ஒரு குழந்தையை பராமரிப்பது என்பது அவ்வளவு எளிதான விஷயம் கிடையாது. அதற்காக ஏகப்பட்ட மெனக்கெடல்களை பெற்றோர்கள் செய்ய வேண்டியிருக்கும். அவர்களுக்கு உடல் நல சரியில்லை என்றாலோ அல்லது எதாவது அறிகுறிகள் தென்பட்டாலோ உடனே கவனிக்க வேண்டியிருக்கும். ஆனால் பெற்றோர்கள் பல சமயங்களில் குழந்தைகளின் உடல் அறிகுறிகளை கவனிக்க மறந்து விடுகின்றனர். கனடாவில் மேற்கொள்ளப்பட்ட ஒரு ஆராய்ச்சியில் சிறுநீர் துர்நாற்றம் வீசும் குழந்தைகளுக்கு சிறுநீர் பாதை நோய்த்தொற்று இருப்பதை கண்டறிந்துள்ளனர்.

எனவே குழந்தைகளின் சிறுநீர் துர்நாற்றம் வீசுவதற்கு என்ன காரணம் என்பதை கண்டறிந்து அறிகுறிகள் தீவிரமாவதற்குள் மருத்துவரை அணுகி சிகிச்சை பெறுவது அவசியம். 

பாக்டீரியாக்கள் சிறுநீர் பாதையில் நுழையும் போது சிறுநீர் பாதை நோய்த்தொற்றுகள் ஏற்படுகிறது. இந்த தொற்றால் தான் சிறுநீரில் துர்நாற்றம் என்பது வீசுகிறது. இந்த சிறுநீர் பாதை நோய்த்தொற்றானது ஆண்களை விட பெண்களை அதிகளவில் பாதிக்கிறது.

குழந்தைகளிடையே சிறுநீரக பாதை நோய்த்தொற்று ஏற்பட்டால் காய்ச்சல், வாந்தி மற்றும் எரிச்சல் போன்ற அறிகுறிகளும் தென்படுகிறது.

​உணவுப் பழக்கம்

குழந்தைகள் இணை உணவுகளை எடுத்துக் கொள்ளும் போது அந்ஹ உணவைப் பொருத்தும் சிறுநீரில் துர்நாற்றம் என்பது வீசலாம். குழந்தைகள் காய்கறிகள், அஸ்பாரகஸ், வெங்காயம் மற்றும் பூண்டு போன்ற மூலிகைகளை சாப்பிடுவது குழந்தையின் சிறுநீர் வாசனையை மாற்றுகிறது. 

குழந்தையின் சிறுநீரின் நிறம் தெளிவாக இல்லை என்றால் அவர்கள் என்ன சாப்பிடுகிறார்கள் என்பதில் கவனமாக இருக்க வேண்டும். 

​தண்ணீரின் தேவை

பெரும்பாலும் பிறந்த குழந்தைகளுக்கு அவர்களின் தண்ணீரின் தேவை தாய்ப்பாலின் மூலம் பூர்த்தி ஆகிறது. எனவே சில குழந்தைகளுக்கு நீரிழப்பு ஏற்பட்டால் அதனால் சிறுநீரில் துர்நாற்றம் வீசலாம். எனவே தாய்ப்பால் சுரப்பு குறைவாக இருந்தால் குழந்தையின் தண்ணீர் தேவையை பூர்த்தி செய்ய வேறொரு முறையை பின்பற்ற முயலலாம். 

​குழந்தையின் சிறுநீரில் அம்மோனியா வாசனை ஏன் ஏற்படுகிறது

சில நேரங்களில் குழந்தையின் சிறுநீரில் வலுவான அம்மோனியா வாசனை இருக்க வாய்ப்பு உள்ளது. இது கடுமையான துர்நாற்றத்தை ஏற்படுத்துகிறது.

குழந்தை எழுந்ததும் அதிகாலையில் சிறுநீர் கழிக்கும் போதோ அல்லது குழந்தை நீரிழப்புடன் இருந்தாலோ இது ஏற்படலாம். எனவே குழந்தையின் நீரிழப்பை சரி செய்ய முயற்சி செய்ய வேண்டும். 

​குழந்தையின் சிறுநீரில் மலம் போன்ற வாசனை வீசுதல்

சில குழந்தைகள் சிறுநீர் கழிக்கும் போது மலம் போன்ற வாசனை வீசும். இது சிறுநீரக பாதை நோய்த்தொற்றின் அறிகுறிகளாக இருக்கலாம். 

சில நேரங்களில், ஆசனவாயில் இருந்து பாக்டீரியா உங்கள் குழந்தையின் சிறுநீர் பாதையில் நுழைந்து, தொற்றுக்கு வழிவகுக்கும். எனவே பிறப்புறுப்பு பகுதி மற்றும் மலவாய் பகுதியை நன்றாக சுத்தம் செய்வது அவசியம். 

​குழந்தையின் சிறுநீர் ஏன் வினிகரைப் போல் வாசனை வீசுகிறது

குழந்தையின் சிறுநீர் வினிகரைப் போல் வாசனை வீசுவதற்கும் சிறுநீர் பாதை நோய்த்தொற்று தான் முக்கிய காரணமாக அமைகிறது. இந்த வினிகர் வாசனை குழந்தைகளுக்கு சளித் தொல்லை இருப்பதை காட்டுகிறது.

குழந்தை ஏற்கனவே நோய்வாய்ப்பட்டிருக்கும் சமயத்தில் இந்த வினிகர் வாசனை ஏற்படலாம். இது அமில ரிஃப்ளக்ஸ் காரணமாகவும் ஏற்படலாம். குழந்தையின் உடலால் லாக்டோஸின் அளவைத் தக்கவைக்க போதுமான லாக்டோஸை உற்பத்தி செய்ய முடியாவிட்டால் சிறுநீர் துர்நாற்றத்திற்கு வழி வகுக்கும். 

​குழந்தையின் சிறுநீர் துர்நாற்றத்திற்கான அறிகுறிகள்

சிறுநீர் பாதை நோய்த்தொற்றுகள்

ஆரோக்கியமற்ற உணவு முறை 

நீரேற்றம் இல்லாமல் இருத்தல்

பாக்டீரியா தொற்று 

போன்ற அறிகுறிகள் காரணமாகிறது. 

குழந்தையின் சிறுநீரில் இரத்தம், மலத்தில் இரத்தம், வாந்தி, காய்ச்சல் போன்ற அறிகுறிகள் தென்பட்டால் உடனே மருத்துவரை அணுகி சிகிச்சை பெறுங்கள்.