தமிழகம்

எல்லாம் கை மீறி போச்சி -இனி நீங்களே உஷாரா இருங்க -கைவிரித்த அரசாங்கம்.

Quick Share

தலைமை நீதிபதி அமர்வில் அரியர் வழக்கு ஒன்றின் விசாரணைக்காக ஆஜராகியிருந்த தமிழக அரசின் தலைமை வழக்கறிஞர் விஜய் நாராயணனிடம், தமிழகத்தில் கொரோனாவின் இரண்டாவது அலை வேகமாகப் பரவிவரும் நிலையில், கடந்த ஆண்டைவிட மோசமாக இருப்பதாக நீதிபதிகள் தெரிவித்தனர்.

கொரோனா கட்டுப்பாடுகள் விவகாரத்தில் நீதிமன்றங்களில் பின்பற்ற வேண்டிய நடைமுறைகள் குறித்து ஆலோசனைகள் எதுவும் உள்ளதா? என்று தலைமை நீதிபதி சஞ்ஜிப் பானர்ஜி விளக்கம் கோரினார். கொரோனாவின் இரண்டாவது அலை முற்றிலும் கட்டுப்பாட்டை மீறிவிட்டதாக அரசு தலைமை வழக்கறிஞர் தெரிவித்துள்ளார்.

தடுப்பூசி போதிய இருப்பு உள்ளது என்றும், நீதிமன்றத்திற்கு விளக்கம் அளிக்க சுகாதாரத் துறைச் செயலாளர் தான் சரியான நபர் என்பதால், அவரை நீதிமன்றம் வரச் சொல்வதாகத் தெரிவித்தார்.

இதனை ஏற்றுக்கொண்ட தலைமை நீதிபதி இன்று மதியமே சந்திப்பதாகத் தெரிவித்துள்ளார். இதனையடுத்து தலைமை நீதிபதியை இன்று மதியம் அவரது இல்லத்தில் சுகாதாரத் துறைச் செயலர் சந்தித்து தமிழகத்தில் கொரோனா பரவல் குறித்து விளக்கம் அளிக்க உள்ளதாக தகவல்கள் தெரிவிக்கின்றன.

சந்தேகத்தால் வந்த சண்டை-5 வருட காதல் மனைவியை இழந்த கணவன்.

Quick Share

காதலித்து திருமணம் செய்துகொண்ட ஜோடி குடும்ப தகராறில் மனைவி தற்கொலை செய்து கொண்டுள்ளது அதிர்ச்சியை ஏற்படுத்தியுள்ளது.

விருதுநகர் மாவட்டம் அருப்புக் கோட்டையை சேர்ந்த பாலகிருஷ்ணன், உமாதேவி என்ற இருவரும் கடந்த 5 ஆண்டுகளாக காதலித்து வந்துள்ளனர்.

உமாதேவிக்கு 16 வயது இருக்கும்போதே பாலகிருஷ்ணன் அவரை திருமணமும் செய்துள்ளார். இதனால் அவர் மீது போக்சோ வழக்கு பதியப்பட்டு, சிறைத்தண்டனையும் அனுபவித்துள்ளார்.

இதையடுத்து, உமாதேவிக்கு 18 வயது ஆன பின்பு இருவீட்டாரின் சம்மதத்தின் பேரில் கடந்த 5 மாதத்திற்கு முன்பு திருமணம் செய்து வைத்ததோடு, தனியாக வீடு எடுத்து தங்கவும் வைத்துள்ளனர்.

பாலகிருஷ்ணன் கார்பென்டராக வேலை பார்த்துவந்த நிலையில், உமாதேவி வீட்டை கவனித்துவந்துள்ளார். இந்நிலையில் சமீப காலமாக கணவன் மனைவி இடையே கருத்து வேறுபாடு காரணமாக அடிக்கடி சண்டை ஏற்படவே, வழக்கம் போன்று சம்பவத்தன்றும் இருவருக்கும் தகராறு ஏற்பட்டதோடு, பாலகிருஷ்ணன் தூங்க சென்றுள்ளார்.

அப்பொழுது திடீரென மனைவி தூக்கிட்டு தற்கொலை செய்து கொண்டுள்ளார். இதனை கண்விழித்து பார்த்த பாலகிருஷ்ணன் தானும் உளியை எடுத்து கழுத்தில் குத்தி தற்கொலைக்கு முயன்றுள்ளார்.

இவரது அலறல் சத்தம் கேட்டு வந்த அக்கம்பக்கத்தினர் மீட்டு மருத்துவமனையில் சேர்த்துள்ளதோடு, உமாதேவியின் சடலத்தை மீட்டு பிரேத பரிசோதனைக்கு அனுப்பியும் வைத்ததோடு தீவிர விசாரணை மேற்கொண்டு வருகின்றனர்.

ஐயோ ஆபத்தில் தமிழகம் – அடுத்த 2 வாரங்கள் மிகவும் சவாலானது: சுகாதாரத்துறை செயலாளர்...

Quick Share

கொரோனா தடுப்பூசி குறித்து வீண் வதந்திகளை பரப்ப வேண்டாம் என சுகாதாரத்துறை செயலாளர் ராதாகிருஷ்ணன் வேண்டுகோள் விடுத்துள்ளார். முகக்கவசம் அணிந்தால் மட்டுமே கொரோனா தொற்று பரவாமல் கட்டுப்படுத்த முடியும். 2.07 லட்சம் கோவாக்சின் தடுப்பூசி கையிருப்பில் உள்ளது.

9.44 லட்சம் கோவிஷீல்டு கொரோனா தடுப்பூசி மருந்துகள் கையிருப்பில் உள்ளது. கொரோனா தொற்றை கட்டுப்படுத்துவதில் அடுத்த 2 வாரங்கள் மிகவும் சவாலானது எனவும் கூறினார்.

மக்களே உஷார் – உருமாறிய கொரோனாவின் அறிகுறிகள் இவைகள் தான்.

Quick Share

கொரோனா வைரஸ் சீனாவில் 2019-ம் ஆண்டு டிசம்பர் மாதம் முதன் முதலில் பரவத் தொடங்கியது. அதன் பிறகு உலகம் முழுவதும் பரவியது. ஆனால் முதலில் தோன்றிய வைரஸ் இன்று பல நூறு உருமாற்றங்களை ஏற்படுத்திக் கொண்டு புதிய வீரியத்துடன் உலகம் முழுவதும் வலம் வந்து கொண்டு இருக்கிறது.

இன்று கொரோனா 2-வது அலை ஏற்பட்டு இருப்பதற்கும் கூட உருமாறிய கொரோனா வைரஸ்தான் காரணம். பொதுவாக எந்த வகை வைரசாக இருந்தாலும் அது பரவிய இடங்களுக்கு தகுந்தாற்போல தன்னைத்தானே உருமாற்றிக் கொண்டு தனது வீரியத்தை அதிகரித்துக் கொள்ளும்.

அதுபோலத்தான் கொரோனா வைரசும் செயல்படுகிறது. ஒவ்வொரு நாட்டிலும் பல வகையில் தன்னைத்தானே உருமாற்றிக் கொண்டு வலம் வருகிறது. இந்தியாவில் கூட ஒவ்வொரு பகுதியிலும் ஒவ்வொரு மாதிரியாக உருமாறி இருக்கிறது.

இங்கிலாந்து, பிரேசில், ஆப்பிரிக்காவில் உருமாறிய சில கொரோனா வைரஸ்கள் மிக வீரியம் கொண்டதாக மாறி இருக்கின்றன. அவை உலகம் முழுவதும் பரவி வருகிறது. இந்தியாவிலும் பரவி இருக்கிறது.

இதுமட்டும் அல்லாமல் இந்தியாவிலும் வீரியம் கொண்ட கொரோனா வைரஸ்கள் தனியாக உருவாகி இருக்கின்றன. இந்த வைரஸ்கள் ஏற்கனவே இருந்த வைரஸ்களை விட தொற்று திறன் அதிகம் கொண்டதாக உள்ளன. இதனால்தான் 2-வது அலை ஏற்பட்டு இருக்கிறது. முந்தைய வைரஸ் தாக்குதலின் போது சில அறிகுறிகள் தென்பட்டன.

குறிப்பாக சளி, காய்ச்சல், இருமல், வாசனை அறியும் திறன் குறைவு போன்ற அறிகுறிகள் தென்பட்டன. ஆனால் புதிய உருமாற்றம் அடைந்த வைரஸ்கள் இத்தகைய பொதுவான அறிகுறிகளை காட்டாமல் வேறுமாதிரியான அறிகுறிகள் காட்டுகின்றன.

சில வைரஸ்கள் உடலில் புகுந்தாலும் கூட எந்த அறிகுறியும் காட்டாமல் மவுனமாக உட்கார்ந்து இருக்கின்றன. உருமாற்ற வைரஸ்கள் என்னனென்ன அறிகுறிகளை வெளிப்படுத்துகின்றன என்று மருத்துவ நிபுணர்கள் ஆய்வு செய்து தகவல்களை வெளியிட்டுள்ளனர். அதன் விவரம்:-

* உருமாறிய வைரஸ்கள் வாய் பகுதிக்குள் எளிதாக தொற்றி விடுகின்றன. அவை பற்குழி, பல் இடுக்கு, நாக்கு பகுதி, தொண்டை ஆகியவற்றில் அமர்ந்து கொண்டு பல்கி பெருகுகின்றன.

அப்போது வாய் துர்நாற்றம், வாய்ப்புண், வாயின் மேல் தாடை பகுதியில் எரிச்சல், தொண்டை புண், நாக்கின் மேல் பரப்பில் வீக்கம், வெடிப்பு, நாவறட்சி, வாய் உலர்தல், எச்சில் உற்பத்தி குறைவு, வாய் அலர்ஜி போன்றவை ஏற்படுகின்றன.

* உடல் சோர்வு, தலை சுற்றல், உடல் வலி.

* பலவீனமாக இருப்பது போன்ற தோற்றம், தடுமாற்றம், எப்போதும் தண்ணீர் குடிக்க வேண்டும் என்ற உணர்வு.

* குமட்டல், உடல்நலம் குறைவு ஏற்பட்டு இருப்பதுபோன்ற ஒருவித உணர்வு, தசையில் ஒருவித வலி, உடல் வீக்கம், தசை எரிச்சல், மூட்டுவலி.

* திடீரென வயிற்றுப்போக்கு, சோம்பல்.

இதுபோன்ற அறிகுறிகள் தென்பட்டால் அது புதிய வைரஸ் தாக்கம் காரணமாக இருக்கலாம். எனவே பரிசோதனை செய்து கொள்வது அவசியம் என்று நிபுணர்கள் கூறுகிறார்கள்.

இந்த அறிகுறிகள் இருந்தாலே அவர்கள் அதிக ஓய்வு எடுக்க வேண்டும். கடினமான எந்த வேலைகளையும் செய்யக்கூடாது என்றும் நிபுணர்கள் கூறி இருக்கிறார்கள்.

எப்போமே ஆன்லைனில் கடலை போட்ட மனைவி -கண்டித்த கணவன்-மனைவி எடுத்த அதிர்ச்சி முடிவு!

Quick Share

திருப்பூர் மாவட்டம், பெருமாநல்லூர் அய்யம்பாளையம் பகுதியை சேர்ந்தவர் வெங்கடேஷ் 39.

இவர், இன்டீரியர் டெக்ரேசன் பணியை செய்து வருகிறார்.,இவருக்கு ரேவதி என்ற 34 வயதுடைய மனைவி இருக்கிறார்.

இதையடுத்து, இவர்கள் இருவருக்கும் 8 வயதுடைய பெண் குழந்தை மற்றும் 6 வயதுடைய ஆண் குழந்தை இருக்கும் நிலையில், ரேவதி செல்போன் மூலமாக திருவாரூர் பகுதியை சேர்ந்த நபரிடம், முகநூலில் அதிக நேரம் செலவிட்டு வந்துள்ளார்.

இதனை அறிந்த, கணவர் வெங்கடேஷ் பல முறை கண்டித்துள்ளார். இதனால் மனமுடைந்துபோன ரேவதி வீட்டில் தனியாக இருக்கையில் தூக்கிட்டு தற்கொலை செய்துள்ளார்.

இந்த விஷயம் தொடர்பாக பெருமாநல்லூர் காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.  

11 இஸ்லாமிய குழுகளால் -தமிழகத்தில் தீவிரப்படுத்தப்படும் பாதுகாப்பு.

Quick Share

இலங்கையில் 11 இஸ்லாமிய குழுக்கள் மீது தடை அறிவிக்கப்பட்டமையை அடுத்து தமிழகத்தில் பாதுகாப்பு தீவிரப்படுத்தப்பட்டுள்ளதாக இந்திய ஊடகங்கள் தெரிவித்துள்ளன. இலங்கையைச் சேர்ந்த அடிப்படைவாதிகள் இந்திய மண்ணிலிருந்து இலங்கைக்கு எதிரான நடவடிக்கைகளை வழிநடத்த படகு மூலம் தமிழ்நாட்டிற்குள் நுழைய முயற்சிக்கக்கூடும் என்ற அச்சம் ஏற்பட்டுள்ளது.

இதற்கான எச்சரிக்கையை அடுத்து தமிழக காவல்துறையினர் விமான நிலையங்களில் பாதுகாப்பை பலப்படுத்தியுள்ளதாக த இந்து செய்தித்தாள் தெரிவித்துள்ளது.

இலங்கையில் 11 இஸ்லாமிய அமைப்புகளுக்கு தடை விதிக்க சட்டமா அதிபர் டப்புல டி லிவேரா சமீபத்தில் ஒப்புதல் வழங்கினார்.

ஐக்கிய தௌஹித் ஜமாத், இலங்கை தௌஹித் ஜமாத், இலங்கை தவ்ஹீத் ஜமாஅத், அனைத்து இலங்கை தௌஹித் ஜமாஅத், ஜாமியதுல் அன்சாரிஸ் சுன்னத்துல் மொஹமதியா, தாருல் ஆதார், ஜாமியுல் ஆதர், இலங்கை இஸ்லாமிய மாணவர் இயக்கம், இஸ்லாமிய அரசு, ஈராக் இஸ்லாமிய அரசு முத்துக்களைக் காப்பாற்றுங்கள், மற்றும் சூப்பர் முஸ்லீம் என்பனவும் தடைசெய்ய பரிந்துரைக்கப்பட்ட அமைப்புகளில் அடங்கும்.

அதிகரிக்கும் கொரோனா: முதல்வர் பழனிசாமி வெளியிட்ட அதிரடி உத்தரவு!

Quick Share

தமிழகத்தில் கொரோனா பரவல் மிக வேகமாக இருக்கும் நிலையில் முதலமைச்சர் எடப்பாடி பழனிசாமி, சுகாதாரத்துறை அதிகாரிகள், மூத்த அமைச்சர்கள் உடன் ஆலோசனை நடத்தினார். அதில் முக்கியமாக மக்களுக்கு தடுப்பூசி செலுத்துவது குறித்து ஆலோசிக்கப்பட்டது.

தமிழகத்தில் 14ஆம் தேதி தடுப்பூசி திருவிழா தொடங்க உள்ளது. இந்நிலையில் தமிழகத்தில் அரசு மற்றும் தனியார் நிறுவன ஊழியர்கள் இரண்டு வாரத்தில் தடுப்பூசி செலுத்திக் கொள்ள வேண்டும் என முதலமைச்சர் எடப்பாடி பழனிசாமி கேட்டுக் கொண்டுள்ளார்.

தொழிற்சாலைகள் மற்றும் நிறுவனங்களின் உரிமையாளர்கள் தங்கள் ஊழியர்களுக்கு கொரோனா தடுப்பூசி செலுத்த ஏற்பாடு செய்ய வேண்டும் என கேட்டுக் கொண்டுள்ளார்.உணவகங்கள், சந்தைகள், இறைச்சி கூடங்களில் கூட்டம் கூடுவதை மக்கள் தவிர்க்க வேண்டும் என்றும், அனைவரும் கட்டாயம் மாஸ்க் அணிய வேண்டும் என்றும் முதல்வர் கேட்டுக் கொண்டுள்ளார்.

ஓரினசேர்க்கையில் இருக்கும் தாய்கள் -பிள்ளைகளை கொடுமைப்படுத்தும் இன்னல்.

Quick Share

ஈரோடு ரங்கம்பாளையத்தை சேர்ந்தவர் ராமலிங்கம். இவருக்கு 15 வயதில் ஒரு மகனும், 6 வயதில் இரு மகனும் உள்ளனர். ராமலிங்கத்துக்கு இரண்டு மனைவிகள். இந்த சிறுவர்கள் தங்களது தாத்தா மற்றும் பாட்டி ஆகியோருடன் ஈரோடு மாவட்டக் காவல் கண்காணிப்பாளர் தங்கதுரையை சந்தித்து ஒரு புகார் மனு கொடுத்தனர்.

அதில், “தனது தந்தை ராமலிங்கம் இந்துமதி என்ற பெண்ணை இரண்டாவதாக திருமணம் செய்துகொண்டார். எங்களுடைய தாய் ரஞ்சிதா. மூன்று பேரும் ஒரே வீட்டில் வசித்துவந்தோம். எங்கள் தாய் ரஞ்சிதா, தனலட்சுமி என்ற பெண்ணுடன் ஓர் பாலின திருமணம் செய்துகொண்டார். இவர்கள் அனைவரும் சேர்ந்து எங்களை கொடுமைப்படுத்துகின்றனர். எங்களை படிக்க விடாமல் வீட்டு வேலைகளை செய்ய வைக்கின்றனர்.

பாத்ரூம் கழுவ வைக்கின்றனர். சாப்பாட்டில் மிளகாய் பொடியை கொட்டி கொடுக்கின்றனர். பாத்ரூமில் தான் தூங்குகிறோம். ரஞ்சிதா சக்தியாகவும், அவர் திருமணம் செய்துகொண்ட தனலெட்சுமி சிவனாகவும் வேடமிட்டு வந்து எங்களை மிரட்டுவதோடு நரபலி கொடுக்கப்போவதாக பயமுறுத்துகின்றனர். இதனால் பயந்து தாத்தா, பாட்டியிடம் தஞ்சம் அடைந்துள்ளோம்.” என தெரிவித்திருந்தனர்.

சிறுவர்களின் புகாரையடுத்து சிறுவர்களை கொடுமைப்படுத்திய ராமலிங்கம், ரஞ்சிதா, தனலெட்சுமி மற்றும் இந்துமதி ஆகிய 4 பேர் மீதும் 3 பிரிவுகளின் கீழ் போலீசார் வழக்குப்பதிவு செய்துள்ளனர்.

ஆரம்பிச்சிட்டாங்கய்யா – தமிழகத்தில் தடுப்பூசி திருவிழா!

Quick Share

தமிழகத்தில் இன்று தொடங்கி 3 நாட்களுக்கு தடுப்பூசி திருவிழா நடைபெறுகிறது. தற்போது தினமும் ஒரு லட்சத்துக்கு 25 ஆயிரம் பேருக்கு தடுப்பூசி செலுத்தப்பட்டு வரும் நிலையில் அந்த எண்ணிக்கையை 2 லட்சமாக உயர்த்த சுகாதாரத்துறை திட்டமிட்டுள்ளது.

அனைத்து அரசு மருத்துவக் கல்லூரிகள், அரசு மருத்துவமனைகள், மாவட்ட தலைமை மருத்துவமனைகள், நகர்புற மற்றும் கிராமப்புற அரசு ஆரம்ப சுகாதார நிலையங்கள், தமிழக அரசால் ஏற்படுத்தப்பட்ட ஆயிரத்து 900 மினி கிளினிக்குகள், தடுப்பூசி செலுத்த அனுமதி பெற்ற தனியார் மருத்துவமனைகள் என 4,328 மையங்கள் கோவிட் தடுப்பூசி போடப்பட்டு வருகின்றன.

இதில் 3,797 மையங்களில் கோவிஷீல்டு தடுப்பூசியும், 531 மையங்களில் கோவேக்சின் தடுப்பூசியும் போடப்பட்டு வருகிறது. இந்த மையங்களில் சுமார் 4 லட்சம் பேருக்கு தினமும் தடுப்பூசி போட முடியும். இதன் காரணமாக தடுப்பூசி திருவிழாவுக்கு என தனியாக பிரத்யேக மையங்கள் திறக்கப்படவில்லை.

தமிழகத்தில் இரவு நேர ஊரடங்கு அமல்படுத்தப்படுமா?’ – விரைவில் வெளியாகவிருக்கு...

Quick Share

நாடு முழுவதும் கொரோனா 2-வது அலை வேகமாக பரவி வருகிறது. மகாராஷ்டிர மாநிலத்துக்கு அடுத்ததாக தமிழ்நாட்டில் கொரோனா பாதிப்பு அதிகமாக உள்ளது. இங்கு தினசரி பாதிப்பு 6 ஆயிரத்து 500-ஐ எட்டியுள்ளது. தற்போது 41 ஆயிரம் பேர் சிகிச்சையில் இருக்கிறார்கள். நேற்று மட்டும் 22 பேர் உயிரிழந்துள்ளனர். அரசு ஆஸ்பத்திரிகளில் காலியாக இருந்த படுக்கைகள் மீண்டும் நிரம்பி வழியும் நிலையில் உள்ளது.

எனவே தமிழ்நாட்டில் கொரோனாவை கட்டுப்படுத்துவதற்காக பல்வேறு நடவடிக்கைகளை தமிழக அரசு எடுத்து வருகிறது. கடந்த 8-ந் தேதி தமிழ்நாட்டில் மேலும் சில கட்டுப்பாடுகள் விதிக்கப்பட்டன.

இது 10-ந் தேதி முதல் அமலுக்கு வந்துள்ளது. ஆனாலும் நிலைமை தொடர்ந்து மோசமாகி வருவதால் இன்னும் பல கட்டுப்பாடுகளை விதிக்க தமிழக அரசு முடிவு செய்துள்ளது. மேலும் பல்வேறு தடுப்பு நடவடிக்கைகளும் மேற்கொள்ளப்பட இருக்கின்றன.

இதற்காக முதல்-அமைச்சர் எடப்பாடி பழனிசாமி தலைமையில் இன்று ஆலோசனைக் கூட்டம் நடந்தது.

பகல் 12 மணிக்கு கூட்டம் தொடங்கியது. இதில் துணை முதல்-அமைச்சர் ஓ.பன்னீர்செல்வம், அமைச்சர்கள் எஸ்.பி.வேலுமணி, உதயகுமார், விஜயபாஸ்கர், தலைமைச் செயலாளர் ராஜீவ் ரஞ்சன், சுகாதாரத்துறை செயலாளர் ராதாகிருஷ்ணன் மற்றும் தமிழக அரசு அமைத்துள்ள கொரோனா தடுப்பு நிபுணர் குழுவினர் கூட்டத்தில் பங்கேற்றனர்.

அதில் பல்வேறு வி‌ஷயங்கள் குறித்தும் ஆலோசிக்கப்பட்டது. குறிப்பாக 5 அம்சங்கள் குறித்து விரிவாக ஆலோசனை நடத்தினார்கள்.

புதிய கட்டுப்பாடுகளை விதிப்பது, இரவு நேர ஊரடங்கை அமல்படுத்துவது, தடுப்பூசி திட்டத்தை தீவிரப்படுத்துவது, பிளஸ்-2 தேர்வை தள்ளி வைப்பது, மேலும் தீவிர தடுப்பு நடவடிக்கைகளை மேற்கொள்வது ஆகிய 5 திட்டங்கள் குறித்து முக்கியமாக ஆலோசனை நடத்தினார்கள்.

ஏற்கனவே கோவில் திருவிழாவுக்கு தடை விதிக்கப்பட்டுள்ளது. திருமண விழாக்களுக்கு சில கட்டுப்பாடுகள் விதிக்கப்பட்டுள்ளன. மக்கள் கூடும் தியேட்டர்கள், ஓட்டல்கள், பொழுதுபோக்கு இடங்கள் போன்றவற்றில் 50 சதவீத இருக்கைகளுக்கு மட்டுமே அனுமதிப்பது என்றும் அறிவிக்கப்பட்டது.

இப்போது மேலும் கட்டுப்பாடுகளை கொண்டு வருவது குறித்து ஆலோசனை நடத்தப்பட்டது.

கடந்த முறை கொரோனா தாக்கம் மோசமாக இருந்தபோது, முழு ஊரடங்கு அமல்படுத்தப்பட்டது. அதேபோன்று மீண்டும் ஊரடங்கு அமல்படுத்தப்பட்டால் அது பொருளாதார ரீதியாக கடும் பாதிப்பை ஏற்படுத்திவிடும். மக்களின் வாழ்வாதாரமும் பாதிக்கப்பட்டுவிடும்.

எனவே இரவு நேர ஊரடங்கை அமல்படுத்தலாமா என்பது குறித்து இந்த கூட்டத்தில் ஆலோசிக்கப்பட்டது. தமிழ்நாட்டில் தடுப்பூசி திட்டத்தை இன்னும் வேகப்படுத்தவும் கூட்டத்தில் ஆலோசனை நடத்தினார்கள்.

ஜனவரி 16-ந் தேதி முதல் நாடு முழுவதும் தடுப்பூசி போடப்பட்டு வருகிறது. தமிழ்நாட்டில் 1 கோடியே 30 லட்சம் பேருக்கு தடுப்பூசி போட இலக்கு நிர்ணயித்திருந்தனர். ஆனால் நேற்று வரை 37 லட்சத்து 80 ஆயிரம் பேருக்கு தடுப்பூசி போடப்பட்டுள்ளது. இதற்காக 4,328 மையங்கள் அமைக்கப்பட்டுள்ளன.

ஆனாலும் தடுப்பூசி போட வருபவர்களின் எண்ணிக்கை குறைவாகவே இருக்கிறது. இதனால் மக்களிடம் மேலும் விழிப்புணர்வை ஏற்படுத்தி அதிகளவில் தடுப்பூசி போடுவது குறித்து இன்று விவாதிக்கப்பட்டது.

மேலும் தடுப்பூசி மையங்களை அதிகப்படுத்துவது குறித்தும் ஆலோசனை நடத்தினார்கள். போதிய தடுப்பூசி மருந்து உள்ளதா? கூடுதல் மருந்து வரவழைக்க அடுத்தகட்டமாக செய்ய வேண்டிய பணிகள் தொடர்பாகவும் விவாதித்தனர்.

மேலும் தடுப்பு நடவடிக்கைகளை இன்னும் விரிவுபடுத்துவது பற்றியும் ஆலோசிக்கப்பட்டது. கொரோனா பரிசோதனையை அதிகப்படுத்துவது, ஆஸ்பத்திரிகளில் படுக்கைகளை அதிகப்படுத்துவது, கொரோனா சிகிச்சை மையங்களை தயாராக வைத்து இருப் பது, உரிய மருத்துவ ஊழியர்களை தயார் படுத்துவது போன்றவை பற்றியும் விவாதிக்கப்பட்டது.

தற்போது 46 ஆயிரத்து 955 பேர் தமிழ்நாட்டில் சிகிச்சையில் இருக்கிறார்கள். இனியும் நோயாளிகள் அதிகமாக வரும் போது அவர்களுக்கு சிகிச்சை அளிக்க படுக்கைகள் போதாது. எனவே எத்தனை படுக்கைகளை அதிகப்படுத்த வேண்டும் என்பது குறித்தும் விவாதிக்கப்பட்டது.

தற்போது தமிழ்நாட்டில் 16 மாவட்டங்களில் தினசரி தொற்று 100-க்கும் அதிகமாக உள்ளது. அந்த மாவட்டத்தில் அதிக கவனம் செலுத்த முடிவு செய்யப்பட்டது.

சென்னை நகரை போல பாதிப்பு அதிகமுள்ள மற்ற மாவட்டங்களிலும் தேவையான சிகிச்சை வசதிகளை செய்வது, படுக்கைகளை அதிகப்படுத்துவது குறித்து ஆலோசனை மேற்கொண்டனர்.

இந்த கூட்டத்தில் எடுக்கப்பட்ட முடிவுகளின்படி அடுத்தகட்ட கட்டுப்பாடுகள் அறிவிக்கப்பட இருக்கின்றன. தற்போது தேர்தல் நடத்தை விதிமுறைகள் அமலில் இருப்பதால், அரசு தன்னிச்சையாக அறிவித்திட முடியாது. தேர்தல் கமி‌ஷனிடம் அனுமதிபெற்று பின்னர் அறிவிக்கப்படும்.

கல்வி கடன் கிடைக்காததால் உயிரை மாய்த்துக்கொண்ட இளம் கல்லூரி மாணவி!

Quick Share

கல்வி கடன் கிடைக்காத விரக்தியில் இளம் கல்லூரி மாணவி ஒருவர் தூக்குபோட்டு தற்கொலை செய்து கொண்ட சம்பவம் பெரும் சோகத்தை ஏற்படுத்தியுள்ளது. தமிழகத்தில் மதுரை மாவட்டம் தெப்பக்குளம் தேவிநகரை சேர்ந்தவர்கள் காசிராஜன் – செல்வராணி தம்பதி. இவர்களது மகள் தாரணி (19). சில காரணங்களால் காசிராஜன் தனது மனைவி மற்றும் மகளை பிரிந்து சென்றுவிட்டதாக கூறப்படுகிறது.

இந்நிலையில் தனி ஆளாக கஷ்டப்பட்டு தனது மகளை கல்லூரியில் சேர்த்து படிக்க வைத்துள்ளார் செல்வராணி.

சென்னையில் உள்ள தனியார் கல்லூரி ஒன்றில் அழகுக்கலை தொடர்பான படிப்பு படித்து வந்த தாரணி கல்லூரி கட்டணமாக சுமார் ரூ.5 லட்சம் செலுத்த வேண்டியுள்ள நிலையில், தன்னால் இவ்வளவு பணம் கட்டமுடியாது என்று தாய் கூறியுள்ளார்.

இதனால் வங்கியில் கடன் வாங்க முயற்சி செய்த தாரணி, தனியார் ஏஜென்சி ஒன்றின் விளம்பரத்தினை பார்த்து அனுகியுள்ளார்.

பல்வேறு ஆவணங்கள் தயார் செய்வதற்கும், கல்விக்கடன் வாங்கித் தருவதற்கும் குறித்த ஏஜென்ஸி தாரணியிடம், பல்வேறு தவணைகளில் 1 லட்சத்து 27 ஆயிரம் ரூபாய் பணம் வாங்கியுள்ளனர்.

பின்பு கல்விக்கடன் கிடைக்காத காரணத்தினால், ஏஜென்ஸியிடம் தான் கொடுத்த பணத்தினை கேட்டுள்ளார். ஆனால் அவர்கள் தர மறுக்கவே, இதனால் மனமுடைந்த மாணவி வீட்டில் யாரும் இல்லாத நேரத்தில் தூக்கிட்டு தற்கொலை செய்து கொண்டுள்ளார்.

தற்போது பொலிசார் இது குறித்து வழக்கு பதிவுசெய்து விசாரணை மேற்கொண்டு வருகின்றனர்.

“தினமும் 2 லட்சம் தடுப்பூசி போட இலக்கு” – தமிழக சுகாதாரத்துறை!

Quick Share

தமிழகத்தில் வரும் 14-ம் தேதி முதல் 16-ம் தேதி வரை தடுப்பூசி திருவிழா நடைபெறவுள்ள நிலையில், நாள் ஒன்றுக்கு தினமும் 2 லட்சம் கொரோனா தடுப்பூசி போட இலக்கை சுகாதாரத்துறை நிர்ணயிக்கப்பட்டுள்ளது. இந்தியாவில் கொரோனா பரவலின் இரண்டாம் அலை தீவிரமடைந்து வருவதை தொடர்ந்து, நாள் ஒன்றுக்கு 1.50 லட்சம் பேர் கொரோனாவால் பாதிக்கப்பட்டு வருகின்றனர். கொரோனா பரவல் அதிகம் உள்ள மாநிலங்களில் கடும் கட்டுப்பாடுகள் விதிக்கப்பட்டுள்ளது. அதேசமயத்தில் தடுப்பூசி போடும் பணியையும் தீவிரப்படுத்தியுள்ளது.

அந்தவகையில், கொரோனா பரவலை கட்டுப்படுத்தும் நோக்கில் இந்தியா முழுவதும் இன்று முதல் 4 நாட்கள் கொரோனா தடுப்பூசி திருவிழா நடைபெறுகிறது. மேலும், தமிழகத்தில் 14-ம் தேதி முதல் 16-ம் தேதி வரை இந்த தடுப்பூசி திருவிழா நடைபெறவுள்ளது. தமிழகத்தில் கொரோனா தடுப்பூசி செலுத்தும் பணி, கடந்த ஜனவரி 16-ம் முதல் 600 மையங்களில் தடுப்பூசி போடும் பணி தொடங்கப்பட்டது.

1.39 கோடி பேருக்கு தடுப்பூசி செலுத்த இலக்கு நிர்ணயிக்கப்பட்டுள்ள நிலையில், 37.32 லட்சம் பேருக்கு மட்டுமே தடுப்பூசி போட்டுக்கொண்டனர். இந்நிலையில், இந்த தடுப்பூசி திருவிழாவின் பொது தமிழகத்தில் நாள் ஒன்றுக்கு தினமும் 2 லட்சம் கொரோனா தடுப்பூசி போட இலக்கை நிர்ணயித்துள்ளதாகவும், அதற்கான ஏற்பாடுகளும் தீவிரமாக நடந்துவருவதாக சுகாதாரத்துறை தெரிவித்துள்ளது.

மேலும், 45 வயதுக்கு மேற்பட்ட அனைவருக்கும் தடுப்பூசி போட்டுவிட வேண்டும் என்ற இலக்கின் அடிப்படையில், தடுப்புசி போடாதவர்களை வீடு வீடாக கண்டறிந்து அவர்களுக்கு தடுப்பூசி போட அரசு நடவடிக்கை மேற்கொண்டு வருகிறதாகவும், அந்தந்த மாட்டத்தில் தகுதி வாய்ந்த நபர்களுக்கு தடுப்பூசி போட அனைத்து நடவடிக்கைகளையும் அரசு எடுத்து வருகிறதாகவும் சுகாதாரத்துறை தெரிவித்துள்ளது.




You cannot copy content of this Website