லைப்ஸ்டைல்

புற்றுநோயை தடுக்கும் பச்சை பயறு குழம்பு!

Quick Share

பச்சை பயறில் புரதச்சத்து அதிகமாக காணப்படுகின்றது. ஆரோக்கியத்தை தரக்கூடிய இதில் நார்ச்சத்து மிகுதியாக இருக்கின்றது. புற்றுநோய் செல்களின் வளர்ச்சியை கட்டுப்படுத்துவதிலும் பச்சை பயறு பெரும் பங்கு வகிக்கின்றது. மேலும் உயர் ரத்த அழுத்தம், ரத்தத்தில் சர்க்கரையின் அளவை குறைக்க கூடியதும், முடி உதிர்வை தடுக்க கூடியதுமாகும். வைட்டமின் ஏ, பி, இ உள்ளது. மெக்னீசியம், கால்சியம், இரும்பு சத்து அதிகளவில் காணப்படுகின்றது.

தினசரி உணவில் பச்சை பயறு சேர்த்துக் கொண்வதனால் பல்வேறு ஆரோக்கிய நன்மைகளை பெற முடியும். இவ்வவு மருத்துவ குணங்கள் நிறைந்த பந்சை பயறை கொண்டு எவ்வாறு பத்தே நிமிடத்தில் சுவையான குழம்பு செய்யலாம் என இந்த பதிவில் பார்க்கலாம். 

தேவையான பொருட்கள்

முளைக்கட்டிய பச்சை பயறு/ பச்சை பயறு – 1 கப்

சின்ன வெங்காயம் – 10

பூண்டு – 6 பல்

எண்ணெய் – 3 மேசைக்கரண்டி

சீரகம் – 1/2 தே.கரண்டி

பிரியாணி இலை – 1

கல்பாசி – 1 துண்டு

பெரிய வெங்காயம் – 1 (பொடியாக நறுக்கியது)

உப்பு – சுவைக்கேற்ப

இஞ்சி பூண்டு பேஸ்ட் – 1 தே.கரண்டி

தக்காளி – 2 (அரைத்தது)

மஞ்சள் தூள் – 1/4

மல்லித் தூள் – 2 தே.கரண்டி

குழம்பு மிளகாய் தூள் – 1 தே.கரண்டி

கரம் மசாலா – 1/2 தே.கரண்டி

தண்ணீர் – தேவையான அளவு

கொத்தமல்லி – 1 கைப்பிடி அளவு

செய்முறை

முதலில் சின்ன வெங்காயம் மற்றும் பூண்டு ஆகியவற்றை சுத்தம் செய்து தட்டிக் தனியாக எடுத்து வைத்துக்கொள்ள வேண்டும். 

அதன் பின்னர் அடுப்பில் குக்கரை வைத்து, எண்ணெய் ஊற்றி சூடானதும், அதில் சீரகம், பிரியாணி இலை, கல்பாசி ஆகியவற்றை போட்டு தாளித்துக்கொள்ள வேண்டும். 

பின்னர் அதனுடன் தட்டி வைத்துள்ள சின்ன வெங்காயம் மற்றும் பூண்டு சேர்த்து, பொன்னிறமாக மாறும் வரை நன்றாக வதக்கிக்கொள்ள வேண்டும். 

பின்னர் பொடியாக நறுக்கிய வெங்காயத்தை சேர்த்து சிறிது உப்பு தூவி, வெங்காயம் கண்ணாடி பதத்திற்கு வரும் வரை நன்றாக வதக்கிக்கொள்ள வேண்டும். 

பின்னர் அதனுடன் இஞ்சி பூண்டு பேஸ்ட் சேர்த்து பச்சை வாசனை போகும் வரையில் வதக்க வேண்டும்.

பின்னர் அதனுடன் அரைத்த தக்காளியை சேர்த்து மிதமான தீயில் வைத்து பச்சை வாசனை போகும் வரையில் நன்றாக வதக்கிக்கொள்ள வேண்டும். 

அதன் பின்னர் மஞ்சள் தூள், மல்லித் தூள், குழம்பு மிளகாய் தூள், கரம் மசாலா ஆகியவற்றை சேர்த்து நன்றாக கிளறி, மிதமான தீயில் வைத்து எண்ணெய் பிரியும் வரையில் நன்றாக வேக வைக்க வேண்டும். 

பின்னர் பச்சை பயறு அல்லது முளைக்கட்டிய பச்சை பயறை சேர்த்து நன்கு கிளறி விட்டு, தேவையான அளவு நீரை ஊற்றி, தேவையான அளவு உப்பு சேர்த்து ஒரு கொதி வந்ததும், கொத்தமல்லியைத் தூவி கிளறி, குக்கரை மூடி 3-4 விசில் விட்டு இறக்கினால் அவ்வளவு தான் ஆரோக்கிய நிறைந்த சுவையாக பச்சை பயறு குழம்பு தயார்.

நுரையீரலை இயற்கையாக சுத்தப்படுத்தும் மூலிகைகள்!

Quick Share

பொதுவாக தற்போது இருக்கும் நவீன மயமாக்கலினால் காற்று மாசுபடுதல் மிகப்பெரும் பிரச்சனையாக மாறியுள்ளது. இதனால் பூமியில் வாழும் விலங்குகளின் சுவாசம் பாதிக்கப்படுகின்றது. தொடர்ந்து மாசுப்பட்ட காற்றை மனிதர்கள் சுவாசிப்பதன் மூலம் அதிகமான நுரையீரல் கோளாறுகள் வருவதாக ஆய்வுகள் கூறுகின்றன.

இது போன்ற நேரங்களில் காற்றிலிருந்து எம்மை காத்துக் கொள்ள சீரான உடற்யிற்சி, சரிவிகித டயட் போன்றவை முக்கிய பங்கு வகிக்கின்றன. அதிலும் குறிப்பாக வாழ்க்கை முறை இன்றியமையாதது.

மூலிகை வடிவத்தில் கிடைக்கும் இயற்கை நிவாரணங்களை தொடர்ந்து எடுத்து கொண்டால் சுவாசம் தொடர்பான பிரச்சினைகளை கட்டுபாட்டிற்குள் கொண்டு வர முடியும். அந்த வகையில் இயற்கையாகவே நுரையீரலை சுத்தப்படுத்தும் மூலிகை பற்றி தொடர்ந்து தெரிந்து கொள்வோம். 

1. ஆயுர்வேத மருத்துவத்தில் துளசி இன்றியமையாத ஒன்றாக பார்க்கப்படுகின்றது. துளசியில் உள்ள பைடோகெமிக்கல்ஸில் சக்திவாய்ந்த ஆண்டி ஆக்ஸிடெண்ட் மற்றும் அழற்சி எதிர்ப்பு பண்புகளை கொண்டுள்ளது. இதனால் தினமும் டீயுடன் துளசியை சேர்த்து குடிக்கலாம். இது நுரையீரலில் உள்ள நச்சுகள் வெளியேற்றி சுவாசத்தை மேம்படுத்துகிறது.

2. ஆடாதோடையானது சளி, இருமலை போக்கி ஒட்டுமொத்த நுரையீரல் செயல்பாட்டை மேம்படுத்தும் மூலிகையாக காணப்படுகிறது. சளியால் ஏற்படும் மூச்சுக்குழாய் அழற்சி, ஆஸ்துமா போன்ற சுவாசப் பிரச்சனைகளை கூட குணப்படுத்துகிறது.

3. அழற்சி எதிர்ப்பு மற்றும் நுண்ணுயிர் எதிர்ப்பு பண்புகள் மற்ற மூலிகைகளை விட இஞ்சிக்கு அதிகம் உள்ளது. இது சுவாசப் பாதையில் ஏற்படும் வீக்கத்தை குறைக்கும் ஆற்றல் கொண்டுள்ளது. காலையில் டீயுடன் இஞ்சி சேர்த்து கொண்டால் சுவாசம் இன்னும் சிறப்பானதாக இருக்கும். 

4. சுவாசப் பிரச்சனைகளை போக்கும் மூலிகைகளில் அதிமதுரமும் ஒன்று. இது சளியை நீக்கி சுவாசப்பாதையை சீர்ப்படுத்தும். மற்றும் மூச்சுக்குழாய் அழற்சி, தொண்டை வறட்சி போன்ற பிரச்சனைகளும் தீரும். அதிமதுரத்தை டீயாகவோ அல்லது சப்லிமென்ட்ஸாகவோ எடுத்து கொள்ளலாம்.

5. மேற்கத்திய நாடுகளில் திப்பிலியை மூலிகையாக யாரும் பெரிதாக ஏற்றுக் கொள்ளவில்லை. ஆனால் திப்பிலியில் பயோ ஆக்டிவ் கலவைகள் உள்ளன. இது நாள்பட்ட நுரையீரல் அடைப்பு நோய் போன்ற சுவாசப் பிரச்சனைகளை குணமாக்கும் ஆற்றல் கொண்டது.

இதனை பொடியாகவோ அல்லது சப்ளிமெண்ட்ஸாகவோ எடுத்து கொண்டால் சுவாசம் தொடர்பான பிரச்சினைகள் குணமாகும்.

உயிருக்கு ஆபத்தை ஏற்படுத்தும் காரமான உணவுகளை யாரெல்லாம் தவிர்க்க வேண்டும்?

Quick Share

இன்று பெரும்பாலான மக்கள் காரமான உணவுகளை சாப்பிடும் வழக்கத்தை கொண்டுள்ள நிலையில், இதனை யாரெல்லாம் தடுக்க வேண்டும் என்பதை இந்த பதிவில் தெரிந்து கொள்வோம். இந்தியாவில் பெரும்பாலான மக்கள் விரும்பி சாப்பிடும் உணவுகளில் காரம் அதிகமாகவே இருக்கும். மேலும் இந்திய மசாலாப் பொருட்களுக்கு எப்பொழுதும் தனி இடமும் உண்டு. குறிப்பாக தமிழகம், ஆந்திரா போன்ற பகுதிகளில் காரம் அதிகமாக உணவுகளில் சேர்க்கப்படுகின்றது. காரமான உணவுகள் அதிகம் சாப்பிட்டு வந்தால், பல உடல் நலப்பாதிப்புகளை சந்திக்க நேரிடும்.

மிளகாயில் உள்ள கேப்சைசின் என்ற தனிமம் நமக்கு காரமாக உணர்வை தருகிறது. இந்த தனிமம் மிளகாயில் அதிக அளவு இருப்பதால், மிளகாய் அதிக காரமாக உள்ளது. அதிக அளவு கேப்சைசின் உடலுக்கு தீங்கு விளைவிக்கும். அதிக காரமான உணவை சாப்பிட்டால், உடலில் என்ன என்ன அறிகுறிகள் ஏற்படும் என்பதை தெரிந்து கொள்ளுங்கள்.

காரமான உணவுகளை அதிகமாக சாப்பிட்டு வந்தால், அதிக காய்ச்சல், மயக்கம், மூச்சுத்திணறல் ஆகியவை ஏற்படுவதுடன், செரிமான அமைப்பும் பாதிக்கப்பட்டு வயிறு எரிச்சல், வாந்தி, வயிற்றுப்போக்கு ஏற்படும். 

இந்த பாதிப்புகள் சில நேரங்களில் விரைவில் சரியாகிவிடும், ஆனால் ஒருசில நேரங்களில் இது கடுமையான பாதிப்பையும் ஏற்படுத்தும்.

மேலும் உடம்பில் வேர்வையை அதிகரிக்கச் செய்வதுடன், வாயில் கொப்புளங்களும், வெடிப்புகளும் ஏற்படும். மன அழுத்தமும் அதிகரிக்கும்.

காரமான உணவுகளை வயதானவர்கள், வயிறு தொடர்பான பிரச்சனை உள்ளவர்கள், குழந்தைகள் கட்டாயம் தவிர்க்க வேண்டும்.

காரமான உணவினை சாப்பிட வேண்டும் என்றால், அதனுடன் கூடுதலாக ஏதேனும் உணவை எடுத்துக் கொள்ள வேண்டும்.

உதாரணமாக காரமான உணவுடன் தயிர் அல்லது பால் சேர்த்து சாப்பிடலாம். பால் அல்லது தயிர் உடலில் காரத்தின் விளைவை குறைக்கும்.

சாப்பிட்ட பிறகு வயிற்று பகுதியில் எரியும் உணர்வு இருந்தால் கூலிங்கான நீரை குடியுங்கள்.

தினசரி தக்காளி ஜூஸ் குடித்தால் இவ்வளவு நன்மைகளா?

Quick Share

பொதுவாக சமையலுக்காக பயன்படுத்தும் தக்காளி சாறு, சுவை தருவதுடன் உடல் ஆரோக்கியத்திற்கும் உதவிச் செய்கிறது. இதன்படி, காலையில் ஒரு கிளாஸ் ப்ரெஷ் தக்காளி ஜீஸ் குடித்தால் உடலுக்கு தேவையான வைட்டமின்கள் மற்றும் தாதுக்கள் வழங்குவதாக கூறப்படுகின்றது. இதை அறிந்து பலர் சக்திவாய்ந்த தக்காளி சாற்றை குடித்து வருகிறார்கள். இப்படி தக்காளி ஜூஸ் தினமும் குடித்து வந்தால் என்னென்ன நன்மைகள் என்பதனை தொடர்ந்து பதிவில் பார்க்கலாம்.

1. தினமும் தக்காளி சாற்றை குடிப்பதற்கான முக்கிய காரணம் அதிலுள்ள ஆக்ஸிஜனேற்ற அளவுகள் தான். அத்துடன் தக்காளில் லைகோபீன் மற்றும் பீட்டா கரோட்டின் உள்ளன. இது இதய நோய்கள், வயது முதிர்வு காரணமாக ஏற்படும் நோய்கள் மற்றும் பல நாள்பட்ட நோய்களுக்கு மருந்தாகிறது.

2. தக்காளியில் லைகோபீன், பீட்டா கரோட்டின் மற்றும் வைட்டமின் சி இருக்கிறது. இது இதய ஆரோக்கியத்தை பலப்படுத்துகிறது. அத்துடன் NCBI இல் வெளியிடப்பட்ட ஒரு ஆய்வின் படி, லைகோபீன் கரோனரி இதய நோய்களைத் தடுக்கும் என்று நிரூபிக்கப்பட்டுள்ளது.

3. குடல் இயக்கம் சீராக நடப்பதற்கு தக்காளி பெரிதும் உதவியாக இருக்கிறது. தினமும் ஒரு டம்ளர் தக்காளிச் சாறு குடித்து வந்தால், மலச்சிக்கல், அஜீரணம், வாயு போன்ற செரிமானப் பிரச்சனைகள் வராது. அத்துடன் உடலிலுள்ள கழிவுகள் அனைத்தும் மலத்துடன் வெளியேறும்.

4. உடலில் இயற்கையாக உருவாகும் நச்சுக்கள் உறுப்புகளைச் சுற்றி படிந்து முக்கிய செயல்பாடுகளைத் தடுக்கின்றன. இதனை வெளியேற்றும் வேலையை தக்காளி சிறப்பாக செய்கிறது. அத்துடன் நீர்ப்பிடிப்பு பிரச்சனை இருப்பவர்கள் வெறும் வயிற்றில் தக்காளி சாறு குடிப்பது சிறந்தது.

5. உடலில் அங்காங்கே மறைந்திருக்கும் கொலஸ்ட்ரால் தக்காளி தடம் தெரியாமல் வெளியேற்றுகிறது. தினமும் குடிப்பதால் உடல் எடையை குறைய வாய்ப்பு இருக்கிறது.

6. தக்காளி சாற்றில் பீட்டா கரோட்டின், ஜியாக்சாண்டின் மற்றும் லுடீன் உள்ளிட்ட பல பைட்டோநியூட்ரியண்ட்கள் உள்ளன. இவை கண்களின் ஆரோக்கியத்தை மேம்படுத்துகிறது. அந்த வகையில், கண்புரை மற்றும் வயது தொடர்பான மாகுலர் சிதைவு போன்றவற்றை தடுக்கும்.

ரத்த சர்க்கரை அளவை கட்டுப்பாட்டில் வைக்கும் பேரீட்சை விதை பொடி!

Quick Share

பொதுவாக விதைகளிலுள்ள குளுக்கோஸ், வளர்சிதை மாற்றத்தைக் கட்டுப்படுத்தும் ஆற்றல் கொண்டது. இது சர்க்கரை வியாதியுள்ளவர்கள் சாப்பிட்டால் பயனுள்ளதாக இருக்கும். அந்த வகையில், பேரிச்சம்பழங்கள் ஆற்றலை அதிகரிக்கும் பண்பு கொண்டது. ஆனால் அதிலுள்ள விதைகளை நாம் தூக்கி எறிகிறோம். இதுவும் பேரிச்சம்பழங்களை போல் ஊட்டச்சத்துக்கள் நிறைந்தவை என ஆய்வுகள் கூறுகின்றன.

இந்த விதைகளில் இருக்கும் ஊட்டசத்துக்கள் சர்க்கரை வியாதியுள்ளவர்களுக்கு ஏற்படும் குளுக்கோஸின் வளர்சிதை மாற்றத்தை கட்டுபடுத்தும். பேரீட்சை விதைகளின் பலன்கள் தொடர்பில் நிபுணர் ஒருவர் விளக்கம் கொடுத்துள்ளார். இது தொடர்பான விளக்கத்தை தொடர்ந்து பதிவில் பார்க்கலாம். 

1. குடல் ஆரோக்கியத்தை பாதுகாக்கும் அளவிற்கு பேரீட்சைப்பழ விதைகளில் நார்ச்சத்துக்கள் உள்ளன. இதனால் மலச்சிக்கல் பிரச்சினையுள்ளவர்கள் தாரளமாக சாப்பிடலாம்.

2. பேரீட்சை விதைகளின் தூள் நோயாளிகளின் ரத்த குளுக்கோஸின் அளவைக் குறைக்கும் ஆற்றல் கொண்டது. ஏனெனின் பேரீட்சை விதைகளின் தூளில் ஹைப்பர் கிளைசெமிக் உள்ளது. இது சர்க்கரை நோயுள்ளவர்களுக்கு நன்மையளிக்கும்.

3. பேரீட்சை விதைகளில் ஆன்டிஆக்ஸிடன்ட்கள் இருக்கின்றது. இது உடலில் உள்ள ஃப்ரீ ரேடிக்கல்களை எதிர்த்துப் போராடுகின்றன. அத்துடன் செல்களை சேதத்திலிருந்து பாதுகாத்து இதய நோயின் அபாயத்தை குறைக்கிறது.

பேரீட்சை விதை பொடியை பயன்படுத்துவது எப்படி?

காலையில் ஸ்மூத்திகளுடன் ஒரு டீஸ்பூன் பேரீட்சை விதைகளின் தூள் கலந்து குடிக்கவும். ரொட்டி மற்றும் மஃபின் போன்ற பேக் செய்யப்பட்ட உணவுகளுடன் சேர்த்தும் சாப்பிடலாம்.

30 வயதை கடந்த பெண்கள் தெரிந்து கொள்ள வேண்டிய ஆரோக்கிய குறிப்புகள்!

Quick Share

பொதுவாக 30 வயதை தாண்டி பெண்கள் அவர்களின் உடலில் கவனம் செலுத்து குறைவாக இருக்கும். குழந்தைகள், குடும்பம்,கணவர் என அனைத்திலும் ஈடுபாடு அதிகமாக இருக்கும் பொழுது தங்களின் உடல் ஆரோக்கியத்தை கவனித்து கொள்ள நேரமும் அவர்களுக்கு இருக்காது. ஆனால் பெண்களின் வாழ்க்கை இது தான் முக்கியமான காலக்கட்டம். அத்துடன் உணவில் கட்டுபாடு வேண்டும்.

அந்த வகையில் 40 – 50 வயதிற்குட்பட்ட பெண்கள் ‘மனோபாஸ்’ என்கிற கட்டத்தை அடையும் பொழுது அவர்களின் மாதவிடாய் நின்று போவதற்கு வாய்ப்பு இருக்கின்றது.

இதனை தொடர்ந்து 40 வயதை கடக்கும் பெண்கள் என்னென்ன ஆரோக்கிய பிரச்சினைகளை எதிர்நோக்குவார்கள் என்பதனை தொடர்ந்து தெரிந்து கொள்வோம்.

1. காலை எட்டு மணிக்குள் காலையுணவை அவர்கள் நிறைவு செய்து விட வேண்டும். இது வயிறு தொடர்பான பிரச்சினைகளை உருவாக்கும்.

2. பெண்களின் உடம்பில் வைட்டமின் டீ சத்து குறையும் போது பல்தரப்பட்ட நோய்கள் வருவதற்கு வாய்ப்பு இருக்கின்றது.

3. கொழுப்பு சத்து நிறைந்த உணவுகள் சாப்பிடுவதை முழுமையாக கட்டுபடுத்திக் கொள்ள வேண்டும். ஏனெனின் இது உடல் எடையை அதிகரித்து விடும்.

4. வாரத்திற்கு இரண்டு தடவை சரி முட்டையில் மிளகுத்தூள் சேர்த்து சாப்பிட வேண்டும். இது அவர்களின் உடலுக்கு சக்தியை வழங்குகின்றது.

5. குழந்தைகளுக்கு சாப்பாட்டை கொடுத்து விட்டு பெண்கள் சாதம் எடுத்து கொள்வார்கள். இது அவர்களின் உடல் ஆரோக்கியத்திற்கு கேடு விளைவிக்கும்.

வயிற்றுப்புண்ணால் சிரமப்படுறிங்களா? மருத்துவரின் புதிய விளக்கம்!

Quick Share

இன்றைய மக்களின் உணவுப்பழக்கவழக்கத்தால் பல நோய்களுக்கு உள்ளாகும் நிலையில் அனேக மக்கள் பாதிக்கப்பட கூடிய வயிற்றுப்புண்ணிற்கான மருத்துவ விளக்கத்தை பார்கலாம். நாம் அடிக்கடி குடிக்கும் காபி மற்றும் அதிக காரம் கொண்ட உணவுகளை உட்கொள்ளும் போது இது குடல் புண்ணிற்கு வழி வகுக்கிறது.

உணவுக்குழாய், இரைப்பை, சிறுகுடலின் முன்பகுதிலுள்ள உட்சுவரில் ஏற்படும் புண்களையே, குடல் புண் அல்லது வயிற்றுப்புண் என்கிறோம்.

இதில், இரைப்பையில் ஏற்படுகின்ற புண்கள் என்றால், அதற்கு கேஸ்ட்ரிக் அல்சர் என்பார்கள். உணவுப்பாதையில் புண்கள் ஏற்பட்டால், அதற்கு ஈசோபேகல் அல்சர் என்பார்கள்.

சிறுகுடலின் முன்பகுதியில் புண்கள் ஏற்பட்டால், அதற்கு டியோடனல் அல்சர் என்பார்கள். இதற்கு பேரிக்காய் மற்றும் வாழைப்பழத்தை சாப்பிடுவது மிகவும் நல்லதாகும்.

இதில் ஆன்டி ஆக்ஸிடன்கள் அதிகமாக உள்ளதால் இத வயிற்று எரிச்சலை குறைக்க உதவும். தினம் உண்ணும் உணவில் நிறைய தயிர் சேர்த்து கொள்வதால், கெட்ட பாக்டீரியாக்களின் வளர்ச்சியை தயிர் தடுத்து நிறுத்திவிடும்.

அத்துடன், வயிற்றுப்புண்களும் மெல்ல ஆற துவங்கும். தயிர் போலவே, குளிர்ந்த பாலும் வயிற்று புண்களை போக்குகிறது. அரை கப் குளிர்ந்த பாலில், சிறிது எலுமிச்சம் சாறு பிழிந்து குடிக்கலாம்.

அல்லது குளிர்ந்த பாலில் சம அளவு தண்ணீர் கலந்தும் குடிக்கலாம். பசும்பாலில் ஒரு ஸ்பூன் மஞ்சளை கலந்து தினமும் குடித்து வந்தாலே, வயிற்று புண்கள் குணமாகும்.

குழந்தை பெற்றுக்கொள்ள சரியான வயது எது?

Quick Share

பொதுவாகவே திருமணத்துக்கு பின்னர் நீங்கள் குழந்தையைப் பெறத் திட்டமிடுகிறீர்கள் என்றால், இது சரியான நேரமா, அல்லது நீங்கள் காத்திருக்க வேண்டுமா அல்லது தாமதமாகிவிட்டதா என்று நீங்கள் குழப்பத்தில் இருக்கலாம். கர்ப்பம் தரிக்க சிறந்த நேரம் உண்மையில் நபருக்கு நபர் வேறுபடுகிறது. குழந்தையை வரவேற்க நீங்கள் உடல்ரீதியாகவும், உணர்ச்சி ரீதியாகவும், மனரீதியாகவும், நிதிரீதியாகவும் தயாராக இருக்க வேண்டியது அவசியம்.

அந்த வகையில் பெற்றோராவதற்கு சரியான வயது எது? என்பது குறித்து இந்த பதிவில் பார்க்கலாம்.

பொதுவாக இலங்கை , இந்தியா போன்ற நாடுகளில் ஆண்களுக்கு திருமணம் செய்துக்கொள்வதற்கான குறைந்தபட்ச வயது 21 ஆகவும், பெண்களுக்கு 18 ஆகவும் தற்போது 21ஆகவும் நிர்ணயம் செய்யப்பட்டிருக்கின்றது.

திருமணத்திற்கு சரியான வயது என்று அதை எடுத்துக்கொண்டாலும் பெற்றோர்களாவதற்கு எந்த வயது பொருத்தமானதாது என்ற கேள்வி பலருக்கும் இருக்கும்.

சிலர் திருமணம் ஆன பின்னர் சில ஆண்டுகளுக்கு குழந்தை வேண்டாம் என நினைப்பார்கள். இன்னும் சிலர் பெற்றோர் மற்றும் குடும்ப உறுப்பினர்களின் அழுத்தத்தால் விரைவாக குழந்தை பெற்றுக்கொள்ள நினைப்பார்கள்.

பெண்களை பொருத்தவரையில் தாயாவதில் வயது பெரிதும் தாக்கம் செலுத்துகின்றது. ஆனால் ஆண்களில் விந்தணு உற்பத்திக்கு குறிப்பிட்ட வரம்பு இல்லை என்பதால் ஆண்களுக்கு இது பெரிய பிரச்சினை இல்லை என்றே நினைக்கின்றனர்.

ஆனால் ஆண்களுக்கும் வயதாகும்போது விந்தணுக்களின் எண்ணிக்கை மற்றும் அதன் தரம் என்பன குறைகிறது.

மருத்துவர்களின் கருத்துப்படி, 18 முதல் 30 வயது வரை, ஒரு பெண்ணின் கருவுறும் தன்மை சிறப்பாக இருப்பதால், குழந்தைகளைப் பெறுவதற்கு சரியாக காலமாக பார்க்கப்படுகின்றது. பெண்களின் உடல் அமைப்பை பொருத்தவரை 30 வயதிற்குப் பிறகு கருவுறும் ஆற்றல் குறைவடைய ஆரம்பிக்கின்றது.

ஆண்கள் தந்தையாவதற்கு 25 முதல் 35 வயது வரையான காலம் ஆரோக்கியமானதாக கருதப்படுகின்றது.35 வயதிற்குப் பின்னர் ஆரோக்கியமான குழந்தையை பெறுவதற்கான வாய்ப்பு குறைய ஆரம்பிக்கின்றது.

ஆண்களுக்கு குழந்தை பெற்றுக்கொள்ளும் உடற் தகுதி வாழ்நாள் முழுவதும் இருக்கும். காரணம் உடலில் விந்து உருவாகும் செயல்முறை ஒருபோதும் தடைப்படுவது கிடையாது. ஆனால் ஆரோக்கியமாக குழந்தையை பெற்றுக்கொள்வதற்கான சரியான காலம் 25 முதல் 35 வயது என குறிப்பிடப்படுகின்றது.

அதனடிப்படையில் மனதளவிலும் உடலளவிலும் தம்பதியினர் குழந்தை பெற்றுக்கொள்ள 23 முதல் 32 வயது காலப்பகுதி சிறந்தது என மருத்துவர்களால் குறிப்பிடப்படுகின்றது.

தொடர்ச்சியாக பயன்படுத்தினால் ஏசி வெடிக்குமா?

Quick Share

பொதுவாகவே, கோடை காலத்தில் ஏசியை பயன்படுத்துவோரின் எண்ணிக்கை வழக்கத்தை விட அதிகமாகவே இருக்கும். இவ்வாறு தொடர்ச்சியாக ஏசியை பயன்படுத்தும் பட்சத்தில் ஒரு சில இடங்களில் அது வெடித்து பெரும் தீவிபத்து ஏற்படுகிறது. இவ்வாறு ஏசி வெடிப்பதற்கு என்ன காரணம் என்பது குறித்தும், இதனை எவ்வாறு தவிர்க்கலாம் எனவும் இந்த பதிவில் பார்க்கலாம்.

வீட்டை எப்போதும் குளிர்ச்சியாக வைத்துக்கொள்ள வேண்டும் என்பதற்காகத்தான் ஏசியை பயன்படுத்துகின்றோம். ஆனால் ஏசியின் அவுட்டோர் யூனிட் சரியாக வெப்பநிலையில் இருக்கின்றதா என்பது குறித்து பலரும் கவனம் செலுத்துவது கிடையாது.

ஏசியின் அவுட்டோர் யூனிட் அதிகமாக வெப்பமடையும் போது அந்த அழுத்தம் காரணமாக ஏசி வெடிக்கும் நிலை ஏற்படும். எனவே, உங்கள் ஏசியின் அவுட்டோர் யூனிட் சூரிய ஒளி அதிகம் படாத இடத்தில் வைக்ப்பட்ருக்கின்றதா என்பதை உறுதிசெய்துக்கொள்ள வேண்டும்.

ஏசி அவுட்டோர் யூனிட்டில் இருக்கும் கம்ப்ரசரால் அதிக வெப்பத்தை தாங்க முடியாது.சூரிய ஒளி அதிகமாக படும் இடத்தில் தான் ஏசி அவுட்டோர் யூனிட்டை வைக்க வேண்டும் என்ற நிலை இருந்தால் இதற்கு நிழல் கொடுக்கும் வகையில் ஏதாவது மாற்றீடு செய்துவிட வேண்டும்.

அது மாத்தரமன்றி பெரும்பாலானவர்கள், இரவு முழுவதும் ஏசியை இயங்கவிடுகின்றனர். அவ்வாறு இயக்குவதும் ஏசி தீப்பற்றும் அபாயத்தை அதிகரிக்கின்றது. அந்த அபாயத்தை தவிர்ப்பதற்கு டைமர் பயன்படுத்தி, குறிப்பிட்ட நேரம் வரை மட்டும் ஏசி இயங்கும் வகையில் பயன்படுத்தலாம். டைமர் பயன்படுத்துவதன் மூலம் மின்சார கட்டணம் குறைவடைவதுடன் ஏசி வெடிக்கும் அபாயத்தையும் தவிர்க்க முடியும்.

இதனால், ஏசிக்கும் கொஞ்சம் ஓய்வு கிடைப்பதால் ஏசியின் பாவனை காலத்தை அதிகரிக முடியும். ஏசியை தொடர்ந்து பயன்படுத்திக்கொண்டே இருப்பவர்கள், ஒவ்வொரு 600 மணி நேர பாவனைக்கு பின்னரும் ஏசியை சர்வீஸ் செய்ய வேண்டியது இன்றியமையாதது. மேலும் ஏசி சரியான முறையில் குளிர்ச்சியடையவில்லை என்றாலும் வேறு ஏதேனும் பிரச்சனை இருந்தாலும், அதை உடனடியாக சரிசெய்வதால் ஏசியை நீண்ட நாட்கள் பயன்படுத்த முடிவதுடன் ஏசி வெடிப்பதற்கான அபாயத்தையும் குறைத்துக்கொள்ள முடியும்.

குளிர்ச்சியடையாமல் ஏசி தொடர்ந்து இயங்கிக் கொண்டிருந்தால், மெஷினில் அழுத்தம் ஏற்பட்டு, ஏசி வெடிக்கும் வாய்ப்பு காணப்படுகின்றது. ஏசி நீண்ட நேரம் வேலை செய்தும் அறை குளிர்ச்சியடையவில்லை என்றால் உடனடியாக கவனம் செலுத்த வேண்டும். ஏசி ரிமோட்டில் காணப்படும் டர்போ (Turbo Mode) என்ற mode அறையை விரைவாக குளிர்ச்சியடைய வைக்க பயன்படுகின்றது.

இதனை எப்போதாவது ஒருமுறை பயன்படுத்தினால் பிரச்சினை ஏற்படாது. தொடர்ந்து இதே mode பயன்படுத்தப்பட்டால் மெஷினில் அதிக அழுத்தம் ஏற்பட்டு, வெடிக்கும் அபாயம் அதிகரிக்கின்றது. இவற்றை தவிர்த்துக்கொண்டால் ஏசி வெடிக்கும் அபாயம் குறைவடைவதுடன் ஏசியின் ஆயுட்காலமும் அதிகரிக்கின்றது.

தினசரி தக்காளி ஜூஸ் குடித்தால் இவ்வளவு நன்மைகளா?

Quick Share

பொதுவாக சமையலுக்காக பயன்படுத்தும் தக்காளி சாறு, சுவை தருவதுடன் உடல் ஆரோக்கியத்திற்கும் உதவிச் செய்கிறது. இதன்படி, காலையில் ஒரு கிளாஸ் ப்ரெஷ் தக்காளி ஜீஸ் குடித்தால் உடலுக்கு தேவையான வைட்டமின்கள் மற்றும் தாதுக்கள் வழங்குவதாக கூறப்படுகின்றது. இதை அறிந்து பலர் சக்திவாய்ந்த தக்காளி சாற்றை குடித்து வருகிறார்கள். இப்படி தக்காளி ஜூஸ் தினமும் குடித்து வந்தால் என்னென்ன நன்மைகள் என்பதனை தொடர்ந்து பதிவில் பார்க்கலாம்.

1. தினமும் தக்காளி சாற்றை குடிப்பதற்கான முக்கிய காரணம் அதிலுள்ள ஆக்ஸிஜனேற்ற அளவுகள் தான். அத்துடன் தக்காளில் லைகோபீன் மற்றும் பீட்டா கரோட்டின் உள்ளன. இது இதய நோய்கள், வயது முதிர்வு காரணமாக ஏற்படும் நோய்கள் மற்றும் பல நாள்பட்ட நோய்களுக்கு மருந்தாகிறது.

2. தக்காளியில் லைகோபீன், பீட்டா கரோட்டின் மற்றும் வைட்டமின் சி இருக்கிறது. இது இதய ஆரோக்கியத்தை பலப்படுத்துகிறது. அத்துடன் NCBI இல் வெளியிடப்பட்ட ஒரு ஆய்வின் படி, லைகோபீன் கரோனரி இதய நோய்களைத் தடுக்கும் என்று நிரூபிக்கப்பட்டுள்ளது.

3. குடல் இயக்கம் சீராக நடப்பதற்கு தக்காளி பெரிதும் உதவியாக இருக்கிறது. தினமும் ஒரு டம்ளர் தக்காளிச் சாறு குடித்து வந்தால், மலச்சிக்கல், அஜீரணம், வாயு போன்ற செரிமானப் பிரச்சனைகள் வராது. அத்துடன் உடலிலுள்ள கழிவுகள் அனைத்தும் மலத்துடன் வெளியேறும்.

4. உடலில் இயற்கையாக உருவாகும் நச்சுக்கள் உறுப்புகளைச் சுற்றி படிந்து முக்கிய செயல்பாடுகளைத் தடுக்கின்றன. இதனை வெளியேற்றும் வேலையை தக்காளி சிறப்பாக செய்கிறது. அத்துடன் நீர்ப்பிடிப்பு பிரச்சனை இருப்பவர்கள் வெறும் வயிற்றில் தக்காளி சாறு குடிப்பது சிறந்தது.

5. உடலில் அங்காங்கே மறைந்திருக்கும் கொலஸ்ட்ரால் தக்காளி தடம் தெரியாமல் வெளியேற்றுகிறது. தினமும் குடிப்பதால் உடல் எடையை குறைய வாய்ப்பு இருக்கிறது.

6. தக்காளி சாற்றில் பீட்டா கரோட்டின், ஜியாக்சாண்டின் மற்றும் லுடீன் உள்ளிட்ட பல பைட்டோநியூட்ரியண்ட்கள் உள்ளன. இவை கண்களின் ஆரோக்கியத்தை மேம்படுத்துகிறது. அந்த வகையில், கண்புரை மற்றும் வயது தொடர்பான மாகுலர் சிதைவு போன்றவற்றை தடுக்கும்.

வயது முதிர்ந்த காலத்தில் எலும்புகளின் ஆரோக்கியத்திற்கு இதை சாப்பிடுங்க!

Quick Share

இறைச்சி வகைகளில் இல்லாத சத்துக்கள் கூட விலங்குகளின் ஈரலில் காணப்படுகின்றது. இதை சாப்பிடுவதால் உடலில் என்னென்ன நன்மைகள் கிடைக்கின்றது என்பதை இந்த பதிவில் பார்க்கலாம். மட்டன் ஈரலில் புரதம்,கொழுப்பு, நிறைவுற்ற கொழுப்பு, கார்போஹைட்ரேட்டுகள், சோடியம், பொட்டாசியம், கால்சியம், இரும்புச்சத்து, துத்தநாகம், தாமிரம், செலினியம் , வைட்டமின் A, B, B6, B9m C, D, D3, கரோட்டினாய்டுகள் இப்படி ஏகப்பட்ட ஊட்டச்சத்துக்கள் நிறைந்து காணப்படுகின்றது.

இதில் உடலில் நன்மை தரக்கூடிய பதார்த்தம் நிறைவுற்ற கொழுப்பாகும். ஹீமோகுளோபின் அளவை அதிகரிக்க செய்வதில், ஆட்டு ஈரல்களுக்கு பெரும் பங்கு உள்ளது.

இதனால், அனீமியா என்று சொல்லப்படும் ரத்த சோகை குறைபாடு நீங்குகிறது.

ரத்த சோகையால் பாதிக்கப்பட்டவர்கள் மட்டுமின்றி, ஊட்டச்சத்து குறைபாடு உள்ளளவர்களும், உடல் மெலிந்து பலமில்லாமல் இருப்பவர்களும் வாரம் ஒருமுறையாவது இந்த ஈரலை சாப்பிடலாம்.

வயது முதிர்ந்த பருவத்தில் இதை சாப்பிட்டால் உடலின் என்பு பகுதி அடர்த்தியாகும். இதனால் மூட்டு வலி பிரச்சனைகள் வராது. உடலும் எப்போதும் ஆராக்கியமாக இருக்கும்.

வயதிற்கு மூத்த பெண்களை ஆண்கள் விரும்ப காரணம் என்ன?

Quick Share

சில ஆண்கள் தன்னை விட வயதில் மூத்த பெண்கள் மீது காதல் கொள்வதற்கான காரணத்தை இந்த பதிவில் விரிவாக பார்க்கலாம். குறிப்பிட்ட சில ஆண்கள் சில பெண்கள் மீது ஈர்ப்பாக இருப்பார்கள். இளம் ஆண்கள் தங்களுக்கு சமமான வயதுடைய பெண்கள் அல்லது தங்களை விட வயது குறைவான பெண்களிடம் எதிர்பார்க்கும் சில விஷயங்களை, மூத்த பெண்களிடம் காண முடிகிறது.

மூத்த பெண்களை திருமணம் செய்து கொள்ளும் ஆண்கள் பொதுவாக சில இயல்புகளை கொண்டிருப்பார்கள். அந்த பெண்கள் சிறிய விஷயங்களுக்கு சண்டை போட்டு அதை ஒரு பெரிய விஷயமாக ஆக்காமல் எந்த விதமான சந்தர்ப்பத்திலும் மெச்சூர்டாக நடந்து கொள்வதை எதிர்பார்கின்றர்.

இந்த குணம் கொண்ட பெண்களிடம் தாமாக ஈர்க்கப்படுகின்றனர். ஆண்களை விட மூத்த பெண்கள் கடினமான, சிக்கலான சூழலில் ஆண்களை சார்ந்து இருக்காமல் அல்லது ஆண்களின் உதவி கோராமல் எளிதாக சரி செய்து விடுவார்கள்.

மூத்த பெண்களிடம் ஆண்களுக்கு மிகவும் பிடித்த விஷயம் மெச்சூரிட்டி. அதே போல, மன முதிர்ச்சி அதிகம் இருப்பவர்கள் தான் மூத்தவர்களை விரும்புவார்கள். தன் மீதும், தன் திறமை மீதும் அதிகமாக தன்னம்பிக்கை கொண்டிருக்கும் ஆண்கள் தன்னை விட வயதான பெண்ணை காதலிப்பதை ஒரு பிரச்சனையாக கருதவே மாட்டார்கள்.

தன்னம்பிக்கையாக இருப்பவர்களுக்கு சாதாரணமாகவே வயதான பெண்களின் மீது கொஞ்சம் ஈர்ப்பு இருக்கும். இந்த ஆண்கள் சுதந்திரமாக இருப்பதை விரும்புவார்கள். தனிமையை விரும்பும் இவர்கள், மற்றவர்களுடன் ஜாலியாகப் பழகுவார்கள் அதாவது எந்த இடமாக இருந்தாலும், சூழலாக இருந்தாலும் இவர்கள் பழக தயக்கம் இருக்காது.

இந்த குணங்கள் தான், சுதந்திரமாக இருக்கும் மூத்த பெண்ணை நேசிக்கும் விருப்பத்தைத் தருகிறது. இந்த ஆண்கள் பரஸ்பரம் மரியாதை கொண்டிருப்பார்கள். இவர்கள் மற்றவர்களிடத்தில் மரியாதையாக நடப்பார்கள் மற்றவர்களையும் மரியாதையாக நடத்துவார்கள்.

எந்த பிரச்சினையாக இருந்தாலும் சட்டென்று முடிவுகளை எடுக்காமல், சிக்கல்களை சரியாகப் புரிந்துகொண்டு இருவருக்கும் எது சரியாக இருக்கும் என்று யோசித்து மெச்சூர்டாக முடிவு எடுப்பார்கள். கோபம், சண்டை என்று எதுவாக இருந்தாலுமே அதை சரி செய்வதில் முயற்சி செய்வார்கள். இது போன்ற குணங்கள் சில ஆண்களிடம் இருப்பதால் தான் அவர்கள் வயதில் மூத்த பெண்களை காதலிப்பார்கள்.




You cannot copy content of this Website