இந்திய பிரதமர் நரேந்திர மோடி நேர்காணல் ஒன்றில் தன்னை பூமிக்கு அனுப்பியது கடவுள் தான் என்று கூறியுள்ளார்.

தொலைக்காட்சி ஒன்றுக்கு நேர்காணல் அளித்துள்ள இந்திய பிரதமர் நரேந்திர மோடி பல்வேறு விடயங்களை கூறியுள்ளார். 

அவர் தனது நேர்காணலில், ”என் தாயார் உயிரோடு இருக்கும்வரை, இந்த உலகிற்கு என் தாய் மூலம் தான் வந்தேன் என நம்பிக்கொண்டிருந்தேன். ஆனால், என் தாயாரின் மரணத்திற்கு, நான் பலவற்றை சிந்தித்துப் பார்த்தேன். 

இப்போது நான் அதை ஏற்றுக்கொள்ளவும் செய்கிறேன். சிலர் இதற்கு எதிராக பேசலாம். ஆனால், நான் இதை முழுமனதாக நம்புகிறேன். என்னை இந்த உலகிற்கு அனுப்பியது பரமாத்மாதான். 

உயிரியல் ரீதியாக நான் பிறந்திருக்க வாய்ப்பில்லை. ஏதோவொரு விடயத்தை நடத்தியே ஆக வேண்டும் என்பதற்காக, கடவுள் என்னை இந்த பூமிக்கு அனுப்பியிருக்கிறார்” என தெரிவித்துள்ளார்.