லைப்ஸ்டைல்

24 மணிநேர உண்ணாவிரதம் நல்லதா?

Quick Share

ஒரு நாள் முழுவதும் உணவு உட்கொள்ளாமல் உண்ணாவிரதம் இருந்தால், உடல்நிலை பாதிக்கப்படுமா என்பதை இந்த பதிவில் தெரிந்து கொள்ளலாம். நாள் முழுவதும் உண்ணாவிரதம் மேற்கொண்டால் உடலில் பல்வேறு விளைவுகள் ஏற்படுவதுடன், குறிப்பாக ஆற்றலை பயன்படுத்தும் வழிமுறையில் தாக்கம் ஏற்படுகின்றது.

அதிகப்படியாக கலோரிகள் நிறைந்த டயட்டை பின்பற்றுவதால் நாள்பட்ட வளர்சிதை மாற்ற அழற்சி நோய்க்குறி ஏற்படும் என்றும், பார்க்கின்ஸன், அல்சைமர் போன்ற பல தொற்றா நோய்கள் வருவதற்கு இதுதான் அடிப்படை காரணமாக இருப்பதாகவும் கூறப்படுகிறது.

சமீபத்தில் நடைபெற்ற ஆய்வு ஒன்றில், இதில் கலந்து கொண்ட தன்னார்வலர்களை 500 Kcal நிறைந்த உணவை சாப்பிட வைத்து, அடுத்த 24 மணி நேரத்திற்கு அவர்களை எந்த உணவும் சாப்பிடாமல் விரதம் இருக்க வைத்துள்ளனர்.

பின்பு அடுத்த நாள் மீண்டும் அவர்களுக்கு 500 Kcal உணவுகள் அளிக்கப்பட்டு ரத்த மாதிரிகளை சோதனை செய்து பார்த்த போது, விரதம் இருக்கும் சமயத்தில் இண்டர்லூகின் 6 பீட்டா குறைவாகவும் அராக்கிடோனிக் ஆசிட் அதிகமாக இருப்பதும் தெரிய வந்தது.

அதாவது இரண்டு பயோகெமிக்கல் மாறுதல்கள்தான் விரதம் இருக்கும் சமயத்தில் வளர்சிதை மாற்ற அழற்சியை குறைப்பதற்கு காரணமாக இருந்துள்ளது.

ஒருவர் விரதம் இருந்தாலும் இல்லாவிட்டாலும், அவருடைய உடலுக்கு சக்தி தேவை. இதன் முக்கிய ஆதாரமான குளுக்கோஸ் என அழைக்கப்படும் சர்க்கரை, பொதுவாக தானியங்கள், பால் பொருட்கள், பழங்கள், காய்கறிகள், பீன்ஸ் மற்றும் இனிப்புகள் போன்ற கார்போஹைடரேட் நிறைந்த உணவுகளிலிருந்து கிடைக்கின்றன.

உடம்பிற்கு தேவைப்படும் ஆற்றலை ரத்தத்தில் உள்ள குளுக்கோஸ் சரியாக அளிக்கையில், கல்லீரலும் தசைகளும் கூடுதல் குளுக்கோஸை க்ளைகோஜன் என்ற வடிவத்தில் சேமித்துக் கொண்டு, உடம்பிற்கு தேவையான தருணத்தில் ரத்தத்தில் வெளியேற்றுகின்றது.

ஆனால் விரதம் இருக்கும் போது இந்த நடைமுறையில் மாற்றம் ஏற்படுகிறது. கல்லீரல் தன்னிடம் இருக்கும் அனைத்து க்ளைக்கோஜனையும் 18 முதல் 24 மணி நேரம் வரை பயன்படுத்துகிறது.

ஆம் உடலுக்குள் கார்போஹைட்ரேட் வராததால், கொழுப்பை பயன்படுத்தி தனக்கான குளுக்கோஸை உடல் உருவாக்குகின்றது. ஒரு கட்டத்தில் இந்த ஆற்றல் தீர்ந்து போனால், அந்த விரதநிலை தீவிரமாக மாறிவிடுகின்றது.

இந்த சமயத்தில் குறிப்பிட்ட நபரின் மெட்டபாலிஸம் மெதுவாகி, உடல் தனக்கான ஆற்றலுக்காக அவரின் தசைகளை எரிக்க தொடங்குகிறது.

ஆனால் 24 மணி நேர உண்ணாவிரதம் எடுப்பவர்கள் வேறு எந்த உடல்நலக் கோளாறு இல்லாமல் இருந்தால், தாராளமாக உண்ணாவிரதம் மேற்கொள்ளலாம் என்றும் எந்தவொரு ஆபத்தும் இல்லை என மருத்துவர்கள் கூறியுள்ளனர்.

சின்னஞ்சிறு விதையில் கொட்டிக்கிடக்கும் மருத்துவ நன்மைகள்!

Quick Share

தெற்கு மற்றும் தென்மேற்கு ஆசியாவைத் தாயகமாக கொண்ட மூலிகை தாவரமானது கருஞ்சீரகம், மரணத்தை தவிர அனைத்திற்கும் மருந்துண்டு என குறிப்பிட்டுள்ளார் நபிகள் நாயகம். உச்சந்தலை முதல் உள்ளங்கால் வரை உடலின் அனைத்து பாகங்களுக்குமான மருந்து இதில் உண்டு என்ற பெருமை கொண்டது கருஞ்சீரகம். நோய் எதிர்ப்பு சக்தியை அதிகரிக்கக்கூடிய Thymoquinone, என்ற வேதிப்பொருள் கருஞ்சீரகத்தில் உண்டு, கெட்ட கொழுப்பை கரைத்து நல்ல கொழுப்பை அதிகரிக்கக்கூடியது.

ஆஸ்துமா சுவாசப் பிரச்சனைகள், இதயநோய், புற்றுநோயை குணப்படுத்தக்கூடிய சக்தி வாய்ந்தது கருஞ்சீரகம். 

சின்னஞ்சிறு கருமை நிறம் கொண்ட இந்த விதையில் ஏராளமான மருத்துவ குணங்கள் கொட்டிக்கிடக்கின்றன.

செரிமான சக்தியை அதிகரித்து வயிற்றுப்போக்கு, அஜீரணம் போன்ற பிரச்சனைகளுக்கு மருந்தாகிறது.

வெந்நீர் கொண்டு கருஞ்சீரகத்தை அரைத்து தலைவலிக்கும், மூட்டு வீக்கத்துக்கும் பற்றுப்போட்டால் சரியாகிவிடும்.

கருஞ்சீரகப்பொடியை நீராகாரத்துடன் 3ல் இருந்து 7 நாட்கள் காலையிலும் மாலையிலும் சாப்பிட்டு வந்தால் விஷப்பூச்சிக்கடி சரியாகும். 

50 மிலி தேங்காய் எண்ணெயில் ஒரு டீஸ்பூன் கருஞ்சீரகப்பொடியை போட்டு சூடாக்கி இரண்டு சொட்டு மூக்கில்விட்டால் மூக்கடைப்பு சரியாகும்.

ஒரு டீஸ்பூன் கருஞ்சீரகப்பொடியை வெந்நீர், தேன் கலந்து பருகினால் சிறுநீரக கற்கள், பித்தப்பை கற்கள் கரையும், காலை மற்றும் மாலை என இரண்டு வேளைகள் சாப்பிட வேண்டும்.

ஒரு டீஸ்பூன் கருஞ்சீரக பொடியுடன் பனைவெல்லம் சேர்த்து சாப்பிட்டு வர பிரசவத்திற்கு பின்னர் கருப்பையில் சேரும் அழுக்குகள் நீங்கும்.

கருஞ்சீரகத்தை தேன் கலந்து வெறும் வயிற்றில் சாப்பிட்டு வந்தால் மூளையின் செயல்பாடு அதிகரிக்கும், நினைவாற்றல் பெருகும்.

புதினா இலைகளுடன் கருஞ்சீரகத்தை சேர்த்து பயன்படுத்தி வர அல்சைமர் நோய்க்கு மருந்தாகும்.

ஒரு கப் தயிரில் அரை டீஸ்பூன் கருஞ்சீரக எண்ணெய் கலந்து தினமும் இரண்டு முறை பற்களில் தேய்த்து வர பல் தொடர்பான பிரச்சனைகள் சரியாகும்.

பெண்கள் மெட்டி அணிவதன் ரகசியம் தெரியுமா?

Quick Share

தொன்று தொட்டு திருமணமான பெண்கள் காலில் மெட்டி அணிவதை வழக்கமாக வைத்திருக்கின்றனர். திருமணமான பெண்கள் கட்டாயம் காலில் மெட்டி அணியவேண்டும் என்பதை நமது முன்னோர்கள் கட்டாயமாக வழியுறுத்தியுள்ளார்கள். இதற்கு என்ன காரணம் என்பது குறித்து எப்போதாவது சிந்தித்திருக்கின்றீர்களா?

இது வெறுமனே அழகுக்காகவோ அல்லது சம்பிரதாயத்துக்காகவோ மாத்திரம் அணியப்படுவது கிடையாது இதன் பின்னால் துள்ளியமான அறிவியல் காரணம் மறைந்திருக்கின்றது.இது தொடர்பில் தெளிவாக இந்த பதிவில் பார்க்கலாம்.

பொதுவாக தமிழ் பெண்கள் திருமணமானவர்கள் என்பதை உணர்த்துவதும் ஒர் அடையாளமாக மெட்டி பார்க்கப்படுகின்றது. 

பெண்களது கர்ப்பப்பையின் முக்கிய நரம்புகள் கால் விரல்களிலேயே இருக்கிறது. வெள்ளியில் மெட்டி அணிவதால் வெள்ளியில் இருக்கும் ஒருவித காந்த சக்தி கால் நரம்புகளில் ஊடுருவுவதால் கர்ப்பப்பை பலமடைவதுடன் உடலில் நோய் எதிர்ப்பு சக்தியும் அதிகரிக்கின்றது.

குறிப்பாக கர்ப்பப்பை நோய்களை கட்டுப்படுத்துவதில் மெட்டி முக்கிய இடம் வகிக்கின்றது. பெண்கள் மெட்டியை பெருவிரலில் இருந்து இரண்டாவது விரலில் அணிவதன் மூலம் கர்ப்பப்பை ஆரோக்கியமாகவும், கர்ப்பப்பையில் இரத்த ஓட்டம் சீராகவும் பாதுகாக்கப்படுவதாக அறிவியல் ஆய்வுகள் குறிப்பிடுகின்றது.

நமது முன்னோர்கள் எப்போதுமே அறிவியலும் ஆன்மீகமும் கலந்த விசயங்களையே அறிமுகம் செய்கின்றனர். ஒரு போதும் தகுந்த காரணமின்றி எந்த கட்டுப்பாடுகளும் விதிக்கபபடுவதில்லை.

கர்ப்பத்தின்போது உருவாகும் மயக்கம், வாந்தி போன்றவற்றை குறைக்கவும் கருப்பையின் நீர் சமநிலையை பேணுவதற்கும் காலில் அணிந்திருக்கும் மெட்டி துணைப்புரிகின்றது.

கால் விரலில் அணியும் மெட்டி நாம் நடக்கையில் பூமியுடன் அழுத்தப்படுவதால் நமது உடலில் இருக்கும் ஆரோக்கியம் சார்ந்த பிரச்சினைகள் குறிப்பாக கர்ப்பிணி பெண்களது உடல் பிரச்சினைகளை இது சரிசெய்கின்றது.

ஆகையால் பெண்கள் காலில் மெட்டி அணிவது சிறந்த ஆரோக்கியத்தை கொடுக்கின்றது. இதுவே திருமணமான பெண்கள் காலில் மெட்டி அணியவதன் அறிவியல் காரணமாகும்.

மதுவை விட அதிகமாக கல்லீரலை பாதிக்கும் உணவுகள்!

Quick Share

கல்லீரல் நமது உடலின் ஒரு முக்கிய அங்கமாகும். இது நம் உடலில் பல விஷயங்களைச் செய்கிறது. அதனால்தான் கல்லீரல் ஆரோக்கியமாக இருப்பது மிகவும் முக்கியம். நாம் ஆரோக்கியமாக இருப்பதற்கு தேவையான உணவை ஜீரணிக்க கல்லீரல் உதவுகிறது. அத்தகைய கல்லீரலை பாதிக்கும் உணவுகளை தவிர்த்தால், உங்களின் ஆரோக்கியம் மேம்படும். சில உணவுகள் மனித கல்லீரலுக்கு தீங்கு விளைவிக்கும்.

அதனால்தான் அவற்றைத் தவிர்க்க வேண்டும் என வைத்தியர்களால் அறிவுறுத்தப்படுகின்றது. இவ்வாறு கல்லீரலை பாதிக்கும் உணவுகள் குறித்து இந்த பதிவில் பார்க்கலாம்.

வெண்ணெய்

பொதுவாகவே வெண்ணெயில் அதிக அளவு கொழுப்பு நிறைந்துள்ளது. கல்லீரல் இந்த கொழுப்பை வடிகட்ட அதிகமாக வேலை செய்கின்றது. இதனால் கல்லீரல் விரைவில் சோர்வடையும் போது அது கல்லீரலின் ஆரோக்கியத்தை பெரிதும் பாதிக்கும்.

இனிப்புகள்

இனிப்பு உணவுகளை உடைக்க கல்லீரல் கடினமாக வேலை செய்யும். இனிப்பு உணவுகளை அதினமாக சாப்பிடுவது கல்லீரல் பாதிப்பு மற்றும் உடல் எடை அதிகரித்தல் போன்ற பிரச்சினைகளை தோற்றுவிக்கும்.

கல்லீரல் ஆரோக்கியத்ததை பாதுகாக்க இனிப்பு உணவுகளை குறைத்துக்கொள்ள வேண்டியது மினவும் அவசியம்.

பிரெஞ்சு பொரியல்

பொதுவாகவே கொழுப்பு நிறைந்த உணவுகள் கல்லீரலை வலுவாக பாதிக்கும். குறிப்பாக பிரெஞ்ச் பொரியல்களை தொடர்ந்து சாப்பிட்டால் கல்லீரலில் கொழுப்பு சேர ஆரம்பித்து வீக்கத்தை ஏற்படுத்தும்.

இது நாளடைவில் பாரிய கல்லீரல் பாதிப்பை ஏற்படுத்தும். இதனால் இந்த உணவுகளை முற்றாக தவிர்ப்பது கல்லீரல் ஆரோக்கியத்துக்கு மிகவும் இன்றியமையாதது.

பெப்பரோனி பெப்பரோனி போன்ற பதப்படுத்தப்பட்ட இறைச்சிகளில் கொழுப்பு நிறைந்து காணப்படும்.இதனை தினமும் சாப்பிடுவது கல்லீரலுக்கு பாரிய பாதிப்பை ஏற்படுத்தும்.

இரவு 8 மணிக்கு மேல் என்ன சாப்பிடலாம்?

Quick Share

ஆரோக்கியமாக இருக்க இரவு உணவை சீக்கிரம் முடித்துவிட வேண்டும் என்பது பரவலாக அறியப்படும் விஷயமாகும். மிக முக்கியமாக, இரவு 8 மணிக்குள் உணவை முடித்துவிட வேண்டும் என்று கூறப்படுகிறது. ஆனால் சில உணவு வகைகளை இரவு 8 மணிக்கு மேல் சாப்பிடலாம் என்கின்றனர் நிபுணர்கள். செர்ரி, பாதாம், கிவி, பாலாடைக்கட்டி, தானியங்கள், டார்க் சாக்லேட் மற்றும் வாழைப்பழம் ஆகியவற்றை இரவில் சாப்பிடலாம் என்று மருத்துவ வல்லுநர்கள் தெரிவித்துள்ளனர்

சிறுநீரை கட்டுப்படுத்தும் பழக்கம் இருக்கா? அப்போ இந்த ஆபத்து உறுதி

Quick Share

பொதுவாகவே இயற்கையாக நடைபெறும் எந்த விடயத்தை கட்டுக்குள் வைக்க நினைத்தாலும் இது பெரும் பாதக விளைவை ஏற்படுத்தும் என்பது அனைவரும் அறிந்ததே. 

அந்த வகையில் உடலில் நடைபெரும் இயல்பான விடயம் தான் சிறுநீர் கழிக்க வேண்டிய தேவை ஏற்படுவது. சிறுநீர் கழிக்க வேண்டும் என மூளை சமிஞ்சை கொடுத்த பின்னரும் அதனை கட்டுப்படுத்தி வைக்கும் பழக்கம் நம்மில் பலருக்கும் காணப்படுகின்றது.இந்த பழக்கம் மிகவும் ஆபத்தானது என்றும் இதனால் பல்வேறு உடல்நல பாதிப்புக்களை எதிர்கொள்ள நேரிடும் எனவும் மருத்துவர்கள் எச்சரிக்கின்றனர். 

பாதக விளைவுகள்

சிறுநீர்ப்பை பலூன் போன்றது. இதில் சிறுநீர் நிரம்பியவுடன் நிறுநீர் கழிக்க வேண்டும் என்ற தேவை உடலுக்கு ஏற்படுகின்றது. 

இப்போது அதனை நாம் கட்டுப்படுத்தி வைக்க முயற்சித்தால் சிறுநீர்ப்பை விரிவடைய ஆரம்பிக்கும் இதனால் சிறுநீர் சுவர்களில் அழுத்தம் ஏற்படும். இது சிறுசீரகத்தில் பல்வேறு பாதிப்புக்கள் ஏற்பட காரணமாக அமையும். 

 இவ்வாறு சிறுநீரை அடிக்கடி கட்டுப்படுத்தி வைத்தால்  சிறுநீர் பாதையில் கிருமி தொற்றுக்கள் ஏற்பட அதிகமான வாய்ப்புக்கள் காணப்படுகின்றது. 

இது மட்டுமன்றி சிறுநீரக செயலிழப்பு ஏற்படுவதற்கான வாய்ப்புகளும் அதிகரிக்கின்றது. குறிப்பாக சிறுநீர்ப்பை என்பது ஒரு தசை. அதனை காலி செய்ய வேண்டும் என்ற நிலையில் அதனை ஒருபோதும் புறக்கணிக்க கூடாது. இதனால் சிறுநீரக தசைகள் பாதிப்படையும். 

சிறுநீரை தொடர்ச்சியாக கட்டுப்படுத்தி வைப்பதனால் சிறுநீரகத்தின் கட்டுப்படுத்தும் திறன்  முற்றிலும் இல்லாமல் போக நேரிடும்.மேலும் சிறுநீர்ப்பையானது இயற்கையான முறையில் தன்னை காலி செய்து கொள்ளக்கூடிய திறனையும்  இழந்துவிடும். இதனால் சிறுநீரக செயலிழப்பு அபாயம் அதிகரிக்கின்றது. 

 

இறாலோடு இந்த உணவுகளை சேர்த்து சாப்பிட்டால் உயிருக்கு ஆபத்து!

Quick Share

கடலுணவான இறாலை எல்லோருக்கும் பிடிக்கும். இறாலில் தொக்கு, குழம்பு, பிரியாணி என பல வகையாக செய்து உண்டிருப்போம். கடல் உணவுகளிலேயே இறால் மிகவும் சுவையானது. ஆனால் இந்த சுவைமிக்க இறாலோடு குறிப்பிட்ட சில உணவுளை சேர்த்து உண்ணக்கூடாது. அந்த உணவோடு உண்பதால் உடலில் பல பிரச்சனைகள் உண்டாக்குவதுடன், இது உயிருக்கே ஆபத்தாகிவிடும். அவ்வாறான உணவுகளை இந்த பதிவில் பார்க்கலாம்.

1. இறாலில் புரதம் நிரம்பி உள்ளது. பாலில் கல்சியம் உள்ளது. இதனால் பால் மற்றும் இறாலை இரண்டையும் சேர்த்து உண்பதால் வயிற்றின் செரிமான பிரச்சினையும், வயிற்றுப் போக்கும் ஏற்படுகின்றது.

2. காரமான பொருட்களை இறாலோடு சேர்த்து உண்டால் காரப்பொருட்களில் உள்ள அதிகமான வெப்பம் இறாலின் சுவையை மட்டுப்படுத்தும். இது வயிற்றின் மென் படலத்தில் எரிச்சலை உண்டாக்கி உணவு செரிமானத்தில் கோளாறுகளை உண்டாக்கும்.

3. இரும்புச்சத்து நிறைந்த உணவுகளை இறாலுடன் சேர்த்து உண்ண கூடாது. இறாலில் இரும்புச்சத்து நிறைந்து காணப்படுகின்றது. அதனால் சிவப்பு இறைச்சி மற்றும் கீரைகளை போன்ற உணவுகளை இறாலுடன் சேர்க்க கூடாது. இதனால் இரும்புச்சத்து உடலுக்கு கூடுதலாக கிடைக்கும் போது பக்க விளைவை உண்டாக்கும்.

4.சிட்ரஸ் பழங்களை இறாலுடன் சேர்த்து உண்ணும் போது செரிமான கோளாறுகளை இது ஏற்படுத்தும். சிட்ரஸ் பழத்தில் உள்ள அஸிடிட்டி இறாலில் இருக்கும் புரதத்தோடு சேரும் போது அது செரிமானப்பிரச்சனையையும், வயிற்றுப் போக்கையும் ஏற்படுத்துகின்றது.

கல்லீரலை பாதுகாக்க உதவும் 4 விடயங்கள்- மருத்துவர் கூறும் விளக்கம்

Quick Share

மனித உடலில் அதிக எடையுள்ள உறுப்பும், மிகப்பெரிய சுரப்பியும் கல்லீரலே ஆகும்.

கல்லீரல், உடலியக்கத்திற்குத் தேவையான பற்பல வேதிப்பொருட்களை உருவாக்கித் தருகின்றன.

சில வாழ்க்கைமுறை மாற்றங்களால் கல்லீரல் சார்ந்த பிரச்சனைகள் அதிகரித்து வருகின்றன.

அந்தவகையில், கல்லீரலை பாதுகாக்க உதவும் 4 விடயங்கள் குறித்து மருத்துவர் கார்த்திகேயன் விளக்கமளித்துள்ளார்.

மருத்துவர் கூறும் விளக்கம்

1. சைக்கிள் ஓட்டுதல் , நீச்சல் பயிற்சி, வேகமாக நடைப்பயிற்சி, ஓடுதல் போன்றவை அன்றாடம் செய்யவேண்டும். ஜிம்மிற்கு செல்பவராக இருந்தால் அங்கு உடற்பயிற்சிகளை செய்யலாம்.

2. அன்றாடம் குடிக்கும் டீ, காபியில் உள்ள பாலிபினால் சத்துக்கள் கல்லீரலை பாதுகாக்க உதவுகின்றன. ஒரு நாளைக்கு 2 முறை காபி குடிக்கலாம். இந்த சத்துக்கள் பல்வேறு பழங்களிலும் உள்ளது.

3. தினமும் நன்றாக தூங்கச்செய்வதால் இது கல்லீரலை பாதுகாக்குகிறது. குறைந்தபட்சம் 7 மணி நேரமாவது ஒரு நாளைக்கு நன்றாக தூங்க வேண்டும்.

4. உங்கள் பரம்பரையில் யாரேனும் ஒருத்தருக்கு கல்லீரல் பிரச்சனைகள் இருந்தால் உங்களுக்கும் வர வாய்ப்புகள் உள்ளது. அதற்காக முன்கூட்டியே சில பரிசோதனைகளை மேற்கொள்வது மிகவும் நல்லது.      

நாள்பட்ட நோய்களுக்கு மருந்தாகும் மாதுளம் பழ தோல் டீ!

Quick Share

பொதுவாக குளிர்காலங்களில் இருமல், சளி பிரச்சினை வர வாய்ப்புக்கள் இருக்கின்றது. இதனை எப்படியாவது சரி செய்து விட வேண்டும் என சிலர் மாத்திரைகள் எடுத்து கொள்வார்கள். ஆனால் மாத்திரைகளை விட வீட்டிலுள்ள பொருட்களை கொண்டு வைத்தியம் செய்வதால் நிரந்தர தீர்வை பெற்றுக் கொள்ளலாம். அப்படியாயின் இருமல், சளி பிரச்சினையை விரட்டியடிக்கும் மாதுளைப்பழ டீ பற்றி கேள்விப்பட்டிருப்பீர்கள். மாதுளைப்பழ டீ பற்றி கேள்விப்பட்டிருப்பீர்கள்.

மாதுளை தோலை வெயிலில் நன்றாக உலர அதனை கொண்டு டீ போட்டு குடித்தால் இருமல் பிரச்சினைக்கு ஒரு தீர்வை பெற்றுக் கொள்ளலாம்.

அந்த வகையில் மாதுளம் பழ தோல் டீ எப்படி செய்யலாம் என தொடர்ந்து தெரிந்து கொள்வோம்.

தேவையான பொருட்கள்

தண்ணீர் – ஒரு லிட்டர்

மாதுளை தோல் – மூன்று இன்ச்

தேன்- ஒரு தேக்கரண்டி

செய்முறை

முதலில் நன்றாக நீரை கொதிக்க விடவும். பின்னர் அதில் மாதுளை தோலை போட்டு நன்றாக கொதிக்க விடவும்.

கொதித்த பின்னர் டம்பளரில் ஊற்றி பரிமாறலாம். நாள் முழுவதும் கூட குடிக்கலாம். சுவை தேவை என்றால் கொஞ்சமாக தேன் கலந்து கொள்ளலாம்.

முக்கிய குறிப்பு

மாதுளை தோல் நன்றாக காய வைக்கப்பட்டதாக இருப்பது முக்கியம். இதனை போத்தல்களில் அடைத்து வைத்து களஞ்சியப்படுத்தலாம்.

வியர்வை துர்நாற்றத்தை நிரந்தரமாக விரட்டியடிக்கும் 5 முக்கிய பொருட்கள்!

Quick Share

பொதுவாக சிலர் காலையில் எழுந்து சந்தோசமாக குளித்து விட்டு, வீட்டிலுள்ள அனைத்து வாசணை திரவியங்களை பூசிக் கொண்டு வெளியில் செல்வார்கள். வெளியில் சென்று 30 நிமிடங்கள் கூட இருக்காது. வியர்வை வாடை வர ஆரம்பித்து விடும். நாம் காலையிலிருந்து செய்த அத்தனை காரியங்களை மண்ணோடு மண்ணாக மாற்றி விடுகிறது இந்த வியர்வை துர்நாற்றம். வியர்வை ஏற்படுத்தும் சுரப்பிகள் எக்ரைன், அபோக்ரைன் என அழைக்கப்படுகின்றன.

இதில், உடலின் பல பகுதிகளில் முகம், கை, கால்,நெஞ்சு பகுதிகளில் சுரக்கும் சுரப்பி எக்ரைன் என்று அழைக்கப்படுகிறது. அத்துடன் அக்குள்,நெஞ்சுப்பகுதி, பிறப்புறுப்பு பகுதியில் அபோக்ரைன் சுரப்பி சுரக்கிறது.

இது பருவமடைந்தவர்கள் மட்டுமே ஏற்படும் ஆனால் துர்நாற்றம் ஏற்படாது. இவ்வாறு சுரக்கப்படும் வியர்வையில் கொழுப்பு, புரதங்களுடன் கெட்ட பாக்டீரியாக்கள் இணைந்து தான் கடுமையான துர்நாற்றத்தை ஏற்படுத்துகின்றன. இப்படியொரு பிரச்சினை இருக்கும் நபர் எவ்வளவு தான் வாசணை திரவியங்கள் போட்டாலும் வியர்வை சரியாகாது.

ஆகவே வீட்டிலுள்ள பொருட்களை கொண்டு வைத்தியம் செய்வதால் மாத்திரமே கட்டுபடுத்த முடியும். அந்த வகையில், துர்நாற்றத்தை கட்டுக்குள் வைக்கும் பொருட்கள் என்னென்ன என்பதனை தொடர்ந்து பார்க்கலாம்.

1. தினமும் இரண்டு முறை உங்கள் உடம்பை சரிவர கழுவுங்கள். பின்னர் அக்குள் பகுதிகளில் தண்ணீர் தேங்கியில்லாமல் நன்றாக உலர்த்திய பின்னர் ஆடைகளை அணியுங்கள். இப்படி செய்வதால் அக்குளில் இருந்து வரும் துர்நாற்றத்தை கட்டுக்குள் வைக்கலாம்.

2. குளிப்பதற்கு முன்னர் குளிக்க வைத்திருக்கும் தண்ணீரில் எலுமிச்சைப் பழத்தை பிழிந்து வைத்து விட்டு குளிக்க வேண்டும். எலுமிச்சைப்பழம் கலந்து குளிப்பதால் உடலில் இருக்கும் பாக்டீரியாக்கள் நீங்கும்.

3. சந்தன பொடி+ரோஸ் வாட்டர் இரண்டையும் கலந்து இரவு படுக்கைக்கு செல்லும் முன்னர் அக்குளில் தடவி வர வேண்டும். இப்படி செய்வதால் வியர்வை மணம் நீங்கி சந்தனத்தின் மணம் கமகமக்கும்.

4. வெளியில் செல்லாத நேரங்களில் கிழங்கு மஞ்சளை உரசி, அதனை அக்குளில் தடவி வைத்து விட்டு குளிக்கலாம். மஞ்சளில் இருக்கும் பதார்த்தங்கள் வியர்வை சுரப்பியில் பாக்டீரியாக்களை அழிக்கும்.

5. தயிர் மற்றும் ரோஸ் வாட்டர் இரண்டையும் குழைத்து அக்குளில் தடவி விட்டு குளிக்கும் பொழுது பாசிப்பருப்பு மா பூசிக் குளிக்கவும். இப்படி செய்தால் வியர்வை மணம் நிரந்தரமாக செல்லும். இதனை வாரத்திற்கு இரண்டு முறை சரி செய்ய வேண்டும்.

6. அக்குளில் வாடை இருப்பவர்கள் கற்றாழையை எடுத்து அந்த பகுதிகளில் தடவி மசாஜ் செய்து வரலாம். இப்படி செய்வதால் அக்குளில் இருக்கும் வாடை நீங்குவதோடு கருமை மறையவும் வாய்ப்பு இருக்கின்றது.

7. பழுத்த தக்காளிகளை எடுத்து பேஸ்ட் செய்து குளிப்பதற்கு முன்னர் அக்குளில் தடவி விட்டு அரைமணி நேரத்திற்கு பின்னர் குளிக்கவும். இப்படி செய்வதால் வியர்வை துர்நாற்றம் நீங்கும்.

ஒற்றை தலைவலியை விரட்டியடிக்க இந்த ஒரு பொருள் போதும்!

Quick Share

பொதுவாக ஒற்றை தலைவலி பிரச்சினை வந்து விட்டால் ஒரு வேலையை கூட சரியாக பண்ண முடியாத நிலை வந்து விடும். இதனை சரிச் செய்ய ஆங்கில மருத்துவத்தை விட கை வைத்தியம் சிறந்தது. ஒற்றை தலைவலி சில நோய்நிலைமையின் அறிகுறியாகவும் இருக்கலாம். இதன்படி, ஒற்றை தலைவலி வந்தால் கொத்தமல்லி வைத்தியம் செய்வது நிரந்தர தீர்வை பெற்றுக் கொடுக்கும். இது போன்று, கொத்தமல்லி வேறு என்னென்ன நோய்களுக்கு மருந்தாக பயன்படுகின்றது என்பதனை தொடர்ந்து பார்க்கலாம்.

1. தலைச்சுற்றல் பிரச்சினையுள்ளவர்கள் கொத்தமல்லி, சந்தன சிராய்டுகள் மற்றும் நெல்லி வற்றல் ஆகியவற்றை சம அளவில் எடுத்து தண்ணீருடன் போட்டு பருகலாம்.

2. ஒற்றை தலைவலி பிரச்சினையுள்ளவர்கள் சந்தனம் மற்றும் கொத்தமல்லி, ஆகிய இரண்டையும் எடுத்து அரைத்து பற்றுப்போட்டால் தலைவலி குறையும்.

3. சிலருக்கு மாதவிடாயின் போது அதிகமான ரத்த போக்கு ஏற்படும். இது போன்ற நேரங்களில் மல்லி விதை- 50 கிராம், கசகசா விதை- 25 கிராம், கொத்தமல்லி குடிநீர் இவை மூன்றையும் கலந்து மோருடன் குடிக்க வேண்டும். அத்துடன் செரிமான பாதையும் சீராக இருக்கும்.

4. ரத்த அழுத்தம் உள்ளவர்கள் கொத்தமல்லி விதைகளை உணவில் கட்டாயம் சேர்க்க வேண்டும். ஏனெனின் இது பித்தத்தை தணிக்கும் ஆற்றல் கொண்டது.

5. மது, காபி, டீ இவற்றில் பிரியராக யாராவது இருப்பின் அவர்களுக்கு மல்லித்தூள் – 100 கிராம், மருதம்பட்டை பொடி – 50 கிராம், செம்பருத்தி பொடி -50 கிராம் இவை அனைத்தையும் ஒரு தேக்கரண்டி அளவு எடுத்து மிதமான சூடு தண்ணீரில் கலந்து குடித்தால் குடிவெறி நீங்கும். இந்த முறையை தான் எமது முன்னோர்கள் காலங்காலமாக செய்து வருகின்றனர்.

6. டீ, காபி அதிகமாக குடிப்பதால் உடலில் வேறு வேறு பிரச்சினைகள் அதிகமாக வர வாய்ப்பு இருக்கின்றது. இப்படியான பிரச்சினையுள்ளவர்கள் காலையில் சீரகம், உலர்ந்த துளசி இலை, கொத்தமல்லி விதைகள், தேன் – ஒரு தேக்கரண்டி இவை அனைத்தையும் கலந்து நீர் விட்டு குடிக்கலாம். இது உடலுக்கு ஆரோக்கியத்தை தரும்.

உடலுக்கு உற்சாகத்தை அள்ளித்தரும் தினை பருத்தி பால்!

Quick Share

அன்றாடம் உடல் அளவில் வேலை செய்பவர்களுக்கு அதிக சக்திகள் தேவை. உடற்பயிற்சிகள் செய்பவர்கள் சரியான உணவுமுறையை கடைப்பிடிக்க வேண்டும். இவ்வானறான விஷயங்களுக்கு ஏற்றதொரு பானம் எப்படி தயாரிப்பது என்பதை இந்த பதிவில் பார்க்கலாம். தினையில் அதிக புரதச்சத்தும் மாவுச்சத்தும் நிறைந்து உள்ளது. இந்த தினையை வைத்து உடலுக்கு ஊட்டம் தரக்கூடிய தினை பருத்தி பால் தயாரிப்பது எப்படி என்பதை பார்க்கலாம்.

தேவையான பொருட்கள்

தினை அரிசி மாவு- 50 கிராம்

பருத்தி விதை- 200 கிராம்

கருப்பட்டி- 150 கிராம்

உப்பு- 1 சிட்டிகை

ஏலக்காய்தூள்- சிறிது

சுக்குத் தூள்- சிறிது

செய்யும் முறை

பருத்தி விதையை 10 முதல் 12 மணி நேரம் வரை ஊறவைக்க வேண்டும். அதை நன்றாக அலசி எடுத்து கொள்ளுங்கள்.

அதில் உள்ள பஞ்சுகள் அனைத்தும் நன்றாக நீக்கி சுத்தமாக எடுத்து கொள்ள வேண்டும்.

பின்னர் அதை நன்றாக அரைத்து பால் பிளிந்து எடுத்து கொள்ள வேண்டும். பின்னர் கருப்பட்டியை நீரில் கரைத்து வடிகட்டி எடுத்த கொள்ள வேண்டும்.

அதனுடன் தினை பருத்தி பாலை ஊற்றி கொதிக்க வைக்க வேண்டும். நெருப்பு அதிகம் போடாமல் குறைத்து வைக்க வேண்டும். இதை 3 நிமிடம் கிளற வேண்டும்.

பின்னர் ஏலக்காய் தூள், சுக்குத்தூள் மற்றும் ஒரு சிட்டிகை உப்பு சேர்த்து தூவி இறக்கினால் தினை பருத்தி பால் தயார்.

தினமும் உடற்பயிற்சி செய்யும் போது அரை மணிநேரத்திற்கு முன்பு இந்த தினை பருத்தி பாலை குடித்து வந்தால் உடல் மிகவும் சுறுசுறுப்பாக இருக்கும்.




You cannot copy content of this Website