மாவட்ட செய்திகள்

நண்பர்களுடன் வைகை ஆற்றில் குளிக்க சென்ற பள்ளி மாணவன்; சுழலில் சிக்கி உயிரிழந்த சோகம்!

Quick Share

சிவகங்கை மாவட்டம் திருப்புவனம் அருகே உள்ள டி. அதிகரை கிராமத்தைச் சேர்ந்த சரவணன் மகன் தீனதயாளன். இவர் தனியார் பள்ளியில் பன்னிரண்டாம் வகுப்பு படித்து வருகிறார். இவர் தனது நண்பர்களுடன் திருப்புவனம் அருகே உள்ள தட்டான்குளம் கிராமத்தின் அருகே செல்லும் வைகை ஆற்றில் தனது நண்பர்கள் ஒன்பது பேருடன் குளிக்க சென்றுள்ளார்.

தற்போது வைகை அணையில் இருந்து தண்ணீர் திறக்கப்பட்டு தண்ணீர் கரையின் இருபுறமும் ஆர்ப்பரித்து சென்று கொண்டிருக்கிறது. அந்த ஒன்பது பேர்களில் தீனதயாளன், இவரின் நண்பர்கள் இரண்டு பேர் உட்ப 3 பேரூர் மட்டும் ஆழமான பகுதிக்கு குளிக்க சென்றுள்ளனர்.

இதில் 3 பேர் சுழலில் சிக்கி மூவரையும் இழுத்து சென்றுள்ளது. சக மாணவர்கள் சத்தம் போடவே அங்கு மீன்பிடித்துக் கொண்டிருந்த நபர்கள் தீனதாயளுடன் சென்ற இருவரை காப்பாற்றி உள்ளார்கள். தீனதயாளனை காப்பாற்ற முடியாதால் அவர் தண்ணீரில் அடித்து செல்லப்பட்டுள்ளார். தகவல் அறிந்து சம்பவ இடத்திற்கு வந்த தீயணைப்பு படையினர் தீனதயாளின் உடலை தேடி வருகின்றனர். இச்சம்பவம் இப்பகுதியில் பரபரப்பை ஏற்படுத்தி உள்ளது. மேலும் குளிக்கச் சென்ற பள்ளி மாணவன் மாயமானது அப்பகுதியில் ஆழ்ந்த சோகத்தை ஏற்படுத்தி உள்ளது

மனைவியின் 300 சவரன் நகையை திருடி இளம்பெண்ணுக்கு கார் பரிசளித்த கணவன்!

Quick Share

சென்னை அருகே சொந்த வீட்டிலேயே 550 சவரன் நகை திருடியவரை இளம்பெண்ணுடன் போலீசார் கைது செய்தனர்.

பூந்தமல்லி முத்துநகரை சேர்ந்தவர் சேகர்(40) இவரது தம்பி ராஜேஸ்(37) இவர்கள் இருவருக்கும் திருமணமாகி விட்டது. இவர்களது தாயாருடன் ஒரே வீட்டில் கூட்டுக்குடும்பமாக வசித்து வருகின்றனர். இவர்களுக்கு பூந்தமல்லி பேருந்து நிலையம் அருகே ஸ்விட் கடை உள்ளது. மேலும் பைனான்ஸ் தொழில் செய்து வருகின்றனர். 

கடந்த 2 ஆண்டுகளுக்கு முன்பு சேகரின் மனைவி பிரிந்து சென்று விட்டதாகக் கூறப்படுகிறது. இந்த நிலையில் சில நாட்களுக்கு முன்பு அவர் திரும்பி வந்த அவர் பீரோவில் வைத்துச் சென்ற 300 சவரன் நகையை பார்த்த போது அது மாயமாகியிருந்தது. 

இதனைத் தொடர்ந்து மேலும் ராஜேஷ் தனது சோதனை செய்த போது தனது மனைவி மற்றும் அம்மாவின் சுமார் 200 சவரன் நகையும், 5 தங்க கட்டிகளும் மாயமாகி இருப்பது தெரியவந்தது. இதனையெடுத்து இச்சம்பவம் குறித்து ராஜேஷ் பூந்தமல்லி காவல் நிலையத்தில் புகார் அளித்தார். புகாரின் அடிப்படையில் போலீசார் வழக்குப் பதிவு செய்து விசாரணை மேற்கொண்டனர்.

விசாரணையில் அண்ணன் சேகர் 550 சவரன் நகையை திருடி அவரது தோழியான இளம்பெண்ணிடம் கொடுத்திருப்பது தெரியவந்தது. இதன் அடிப்படையில் போலீசார் சேகரிடம் விசாரணை மேற்கொண்டதில் இவருக்கும் வேளச்சேரி கேசரிபுரம் மெயின்ரோட்டை சேர்ந்த இளம்பெண் ஸ்வாதி(22) என்பவருக்கும் பழக்கம் ஏற்பட்டுள்ளது. 

இவர்கள் இருவரும் போரூர் பகுதியில் உள்ள ஒரு ஹோட்டலில் அடிக்கடி சந்தித்துக் கொள்வார்களாம். மேலும் வீட்டிலிருந்த 550 சவரன் நகையையும் கொஞ்சம் கொஞ்சமாக தோழி ஸ்வாதியிடம் கொடுத்ததாகக் கூறப்படுகிறது. மேலும் ஸ்வாதிக்கு காரும் வாங்கிக் கொடுத்ததாகவும் கூறப்படுகிறது. 

இந்நிலையில் போலீசாரின் விசாரணையில் சொந்த வீட்டிலேயே 550 சவரன் நகையை திருடிய சேகர் மற்றும் அவரது தோழி ஸ்வாதியை பூந்தமல்லி போலீசார் கைது செய்து ஸ்வாதியிடமிருந்து கார் பறிமுதல் செய்தனர். மேலும் நகைகளை எங்கே வைத்துள்ளனர் என்பது குறித்தும் போலீசார் தொடர்ந்து விசாரித்து மேற்க்கொண்டு வருகின்றனர்

பாரிஸ் கார்னருக்கு வந்த சோதனை-256 கடைகளுக்கு சீல் ..ஆடிப் போன வியாபாரிகள்!

Quick Share

சென்னையில் வர்த்தக ரீதியாக மிகவும் புகழ்பெற்று விளங்கும் பகுதி பாரிஸ் கார்னர். இது பெருமாள் முதலி தெரு, ஆண்டர்சன் தெரு, மின்ட் தெரு உள்ளிட்ட 25 சிறிய வீதிகளை கொண்டிருக்கின்றன. ஒவ்வொரு தெருவிலும் ஒரு குறிப்பிட்ட பொருட்களை கொண்ட கடைகள் மட்டும் இருக்கும். அதாவது ஆடைகள், நகைகள், பாத்திரம், வாகன உதிரி பாகங்கள், ஸ்டேஷனரி, உணவு என அனைத்து விதமான பொருட்களும் கிடைக்கும்.

இவற்றை மொத்தமாகவும், சில்லறையாகவும் வாங்க முடியும். எந்நேரமும் கூட்டம் நிரம்பி காணப்படும் இப்பகுதி, ஆங்கிலேயர் ஆட்சிக் காலத்தில் உருவாக்கப்பட்ட மிகவும் பழமையான பகுதியாகும். இந்நிலையில் பாரிஸ் கார்னரில் உள்ள டிவிகள், டிவிடி பிளேயர்கள், திரைப்பட சிடிக்கள், ஸ்பீக்கர்கள், லைட்கள் உள்ளிட்டவற்றை விற்கும் 256 கடைகளுக்கு சீல் வைத்து சென்னை மாநகராட்சி அதிகாரிகள் அதிரடி நடவடிக்கை எடுத்துள்ளனர்.

256 கடைகளுக்கு சீல்

ஏனெனில் கடந்த 7 ஆண்டுகளுக்கு மேலாக வாடகை செலுத்தாமல் கடை நடத்தி வந்துள்ளனர். இதன்மூலம் மாநகராட்சிக்கு 58 லட்ச ரூபாய்க்கு மேல் வருவாய் இழப்பு ஏற்பட்டுள்ளது. சீல் வைக்கப்பட்ட கடைகள் அனைத்தும் நார்த் பீச் ரோட்டில் உள்ள பர்மா பஸார் எக்ஸ்டன்ஷனில் இருக்கின்றன. இதுபற்றி சென்னை மாநகராட்சி மண்டல அதிகாரி ஜி.தமிழ்செல்வன் கூறுகையில், பர்மா பஸார் எக்ஸ்டன்ஷனில் உள்ள 272 கடைகளில் 256 கடைகள் வாடகை செலுத்துவதே இல்லை.

வாடகை என்னாச்சு?

ஒவ்வொரு மாதமும் வெறும் 400 ரூபாய் மட்டும் வாடகையாக செலுத்த வேண்டும். அதைக் கூட அவர்கள் செலுத்தவில்லை. இவர்களுக்கு பலமுறை நோட்டீஸ் அனுப்பியும் விளக்கம் கேட்டோம். வாடகையை தவறாமல் செலுத்துமாறு அறிவுறுத்தினோம். ஆனால் அவர்கள் கண்டுகொள்ளவே இல்லை. இந்த சூழலில் கடைகள் சீல் வைக்கப்பட்ட சில மணி நேரங்களில் அதன் உரிமையாளர்கள் பலரும் வந்து DD-கள் மூலம் வாடகை பாக்கியை செலுத்த முன் வந்தனர்.

ஏன் இவ்வளவு லேட்?

மாநகராட்சிக்கு பணம் வந்து சேர்ந்த உடன், கடைகளை திறக்க அனுமதி அளிப்போம் என்றார். மேலும் பேசுகையில், பர்மா பஸார் பகுதியில் இருந்த ஏராளமான ஆக்கிரமிப்புகளும் அகற்றப்பட்டன எனக் கூறினார். அதேசமயம் சமூக ஆர்வலர் டேவிட் மனோகர் கூறுகையில், 7 ஆண்டுகளாக வாடகை செலுத்தவில்லை. ஏன் இவ்வளவு தாமதமாக தற்போது நடவடிக்கை எடுக்கிறார்கள்.

அதிகாரிகளுக்கு செக்

மாநகராட்சி அதிகாரிகளுக்கு தற்போது தான் தெரிந்ததா? குறிப்பிட்ட சில விஷயங்களுக்கு மட்டும் அதிகாரிகள் நடவடிக்கை எடுக்கின்றனர். ஒருவேளை அரசியல் அழுத்தம் கூட காரணமாக இருக்கலாம். இத்தனை ஆண்டுகள் வரி வசூலிக்காமல் இருந்த அதிகாரிகளை முதலில் விரட்டி அடிக்க வேண்டும். உரிய நேரத்தில் வரி வசூலிக்கப்பட்டால் உள்கட்டமைப்பு வசதிகளை சரியாக மேம்படுத்த முடியும்.

வங்கிகளில் செலுத்தினால் போதிய வட்டியும் கிடைக்கும் என்று அறிவுறுத்தினார். இதற்கிடையில் எழும்பூரில் உள்ள பாந்தியோன் லேன் பகுதியில் நீதிமன்றம் உத்தரவு இருந்தும் ஆக்கிரமிப்புகள் அகற்றப்படவில்லை எனக் குற்றச்சாட்டு எழுந்துள்ளது. எனவே சென்னை மாநகராட்சி அதிகாரிகள் ஒருதலைபட்சமாக செயல்படுகிறார்களா? என்ற கேள்வி முன்வைக்கப்படுகிறது.

கூகுள் மேப்பைப் பார்த்து காரை ஓட்டி மருத்துவர் ..குடும்பத்துடன் பள்ளத்தில் விழுந்த சோகம்!!

Quick Share

கூகுள் மேப்பைப் பார்த்து காரை ஓட்டி நிலையில், கார் பள்ளத்திற்குள் கவிழ்ந்ததில், மருத்துவரும் அவரது குடும்பத்தினரும் அதிர்ஷ்டவசமாக உயிர் தப்பினர். 

கூகுள் மேப்பை பார்த்து, ​​பெண் மருத்துவர் தனது குழந்தை மற்றும் தாயுடன் சென்ற கார் பள்ளத்தாக்கில் கவிழ்ந்தது. தண்ணீர் நிரம்பிய ஓடையில் மிதந்து கொண்டிருந்த காரில் இருந்து குடும்பத்தினர் அதிர்ஷ்டவசமாக தப்பினர். இந்த விபத்தில் திருவல்லாவை சேர்ந்த மருத்துவர் சோனியா, அவரது மூன்று மாத குழந்தை, தாய் மற்றும் காரை ஓட்டி வந்த உறவினர் ஆகியோர் விபத்தில் சிக்கினர். 

கூகுள் மேப்பை பார்த்து வழி தவறி விபத்து ஏற்பட்டதாக தெரிவிக்கப்படுகிறது. இச்சம்பவம் வியாழக்கிழமை இரவு 11 மணியளவில் நாடகம் பாரேச்சல் புறவழிச்சாலையில் நடந்துள்ளது. மருத்துவரும் அவரது குடும்பத்தினரும் எர்ணாகுளத்தில் இருந்து திருவல்லாவுக்கு திரும்பிக் கொண்டிருந்தனர். கூகுள் மேப்பைப் பார்த்துக்கொண்டே காரை ஓட்டிக்கொண்டிருந்தனர். இதனிடையே வழி தவறி பாரேச்சல் பைபாஸ் அருகே வந்தபோது கார் அருகில் இருந்த ஓடையில் கவிழ்ந்தது. 

சத்தம் கேட்டு அக்கம் பக்கத்தினர் ஓடி வந்து காருக்குள் இருந்த 4 பேரையும் மீட்டனர். கோட்டயம் மேற்கு காவல் நிலையத்தைச் சேர்ந்த மனு மார்கோஸ் தலைமையிலான போலீசார் மற்றும் தீயணைப்புப் படையினர் சம்பவ இடத்துக்கு வந்து மீட்டனர். இந்த விபத்தில் யாருக்கும் காயம் ஏற்படவில்லை.

ஆண் நண்பர் பேசாததால் இளம்பெண் தூக்கிட்டு தற்கொலை!!

Quick Share

சென்னை அடுத்து வளசரவாக்கம், பழனியப்பா நகர் பகுதியைச் சேர்ந்தவர் ராமகிருஷ்ணராவ். இவரது மகள் அரிதா ராஜேஸ்வரி (25), பட்டப்படிப்பு முடித்த இவர் வீட்டில் மாணவர்களுக்கு டியூஷன் எடுத்து வருகிறார். இந்நிலையில் இவர் தனது வீட்டில் நேற்று தூக்கிட்டு தற்கொலை செய்துகொண்டுள்ளார். 

இதனை தொடர்ந்து போலீசார் அரிதா ராஜேஷ்வரி உடலை கைப்பைற்றி விசாரணை நடத்தினர். இதில், அரிதா ராஜேஸ்வரி கோடம்பாக்கத்தைச் சேர்ந்த மதுமோகன் என்பவரிடம் நண்பராகப் பழகி வந்துள்ளார். இவர் கடந்த சில நாட்களாக அரிதா ராஜேஸ்வரியுடன் பேசுவதைத் தவிர்த்து வந்துள்ளார். இதனால் மன மிகுந்த மன உளைச்சலிலிருந்த அவர் தற்கொலை செய்து கொண்டது தெரியவந்துள்ளது. மேலும், தற்கொலைக்கு முன்பு அரிதா ராஜேஷ்வரி எழுதிய தற்கொலை கடிதமும் போலிஸாருக்கு கிடைத்துள்ளது.

கோவிலில் அம்மனுக்கு காய்ச்சிய கொதிக்கும் கூழில் தவறி விழுந்த பக்தர் பலி!

Quick Share

அம்மனுக்கு காய்ச்சிய கொதிக்கும் கூழில் தவறி விழுந்து பக்தர் பலியானார். இதுகுறித்த சிசிடிவி காட்சிகள் வெளியாகி உள்ளது. 

மதுரை பழங்காநத்தம் பகுதியில் முத்துமாரியம்மன் கோவிலில் ஆடி வெள்ளியை முன்னிட்டு அம்மனுக்கு கூழ் காய்ச்சியபோது கொதிக்கும் கூழில் பக்தர் ஒருவர் தவறி விழும் சிசிடிவி காட்சிகள் வெளியாகி உள்ளது. 

இந்த கோவிலில் கடந்த வெள்ளியன்று பக்தர்கள் அன்பளிப்பாக வழங்கிய பொருட்களை வைத்து அம்மனுக்கு கூழ் காய்ச்சும் பணி நடைபெற்றது. அப்போது முத்துக்குமார் என்கின்ற முருகனுக்கு எதிர்பாராதவிதமாக வலிப்பு வந்ததால் நிலைதடுமாறி கொதிக்கும் கூழ் அண்டாவில் விழுந்தார். 

அங்கிருந்தவர்கள் அவரை மீட்டு மருத்துவமனையில் சேர்த்தனர். 65 சதவீதத்திற்கு மேல் தீக்காயம் இருந்ததால் அவர் சிகிச்சை பலனின்றி உயிரிழந்தார்

மார்பில் பச்சை குத்த கூறிய வினோத காதலன்.. காதலி செய்த செயல்!

Quick Share

கன்னியாகுமரி மாவட்டம் மார்த்தாண்டம் பகுதியைச் சேர்ந்த 28- வயதுடைய வாலிபர் ஒருவர் பூ வியாபாரம் செய்து வருகிறார். இந்நிலையில் பக்கத்து ஊரைச் சேர்ந்த பெண்ணொருவர் மார்த்தாண்டம் பகுதியில் உள்ள ஒரு கல்லூரியில் பி.எஸ். சி இரண்டாம் ஆண்டு படித்து வருகிறார். 

அவ் வழியாக சென்ற கல்லூரி மாணவிக்கும் வாலிபருக்கும் காதல் ஏற்பட்டுள்ளது. இதில் இருவருக்கும் காதலிக்க தொடங்கியுள்ளனர், வாலிபர் மாணவியை கண்மூடித்தனமாக காதலிக்க தொடங்கி உள்ளார். மாணவி எங்கு சென்றாலும் பின்தொடர்வது, மேலும் நான் உயிர் வாழ்வதே உனக்காக தான் என பல்வேறு வசனங்களை பேசி உள்ளார்.

ஒரு கட்டத்தில், மாணவி தன்னை உண்மையாக காதலிக்கிறாரா? என தெரிந்து கொள்ள விரும்பிய வாலிபர், மாணவியின் மார்பில் தன்னுடைய பெயரை பச்சை குத்த வற்புறுத்தியுள்ளார். வாலிபரின் காதல் லீலை அத்துமீறி செல்வதை பார்த்த மாணவி பயந்து அரண்டு போய் உள்ளார். இது குறித்து மாணவி தனது வீட்டில் கூறியுள்ளார். அதை கேட்டு அதிர்ச்சி அடைந்த அவரது தந்தை மார்த்தாண்டம் காவல் நிலையத்தில் புகார் தெரிவித்துள்ளார். 

இதனால் உஷாரான போலீசார் வாலிபரை அலேக்காக தூக்கி காவல் நிலையத்திற்கு கொண்டு வந்தனர். வாலிபரிடம் விசாரித்தபோது, தான் மாணவியை காதலிப்பதாகவும் அவள் தனக்கு வேண்டும் எனவும் கூறிவருகிறார். இதனால் அதிர்ச்சி அடைந்த போலீசார் தொடர்ந்து விசாரணை நடத்தி வருகின்றனர்

ஏ.சி. வெடித்ததால் உயிரிழந்த மகன் !!கதறும் குடும்பம்

Quick Share

சென்னை திருவிக நகரில் உள்ள குமரன் நகர் காலனியை சேர்ந்தவர் பிரபாகர். இவரது மகன் ஷியாம் வீட்டில் உள்ள ஒரு அறையில் உறங்கிக் கொண்டிந்தார்.

அங்கிருந்த ஏ.சி.இயங்கியதால் அந்த அறை உள்பக்கமாக பூட்டப்பட்டிருந்தது. இரவு நேரத்தில் அறையில் இருந்து புகை வெளிவந்ததை கண்ட தந்தை பிரபாகர், அதை உடைத்து பார்த்தபோது தீக் காயங்களுடன் மகன் ஷியாம் அலறியதை கண்டு அதிர்ச்சி அடைந்ததுடன், உடனடியாக தண்ணீரை ஊற்றி காப்பாற்ற முயற்சித்துள்ளார். 

அதற்குள் ஷியாம் படுக்கையில் கருகி நிலையில் உயிரிழந்துள்ளார். அந்த அறையில் இயங்கிக் கொண்டிருந்த ஏ.சி.வெடித்ததால் தீ விபத்து ஏற்பட்டதாக கூறப்படுகிறது. 

இது குறித்து வழக்குப் பதிவு செய்த போலீசார் ஏ.சி.வெடிப்புக்கு மின்கசிவு காரணமா என்பது குறித்து விசாரணை மேற்கொண்டு வருகின்றனர். நேற்றிரவு நிகழ்ந்த இந்த சம்பவம் அப்பகுதி மக்களிடையே சோகத்தை ஏற்படுத்தி உள்ளது

இட பிரச்சினை -பட்டப்பகலில் தங்கை மற்றும் கணவரை ஓட ஓட விரட்டி சென்று கத்தியால் வெட்டிய ...

Quick Share

விழுப்புரம் மாவட்டம் ஆயந்தூரில் உணவகம் வைத்து நடத்தி வருபவர் அரிகிருஷ்ணன். இவருக்கும் அவரது சகோதரியான ராஜ சுலோச்சனா என்பவருக்கும் சொத்து தொடர்பாக பிரச்சனை இருந்து வந்துள்ளது. இந்நிலையில் நேற்று அரிகிருஷ்ணனின் நிலத்திற்கு அருகே மண் எடுக்கப்பட்டது தொடர்பாக ராஜசுலோச்சானாவின் கணவர் அய்யனாருக்கும் அரிக்கிருஷ்ணனுக்கும் தகராறு ஏற்பட்டுள்ளது. இதில் அரிக்கிருஷ்ணன் தங்கை கனவரான அய்யனாரை தாக்கியுள்ளார்.

இதுக்குறித்து ராஜசுலோச்சனா மற்றும் அவரது மகன் குமார் அகியோர் அரிக்கிருஷ்ணனின் உணவகத்திற்கு சென்று நியாயம் கேட்டுள்ளனர். இதில் ஆத்திரமடைந்த அரிக்கிருஷ்ணன் மீண்டும் அய்யனார் மற்றும் ராஜசுலோச்சனா அகியோர் மீது தாக்குதல் நடத்தியுள்ளார். மேலும் உணவகத்தில் வைத்திருந்த பட்டா கத்தியை கொண்டு தம்பதியை ஓட ஓட விரட்டி வெட்டியுள்ளார். 

உடனடியாக அவர்களை மீட்ட மக்கள் சிகிச்சைக்காக முண்டியம்பாக்கம் அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு தீவிர சிகிச்சை பிரிவில் அனுமதிக்கப்பட்ட கணவன் மனைவிக்கு இருவருக்கும் சிகிச்சை அளிக்கப்பட்டு வருகிறது. இந்நிலையில் பட்ட பகலில் தங்கை மற்றும் தங்கையின் கனவரை பலரது முன்னிலையில் கத்தியால் வெட்டும் வீடியோ காட்சி தற்போது வெளியாகி பரப்பரப்பை ஏற்ப்படுத்தியுள்ளது.

இதுகுறித்து வழக்கு பதிவு செய்துள்ள காணை காவல்துறையினர் சகோதரி மற்றும் அவரது கணவரை கத்தியால் வெட்டிய அரிகிருஷ்ணன் என்பவரை கைது செய்து விசாரணை மேற்ம்கொண்டு வருகின்றனர்.

விழுப்புரம் – திருக்கோவிலூர் நெடுஞ்சாலையில் பட்டப்பகலில் தம்பதியை ஓட ஓட விரட்டி சென்று கத்தியால் வெட்டிய சம்பவம் பொது மக்களிடையே அச்சத்தை ஏற்ப்படுத்தியுள்ளது.

பிஞ்சு குழந்தையுடன் மண்ணெண்ணையை ஊற்றி தீ வைத்து தற்கொலை செய்து கொண்ட பெண்.. அதிர்ச்சி ச...

Quick Share

தேனி மாவட்டம் போடிநாயக்கனூர் ஒன்றியத்திற்குட்பட்டது மேல சொக்கநாதபுரம் பேரூராட்சி. இங்கு தெற்கு ராஜ வீதியில் கூலி தொழிலாளி நல்லுசாமி என்பவர் வசித்து வருகிறார். திருமணம் ஆகி இவருக்கு முத்துலட்சுமி (26) என்ற மனைவியும், 8 வயதில் பெண் குழந்தையும் இருந்தனர். நல்லுசாமி மனைவி, குழந்தையுடன் தனது தாய், தந்தை மற்றும் சகோதரரும் வீட்டில் ஒன்றாக வசித்து வந்தார். நல்லுசாமி

இந்த நிலையில், இன்று காலை சுமார் 9 மணியளவில் நல்லுச்சாமியின் மனைவி முத்துலட்சுமி தனது உடலில் மண்ணெண்ணையை ஊற்றி தீ வைத்துக் கொண்டு அருகில் இருந்த தனது எட்டு வயது பெண் குழந்தையையும் கட்டிப்பிடித்துக் கொண்டார்.

இதனால் இருவரும் தீப்பற்றி எரிந்த நிலையில் இருவரது அலறல் சத்தம் கேட்டு அக்கம் பக்கத்தில் உள்ளவர்கள் உள்ளே சென்று பார்த்த போது இருவரும் முற்றிலும் எரிந்து உடல் கருகிய நிலையில் உயிருக்கு போராடிக் கொண்டிருந்தனர்.

உடனடியாக ஆம்புலன்ஸ் வரவழைக்கப்பட்டு இருவரும் போடி அரசு மருத்துவமனைக்கு கொண்டு செல்லப்பட்டனர். அங்கிருந்து இருவரும் தேனி அரசு மருத்துவ கல்லூரி மருத்துவமனைக்கு தீவிர சிகிச்சைக்காக கொண்டு செல்லப்பட்டனர். அங்கு இருவரும் சிகிச்சை பலனின்றி பரிதாபமாக உயிரிழந்தனர்.

இந்த சம்பவம் குறித்து போடி தாலுகா இன்ஸ்பெக்டர் ரமேஷ் குமார் தலைமையில் விசாரணை நடத்தி வருகின்றனர். மகள் மரணத்தில் மர்மம் உள்ளதாக முத்துலட்சுமியின் வீட்டார் புகார் கொடுத்துள்ள நிலையில், காவல்துறையினர் பல்வேறு கோணத்தில் விசாரணையை தீவிரப்படுத்தி உள்ளனர்.

இரட்டை குழந்தைகளை சுமந்த கர்ப்பிணிக்கு நடந்த விபரீதம்..!

Quick Share

திருப்பத்தூர் மாவட்டம் வாணியம்பாடி காமராஜ்புரம் பகுதியை சேர்ந்தவர் மதன் குமார். கூலி தொழிலாளி. இவரது மனைவி சங்கரி (வயது 20) நிறைமாத கர்ப்பிணியாக இருந்தார். இவருடைய வயிற்றில் இரட்டைக் குழந்தைகள் உருவாகியிருந்தன. 

இன்று அதிகாலை அவருக்கு பிரசவ வலி ஏற்பட்டது. காலை 5.20 மணிக்கு பிரசவத்திற்காக வாணியம்பாடி அரசு ஆஸ்பத்திரியில் சேர்த்தனர். பிரசவ சிகிச்சையின் போது குழந்தைகள் பிறப்பதற்கு முன்பே சங்கரி இறந்தார். இந்நிலையில் சங்கரியின் உறவினர்கள் அரசு மருத்துவமனை வளாகத்தில் ஒன்றுகூடி போராட்டத்தில் ஈடுபட்டனர்.

மகப்பேறு டாக்டர்கள் இல்லாமல் பணியில் இருந்த நர்சுகள் மட்டுமே பிரசவம் பார்த்தனர். இதனால்தான் சங்கரி இறந்து விட்டார் எனக்கூறி ஆஸ்பத்திரியை முற்றுகையிட்டனர். 

சம்பவ இடத்திற்கு வாணியம்பாடி டவுன் போலீசார் விரைந்து வந்தனர். அவர்கள் போராட்டத்தில் ஈடுபட்ட உறவினர்களிடம் பேச்சுவார்த்தை நடத்தினர். இதனால் ஆஸ்பத்திரி வளாகத்தில் பரபரப்பு ஏற்பட்டது. கர்ப்பிணி இறந்த சம்பவம் குறித்து சுகாதாரத்துறை அதிகாரிகள் விசாரணை நடத்தி வருகின்றனர்

அடித்து உதைக்கும் ஸ்விக்கி டெலிவரி பாய்ஸ்.. பெரும்பாக்கத்தில் ஸ்விக்கிக்கு தடை.. வைரலாக...

Quick Share

சென்னையை அடுத்த பெரும்பாக்கத்தில் உள்ள தனியார் அடுக்குமாடி குடியிருப்பு வளாகத்தில் 503 குடியிருப்புகள் உள்ளது. இங்கு ஸ்விக்கி ஆன்லைன் உணவு டெலிவரி பாய் நேற்று முந்தினம் மாலை 4 மணிக்கு உணவு டெலிவரிக்காக சென்றுள்ளார். 

இந்நிலையில் அடுக்குமாடி குடியிருப்பில் உள்ள லிப்ட் மூலம் உணவு டெலிவரி பாய் சென்றுள்ளார். அப்பொழுது லிப்ட் சரிவர இயங்காமல் கோளாறு ஆனதால் லிப்டில் உள்ள எமர்ஜன்சியை அழுத்தியதாக கூறப்படுகிறது. வெளியில் இருந்த அடுக்குமாடி குடியிருப்பு காவலாளி ஒடிசாவை சேர்ந்த 33 வயதான பிரதீப்குமார் ராவத், லிப்ட்டை சீக்கிரம் திறக்கவில்லை என ஸ்விகி பாய் வாக்குவாதத்தில் ஈடுபட்டுள்ளார்

பின்னர் அங்கிருந்து சென்ற டெலிவரி பாய் பெரும்பாக்கம் எட்டு அடுக்குமாடி குடியிருப்பு பகுதியை சேர்ந்த சரத்குமார் என்ற ஸ்விகி டெலிவரி பாய், அவரது நண்பர்கள் மூவரை சம்பவ இடத்திற்கு அழைத்து வந்து காவலாளியை தாக்கியுள்ளனர். 

அடுக்குமாடி குடியிருப்பு காவராளியை ஸ்விகி டெலிவரி பாய் மற்றும் அவரது நண்பர்கள் தாக்கும் காட்சி அங்கு பாதுகாப்பிற்காக பொறுத்தியிருந்த சிசிடிவி கேமராவில் பதிவாகி உள்ளது. இந்த நிலையில் உணவி டெலிவரி செய்யும் இளைஞர்கள் தனியார் அடுக்குமாடி குடியிருப்பு காவலாளியை நண்பர்களுடன் தாக்கும் அந்த சிசிடிவி காட்சி சமூக வலைதளங்களில் வைரலாகி வருகிறது.

இதுகுறித்து பெரும்பாக்கம் காவல் நிலையத்தில் புகார் அளிக்கப்பட்டுள்ளது. முதற்கட்டமாக சி.எஸ்.ஆர் பதிவு செய்த போலீசார் விசாரணை மேற்கொண்டு வருகின்றனர். ஸ்விகி டெலிவரி பாய் குடியிருப்பு காவலாளியை நண்பர்களுடன் தாக்கியதால் இன்று முழுவதும் அந்த குடியிருப்பு பகுதியில் ஸ்விகி டெலிவரி செய்ய அனுமதி மறுக்கப்பட்டுள்ளது குறிப்பிடத்தக்கது.




You cannot copy content of this Website