வேலூர்

பொதுமக்களுக்கு சாலை பாதுகாப்பு விழிப்புணர்வு ஏற்படுத்த பேரணி

Quick Share

வேலூர் மாவட்டம் காட்பாடி காவல் நிலையத்துக்கு உட்பட்ட சித்தூர் பேருந்து நிலையத்தில் பொதுமக்களுக்கு சாலை பாதுகாப்பு விழிப்புணர்வு ஏற்படுத்தும் பொருட்டு 09.01.2021 அன்று வேலூர் மாவட்ட காவல்துறையினர் சாலை பாதுகாப்பு விழிப்புணர்வு பேரணியை நடத்தினர்.

இதில் காவல் துறையினருடன் பொதுமக்கள் கலந்துகொண்டனர். இப்பேரணியில் தலைக்கவசம் குறித்த விழிப்புணர்வு ஏற்படுத்தப்பட்டது.

ஏழை மாணவியின் படிப்புக்காக விஜய் மக்கள் இயக்கம் செய்த உதவி !!

Quick Share

தமிழகத்தில் விஜய் மக்கள் இயக்கம் பல்வேறு சமூக பணிகளை செய்து வருகிறது. குறிப்பாக இயற்கை பேரிடர் காலத்தில் வெள்ளம் புயல் போன்ற கஷ்டத்திலிருந்து களத்தில் இறங்கி பாதிக்கப்பட்டவர்களுக்கு உதவி செய்து வருகின்றனர்

வேலூர் ராணிப்பேட்டை தனது கல்வியை தொடர முடியாமல் கஷ்டப்பட்டு வந்த அஸ்வினி என்ற மாணவிக்கு தளபதி விஜய் மக்கள் இயக்கத்தினர் உதவி செய்துள்ளனர.

அஸ்வினி என்ற மாணவி தனது குடும்ப வறுமை காரணமாக தனது கல்வி இயல் படிப்பை தொடர முடியாமல் இருந்ததை அறிந்த விஜய் மக்கள் இயக்கத்தினர், அந்த மாணவிக்கு ரூபாய் ஒரு லட்சம் ரூபாய் நிதி உதவி செய்தனர். இது குறித்த புகைப்படங்கள் தற்போது வைரல் ஆகி வருகின்றன. இதனை அடுத்து விஜய்க்கும் விஜய் மக்கள் இயக்கத்தினர்களுக்கும் மாணவி அஸ்வினியும் அவருடைய
பெற்றோர்களும் தங்களது நன்றியை தெரிவித்துக் கொண்டனர்.

மாஸ் காட்டிய கோட்டாட்சியா்.., கைவிடப்பட்ட முதியவருக்கு கோட்டாட்சியா் தலையிட்டு எடுத்த அ...

Quick Share

வேலூா் மாவட்டம் காட்பாடி பொன்னை கிராமத்தைச் சோ்ந்தவா் வேணுகோபால் வயது 82. கடந்த 2008-ஆம் ஆண்டு இவரது மனைவி கோமளேஸ்வரி இறந்து விட்டாா். ரூபசுந்தரி, மலா்விழி, லலிதா ஆகிய 3 மகள்கள், கருணாகரன், வெங்கடேசன், வேல்முருகன் ஆகிய 3 மகன்கள் உள்ளனா்.

அனைவருக்கும் திருமணமாகிவிட்டது. அரிசி ஆலை நடத்தி வந்த வேணுகோபால். வயதாகி வேலை செய்ய இயலாததால் கடந்த 2013-ஆம் ஆண்டு தனக்குச் சொந்தமாக அதே கிராமத்திலுள்ள ரூ. 1 கோடி மதிப்புள்ள 3 சொத்துகளையும் தனது மூன்று மகன்களுக்கும் எழுதிக் கொடுத்துள்ளாா்.

தந்தையிடம் சொத்துகளைப் பிடிங்கிவிட்டு மகன்கள் சரிவர உணவு கொடுக்காமலும், துன்புறுத்தியும் கைவிட்டுள்ளனர். கடுமையாக பாதிக்கப்பட்ட வேணுகோபால், மகன்களுக்கு எழுதிக் கொடுத்த சொத்துகளை ரத்து செய்து மீண்டும் தனது பெயரில் பத்திரப்பதிவு செய்து தர நடவடிக்கை எடுக்க வேண்டும் எனக் கோரி கடந்த ஜனவரி மாதம் வேலூா் வருவாய்க் கோட்டாட்சியா் அலுவலகத்தில் புகாா் மனு அளித்தாா்.

வருவாய்க் கோட்டாட்சியா் கணேஷ் தலைமையில் விரிவான விசாரணை மேற்கொள்ளப்பட்டது. இதில், சொத்துகளை பெற்றுக்கொண்ட பிறகு மகன்கள் 3 பேரும் தந்தையை உரிய வகையில் கவனிக்காதது தெரியவந்தது. இதையடுத்து அவரது 3 மகன்களுக்கும் எழுதிக் கொடுக்கப்பட்ட ரூ. 1 கோடி மதிப்புடைய 3 சொத்து பத்திரங்களையும் ரத்து செய்து மீண்டும் தந்தை வேணுகோபால் பெயரிலேயே மாற்ற வருவாய்க் கோட்டாட்சியா் கணேஷ் அதிரடியாக உத்தரவு பிறப்பித்தார்.

SSC ஆட்சேர்ப்பு அறிவிப்பு: விண்ணப்பிப்பதற்கான கடைசி தேதி டிசம்பர் 15

Quick Share

ஒருங்கிணைந்த மேல்நிலை (10+2) நிலையிலான தேர்வு, 2020″ மூலம் ஆட்சேர்ப்புக்கான அறிவிப்பை இம்மாதம் ஆறாம் தேதியன்று பணியாளர் தேர்வாணையம் வெளியிட்டிருந்தது. பணியிடங்களின் விவரம், வயது வரம்பு, தேவையான கல்வித் தகுதி, கட்டணம், இணையம் மூலம் எவ்வாறு விண்ணப்பிப்பது உள்ளிட்ட தகவல்கள் விரிவான முறையில் பணியாளர் தேர்வாணையத்தின் இணைய தளத்தில் (https://ssc.nic.in/) உள்ள ஆட்சேர்ப்பு அறிவிப்பில் உள்ளது.

ssc.nic.in என்னும் இணையதளத்தில் ஆன்லைன் மூலம் மட்டுமே விண்ணப்பிக்க வேண்டும். விண்ணப்பங்களை சமர்ப்பிப்பதற்கான கடைசி தேதி 2020 டிசம்பர் 15 ஆகும். இணையம் மூலம் கட்டணம் செலுத்துவதற்கான கடைசி நாள் 2020 டிசம்பர் 17 ஆகும்.

மூன்று மாதங்களுக்குள் எடுக்கப்பட்ட தங்களது வண்ண புகைப்படத்தின் ஸ்கேன் செய்யப்பட்ட நகலை விண்ணப்பதாரர்கள் பதிவேற்றம் செய்ய வேண்டும். புகைப்படம் எடுத்த தேதி புகைப்படத்தின் மீது தெளிவாக அச்சிடப்பட்டு இருக்க வேண்டும். மாண்புமிகு உச்சநீதிமன்றத்தின் வழிகாட்டுதல்கள் காரணமாக இந்த விதிகள் இணைக்கப்பட்டுள்ளன. தேதி அச்சிடப்படாத புகைப்படத்துடன் கூடிய விண்ணப்பங்கள் நிராகரிக்கப்படும்.

பணியாளர் தேர்வாணயத்தின் தெற்கு மண்டலத்தில், 2021 ஏப்ரல் 12 முதல் 2021 ஏப்ரல் 27 வரை கீழ்க்கண்ட நகரங்களில் முதல்நிலை கணினி சார்ந்த தேர்வு நடத்தப்படும்: தமிழ்நாட்டில் சென்னை, கோயம்புத்தூர், மதுரை, சேலம், திருச்சிராப்பள்ளி, திருநெல்வேலி மற்றும் வேலூர், புதுச்சேரி, ஆந்திரப் பிரதேசத்தில் சிராலா, குண்டூர், காக்கிநாடா, கர்னூல், நெல்லூர், ராஜமுந்திரி, திருப்பதி, விஜயவாடா, விசாகப்பட்டினம் மற்றும் விஜயநகரம், தெலுங்கானாவில் ஹைதராபாத், கரீம் நகர் மற்றும் வாரங்கல்.

மேற்கண்ட தகவல்களை, சென்னை பணியாளர் தேர்வாணையத்தின் (தென் மண்டலம்), இணை செயலாளரும், மண்டல இயக்குநருமான திரு கே நாகராஜா செய்திக் குறிப்பு ஒன்றில் தெரிவித்துள்ளார்.

அவர் இல்லாம என்னால வாழ முடியாது” – 2 குழந்தைகளுடன் விஷம் குடித்த இளம் பெண்…

Quick Share

வேலூர் தோட்டப்பாளையம் எட்டியம்மன் கோவில் தெருவில் நரேஷ்குமார்(32) என்பவர் அவரது மனைவி கோமதி(27), மகன் நித்தில்குமார் (5), மகள் ரியாஸ்ரீ (3) ஆகியோருடன் வசித்து வந்துள்ளார். கடந்த மாதம் நரேஷ்குமார் மாரடைப்புக் காரணமாக உயிரிழந்தார். நரேஷ்குமாரின் திடீர் மரணத்தால் அவரது இழப்பை தாங்க முடியாமல் குழந்தைகளுடன் தற்கொலை செய்துக் கொள்ள கோமதி முடிவு செய்துள்ளார்.

நேற்று இரவு கடிதம் எழுதி வைத்து விட்டு, வீட்டிலிருந்த கொசு மருந்தை குழந்தைகளுக்கு கொடுத்து கோமதியும் குடித்திருக்கிறார். இதனையறிந்த அவரது குடும்பத்தினர் மயங்கிக் கிடந்த மூவரையும் மீட்டு வேலூர் சி.எம்.சி மருத்துவமனையில் சேர்த்தனர். ஆனால் அங்கு சிகிச்சை பலனின்றி 3 வயது மகள் ரியாஸ்ரீ பரிதாபமாக உயிரிழந்தார். கோமதிக்கும் அவரது மகன் நித்தில்குமாருக்கும் தீவிர சிகிச்சை அளிக்கப்பட்டு வருகிறது. சம்பவறிந்து வந்த வேலூர் வடக்கு போலீஸ் இன்ஸ்பெக்டர் செந்தில்குமார் விசாரணை நடத்தி வருகிறார். கோமதி எழுதிய கடிதத்தை போலீசார் கைப்பற்றினர்.

அந்த கடிதத்தில், “அப்பா, அம்மா, அத்தை, மாமா எல்லோரும் என்னை மன்னிச்சுடுங்க. என்னால அவர் இல்லாம வாழ முடியல, சின்ன சின்ன விஷயமும் அவர மட்டும் தான் ஞாபகப்படுத்துது. அவர் இல்லாத வாழ்க்கைய என்னால சத்தியமா வாழ முடியாது. அவர்தான் எங்க உலகமே. அவர் யாருக்கும் கஷ்டம் கொடுக்காம வாழனும்னு சொல்லுவாரு. அதனால நானும் என் ரெண்டு புள்ளைங்களும் யாருக்கும் கஷ்டம் கொடுக்காம சந்தோஷமா 4 பேரும் மேலோகத்தில் வாழ போறோம்” என்று கோமதி உருக்கத்துடன் எழுதியுள்ளார். இந்த சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ளது.

அதிக வயதுள்ள நபரை திருமணம் செய்து கொள்ள வற்புறுத்திய பெற்றோர்…மனமுடைந்து இளம்பெண்...

Quick Share

வேலூரில் 33 வயது நபரை திருமணம் செய்து கொள்ளும் படி பெற்றோர் வற்புறுத்தியதால், இளம்பெண் செய்த சம்பவம் பெரும் சோகத்தை ஏற்படுத்தியுள்ளது.

வேலூர் மாவட்டம் லத்தேரி அடுத்த புதூர் மேடு பகுதியை சேர்ந்த சாமிநாதன் என்பவருக்கு 2 மகள்கள் உள்ளனர்.அதில், மூத்த மகளின் பெயர் கல்பனா. இவர் வேலூரில் இருக்கும் டிகேஎம் பெண்கள் கல்லூரியில் எம்.எஸ்.சி. கம்ப்யூட்டர் சயின்ஸ் 2-ஆம் ஆண்டு படித்து வருகிறார்.

இவருக்கு கடந்த ஒரு ஆண்டுகளாகவே திருமணத்திற்காக மாப்பிள்ளை பார்த்து வந்துள்ளனர். அதன் படி கடந்த வாரம் ஒரு மாப்பிள்ளை வந்து இவரை பார்த்து சென்றுள்ளார்.அவருக்கு 33 வயது .பேங்க் ஒன்றில் வேலை பார்ப்பதாகவும், பெண்ணை பிடித்துவிட்டதாகவும், திருமணத்திற்கு சம்மதம் என்று கூறிவிட்டு சென்றுள்ளார்.

ஆனால் கல்பனாவோ மாப்பிள்ளைக்கு வயது அதிகமாக உள்ளது .இந்த மாப்பிள்ளை வேண்டாம் என்று கூறியுள்ளார். இருப்பினும் கல்பனாவின் பெற்றோர் இவரை தான் திருமணம் செய்து கொள்ள வேண்டும் என்று கட்டாயப்படுத்தியுள்ளனர்.

இதனால் கல்பனா மிகுந்த வேதனையில் இருந்துள்ளார். இதையடுத்து நேற்றிரவு வழக்கம் போல் கல்பனா தன்னுடைய அறைக்கு தூங்க சென்றுள்ளார்.

அதன் பின் சில மணி நேரங்களில் அவரின் அறையில் இருந்த பயங்கர அலறல் சத்தம் கேட்டுள்ளது. இதைக் கேட்டு அதிர்ச்சியடைந்த பெற்றோர் உடனடியாக அவரின் அறைக்குள் சென்று பார்த்த போது, போர்வையால் உடலை மூடிக் கொண்டு தன் கழுத்தை பிளேடால் கல்பனா வெட்டிக் கொண்டிருப்பதைப் பார்த்து கதறி கூச்சலிட்டனர்.

இந்த சத்தத்தைக் கேட்டு அருகில் இருந்தவர்கள் உடனடியாக வந்து, கல்பனாவை அருகில் இருக்கும் மருத்துவமனையில் அனுமதித்துள்ளனர்.இரத்தம் ஏற்கனவே அதிகம் வெளியேறியதால், அவர் ஏற்கனவே இறந்துவிட்டதாக மருத்துவர்கள் கூறிவிட்டனர். இந்த சம்பவம் குறித்து பொலிசார் வழக்கு பதிவு செய்து விசாரணை மேற்கொண்டு வருகின்றனர்.

அதிக வயதுள்ள நபரை திருமணம் செய்து கொள்ள பெற்றோர் வற்புறுத்தியதால் பரிதாபமாக இளம்பெண் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

முதலிரவின்போது கணவன் கேட்ட கேள்வி: மனமுடைந்த இளம்பெண் எடுத்த விபரீத முடிவு!

Quick Share

திருமணமான முதல் நாள் இரவிலேயே மனைவி பற்றி கணவன் தவறாக பேசி துன்புறுத்தியதால் புதுப்பெண் தற்கொலை செய்து கொண்டிருக்கிறார். வேலூர் மாவட்டத்தின் கோவிந்தரெட்டி பாளையத்தை சேர்ந்தவர் சந்திரலேகா. பட்டதாரியான இவருக்கும் முனைவர் பட்டம் பெற்ற பாலாஜி என்பவருக்கும் பெற்றோர்களால் நிச்சயிக்கப்பட்டு கடந்த 23 ஆம் திகதி திருமணம் நடந்தது.

திருமணமான முதலிரவில் மனைவியிடம், நீ கற்புடன் தான் இருக்கிறாயா? இவ்வளவு அழகாக இருக்கும் நீ இதற்கு முன்னர் யாரையும் காதலிக்கவில்லையா? யாருடனும் உறவு வைத்துக்கொண்டதில்லையா பாலாஜி கேட்டுள்ளார். இதை சற்றும் எதிர்பார்க்காத சந்திரலேகா அதிர்ச்சியடைந்துள்ளார்.

பின்னர் சந்திரலேகாவின் ஆண் நண்பர் ஒருவர் சந்திரலேகா வீட்டிற்கு சென்று அவருக்கும் அவரின் கணவர் பாலாஜிக்கும் திருமண வாழ்த்துகளை கூறி சந்திரலேகாவின் நற்குணங்கள் குறித்து சநதிரலேகாவின் கணவர் பாலாஜியிடம் எடுத்து கூறியுள்ளார்.

சந்திரலேகாவைப்பற்றி உயர்வாக பேசிவிட்டு சென்றபிறகு கணவன்-மனைவிக்கு இடையில் வாக்குவாதம் ஏற்பட்டதோடு சந்திரலேகா மீது பாலாஜிக்கு சந்தேகம் அதிகமானது.

இதனால் மனமுடைந்த சந்திரலேகா சில தினங்களுக்கு முன்னர் தனது தாய் வீட்டிற்கு சென்று தன் மனதில் உள்ளதையெல்லாம் கடிதமாக எழுதி வைத்துவிட்டு உடலில் மண்ணெண்ணய் ஊற்றி தற்கொலை செய்து கொண்டார். இந்த சம்பவம் தொடர்பாக பொலிசார் சந்திரலேகாவின் கணவர் பாலாஜி மற்றும் அவரது குடும்பத்தினரிடம் விசாரணை நடத்தி வருகின்றனர்.

விடுமுறைக்கு வந்த இராணுவ வீரர் தூக்கிட்டு தற்கொலை..நிறைமாத கர்ப்பிணியான மனைவியின் உடலும...

Quick Share

விடுமுறைக்கு வந்த இராணுவ வீரர் தூக்கில் பிணமாகவும் நிறைமாத கர்ப்பிணியான அவரது மனைவியின் உடல் சடலமாகவும் மீட்கப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.

வேலூர் மாவட்டம் குடியாத்தம் அடுத்த கீழ்ஆழத்தூர் பகுதியை சேர்ந்த ராணவ வீர‌ர் புருசோத்தமன் ஜம்மு-காஷ்மிரில் பணிபுரிந்து வந்தார். இவரது தந்தை ஆறுமுகம் உடல் நலக்குறைவால் தனியார் மருத்துவமனையில் அனுமதிக்கப்பட்ட நிலையில், அவரை பார்க்க வந்த புருஷாத்தமன் மருத்துவமனை அருகிலே தன் மனைவியுடன் அறையெடுத்து தங்கினார்.

இந்த நிலையில், காலை நீண்ட நேரமாகியும் இருவரும் வெளியே வராத‌தால், கதவை உடைத்து உள்ளே சென்று பார்த்தபோது, அங்கிருந்த மின்விசிறியில் தூக்கில் தொங்கியபடி புருஷோத்தமனும், கட்டிலில் மனைவி அமுலும் சடமாக கிடந்தனர். இதில் அமுல் நிறைமாத கர்ப்பிணியாக இருந்த‌து குறிப்பிடத்தக்கது.

சம்பவம் அறிந்து வந்த போலீசார் அவர்கள் உடலை மீட்டு அப்பகுதியில் உள்ள மருத்துவமனையில் பிரேத பரிசோதனைக்காக அனுப்பி வைத்துள்ளனர்.மேலும் இதுகுறித்து தீவிரமாக விசாரணை செய்து வருகின்றனர்.

தந்தையை பார்க்கவந்த இராணுவ வீரர் தூக்கில் பிணமாகவும் நிறைமாத கர்ப்பிணியான அவரது மனைவியின் உடல் சடலமாக மீட்கப்பட்ட சம்பவம் அப்பகுதியில் பெரும் சோகத்தை ஏற்படுத்தியுள்ளது.

மனைவியின் தங்கை காதலுக்கு எதிர்ப்பு தெரிவித்த அக்கா கணவர்…ஆப்பு வைத்த காதலன்!

Quick Share

மனைவியின் தங்கை காதலுக்கு எதிர்ப்பு தெரிவித்த அக்கா கணவரை கத்தியால் குத்திய காதலன் உட்பட இரண்டு பேரை போலீசார் கைது செய்தனர்.

வேலூர் மாவட்டம் குடியாத்தம் அடுத்த பரதராமி வீ. டி. பாளையம் கிராமத்தை சேர்ந்த குமாரசாமியின் மகள் சாமுண்டீஸ்வரி என்பவருக்கும் திருப்பதியைச் சேர்ந்த துரைபாபுவிற்கும் திருமணம் ஆகி 10 ஆண்டுகள் ஆன நிலையில் குழந்தைகள் இல்லை.

கொரோனா ஊரடங்கால் துரைபாபு தனது மனைவியோடு வீ.டி. பாளையத்தில் உள்ள தனது மாமியார் வீட்டில் மூன்று மாதங்களாக தங்கியுள்ளார். துரைபாபுவிற்கு மனைவியின் தங்கை பார்வதியை திருமணம் செய்து கொள்ள ஆசைப்பட்டு உள்ளதாக கூறப்படுகிறது.

மனைவி சாமுண்டீஸ்வரியின் தங்கை பார்வதி (வயது 19) அருகே உள்ள பரதராமி கொத்தூர் கிராமத்தைச் சேர்ந்த பூவரசன் என்பவருடன் காதல் வயப்பட்டு இருவரும் நான்கு ஆண்டுகளாக காதலித்து வந்துள்ளனர். இவர் காதலித்து வந்த பூவரசன் வேறு சமூகத்தைச் சேர்ந்தவர் என்பதால் வீட்டில் உள்ள பெரியோர்களும்,மாமாவும் இவர்களின் காதலுக்கு எதிர்ப்பு தெரிவித்து வந்தனர்.

இது சம்பந்தமாக துரைபாபு பூவரசனை பலமுறை எச்சரித்துள்ளார். இந்நிலையில் சாமுண்டீஸ்வரியின் கணவர் துரைபாபு, பார்வதியிடம் உங்கள் இருவரையும் ஒன்றாக சேர விட மாட்டேன் உங்களைக் கொலை செய்துவிடுவேன் என்று கூறியுள்ளார்.

பார்வதி பயந்து தான் காதலித்து வந்த பூவரசனியிடம் இதனை தெரிவித்துள்ளார். இதில் ஆத்திரமடைந்த பூவரசன் நண்பர்களுடன் சென்று துரைபாபுவை வீ.டி. பாளையத்தில் இருந்து பரதராமி வரும் வழியில் வழிமறித்து வாக்குவாதத்தில் ஈடுபட்டுள்ளனர். பின்னர் பூவரசன் வைத்திருந்த கத்தியால் துரைபாபுவை வயிற்றை நோக்கி சரமாரியாக குத்தியுள்ளார்.

மயங்கி விழுந்த துரைபாபுவை ஆபத்தான நிலையில் உறவினர்கள் சொந்த ஊரான ஆந்திர மாநிலம் திருப்பதியில் உள்ள மருத்துவமனையில் அனுமதித்துள்ளனர். இது சம்பந்தமாக பரதராமி போலீசார் துரைபாபு கொடுத்த புகாரின் அடிப்படையில் பூவரசன் மற்றும் அலெக்ஸ் இருவரையும் கைது செய்தனர். மேலும் தலைமறைவாக உள்ள சூர்யா என்பவரை தேடி வருகின்றனர்.

மளிகை கடை உரிமையாளரை கத்தியால் குத்தி ரூ1 லட்சம் கொள்ளை – காவல் நிலையம் எதிரில் ப...

Quick Share

காவல் நிலையம் எதிரில் 5 பேர் கொண்ட மர்ம கும்பல் மளிகை கடை உரிமையாளரை கத்தியால் குத்திவிட்டு 1 லட்சம் ரூபாய் மற்றும் மளிகை சாமான்கள் கொள்ளையடித்து சென்ற சம்பவம் பரபரப்பை ஏற்படுத்தியுள்ளது.

திருப்பத்தூர் அடுத்த கந்திலி காவல் நிலையம் எதிரில் அஃதே பகுதியைச் சேர்ந்த சீனிவாசன் (70) என்பவர் மளிகை கடை நடத்தி வருகிறார். வீடும் கடையும் ஒரே கட்டிடத்தில் செயல்பட்டு வருகின்றது. இந்நிலையில் சீனிவாசனுக்கு கிருஷ்ணகுமார் மற்றும் ஸ்ரீதர் என இரண்டு மகன்கள் உள்ளனர்.

இந்நிலையில் நேற்று இரவு 5 நபர்கள் கொண்ட மர்ம கும்பல் ஒன்று சீனிவாசன் வீட்டிற்க்கு சென்று,மளிகை பொருட்கள் வேண்டும் என கூறி கடைக்குள் நுழைந்து, கடையில் உள்ள சீனிவாசன், இவரது மகன் கிருஷ்ணகுமார் மற்றும் ஸ்ரீதர் ஆகியோரை கத்தியை கழுத்தில் வைத்து மிரட்டி கல்லாப் பெட்டியில் இருந்த ஒரு லட்ச ரூபாயை எடுத்துக்கொண்டு தப்பிக்கும் பொழுது ஸ்ரீதர் திருடன் திருடன் என கூச்சல் போடவே அந்த மர்ம கும்பல் ஸ்ரீதரின் கையை வெட்டியுள்ளனர்.

அதன்பின் தப்பிச் செல்லும்போது, அதே பகுதியை சேர்ந்த சரவணன் என்பவரின் மகன் சசிதரன் (23) மர்ம கும்பலை பிடிக்க முயன்ற போது மர்ம கும்பலை சேர்ந்த ஒருவர் சசிதரனின் மார்பு பகுதியில் பயங்கரமாக குத்திவிட்டு தப்பித்து சென்றுள்ளனர். படுகாயங்களுடன் ரத்த வெள்ளத்தில் இருந்த சசிதரனை அக்கம் பக்கம் உள்ளவர்கள் மீட்டு திருப்பத்தூர் அரசு மருத்துவமனைக்கு சிகிச்சைக்காக அனுமதிக்கப்பட்டு, பின்னர் மேல்சிகிச்சைக்காக வேலூர் தனியார் மருத்துவமனைக்குச் சென்று அங்கு சிகிச்சை பெற்று வருகின்றார்.

படுகாயங்களுடன் இருந்த கடையின் உரிமையாளர் ஸ்ரீதரை, பெங்களூர் தனியார் மருத்துவமனையில் சிகிச்சை பெற்று வருகின்றார். இச்சம்பவம் குறித்து கந்திலி காவல் துறையினர் வழக்கு பதிவு செய்து தீவிர விசாரணை மேற்கொண்டு வருகின்றனர்.. காவல் நிலையம் எதிரே உள்ள மளிகை கடையில் 5 பேர் கொண்ட மர்ம கும்பல் ஒரு லட்ச ரூபாய் மற்றும் மளிகை பொருட்களை திருடிச் சென்ற சம்பவம் கந்திலி சுற்றுவட்டார பகுதிகளில் பெரும் பரபரப்பை ஏற்படுத்தி உள்ளது.

மாவட்ட வாரியாக கொரோனா பாதிப்பு நிலவரம்..

Quick Share

தமிழகத்தில் இன்று ஒரே நாளில் 5,849 பேருக்கு கொரோனா தொற்று உறுதிசெய்யப்பட்டுள்ளதால், மாநிலத்தின் மொத்த பாதிப்பு எண்ணிக்கை 1,86,492 ஆக உயர்ந்துள்ளது.

தமிழகத்தில் மாவட்ட வாரியாக கொரோனா பாதிக்கப்பட்டோர் எண்ணிக்கை பின்வருமாறு:-

அரியலூர் – 710 ( இன்று 26)

செங்கல்பட்டு – 10,495 ( இன்று 223)

சென்னை – 89,561 ( இன்று 1,171)

கோவை – 2,539 ( இன்று 178)

கடலூர் – 1,991 ( இன்று 71)

தர்மபுரி – 486 ( இன்று 7)

திண்டுக்கல் – 1,826 ( இன்று 99)

ஈரோடு – 518 ( இன்று 6)

கள்ளக்குறிச்சி – 2,517 ( இன்று 86)

காஞ்சிபுரம் – 5,697 ( இன்று 325)

கன்னியாகுமரி – 2,721 ( இன்று 152)

கரூர் – 296 ( இன்று 4)

கிருஷ்ணகிரி – 520 ( இன்று 69)

மதுரை – 8,705 ( இன்று 197)

நாகப்பட்டினம் – 480 ( இன்று 14)

நாமக்கல் – 395 ( இன்று 41)

நீலகிரி – 528 ( இன்று 12)

பெரம்பலூர் – 248 ( இன்று 15)

புதுக்கோட்டை – 1,186 ( இன்று 59)

ராமநாதபுரம் – 2,692 ( இன்று 88)

ராணிப்பேட்டை – 2,784 ( இன்று 414)

சேலம் – 2,560 ( இன்று 99)

சிவகங்கை – 1,760 ( இன்று 70)

தென்காசி – 1,344 ( இன்று 85)

தஞ்சாவூர் – 1,422 ( இன்று 106)

தேனி – 2,899 ( இன்று 165)

திருப்பத்தூர் – 659 ( இன்று 60)

திருவள்ளூர் – 10,210 ( இன்று 430)

திருவண்ணாமலை – 4,444 ( இன்று 210)

திருவாரூர் – 1,059 ( இன்று 45)

தூத்துக்குடி – 4,241 ( இன்று 327)

திருநெல்வேலி – 2,972 ( இன்று 120)

திருப்பூர் – 567 ( இன்று 29)

திருச்சி – 2,686 ( இன்று 213)

வேலூர் – 4,359 ( இன்று 137)

விழுப்புரம் – 2,501 ( இன்று 105)

விருதுநகர் – 4,287 ( இன்று 363)

திருமணமான பெண்களை குறிவைத்து லட்சக்கணக்கில் மோசடி செய்த 23 வயது இளைஞன்!

Quick Share

தொழிலதிபர் என கூறி பல லட்சம் கோடி ரூபாய் மோசடி செய்த இளைஞரை பொலிசார் கைது செய்து விசாரணை மேற்கொண்ட போது, பல திடுக்கிடும் தகவல்கள் வெளியாகியுள்ளன. ஐக்கிய அரபு அமீரகத்தின் துபாயில் மென்பொறியாளராக பணியாற்றி வந்தவர் உதயகுமார். இவர் சில மாதங்களுக்கு முன்பு சென்னை திரும்பியுள்ளார். தற்போது கொரோனா காரணமாக வெளிநாட்டில் இருந்து வருபவர்கள் தனிமைப்படுத்தப்படுவதால், உதயக்குமார் ஹோட்டல் ஒன்றில் தனிமைப்படுத்தப்பட்டுள்ளார். அப்போது அங்கு வண்ணாரப்பேட்டையை சேர்ந்த விக்னேஷ் என்ற 23 வயது நபர் அறிமுகமாகியுள்ளார்.

விக்னேஷ், உதயகுமாரிடம் தான் ஒரு தொழிலதிபர், குடிநீர் விற்பனை மற்றும் குடிநீர் சுத்திகரிப்பு உபகரணங்கள் விற்பனை செய்வதாகவும், பல கோடி ரூபாய் வருமானம் வருவதாகவும் கூறியுள்ளார். இதையடுத்து, சில நாட்களில் இருவரும் வீடு திரும்பியுள்ளனர். உதயகுமார் வீட்டுக்கு அடிக்கடி வந்த விக்னேஷ், தன்னுடன் இணைந்து தொழில் செய்தால், லாபத்தில் பங்கு தருவதாக உதயகுமாரிடம் கூறியுள்ளார். அதை நம்பி, 12 லட்சம் ரூபாய் வரை உதயகுமார் கொடுத்துள்ளார். அதன் பின் விக்னேஷ் தலைமறைவானார். அவரது செல்போன் எண்ணும் சுவிட்ச் ஆப் செய்யப்பட்டு இருந்தது.

இதனால், இது குறித்து வேளச்சேரி காவல் நிலையத்தில் உதயகுமார் புகார் கொடுக்க, தலைமறைவாக இருந்த விக்னேஷை பொலிசார் தனிப்படை அமைத்து நேற்று முன் தினம் கைது செய்தனர். கைது செய்த விக்னேஷிடம் பொலிசார் மேற்கொண்ட விசாரணையில் பல திடுக்கிடும் தகவல்கள் வெளியாகியுள்ளது. இது குறித்து பொலிசார் கூறுகையில், பத்தாம் வகுப்பு வரை மட்டுமே படித்துள்ள விக்னேஷ், ஆங்கிலம் சரளமாக பேசுவதால் பிபிஓ நிறுவனத்தில் வேலை கிடைத்துள்ளது.

இவர், டிக்டாக் செயலியில் அதிகளவில் தனது வீடியோக்களை பதிவேற்றம் செய்துள்ளார். இதை பல பெண்கள் லைக் செய்துள்ளனர். அவ்வாறு தனது வீடியோவை லைக் செய்யும் பெண்களுடன் சாட்டிங் செய்வது இவரது வழக்கம். அதன்படி, பல பெண்களிடம் தொடர்பு எண்ணை பெற்று, பழகி வந்துள்ளார். ஆங்கிலத்தில் சரளமாக பேசுவதாலும், தன்னை வசதியானவர் என கூறியதாலும் பலர் இவரது வலையில் விழுந்தனர். இவர்களில் வசதியான பெண்களை தெரிவு செய்து, அவர்களிடம், வெளியில் சென்றபோது சிறிய விபத்து, மருத்துவமனையில் சிகிச்சைக்காக அனுமதிக்கப்பட்டுள்ளேன்.

அவரமாக பணம் தேவை. உங்களிடம் இருந்தால் கொடுங்க. வீட்டுக்கு வந்து, திருப்பி கொடுத்து விடுகிறேன், என கூறி பலரிடம் லட்சக்கணக்கில் மோசடி செய்துள்ளான். குறிப்பாக, வெளிநாட்டில் வேலை செய்பவர்களின் மனைவிகள் இங்கு தனியாக இருப்பது தெரிந்தால், அவர்களுக்கு வேண்டியதை செய்வது போல் நடித்து, பலரிடம் பணம் பறித்துள்ளான். சென்னை மட்டுமின்றி வேலூர், பெங்களூரு உள்ளிட்ட பல பகுதிகளில் உள்ள பெண்கள் இவனிடம் ஏமாந்துள்ளதாக பொலிசார் கூறினர்.

மேலும், வெளி மாநிலங்களில் உள்ள பெண்களை சந்திக்க செல்லும்போது, டிப்டாப் உடை மற்றும் கவரிங் நகைகளை அதிகளவில் அணிந்து, விமானத்தில் செல்வது இவரது வழக்கம். ஒவ்வொறு பெண்ணிடமும் ஒவ்வொறு செல்போன் எண்ணில் பேசியுள்ளார். ஒரு பெண்ணை ஏமாற்றியதும், அந்த சிம்கார்டை தூக்கி வீசுவதை வழக்கமாக கொண்டுள்ளான்.

பாதிக்கப்பட்ட சில திருமணமான பெண்கள் பொலிசாரை தொடர்பு கொண்டு, தங்கள் கணவருக்கு தெரியாமல் பணத்தை கொடுத்தோம். அவருக்கு தெரிந்தால் குடும்பத்தில் பிரச்னை ஏற்பட்டு, வாழ்கை பாதிக்கப்படும் என்ற பயத்தில் புகார் கொடுக்க முன்வரவில்லை. இதுபோன்ற நபர்களுக்கு கடுமையான தண்டனை வாங்கித்தர வேண்டும் என கூறியுள்ளனர்.

கைது செய்யப்பட்ட விக்னேஷிடம் இருந்த 3 லட்சம் ரூபாயை பறிமுதல் செய்துள்ள பொலிசார், அவரை நீதிமன்றத்தில் ஆஜர்படுத்தி சிறையில் அடைத்துள்ளனர். தொடர்ந்து விசாரணை மேற்கொண்டால், இன்னும் வேறு என்ன? பித்தலாட்டம் எல்லாம் செய்தான் என்பது தெரியவரும்.




You cannot copy content of this Website