்தை வெளியிடவும் மற்றும் நரம்பு மண்டலத்தை ஆற்றவும் உதவுகிறது. எனவே காலையில் காலார நடப்பது உங்க மன அழுத்தத்தை நிர்வகிக்க உதவி செய்யும். இருதய ஆரோக்கியம், உயர் இரத்த அழுத்தம் மற்றும் வகை 2 நீரிழிவு நோய்க்கும் நல்லது. தினமும் 15 நிமிட நடைப்பயணத்துடன் தொடங்கி படிப்படியாக 30 நிமிடங்கள் முதல் ஒரு மணி நேரம் வரை அதை பின்பற்றுங்கள்.
சுற்றுப்பயிற்சி :சிலருக்கு மன அழுத்தத்தை நிர்வகிக்க கார்டியோ எடை பயிற்சி அளிக்கப்படுகிறது. இந்த எடை பயிற்சி மூலம் எண்டோர்பின்களை ஊக்குவிக்க முடியும். இது உங்க மன நிலையை அதிகரிக்க உதவுகிறது. எனவே நீங்கள் மன அழுத்தத்தில் இருக்கும் போது இந்த உடற்பயிற்சிகளை நீங்கள் மேற்கொள்ளலாம். வொர்க் அவுட் செய்த பிறகு ஒரு அமைதியான உணர்வை பெறுவீர்கள்.

அண்டா சாப்பாட்டை 1 மணி நேரத்தில் முடித்த நபர்.., கிடைத்த பரிசு என்ன தெரியுமா ?

Quick Share

மகாராஷ்டிராவின் சோலாப்பூர் மாவட்டத்தில் வசிக்கும் சோம்நாத் பவார் என்பவர் சாப்பாடு சாப்பிடும் சேலஞ்சில் வெற்றிப் பெற்று, புதிய ராயல் என்ஃபீல்ட் புல்லட்டை பரிசாக பெற்றுள்ளார்

மகாராஷ்டிரா மாநிலம் புனே அருகே வாட்கான் மாவல் பகுதியில் அமைந்துள்ளது சிவ்ராஜ் ஹோட்டல். கொரோனா பரவல் காரணமாக வியாபாரம் களையிழந்ததால் வாடிக்கையாளர்களை ஈர்க்கும் வகையில் சிவ்ராஜ் ஹோட்டலின் உரிமையாளர் அதுல் வைகர், ‘புல்லட் தாலி சேலஞ்ச்’ எனும் புதுமையான போட்டி ஒன்றை அறிவித்து கவனம்
ஈர்த்துள்ளார்.

இந்த ‘புல்லட் தாலி’ அசைவ உணவுகள் அதிகம் இருக்கும். 4 கிலோ மட்டன் மற்றும் மீன்களுடன் தயாரிக்கப்பட்ட சுமார் 12 உணவுகளை உள்ளடக்கியது. ஃபிரைட் சுர்மாய், பாம்ஃப்ரெட் ஃப்ரைட் ஃபிஷ், சிக்கன் தந்தூரி, உலர் மட்டன், கிரே மட்டன், சிக்கன் மசாலா மற்றும் இறால் பிரியாணி ஆகியவை அடங்கும். ஒவ்வொரு தாலியின் விலை ரூ .2,500 ஆகும்.

இந்த புல்லட் தாலி தட்டை 60 நிமிடங்களுக்குள் சாப்பிட்டு முடிப்பவர்களுக்கு ரூ.1.65 லட்சம் மதிப்புள்ள ராயல் என்ஃபீல்ட் புல்லட் பரிசாக வழங்கப்படும் என சிவ்ராஜ் ஹோட்டலின் உரிமையாளர் அதுல் வைகர் அறிவித்தார். இதையடுத்து உணவுப் போட்டியில் பங்குகொள்ள பலரும் உணவகத்தில் குவிந்தனர்.

இந்நிலையில் மகாராஷ்டிராவின் சோலாப்பூர் மாவட்டத்தில் வசிக்கும் சோம்நாத் பவார் என்பவர் சாப்பாடு சாப்பிடும்இந்த சேலஞ்சில் வெற்றிப் பெற்று, புதிய ராயல் என்ஃபீல்ட் புல்லட்டை பரிசாக வென்றுள்ளதாக ஓட்டல் உரிமையாளர் அதுல் வைகர் தெரிவித்துள்ளார்.

ராமேஸ்வரம் மீனவர்கள் எல்லை மீறியதாக 3 பேர் கைது

Quick Share

கடந்த டிசம்பர் மாதம் எல்லைத்தாண்டி மீன்பிடித்ததாக ராமேஸ்வரத்தை சேர்ந்த ஏழு மீனவர்களை இலங்கை கடற்படை கைது செய்தது. பின்னர் நீதிமன்றத்தில் ஆஜர்படுத்தி ஜெயிலில் அடைத்தது. இந்த நிலையில் கிளிநொச்சி நீதிமன்றம் இன்று ஏழு பேரையும் நிபந்தனைகளுடன் விடுதலை செய்துள்ளது.”

மத்திய வெளியுறவுத்துறை மந்திரி ஜெய்சங்கர் இலங்கை சென்றுள்ளார். இலங்கை சென்ற அவர், இலங்கை கடற்படையால் கைது செய்யப்பட்ட மீனவர்கள் விடுதலை செய்யப்படுவார்கள் பேசியிருந்தார். அதேவேளையில் எல்லைத்தாண்டி மீன்பிடித்ததாக 3 பேரை இலங்கை கடற்படை கைது செய்துள்ளது குறிப்பிடத்தக்கது.

கலெக்டர் அதிரடி உத்தரவு !! பவுர்ணமி கிரிவலம் செல்ல பக்தர்களுக்கு தடை

Quick Share

திருவண்ணாமலை அருணாசலேஸ்வரர் கோவில் பஞ்சபூத ஸ்தலங்களில் அக்னி ஸ்தலமாக
விளங்குகிறது.

ஒவ்வொரு மாதமும் வரும் பவுர்ணமி நாட்களில் திருவண்ணாமலை அருணாசலேஸ்வரர் கோவிலில் உள்ளூர் மட்டுமின்றி வெளி மாவட்டங்கள், வெளி மாநிலங்களை சேர்ந்த ஆயிரக்கணக்கான பக்தர்கள்
அருணாசலேஸ்வரர் கோவிலின் பின்புறம் உள்ள மலையை சுற்றி கிரிவலம் செல்வது வழக்கம்.

கொரோனா வைரஸ் நோய் தொற்று பரவாமல் தடுக்கவும், பொதுமக்கள் நலன் கருதியும் பவுர்ணமி நாளான வருகிற 29 மற்றும் 30-ந் தேதிகளில் திருவண்ணாமலையில் கிரிவலம் செல்ல தடை விதிக்கப்படுகிறது. எனவே பக்தர்கள் மற்றும் பொதுமக்கள் அனைவரும் திருவண்ணாமலைக்கு கிரிவலம் செல்லவதற்கு வர வேண்டாம் என்று திருவண்ணாமலை மாவட்ட கலெக்டர் சந்தீப்நந்தூரி உத்தரவு பிறப்பித்துள்ளார்.

உலகையே திரும்பி பார்க்கவைத்த மகளின் கிறிஸ்துமஸ் பரிசு

Quick Share

டிசம்பர் மாதம் அரபிடதிலிருந்து உலகம் முழுவதும் கிறிஸ்துமஸ் கொண்டாட்டம் களைக்கட்டியுள்ளது.கொரோனாவில் மீண்டு வரும் நிலையில் கிறிஸ்துமஸை சிறப்பாக கொண்டாட
ஆர்வம் கொண்டுள்ளன. சொந்தங்களுக்கும் அன்பானவர்களுக்கும் பரிசுகள் வழங்கி கிறிஸ்துமஸை வரவேற்று வருகின்றனர்.”

இங்கிலாந்தைச் சேர்ந்த ரே லிட்டல் என்ற நபர் தன்னுடைய செல்ல மகளுக்காக பொம்மை ஒன்றை ஆர்டர் செய்தார்.
இந்திய ரூபாய் மதிப்பில் அந்த பொம்மை ரூ.50 ஆயிரத்துக்கு ஆர்டர் செய்யப்பட்டது. ஆனால் அந்த தந்தை பொம்மையின் அளவை சரியாக கவனிக்கவில்லை. ஆர்டர் செய்த பொம்மை வரும், வீட்டுக்குள் வைத்து விளையாடலாம் என்று எதிர்பார்க்கப்பட்ட நிலையில், ஒரு மிகப்பெரிய பார்சல் வீட்டுக்கு வந்தது. அதனை
பார்த்ததும் லிட்டலுக்கும், அவரது குடும்பத்தினருக்கும் ஆச்சரியமும் அடைந்தனர்.

லிட்டல் ஆர்டர் செய்தது சின்ன பொம்மை அல்ல 35 அடி உயர பொம்மை. வீட்டை விடவும் பெரிய பொம்மையை வேறு வழியில்லாமல் வீட்டுக்கு வெளியே வைத்து கொண்டாடினார் லிட்டல். இந்த செய்தி அப்பகுதி முழுவதும் வைரலாக பரவ, பலரும் வந்து 35 அடி உயர பொம்மை அருகே புகைப்படம் எடுத்துக்கொண்டனர்.”

வீட்டின் முன் கூட்டம் வர தொடங்கிவிட்டது வீட்டுக்கு வரும் கூட்டத்திடம், சமீபத்தில் உயிரிழந்த தன்னுடைய தந்தை நினைவாக தொண்டு நிறுவனத்துக்கு பணம் வசூலையும் லிட்டல் தொடங்கினார். கிட்டத்தட்ட 8000ஆயிரம் டாலருக்கு மேல் பணம் வசூலாகியுள்ளதால் லிட்டல் மகிழ்ச்சியில் உள்ளார். கிட்டத்தட்ட 50ஆயிரத்துக்கும் அதிகமானோர் அவர் வீட்டுக்கு வருகை தந்ததாக லிட்டல் தெரிவித்துள்ளார்.

இந்த கருட மந்திரம் 108 முறை தொடர்ந்து சொன்னால் இது நடக்கும்

Quick Share

கொரோனா பிரச்சனைக்கு முக்கிய காரணமே ராகு, கேது தான் பக்ஷி ராஜனான கருடாழ்வாரின் வழிபாடு மட்டுமே நம்மை இந்த பேராபத்தில் இருந்து காக்கும்.முதலில் ஒரு அடிப்படை உண்மையை அனைவரும் புரிந்து கொள்ள வேண்டும்.

கழுகு வேறு, கருடன் வேறு.விலங்கியலின் படி புலியும், பூனையும் கூட ஒரே குடும்பம் தான். கருடன், கழுகு இரண்டுமே தோற்றத்தில் ஒரே மாதிரி இருந்தாலும் கழுகு என்பது மாமிச பக்ஷிணி ஆனால் கருடன் என்பது வேத பக்ஷிணி.நம் நாட்டில் கழுகின் எண்ணிக்கையே ரொம்ப கம்மி கழுகை விட கருடனின் எண்ணிக்கை இன்னும் ரொம்ப கம்மி. ஆனாலும் பெருமாள் கோவில் கும்பாபிஷேகம் என்றாலும், சிவன் கோவில் கும்பாபிஷேகம் என்றாலும் கருடாழ்வார் கோபுரத்தை வந்து வட்டமடிப்பதை நாம் பார்க்கிறோம்.

மேலும் திருப்பதி பிரமோற்சவம், திருவண்ணாமலை கார்த்திகை தீபம், திருச்செந்தூர் சூர சம்ஹாரம், சபரிமலை மகர ஜோதி போன்ற முக்கிய ஆலய நிகழ்வுகளில் பக்ஷி ராஜன் கரெக்ட்டா வந்து ஆஜர் ஆகிடுவார்.
கும்பகோணம் அருகே உள்ள நாச்சியார் கோவில் கருடாழ்வார் இன்றுவரை பல அற்புதங்களை செய்து கொண்டிருக்கிறார்.சர்ப்ப தோஷம் முதல் சர்வ தோஷங்களும் தீர கருட பிரயோக மந்திரம் ஒன்றே தீர்வு.
இந்த கருட பிரயோக மந்திரம் இதுவரை பல அற்புதங்களை செய்துள்ளது.

தமிழ்நாட்டில் ஒரு கிராம தேவதைக்கு சில மாந்த்ரீகர்கள் போட்ட மந்திர கட்டை இந்த கருட மந்திரம் அவிழ்த்தது. பலரின் தீய கர்ம வினைகளை இந்த கருட மந்திரம் போக்கி உள்ளது.3 ஆண்டுகளுக்கும் மேலாக கோமாவில் ஒரு சிறுவன் இருந்தான். அவனின் பெற்றோர் இந்த கருட மந்திரத்தை அவன் அருகே அமர்ந்து தொடர்ந்து உச்சிரித்து கொண்டிருந்தார்கள் அதன் பலனாக வெறும் 2 வாரங்களில் அந்த சிறுவன் கோமாவில் இருந்து மீண்டான். இதுபோல் பல உதாரணங்களை சொல்லலாம்.இருந்தாலும் இந்த கருட பிரயோக மந்திரம் பல லக்ஷம், பலகோடி மக்களிடம் பரவ வேண்டும் பல லக்ஷம் மக்கள் இந்த மந்திரத்தை சொன்னால் தான் கொரோனாவின் தாக்கம் குறையும்.

இந்த கருட பிரயோக மந்திரத்தை ஒருநாளைக்கு 108 முறை எனும் விதத்தில் தொடர்ந்து 11 நாட்கள் சொன்னாலே இந்த மந்திரம் நம்மை ஒரு கவசமாக காக்கும். இந்த கருட மந்திரத்தை 108 முறை தொடர்ந்து சொன்னால் உங்கள் நெற்றியில் லேசாக வியர்க்கும். AC போட்டு சொன்னாலும் வியர்க்கும். அதே சமயம் நீங்கள் நல்ல வெய்யிலில் இந்த மந்திரத்தை 108 முறை சொன்னாலும் வியர்ப்பது மட்டுமல்லாமல் உங்கள் நெற்றியின் இடது பக்கம் ஒருவித லேசான குளிர்ச்சியை நீங்கள் உணர்வீர்கள்.

ஓம் ஸ்ரீ காருண்யாய, கருடாய, வேத ரூபாய,வினத புத்ராய, விஷ்ணு பக்தி பிரியாய, அம்ருத கலச ஹஸ்தாய, பஹு பராக்ரமாய, பக்ஷி ராஜாய,சர்வ வக்கிர நாசநாய, சர்வ தோஷ, சர்ப்ப தோஷ,விஷ சர்ப்ப விநாசநாய ஸ்வாஹா.

எனும் இந்த மந்திரம் கொஞ்சம் பெரிசு இதை 108 முறை தொடர்ந்து சொல்ல 40 முதல் 45 நிமிடங்கள் வரை ஆகும். அதனால் காலையில் 36, மாலையில் 36, இரவு 36, என மூன்று வேளை இந்த மந்திரத்தை சொல்லலாம் இல்லை என்றால் குறைந்த பக்ஷம் காலை 11, மாலை 11, இரவு 11 என ஒரு நாளைக்கு 33 முறை இந்த மந்திரத்தை சொல்லலாம். இதை சொல்ல, சொல்ல கற்பனையே பண்ணி பார்க்க முடியாத ஒரு பாசிட்டிவ் வைப்ரேஷனை நீங்கள் உணர்வீர்கள் .

எம்பெருமான் திருவடிகளே சரணம், கருடாழ்வார் திருவடிகளே சரணம்.

விண்வெளியில் தேயிலையால் நடந்த விஷயம்.., வியக்க வைத்த விண்வெளி ஆச்சரியம்…!

Quick Share

சர்வதேச விண்வெளி நிலையத்தில் ஆக்ஸிஜன் உற்பத்தி அறை, கழிப்பறை மற்றும் உணவு தயார் செய்யும் அடுப்பு போன்றவற்றில் கோளாறுகள் எழுந்தது. ISS ரஷ்ய பிரிவில் உள்ள கழிப்பறை ஒழுங்கற்றதாகவும், குழுவினருக்கு ஆக்ஸிஜனை வழங்க பயன்படும் நீர் அமைப்புகள் காலியாக இருப்பதாகவும், உணவை அடுப்பில் வேக வைப்பதில் தடை இருப்பதாகவும் விண்வெளி குழுவினர் பிரச்சனைகளை கூறினார்.

NASA-வின் கிறிஸ் காசிடி மற்றும் விண்வெளி வீரர்களான அனடோலி இவானிஷின் மற்றும் இவான் வாக்னர் ஆகிய ஆறு நபர்கள் உள்ளனர். இதில் பாதி பேர் வியாழக்கிழமை அன்று அதிகாலை பூமிக்கு வருவதற்கு தயாராகி வரும்போது பிரச்சினைகள் எழுந்தன. இந்நிலையில் காஸ்மோனாட் அனடோலி இவானிஷின் ஒரு பையில் இருந்து தேயிலை இலைகளை ஸ்வெஸ்டா சர்வீஸ் மாட்யூலின் பரிமாற்ற அறையில் வெளியிட்டார்.

தொகுதியின் தகவல் தொடர்பு உபகரணங்கள் அருகே சுவரில் ஒரு கீறலை நோக்கி இலைகள் மெதுவாக மிதந்தன இது காற்று கசியும் விரிசல் என்பதற்கான அறிகுறியாகும் உடனே கேப்டன் டேப்பைப் பயன்படுத்தி கசிவைத் தடுத்ததாக ரஷ்ய விண்வெளித்துறை தெரிவித்து உள்ளது. விண்வெளி ஆய்வு நிலையத்தை தாக்கும் சமீபத்திய தொழில்நுட்ப பிரச்சனைகளில் இதுவும் ஒன்றாக உள்ளது.

சுற்றுப்பாதை ஆய்வகத்தின் முதல் தொகுதி இரண்டு தசாப்தங்களுக்கு முன்னர் 1998-ல் தொடங்கபட்டது. எனவே அதை நவீன படுத்த வேண்டிய கட்டாயம் ஏற்பட்டுள்ளது. இதே போல் கடந்த வாரம், ஸ்வெஸ்டா தொகுதியில் ஆக்ஸிஜன் வழங்கல் முறை தோல்வியடைந்தது. இது தற்போது சரி செய்யப்பட்டுள்ளதாக என்று ரஷ்ய விண்வெளித்துறை தெரிவித்துள்ளது.

நீட் தேர்வு குறித்து மத்திய அரசிடம் முக்கிய கோரிக்கையை முன்வைத்த ராகுல்காந்தி!

Quick Share

நீட் மற்றும் ஜே.இ.இ. தேர்வுகள் குறித்து மாணவர்களின் மனதின் குரலை மத்திய அரசு கேட்க வேண்டும் என காங்கிரஸ் முன்னாள் தலைவர் ராகுல் காந்தி வலியுறுத்தியுள்ளார். இதுகுறித்து தனது டுவிற்றரில் பதிவிட்டுள்ள அவர், மாணவர்கள் ஏற்றுக்கொள்ளக் கூடிய தீர்வை மத்திய அரசு அளிக்க வேண்டும் என குறிப்பிட்டுள்ளார்.

இதேவேளை, நாட்டில் இன்னும் கொரோனா வைரஸ் கட்டுக்குள் வரவில்லை எனவும் இந்த சூழ்நிலையில் மாணவர்கள் தேர்வு எழுதச் செல்லவிருப்பதால் பெற்றோர்கள் மிகுந்த கவலையில் உள்ளதாக காங்கிரஸ் கட்சியின் பொதுச்செயலாளர் பிரியங்கா காந்தி தனது ருவிற்றர் பதிவில் தெரிவித்துள்ளார்.

இந்நிலையில் மத்திய அரசு இந்த நேரத்தில் தேர்வு நடத்துவது குறித்து பரிசீலனை செய்ய வேண்டும் என அவர் வேண்டுகோள் விடுத்துள்ளார். இந்தியாவில் கொரோனா வைரஸ் பெருற்று தொற்று தீவிரமாக அதிகரித்துவரும் நிலையில், நீட் தேர்வை நடத்தியே தீர வேண்டுமென மத்திய அரசு தீர்க்கமாக உள்ளது.

இந்நிலையில், கொரோனா காரணமாக நிறுத்தி வைக்கப்பட்டிருந்த நீட் தேர்வுகள் செப்டம்பர் 13ஆம் திகதி நடைபெறும் என்று மத்திய அரசால் அறிவிக்கப்பட்டுள்ளது. அதேபோல், ஜே.இ.இ. முதன்மை தேர்வும் திட்டமிட்டபடி செப்டம்பர் முதலாம் திகதி ஆரம்பமாகும் என தெரிவிக்கப்பட்டுள்ளமை குறிப்பிடத்தக்கது.

அதிர்ச்சி ..திருமணமாகி 2 மாதம் கூட முடியவில்லை…புதுப்பெண்ணுக்கு நேர்ந்த கொடூர சம்...

Quick Share

சிவகாசி அருகே ஆலமரத்துபட்டி ரோடு பெரியார் காலனியை சேர்ந்தவர் செல்வபாண்டியன்(26). இவருக்கும் பிரகதி மோனிகா(24) என்பவருக்கும் கடந்த ஒன்றரை மாதங்களுக்கு முன் திருமணம் நடைபெற்றது.

செல்வபாண்டியன் அதே பகுதியில் உள்ள அட்டை தயாரிக்கும் தொழிற்சாலை ஒன்றில் பணியாற்றி வருகிறார்.

இந்நிலையில், சம்பவ தினத்தன்று வீட்டில் இருந்த பிரகதி மோனிகா ரத்த வெள்ளத்தில் பிணமாக கிடந்துள்ளார். இதுகுறித்து அக்கம், பக்கத்தினர் கொடுத்த தகவலின் அடிப்படையில் வீட்டுக்கு வந்த கணவர் செல்வபாண்டியன் போலீசாரிடம் புகார் அளித்தார்.

சம்பவ இடத்திற்கு வந்த போலீசார், பிரகதி மோனிகாவின் உடலைக் கைப்பற்றி பிரேத பரிசோதனைக்கு அனுப்பி வைத்துள்ளனர்.

புதுப்பெண் வீட்டில் இருந்ததை அறிந்து மர்ம நபர்கள் அவரது வீட்டுக்குள் நுழைந்து இருக்கலாம் என போலீசார் கூறுகின்றனர்.மேலும் மரணத்திற்கு முன் பிரகதி மோனிகா அவர்களுடன் வெகுவாக போராடி இருப்பதாகவும் தெரிகிறது.

மர்ம நபர்கள் நகைகளுக்காக வந்தவர்களா? இல்லை வேறு ஏதேனும் காரணமா? என போலீசார் தீவிர விசாரணை நடத்தி வருகின்றனர்.




You cannot copy content of this Website